انصح الجميع بالابتعاد عن الكوفيات بسوق واقف ليلا !!!

[حمد 2002]

السلام عليكم ورحمه الله وبركاته

انصح الجميع بالابتعاد عن الكوفيات بسوق واقف ليلا !!!


الذاهب الى سوق واقف ليلا وتحديدا صوب المطاعم يرى الامور التاليه


الرجال والنساء ايشيشون = ايدوخون = يشربون شيشه .

زحمه ويختلط فيها الحابل بالنابل !! ، من جميع الجنسيات والاصناف !! .

ضحك بأصوات عاليه من قبل الرجال والنساء !! .

وطاولات المطاعم والكوفيات الخارجيه وقربها الكبير من الممر وطريق السوق !! .

واغاني !! ..


رأيي الشخصي ان هالشيء مرتع للفساد وايشوه سمعه سوق واقف وصورته الشعبيه والتقليديه !! .


وانصح اخواني الشباب واخواتي البنات بالابتعاد عن هالاماكن تجنبا للشبهات والمضايقات وتجنبا للوقوع بالمعاصي والانحراف !! .



اما في الختام فأحول المنبر لسيادتكم للأدلاء بما ترونه وبما يجول به خاطركم بكل اريحيه وفقا للقوانين العامه لهذا المنتدى الرائعه باعضاءه ومراقبينه وبأدارته ووفقا للأداب العامه .

مع التحيه

[وحيد-الشوق]

سبب ابتعادي عن سوق واقف هو الشيشة والمصخره الي هناك خربوا السوق

[حمد 2002]

سبب ابتعادي عن سوق واقف هو الشيشة والمصخره الي هناك خربوا السوق

صادق والله ،،

الي ايروح هناك وخصوصا بالليل صوب المطاعم يرى العجب العجاب ،،

استغفر الله واتوب اليه :)

[حليتان]

روح الفتره الصباحية:nice: جو جميل :)ومافي اي ازعاج بس لو يفتحون الظهر كان احسن

[حمد 2002]

روح الفتره الصباحية:nice: جو جميل :)ومافي اي ازعاج بس لو يفتحون الظهر كان احسن

هالله هالله ،

بس الصبح دوام ،،

احلا شيء الدوام ههههههههههههههههه :shy::nice:

[راجي الْعفو]

وعليكم السلام و رحمة الله و بركاته ..

ما عندي شي ازيده ..

جزاك الله خيرا بو شهب ..

تستاهل اريوق من زيت و زعتر ! ..

[المحاميه]

انزين فيه ناس تحب هالاجواء

ف نصيحتك ماتدق سلف عندهم


وليش حددت سوق واقف بس


فيه اماكن ثانيه بعد فيها نفس اللي انذكر

فالنهايه هذي حريه شخصيه

فلان او فلانه بتروح نصحتهم عاد ولا لا


أما عبارة انصح الجميع فاعتقد ان مبالغ فيها

[حمد 2002]

وعليكم السلام و رحمة الله و بركاته ..

ما عندي شي ازيده ..

جزاك الله خيرا بو شهب ..

تستاهل اريوق من زيت و زعتر ! ..

مرورك يزيد الموضوع ثقل ووزن وهيبه ،،


انت رااائع يارائع ياجميل ياحلوو

[حمد 2002]

انزين فيه ناس تحب هالاجواء

ف نصيحتك ماتدق سلف عندهم


وليش حددت سوق واقف بس


فيه اماكن ثانيه بعد فيها نفس اللي انذكر

فالنهايه هذي حريه شخصيه

فلان او فلانه بتروح نصحتهم عاد ولا لا


أما عبارة انصح الجميع فاعتقد ان مبالغ فيها

ههه ونتي كله معصبه !! :shy: ،، هدي هدي وشربي ريدبول هههههه :shy: هههه امزح امزح والله :weeping:


نرجع للموضوع ،،


بالعكس

( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان )


تبيني اجوف الغلط واسكت عنه ، لا والف لا وحتى لو كلفني هالشيء الغالي والنفيس !! ..



اما بالنسبه لسؤالج ليش ماذكرت الاماكن الثانيه !!

لان سوق واقف شعبي وتراثي ، ومانبي انشوهه بتلك الامور الي اتغير خلفيتنا المعرفيه عنه !! ،،


وشكرا محاميتنا :nice:

[المحاميه]

لاتعليق


سوق واقف مكان سياحي بالدرجه الأولى


وأغلب زواره أجانب

وانت ماتقدر اتحكم في الناس وسلوكياتها ولاتقيدهم


وبعدين المطاعم هي تقدم الشيشه وماعتقد ان الزبون هو اللي فرض عليها الشيشه


is that clear?

[q6ri_vip]

انا اشوف اللي محلي سوق واقف هالقعدات

[aloosh]

الرجل العاقل الغيور لا يذهب بأهله الى مثل ها الاماكن سوق واقف او غير

بالفيت تراث وهو بؤره مفاسد

وتسلم على التنبيه

[مابدل العادات]

أي والله انك صادق قمت المصخره

واللبس حدث ولا حرج السؤوال وين الأمن الوقائي عنهم ؟؟؟!!!!!!!!!! ولا مره سمعت حد مدح الأمن الوقائي اوانهم سوو شي من شغلهم اصلا ؟!!!

[نفسي عزيزه]

المكان جميل نهارا اما بالليل موضوع ثاني
لو يكنسلون الشيشه يكون افضل
وايد بنات اشوفهم يشيشون ويلعبون بالايفون عايشين جو فشنصيحتك لهم ياحمد :shy:

[7llo]

بال سوق واقف صارلي 3 سنوات مادخلته كل ويك اند في سيلين سوا في الحر اتسبح في مسيعيد او ف العديد والبرد في العنه مع الربع وشيشتي ف الموتر بعد مانخلص اكل اولعها ولعب ورق مع الربع ولا اولعها واشوف التلفزيون واموري طيبه

[aloosh]

ربعنا فاهمين الاماكن سياحيه غلط

لازم شيشه واغاني ورقص وقله حيا

معا العلم رحت برا الاماكن السياحيه يوجد بها الترفيه ولا يضعون فيها شي مضر للانسان كوفيات وقعدات محترمه هذا وهم اهل الغرب يحافضون على اماكن السياحه اللي روادها من العوائل عدم وضع فيها اشياء خدشه للحياء


ربعنا بالعكس يجيبون الفساد بالفيت يجذبون السياح

[العنيده]

الشيشه لو ماتتقدم بهالمكان افضل ..
انزين ليش مايخلون جهه معينه لها :) بعيييييييييييييييييييييييييييييييييييد عن اماكن العائلات
وصوب كوفيات بدون شيشه

[Right]

سمردحه !!

[حسن]

الصراحه ياحمد سوق واقف مكان جميل وساعات اروح له اتقضى يالصبح ولا العصر بدري اخلص واطلع
اما بالنسبه للقهاوي والشيش هذا من زمان وفي اماكن كثيره اصبحت مائلوفه عندنا خلاص
وخصوصا عقب الانفتاح على العالم الخارجي
الوضع اصبح عادي ومالوف العادات انتهت من زمان
وكلن اصبح حر في نفسه هذا الواقع


وشكرا

سؤال ليش حاط توقيعك صوره بابا ناويل !!

:telephone:

[OM_OMAR_QATAR]

انا كل ست اشهر اروح مرة حسافة ياحسافة يا سوق واقف ياجميل

[Rider]

قطر الرجال الاولون

[سميسمة كافيه]

روح الفتره الصباحية:nice: جو جميل :)ومافي اي ازعاج بس لو يفتحون الظهر كان احسن

:nice::nice::nice::nice::nice:

[OM_OMAR_QATAR]

قطر الرجال الاولون

الآولين :omg:

[Abdulraman]

والله انك صادق في كل كلمه مصخره في مصخره

[علي1]

الله المستعان الله ينظر لنا بلطفه ويفكنا فيهم وفي خرابهم

[توشيبا]

لوثو تراث سوق واقف بقذارتهم

اذا حد صادفه من اهل السعوديه في الشارع يبغي سوق واقف وناسي اسمه او مجد قايل له عن سوق واقف

علي طول يقول يالطيب وين هذا السوق اللي كله لبنانيين واجانب وكله مقاهي شيش


مع عقب ريحت الطيبين فيه صارت ريحت معسل زغلول

[بوحارب]

كرهنا سوق واقف بسبة المصخرة اللي فيه

انا ماروحه الا الصبح بس :)

[خالد البلوشي]

نصيحة قيمة استاذ حمد بارك الله فيك ..

و قد أصدر الشيخ الدكتور سلطان القاسمي سابقا قرارا جريئا بمنع المقاهي و الشيشه في امارة الشارقة .. و هذا القرار الحكيم جاء بعد كثرة المشاكل التي أحدثتها هذه المقاهي و جاء تلبية لاستغاثة الأسر من هذه المخاطر التي يقع فيها عادةً الآباء و البنين ..

الله يفك المدخنين من هذه العادة ذات المخاطر الجسيمة ..

[حياة]

اااابد مااوطوط ذاك الصوب ولاادانيه
اروح الصوب اللي قدام بس وقت الحاجه فقط
حسبي الله عليهم لوثوا تراثنا بالشيشه والاغاني
قسم بالله ان الاغاني في صوب والاذان في صوب حتى مايوقفون الاغاني وقت الاذان

[بصمة قطرية]

لاتعليق


سوق واقف مكان سياحي بالدرجه الأولى


وأغلب زواره أجانب

وانت ماتقدر اتحكم في الناس وسلوكياتها ولاتقيدهم


وبعدين المطاعم هي تقدم الشيشه وماعتقد ان الزبون هو اللي فرض عليها الشيشه


is that clear?

سوق واقف معلم سياحي بالدرجة الأولى
و سوق شعبي قديم قبل لا يكون معلم سياحي
و يمثل تراث قطر
عمر الشيشة و الأغاني ما مثلت تراث قطر
اللي يصير في سوق واقف قمة المصخرة
كرهنا السوق بسبب السخافة اللي فيه ..
يعني السياح الأجانب لما يدخلون السوق
بيشوفون أغاني و ترقص و شيشة
خوش شي
هاي تراث قطر
و هاي قطر
و هاي حياة هل قطر ..!!!
في ذمة اللي سمح بهالاشياء ..
( اللهم لا تحاسبنا بما فعل السفهاء منا ) ..

[دايموند]

الله يرحم سوق واقف قبل الترميم والتعديل

[رجل مثالي]

من الضروري على الجهات المسؤولة
أتخاذ اللازم حول هذا الفساد
وممكن يكبر هذا الفساد
الى شئ خطير على المجتمع

[h9466]

اكثر من عشرين سنة مادخلته...امس الظهر اخذت الاولاد قلت امشيهم واجيب لهم لحية الشايب :secret:.شياب المنتدى اكيد عارفينها....السوق داخليا ماتغير نفس الاماكن ونفس طريقة عرض البضايع ونفس العبق التاريخي,,,اللي تغير نوعية الزوار والزحمة اللي لاتطاق,,,

[نفسي عزيزه]

سوق واقف معلم سياحي بالدرجة الأولى
و سوق شعبي قديم قبل لا يكون معلم سياحي
و يمثل تراث قطر
عمر الشيشة و الأغاني ما مثلت تراث قطر
اللي يصير في سوق واقف قمة المصخرة
كرهنا السوق بسبب السخافة اللي فيه ..
يعني السياح الأجانب لما يدخلون السوق
بيشوفون أغاني و ترقص و شيشة
خوش شي
هاي تراث قطر
و هاي قطر
و هاي حياة هل قطر ..!!!
في ذمة اللي سمح بهالاشياء ..
( اللهم لا تحاسبنا بما فعل السفهاء منا ) ..

رد فخم :nice:

[solyamalenki]

اضن بتضحكون لو قلت لكم اني ما رحت سوق واقف من زمان يعني من سننين وسبحان الله مادري ليش اكره هالمكان

[ممنوع اللمس]

مكان حلو وسياحي ومفتوح
شيشه عادي يعني لو بتقعد فمجلس اغلبهم يدخنون حي ريحة الشيشه ولا الدخان
وبالنسبه لموضوع الشباب والبنات هالشي موجود فالمجمعات وغيره
وسوق واقف فيه مطاعم حلوه وممنوع فيها الشيشه

وكل واحد له وجهة نظر

[راجي الْعفو]

مكان حلو وسياحي ومفتوح
شيشه عادي يعني لو بتقعد فمجلس اغلبهم يدخنون حي ريحة الشيشه ولا الدخان
وبالنسبه لموضوع الشباب والبنات هالشي موجود فالمجمعات وغيره
وسوق واقف فيه مطاعم حلوه وممنوع فيها الشيشه

وكل واحد له وجهة نظر

بارك الله فيك ..

الموضوع مهب موضوع كلن له وجهة نظر ..

احنا كمسلمين ملزومين بشرع الله عز و جل :

مجالس - مجمعات - قهاوي - .. إلى آخره.

فالمكان في مثل هذا لا يغير من الحكم شئ ..

وتبقى الشيشه و التبرج الحاصل من الأمور المحرمة التي يجب إنكارها بأسلوب و حكمة لا بعنجهية ..

[khalid525]

حلوه هذي يشوه سمعة سوق واقف هههه

[captin]

انزين فيه ناس تحب هالاجواء

ف نصيحتك ماتدق سلف عندهم


وليش حددت سوق واقف بس


فيه اماكن ثانيه بعد فيها نفس اللي انذكر

فالنهايه هذي حريه شخصيه

فلان او فلانه بتروح نصحتهم عاد ولا لا


أما عبارة انصح الجميع فاعتقد ان مبالغ فيها



I agree with you

[حمد 2002]

اشكركم كلكم كلن باسمه فرد فرد على مروركم واسهماتكم الجميل بالموضوع ،،،

[النظامي]

سوق واقف معلم سياحي بالدرجة الأولى
و سوق شعبي قديم قبل لا يكون معلم سياحي
و يمثل تراث قطر
عمر الشيشة و الأغاني ما مثلت تراث قطر
اللي يصير في سوق واقف قمة المصخرة
كرهنا السوق بسبب السخافة اللي فيه ..
يعني السياح الأجانب لما يدخلون السوق
بيشوفون أغاني و ترقص و شيشة
خوش شي
هاي تراث قطر
و هاي قطر
و هاي حياة هل قطر ..!!!
في ذمة اللي سمح بهالاشياء ..
( اللهم لا تحاسبنا بما فعل السفهاء منا ) ..

هذا الرد يمثلني :victory:

[بومحمد المطاوعه]

اقسم بالله قمه المصخره من البعض في سوق واقف

ويجب النظر لهذا الموضوع

وتنظيف السوق من هذي المنكرات
شيشه واغاني ومصخره

اشكر فنك ياحمد

وجزاك الله خير

وماعليك من الي يعارضك ياخوي
انت الصح في هذا الموضوع غصبآ عن اي انسان معارضك

الي يبي يشوف الدين الأسلامي الصحيح
وطرق المفسده وين
بيتعض في موضوعك

والي يعارضك تأكد ان هو يشجع الفساد والعياذ بالله

تحياتي لك وجزاك ربي الجنه

[بومحمد المطاوعه]

سوق واقف معلم سياحي بالدرجة الأولى
و سوق شعبي قديم قبل لا يكون معلم سياحي
و يمثل تراث قطر
عمر الشيشة و الأغاني ما مثلت تراث قطر
اللي يصير في سوق واقف قمة المصخرة
كرهنا السوق بسبب السخافة اللي فيه ..
يعني السياح الأجانب لما يدخلون السوق
بيشوفون أغاني و ترقص و شيشة
خوش شي
هاي تراث قطر
و هاي قطر
و هاي حياة هل قطر ..!!!
في ذمة اللي سمح بهالاشياء ..
( اللهم لا تحاسبنا بما فعل السفهاء منا ) ..

بارك الله فيج

هذا الرد السنع
أسأل الله ان يبعد عنج الحرام

[بومحمد المطاوعه]

انزين فيه ناس تحب هالاجواء
ف نصيحتك ماتدق سلف عندهم
وليش حددت سوق واقف بس
فيه اماكن ثانيه بعد فيها نفس اللي انذكر
فالنهايه هذي حريه شخصيه
فلان او فلانه بتروح نصحتهم عاد ولا لا
أما عبارة انصح الجميع فاعتقد ان مبالغ فيها



ههههههههههه

لاحول ولاقوة الابالله

[غايه الطواش]

يعني الحين سوق واقف مافيه الا هالكوريدور بو المطاعم السوق شكبره !!

[basma222]

استغفر الله واتوب اليه

[كازانوفا]

أحلى شي الصباح. .

[يمامـة]

يعني الحين سوق واقف مافيه الا هالكوريدور بو المطاعم السوق شكبره !!

الموضوع ما يتكلم عن سوق واقف وصوب البهارات والمكسرات والاعشاب ومحلات الملابس

الموضوع مركز على الكوفيهات والمطاعم اللي فيها تشيش واغاني ومغازل ورقمني وارقمك
وطالعني واطالعك وقزني واقز غيرك..

هذا اللي يحصل بكل بساطة في مثل هالاماكن المنكرة..........> اعجبتني كلمة المنكرة..

[حسن]

الموضوع ما يتكلم عن سوق واقف وصوب البهارات والمكسرات والاعشاب ومحلات الملابس

الموضوع مركز على الكوفيهات والمطاعم اللي فيها تشيش واغاني ومغازل ورقمني وارقمك
وطالعني واطالعك وقزني واقز غيرك..

هذا اللي يحصل بكل بساطة في مثل هالاماكن المنكرة..........> اعجبتني كلمة المنكرة..


والله ياليمامه انا اتفق مع رايك بس هذا مهب في سوق واقف بس في كل الاماكن والدول
ومن زمان
يعني مايسير المغازل في كتارا والمجمعات والكوفيات في كل مكان !!

تصدقين ارح له وبارح له الحين ولكن في الليل مايجونه الا الغير قطريين واساسا احنا طبعنا مانحب نروح
هل الاماكن مالنا حاجه بها
وليش مانتكلم هل اصبحت قعده الكوفيات اللي هابين فيها من عاداتنا !!
اي تغير يبدا من الانسان نفسه

انا مااحب ادش السوق الى من صوب الغزالي اما القهاوي ماددري عنها واذا مريت صوب زيت وزعتر
تشوفين صج تغيرنا


صباح الخير ياليمامه اجيب لك بزار من الشموس

:telephone:

[يمامـة]

والله ياليمامه انا اتفق مع رايك بس هذا مهب في سوق واقف بس في كل الاماكن والدول
ومن زمان
يعني مايسير المغازل في كتارا والمجمعات والكوفيات في كل مكان !!

تصدقين ارح له وبارح له الحين ولكن في الليل مايجونه الا الغير قطريين واساسا احنا طبعنا مانحب نروح
هل الاماكن مالنا حاجه بها
وليش مانتكلم هل اصبحت قعده الكوفيات اللي هابين فيها من عاداتنا !!
اي تغير يبدا من الانسان نفسه

انا مااحب ادش السوق الى من صوب الغزالي اما القهاوي ماددري عنها واذا مريت صوب زيت وزعتر
تشوفين صج تغيرنا


صباح الخير ياليمامه اجيب لك بزار من الشموس

:telephone:

صباح النور يا بوعلي...........> كيلو البزار بكم؟:shy:

مرة من زمااان قبل لا يحولون سوق واقف لوجهة سياحية وتشيش وخرابيط
كنا في جلسة مع بعض الحريمات.. وحدة قالت.. زين يسوون يفتحون محلات تقدم شيش
لأن الخليجيين لما يسافرون ما تلقونهم الا صوب الشيش حزة الفراغة..

كلامها ورايها ما عجبني.. لأن بشكل عام اللي يسافرون ويقعدون يشيشون ما كانوا يمثلون
الشريحة الكبيرة من الشعوب الخليجية وخاصة الحريم!!

اليوم سبحان مقلب القلوب... الناس صارت وللأسف الشديد تعتبر ارتياد هالاماكن بما فيها من منكرات
نوع من أنواع التطور الواجب عليهم الانخراط فيها!!

فالواحد لو راح بنية نظيفة انه يشيش بس.. وقعد وحط ريل على ريل وطلب اللي يطلبه
تعتقد الفراغ اللي يكون عايش فيه حزة التشيش يمنعه من القز او تتبع النظرات ؟
فمن جذيه مثل هالاماكن تكون مرتع لتتبع النظرات بالإضافة الى فسحة كبيرة للمغازل..

والشي هذا مب محصور في سوق واقف.. ولكنه تلقاه في كل مكان حتى في الفريج عندك
ممكن يصير دام ان السالب مع الموجب فاضيين وما عندهم شغلة!!

[حسن]

صباح النور يا بوعلي...........> كيلو البزار بكم؟:shy:

مرة من زمااان قبل لا يحولون سوق واقف لوجهة سياحية وتشيش وخرابيط
كنا في جلسة مع بعض الحريمات.. وحدة قالت.. زين يسوون يفتحون محلات تقدم شيش
لأن الخليجيين لما يسافرون ما تلقونهم الا صوب الشيش حزة الفراغة..

كلامها ورايها ما عجبني.. لأن بشكل عام اللي يسافرون ويقعدون يشيشون ما كانوا يمثلون
الشريحة الكبيرة من الشعوب الخليجية وخاصة الحريم!!

اليوم سبحان مقلب القلوب... الناس صارت وللأسف الشديد تعتبر ارتياد هالاماكن بما فيها من منكرات
نوع من أنواع التطور الواجب عليهم الانخراط فيها!!

فالواحد لو راح بنية نظيفة انه يشيش بس.. وقعد وحط ريل على ريل وطلب اللي يطلبه
تعتقد الفراغ اللي يكون عايش فيه حزة التشيش يمنعه من القز او تتبع النظرات ؟
فمن جذيه مثل هالاماكن تكون مرتع لتتبع النظرات بالإضافة الى فسحة كبيرة للمغازل..

والشي هذا مب محصور في سوق واقف.. ولكنه تلقاه في كل مكان حتى في الفريج عندك
ممكن يصير دام ان السالب مع الموجب فاضيين وما عندهم شغلة!!

ماقلتي الى الصدق يااليمامه

حكيمه

انا بعد شوي رايح وهو يبعد عني خطوات معدودات
والصراحه
انا مااستغني عنه وفي شغلات تخصني انا القاها هناك خبرك هذا السوق
رواده الشياب الل مهب مثلي مهب مال شباب وشباات هذولا وش عرفهم بالبزار والسنوت وغيره
هذولا يبون كوفي في مجمع جيل اياباد واي بود
اما احنا شله بوسيول نحب السوق لان نحس فيه عبق الماضي

حلوه ذي عبق ترا متعوب عليها
ابي اشتري مطاطير سود حق البترول باشوفلك زنجبيل الشموس زين فرش يطير الاسعله
من اول رشفه

:discuss:

[يمامـة]

ماقلتي الى الصدق يااليمامه

حكيمه

انا بعد شوي رايح وهو يبعد عني خطوات معدودات
والصراحه
انا مااستغني عنه وفي شغلات تخصني انا القاها هناك خبرك هذا السوق
رواده الشياب الل مهب مثلي مهب مال شباب وشباات هذولا وش عرفهم بالبزار والسنوت وغيره
هذولا يبون كوفي في مجمع جيل اياباد واي بود
اما احنا شله بوسيول نحب السوق لان نحس فيه عبق الماضي

حلوه ذي عبق ترا متعوب عليها
ابي اشتري مطاطير سود حق البترول باشوفلك زنجبيل الشموس زين فرش يطير الاسعله
من اول رشفه

:discuss:

مطاطير ام كم جلن؟ مال اول جلن.............> اقصد ام كم ليتر؟

بصراحة لو بغيت اسوع صدر خوسيه خذته معاي سوق واقف
عاد تعالى بس شوفه اشعليه يحط يده.. سوالف الأول مالت الألعاب ..........> خيالي علمي بالنسبة له..
وعقب يفتر صوب دانش او شسمه نسيت اسمه المحل ذاك مال الحلويات والمكسرات
ويخم له أشياء ونرد عقب ما ناخذ الكمون والسنود وجوز الطيب و ... و.... و...
حق البزار بكل انواعه..

امي تقول ما في زنجبيل زين في السوق.. شوف لنا ما عليك امر وخبرنا خلنا ناخذ منه لو انه زين..

[حياة]

مطاطير ام كم جلن؟ مال اول جلن.............> اقصد ام كم ليتر؟

بصراحة لو بغيت اسوع صدر خوسيه خذته معاي سوق واقف
عاد تعالى بس شوفه اشعليه يحط يده.. سوالف الأول مالت الألعاب ..........> خيالي علمي بالنسبة له..
وعقب يفتر صوب دانش او شسمه نسيت اسمه المحل ذاك مال الحلويات والمكسرات
ويخم له أشياء ونرد عقب ما ناخذ الكمون والسنود وجوز الطيب و ... و.... و...
حق البزار بكل انواعه..

امي تقول ما في زنجبيل زين في السوق.. شوف لنا ما عليك امر وخبرنا خلنا ناخذ منه لو انه زين..



الزنجبيل اخذي المجفف مش مطحون من راعي البزار اللي في سوق واقف
من الهندي راعي البزار وعقب غسليه ونشفيه في الشمس وكل
مابغيتي اطحنيه وحطي في الحليب ... لاتطحنينه مره وحده
خليه كل مابغيتي اخذي كم حبه واطحنيه

[وليف الشوق]

بالنسبة لي اذا مااروح سوق واقف مااحس اني طلعت وسوق واقف فيه العديد من الاختيارات ياانك تروح سوق الطيور او محال الشكولاته والحلويات او الجلوس في المقهى الشعبي واتعشى الاكلات الاصيله التراثيه القطرية او اني اختار الجلوس في اي كوفي شوب او اني اتعشى في اكثر المطاعم اللي تمثل بعض الدول واكلاتها المتنوعه
دام حافظ نفسي وماعلي من اللي يضحك او يشيش وهذا امر يخصه بشرط انه ماتجاوز او يخدش الحياء والمنظر العام وبالنسبه لكلامك استاذ حمد2002 نصيحه مني اذا جاتك بعثه او مهمه في اي دلوله كانت اسيويه او اروبيه امتنع عن عدم السفر وعدم مشاهدة التاريخ لكثير من الدول او التعرف عن تراثها وعاداتها وتقاليدها

وانا من الحين رايح سوق واذا تبي تتعشى معاي اليوم هناك حياك

[shadad]

انزين فيه ناس تحب هالاجواء

ف نصيحتك ماتدق سلف عندهم


وليش حددت سوق واقف بس


فيه اماكن ثانيه بعد فيها نفس اللي انذكر

فالنهايه هذي حريه شخصيه

فلان او فلانه بتروح نصحتهم عاد ولا لا


أما عبارة انصح الجميع فاعتقد ان مبالغ فيها

بل...ويش فيك معصبه الرجال ما قال شي. هههههه

على فكره كلامه صح. انا كذا مرة اروح هناك والاحظ نفس الشي تماما.

[الدوحه1]

عقد مجلس الشورى صباح أمس جلسته الاعتيادية الخامسة لدور الانعقاد السنوي الرابع (2014 ـ 2015م) للفترة السابعة للمجلس (2011/2015م) برئاسة خالد بن هلال المعولي رئيس المجلس وبحضور أعضاء المجلس و الأمين العام للمجلس.
وتضمن جدول أعمال الجلسة عدداً من الموضوعات من أهمها مناقشة وإقرار الاقتراح بمشروع قانون تعديل مادتين من قانون الجزاء العماني والمتعلق “بمنع الخمور” على أرض السلطنة وما في حكمها ، وكذلك مناقشة وإقرار دراسة اللجنة الصحية والبيئية حول موضوع انتشار ظاهرة “تعاطي الشيشة” ، بالإضافة إلى مناقشة وإقرار خطة عمل لجنة الأمن الغذائي والمائي.
و قام الاعضاء بالتصويت على التعديل المقترح على المادة (228) من قانون الجزاء العماني، وتمت الموافقة بأغلبية الاعضاء ليصبح نص المادة بعد التعديل كالتالي: “يعاقب بالسجن مدة لا تقل عن عشرة أيام ولا تزيد عن سنة وبغرامة لا تزيد على مائتي ريال أو بإحدى هاتين العقوبتين كل من صنع أو جلب أو تاجر أو تعامل في الخمور أو مارس أي نشاط متعلق بها، ويحكم بمصادرة الخمور والآلات والمواد والوسائل المستخدمة في إنتاجها أو نقلها ويغلق المحل الذي وقعت به الجريمة”، وقد قرر المجلس إحالة مقترح التعديل إلى الامانة العامة لمجلس الوزراء.
وحول موضوع ظاهرة انتشار تعاطي الشيشة في السلطنة، خلصت اللجنة ضمن مقترح دراستها إلى إيقاف إصدار تراخيص فتح محلات للشيشة إيقافا تاما، ومنح المحلات القائمة مهلة محددة لتسوية أوضاعها ومن ثم غلقها نظراً لانعكاساتها وتبعاتها السلبية، وقد تم إقرار هذه الخلاصة من قبل الجلسة بعد موافقة أغلب الحضور.

متى بنشوف مثل هالخبر اللي يشرح الصدر عندنا؟؟؟؟

[alnoida]

ما شد إنتباهي في هذا الموضوع
ليس فقط تغير بعض العادات والتقاليد

لكن تغير بعض القيم عند البعض
وذالك بالإحتجاج على صاحب الموضوع حيث قام بتوجيه النصيحة للجميع
أوليسنا جميعاَ بحاجة للنصيحة

[يمامـة]

الزنجبيل اخذي المجفف مش مطحون من راعي البزار اللي في سوق واقف
من الهندي راعي البزار وعقب غسليه ونشفيه في الشمس وكل
مابغيتي اطحنيه وحطي في الحليب ... لاتطحنينه مره وحده
خليه كل مابغيتي اخذي كم حبه واطحنيه

شكرا يا حياة...
بشكل عام ما اشتري زنجبيل.. الوالدة الله يعطيها الصحة والعافية
تمير لنا البيت من كل انواع البهارات بشكل عام.. ونادر ما تلقيني اشتري شي
اللهم الكركم والفلفل الاسود والابيض والدراسين..

اما الباقي كله من عندها.. فمن جذيه هي لو خذت المطحون او اللي مب مطحون
تعطيني نصيبي ..
فهي اللي خبيرة في هالسوالف تقول ما في زنجبيل زين في السوق!!

[يمامـة]

ما شد إنتباهي في هذا الموضوع
ليس فقط تغير بعض العادات والتقاليد

لكن تغير بعض القيم عند البعض
وذالك بالإحتجاج على صاحب الموضوع حيث قام بتوجيه النصيحة للجميع
أوليسنا جميعاَ بحاجة للنصيحة

هذيلا عندهم متلازما الفكر.. يضربون شي مكان شي..

[حليتان*]

وعليكم السلام و رحمة الله و بركاته ..

ما عندي شي ازيده ..

جزاك الله خيرا بو شهب ..

تستاهل اريوق من زيت و زعتر ! ..
اففففف دخلته فخاطري لي عزيمه منك خخخخ

[راجي الْعفو]

اففففف دخلته فخاطري لي عزيمه منك خخخخ

افا عليك يا اماف ..

انا عازمك و باي وقت اتحبه يالذيب ..

تستاهل ..

والريوق فيه شي خيال ..