ابغي افضل استشاري لطفله جنيه

[توشيبا]

السلام عليكم

وين احصل افضل استشاري للاطفال

عندي طفله حركاتها زايده وعنيده ولا تخاف من اي غريب

حتى لو فيه حريقه وتحرقها ماتتحرك

ومعاد فيه حد يتحملها لا روضه ولا ام ولا ابو ولا اخ ولا اخت ولا جد ولا جده

[رهج السنابك]

بل اشهالبنت!!!

شوف طالعه على من اكيد البيت والبيئه تلعب دور

بعض الاطفال بعد يكون فيهم مرض فرط الحركة

[ضوى]

الاستقراطية حبيبتي اذكري الله

ماشاء الله و لا قوة الا بالله

الله يعينكم ياخوي ، الاستشارية يعتمد على عمرها ياخوي توشيبا

[شموخ-qtr]

ماشاء الله
انا خفت من عنوان الموضوع طفله جنيه !!

شوف الاستشاريين العامين ف حمد والله يصلحها ويهديها

[فريج النجادة]

مركز قطر للسمع والنطق

عندهم اخصائيين لتشخصي مثل هذة الحالات

تلفونهم 44118288

لهم فرعين 1- مدينة خليفة الجنوبية والثاني في بن عمران

قبل مدخل جمعية اليرموك

[حسن]

حركيه اكثر من اللزوم وتسبب مشاكل

ماادري هل عندنا ناس متخصصين في مثل هذه الامور

مااقدر اقولك الى تشوف شي متخصص للطفوله واسئل مركز الطفوله
ولا الطب النفسي

هم اللي بيفيدونك حسب علمي

[راجي الْعفو]

السلام عليكم

وين احصل افضل استشاري للاطفال

عندي طفله حركاتها زايده وعنيده ولا تخاف من اي غريب

حتى لو فيه حريقه وتحرقها ماتتحرك

ومعاد فيه حد يتحملها لا روضه ولا ام ولا ابو ولا اخ ولا اخت ولا جد ولا جده

وعليك و رحمة الله ..

ان شاء الله تلقى الاستشاري المناسب ..

بس اكسبوها عن طريق الاشيا اللي اهي تحبها : حلاوة - العاب - .. الخ

واستعملو اسلوب التهديد حتى لو ما نفذتوه في الواقع ..

والله يصلحها و يعينكم ..

[راشد محمد]

ما شاء الله هي عندها طاقه ولازم تفرغها ... شوف لها أنشطه تشارك فيها

[راشد محمد]

اقرأ عليها آيات السكينة ... دور في قوقل عنها

[عاشق العديد]

مشاء الله ..

ودام شي من الله .. خلوها لاطب نفسي ولا غيره |.

واحنا صغار كنا نفس شي ولكن عقب من الله هدينا وركدنا ..
الله يعينكم وتحملوها ..

[المحاميه]

ماشاء الله

لكن
مشكله!!


خلها تلعب ف مكان مثل الحديقه او تركض عالرمل لين تخلص طاقتها

[العلياا]

ما شاءالله عليها

اخوي هو غالبا يكون من البيئة اللي حواليها بمعنى
احنا ولدنا الله يحفظه نفس حالتها تقريبا عنيد ويكسر وما يهاب احد
ويوم لاحظنا متى يتصرف مثل هالتصرفات اكتشفنا انه لما يرجع من بيت خواله
هم طبعهم مزعجين ويتكلمون بصوت عالي واعيالهم حركيين ماشاءالله ف بس يرجع من عندهم يقعد يوم يومين عقب يهدأ

والله يصلحها

[توشيبا]

الاستقراطية حبيبتي اذكري الله

ماشاء الله و لا قوة الا بالله

الله يعينكم ياخوي ، الاستشارية يعتمد على عمرها ياخوي توشيبا

عمرها اربع سنوات

ذكيه تحفظ كم سوره من القرآن الكريم

اي اغنيه تسمعها تصدمنا اذا صارت تغنيها واخي تلعب بروحها نكون حافظه الاغنيه كامله


مشكلتنا في عنادها وحركيه وراعيه مشاكل

محد يتحمل اذيتها ولعبها

تقولي حطي الشي لو اهي اشيله قلاص ماي تصبه علي الارض وانتي تقولي حطيه لا ينكب

في مجمع او اي سوق تستهبل علي الناس ماتستحي او تخاف

مثل واحد يبيع في محل شعره طويل تناديه تعال وصل عندها قالت له انت بنات شعرك طويل قدام زباينه

ماعرف اشلون اوصف حالتها بس الوضع مب طبيعي

قلنا مافي الانمر علي استشاري اطفال

[توشيبا]

مركز قطر للسمع والنطق

عندهم اخصائيين لتشخصي مثل هذة الحالات

تلفونهم 44118288

لهم فرعين 1- مدينة خليفة الجنوبية والثاني في بن عمران

قبل مدخل جمعية اليرموك

ان شاء الله بتصل فيهم

تسلم اخوي


وكل من شارك في الموضوع يعطيه العافيه

[توشيبا]

ما شاءالله عليها

اخوي هو غالبا يكون من البيئة اللي حواليها بمعنى
احنا ولدنا الله يحفظه نفس حالتها تقريبا عنيد ويكسر وما يهاب احد
ويوم لاحظنا متى يتصرف مثل هالتصرفات اكتشفنا انه لما يرجع من بيت خواله
هم طبعهم مزعجين ويتكلمون بصوت عالي واعيالهم حركيين ماشاءالله ف بس يرجع من عندهم يقعد يوم يومين عقب يهدأ

والله يصلحها

عيالنا اكثر من عشرين ياهل ماتركو مكان الا وصلو له واهي توها ومعنا ومافي شي غير الهدوء والركاده عندنا

المشكله مثل صارت حريقه واهي واقفه تمت واقفه والنار تحرق فيها ماتحركت !

ماعرف هذا خوف او عناد او ويش وضعها

[زورق]

أحسن جهه للتشخيص وتخصصات على مستوى الشفلح اطلب منهم تقييم لحاله البنت وعندهم استشاريين يسون التقييم ببلاش للقطرين اما مركز قطر للسمع خلك منه ماديين وأسعار هم غير طبيعه

[Princess-style]

لكل طفل مفتاح خاص فيه
بس يبون وقت وتفرغ ..

مستحيل تلقى طفل ماله مفتاح بس توكم ما وصلتوا لمفتاحها

اكيد في شخص تسمعه حتى لو ما تجاوبت معاه اغلبيه الاطفال جيه


واسمح لي لا تستخدم لفظ جنية او شيطانه كون ايجابي ،، وحاسب انك تقول لها جية او احد يقول لها
لان الطفل يتاقلم على الكلمه الي تصدر منكم وبناء عليها يكون شخصيته
السموحة منك
وان شاء الله تحصل لها استشاري ممتاز

[توشيبا]

يعطيكم العافيه

اخوي زورق الشفلح لهم مكان ثانيه ولا نفس الموقع حق الشفلح ؟

[QATAR 77]

لانها صغيرة ما تفهم غشيمة يبيلها وقت لين ما تفهم
تحتاج حنان و حضن مو تعقد البنت من مكان لمكان

[نوفا91]

بتنطق توشيبا شهالعنوان !

الله يعينكم

[سميسمة كافيه]

اخواني خواتي

عندكم افضل استشاريه بقطر د/هنادي الجابر
عيادات الدوحه من تجربة مع بنت الجيران تقريبا نفس الحالة

ان شاء الله تحصلون موعد عندها والله يشفيها

[OM_OMAR_QATAR]

هاي الحالات الها استشارات ،
والها كتب متخصصة بفرط الحركة

يبيلها خلق البنت " طولة بال"
وقول بسم الله ماشاء الله اخوي


وو
اخر شي ...
اكيد لازم تحاولون معاها كل الطرق لأن بنت وينخاف عليها ..

[توشيبا]

اخواني خواتي

عندكم افضل استشاريه بقطر د/هنادي الجابر
عيادات الدوحه من تجربة مع بنت الجيران تقريبا نفس الحالة

ان شاء الله تحصلون موعد عندها والله يشفيها

تسلم اخوي والله يجزاك خير

يليت بعض اصحاب الردود يتعلمون منك علي الاقل لو دعوه لي هالمسكينه تراها طفله


ومحد عجزان من تربيه عياله ويتحملهم بس الوضع عندنا غير تصرفات غير طبيعيه نعالجها وان شاء الله تتحسن وتتربا في عزنا

[توشيبا]

هاي الحالات الها استشارات ،
والها كتب متخصصة بفرط الحركة

يبيلها خلق البنت " طولة بال"
وقول بسم الله ماشاء الله اخوي


وو
اخر شي ...
اكيد لازم تحاولون معاها كل الطرق لأن بنت وينخاف عليها ..

تسلمين اختي

[Aaziz]

الله يحفظها و يبارك فيها

اخبر شخص كان عنده ولد و بهالمواصفات و يمكن اكثر كونه ولد . وداه و قالو اذا ماخانتني الذاكره انه كهربا زايده او شي من هذا القبيل (ناسي التشخيص ايش) المهم انه ماله علاج او تدريب او شي من هذا القبيل
الحل الوحيد هو اجهاد الطفل في اللعب ،، في حديقه عامه او عزبه او او او اي مكان ممكن يفرغ فيها هذا الطفل طاقته الزايده و بعدها يهدا باقي يومه
وهي فتره معينه من الطفوله و تنتهي باذن الله

[OM_OMAR_QATAR]

طرشها لي انا اختصاص ههههههههه

[توشيبا]

الله يحفظها و يبارك فيها

اخبر شخص كان عنده ولد و بهالمواصفات و يمكن اكثر كونه ولد . وداه و قالو اذا ماخانتني الذاكره انه كهربا زايده او شي من هذا القبيل (ناسي التشخيص ايش) المهم انه ماله علاج او تدريب او شي من هذا القبيل
الحل الوحيد هو اجهاد الطفل في اللعب ،، في حديقه عامه او عزبه او او او اي مكان ممكن يفرغ فيها هذا الطفل طاقته الزايده و بعدها يهدا باقي يومه
وهي فتره معينه من الطفوله و تنتهي باذن الله

تسلم اخوي طاقه مفرطه وغير طبيعيه

وفيه تصرفات تنصدم مثل متخاف من احد غريب او اي شي

[توشيبا]

طرشها لي انا اختصاص ههههههههه

غيرج قالو انتم ظالمينها واستلموها نص ساعه رجعوها واهم يقلون الله يعينكم الله يعينكم

[وليف الشوق]

عندي علاج مجرب للبنت هذي حسب تجربة وبأذن الله راح تشفى

[OM_OMAR_QATAR]

بس قول ماشاء الله اخوي لاتظلمها وتنضر

،
من كم يوم،، يومين والا ثلاث ..
ماعرف وين قريت ان الأب كان يجلس ابنه جدامه ويقرأ القرآن يرتل او يجود بصوت مرتفع وابنه جدامه
وكان يهدأ بسببها والى ان ترك فرط الحركة

،

بس والله انا بهالسالفة خبرة ..
بس طفل واحد .. ماعرفت اتعامل معاه كان يتكلم كثير يسأل ولأني كنت بزيارة مالحقت عليه
هههههههه وبعد اقول لهم طرشوه

[توشيبا]

عندي علاج مجرب للبنت هذي حسب تجربة وبأذن الله راح تشفى

ويش العلاج اللي عندك يالغالي

[توشيبا]

اخواني خواتي

عندكم افضل استشاريه بقطر د/هنادي الجابر
عيادات الدوحه من تجربة مع بنت الجيران تقريبا نفس الحالة

ان شاء الله تحصلون موعد عندها والله يشفيها

اخوي اتصلنا فيها طلعت الدكتوره اخصائيه امراض نفسيه وماتستقبل مريض تحت سن 21 سنه

يعطيك العافيه

[medic]

ماشاء الله ربي يحفظها
تابع تغديتها ..كثير من الاطفال حركتهم تزيد بسبب الحلويات والتغديه غير الصحيه .

[بصمة قطرية]

عمرها اربع سنوات

ذكيه تحفظ كم سوره من القرآن الكريم

اي اغنيه تسمعها تصدمنا اذا صارت تغنيها واخي تلعب بروحها نكون حافظه الاغنيه كامله


مشكلتنا في عنادها وحركيه وراعيه مشاكل

محد يتحمل اذيتها ولعبها

تقولي حطي الشي لو اهي اشيله قلاص ماي تصبه علي الارض وانتي تقولي حطيه لا ينكب

في مجمع او اي سوق تستهبل علي الناس ماتستحي او تخاف

مثل واحد يبيع في محل شعره طويل تناديه تعال وصل عندها قالت له انت بنات شعرك طويل قدام زباينه

ماعرف اشلون اوصف حالتها بس الوضع مب طبيعي

قلنا مافي الانمر علي استشاري اطفال
كأنك تتكلم عن ولدي بالضبط ..
قبل كم سنه عانيت معاه و تعبت وايد
كان يسبب لي إحراج في كل مكان بالذات المدرسة
كل يوم ضارب طالب ..

البنت تعاني من طاقة زايدة
Hyper active

أول حل يا توشيبا ..
لازم يومياً تودونها مكان مفتوح ( حديقة )
تطلع الطاقة اللي فيها ( تفرغها )
تلعب و تركض لين هي تقول خلاص تعبت ..
هاي الحل الوحيد للطاقة الزايدة
جربت مع ولدي كل شي مافي فايدة
الأدوية كانت تخليه هادي أول ثلاث حصص
و عقب ما يقدرون يسيطرون عليه
تخيل يومياً يتصلون فيني تعالي اخذي ولدج
كان عنييييييد محد يقدر عليه
يمشي كلامه على الكل ما يخاف من حد ..
الحين ماشاءالله تبارك الرحمن
عاقل و هادي تغير واااايد الحمدلله
الكل مستغرب ان هذا هو نفسه ..
نصيحة من اخت توشيبا ابتعدوا عن الأدوية
واستشير شخص خبرة في هالمجال ..
شوفوا شلي تحبه البنت ووفروه لها
و في حالة انها ما تسمع الكلام حرموها من اللي تحبه
اسلوب الحرمان ينفع ..

الله يحفظها و يهديها ..
عنوان الموضوع مب شي مب زين تقول عنها جنيه
اسم الله عليها ..

[بصمة قطرية]

ماشاء الله ربي يحفظها
تابع تغديتها ..كثير من الاطفال حركتهم تزيد بسبب الحلويات والتغديه غير الصحيه .

فعلاً
الجوكليت يزيد الطاقة عند الطفل ..
استبدلوا الحلويات و الجبس بفواكه ..

[خالد البلوشي]

الله يحفظها لكم اخوي توشيبا ..

و ان شاء الله ان الاخوة ما يقصرون بالافادات ..

اطيب تحية ..

[قطر love]

امنعوها من السكريات اخوي توشيبا وبالذات اول اليوم او بعد النوم لانها تحول لطاقه

ثاني شي خذها عند شيخ يقرا عليها قران شوي تهدا وبعدها الحين الجو حلو ودها كل يوم حديقه ولا سيلين خلها تركض على الطعوس لين تشبع وربي يحفظها من كل عين وان بغيت رقم شيخ كلمني خاص

[توشيبا]

جزاكم الله كل خير

ميحتاج شيخ جاري وامام المسجد من المصرحين له من الاوقاف

اما بخصوص السكريات اهي ادمان كوافي طول الوقت تاكل

من اليوم ان شاء الله ترقد وتفاحه ناشبه في حلجها

[بصمة قطرية]

طبق اللي قلت لك عليه
و بإذن الله بتلاحظ تغيير كبير
أكلمك عن تجربة
والله ولدي حتى الطب النفسي وديته ..
صدقني على كثر ما بوصف لك عن حالته
ما راح تتخيل شلون كان و اش كثر عانيت معاه
الحمدلله فترة و عدت ..

[رهج السنابك]

من التفاصيل احس البنت عاديه وانا توقعت انها ذكيه
وفعلا طلع صحيح
بنتك ذكيه بس طاقتها زايده والحلويات تشعل الطاقه اكثرررر لا تشتري حلويات ابدا وعطوها اكل صحي
بصراحة بنتك ونيسه ماشا الله احب اللي جذي لا خوف ولا حيا

تبي علاج لبنتك انتو بيدكم العلاج والام اذا مب موظفه لازم تتفرغ شوي لهالبنت بتتعبون بالبدايه بس تذكر انها طفله
اذا في بيتكم حوش حط دريفات والعاب نطاطيه مثلا وخذ لها سيكل
فرغوا طاقتها باللعب وامنعوا الحلويات واهتموا بالالعاب التعليميه الي فيها تشغيل مخ مثل المكعبات و دفتر رسم خلوها تشخبط وتتعلم تمسك القلم
اشغلوها ووجهوا طاقتها

[pure]

الله يحفظ لكم بنتكم ويخليها ياررب ,,


افضل حل تروح للمركز الصحي تقولهم الموضوع واهم يدلونك على المكان اللي فيه هالاختصاص لاسمح الله يمكن فيها فرط حركه

هالشي بيعيقها بالمستقبل لما تدرس لانه يسبب تشتت او يمكن فعلا من الجوكلت والاكل اللي فيه سكر

جربو تغيرون نظام اكلها وتمنعنون السويت والاكل المصنع من البيت وجوفو تأثيره

وماتشووف شرر

[ام الحلوين]

اسمحيلي اقول انتوا ظالمين البنت
البنت بسم الله عليها ذكيه واضح من كلامك لكن انتوا ماستغليتوا ذكاءها بشي ينفعها ولا طاقتها
عندها فرط حركه عطوها تكتب او ترسم او تلون نظموا نومها الطفل بهالسن يفهم والي وضح لي من كلامك البنت ماعندها توحد بنقول حولوها لمركز الشفلح او استشاري
قللوا الجوكليت لانه بيزيد من حركتها جيبوا لها تراب خلوها تلعب حافيه ترى هذا علم مش من عندي
انتي لو امها اقري بالنت كيف تتفاهمين معاها
واسمحيلي من العنوان الي كاتبته واضح انتي مش فاهمه البنت .. كلموها كثير فهموها هذا غلط وهذا صح بهدددوء لين تتعلم الهدوء

ربي يحفظها من العين والشر ويحفظ عيالنا..

[بصمة قطرية]

توشيبا
سؤال ..

البنت تلعب في الإيباد
و الألعاب الإلكترونية ..؟

[بنت مريخ]

حبيبتي
الله يحفظها
كثير الحركه ذكي,ماتخاف لانها صغيره وماتفهم اصبري عليها
معاي موظفه كله تقولي لاتقولي شيطان قولي حركي واحمدي ربج على الصحه شوفي ذوي الاحتياجات الخاصه
تبي صبر و طوله بال,نفس ولدي حركي فديته
يروح الروضه
حطيت له مدرسه تاسيس عربي وانغليزي
وتحفيظ قران لانه ذكي ماشاءالله
منعت الوجبات السريعه يحب البر والرمل يلعب فيه
اذا في البيت دخليها روضه

[مرتبش]

ابعد الحلويات والاكل الغير صحي من معلبات واكل جاهز
الايباد والالكترونيات تقللهم
تدخل روضة وامورها ان شالله طبيعية

[مشعل العطاوى]

البنت ماشاء الله ذكيه ... وغالبا زيادة الطاقه تدل على الذكاء وسرعة الحفظ

فااستغلي هذي الميزه بجعلها تحفظ القران وانجليزي واى شئ مفيد

لان جسمها الان ملئ بالطاقه وعقلها واطرافها في اقصى عمل لها

[aloosh]

هذا الحل الوحيد نفس ولد بنتي حركي ما شاء الله

سالت دكتور في بريطانيا قال بالحرف وده اماكن العب يفرغ طاقته لا توديها دكتور او غيره يلعوزون بنتكم

مجرد زياده في الحركه فقط

[خزامئ]

فيه عياده في حمد حقت فرط النشاط الزايد
وهذا مرض مثل اي مرض عضوي لازم يتعالج وكل ماكان بدري كان اسهل واسرع اعرف وحده كانت عنيده ولاتسمع للمدراسات وتطلع وهم يحاكون
ودوها اهلها للعياده واضن الدكتوره اسمه فوزي ممتاز والسرعه مهمه جدا عساس يحتوون المرض

[طموحي عالي]

البنت فيها فرط حركه

بس اخوي وولد خالي كانوا نفس المشكله


وماقصروا الاخوان مثل ماقالوا لك

اشغلها وخلها تلعب لين تهلك جيب لها نطاطيه بالبيت دورفه المهم تتحرك

شركها بنادي او شي جي