مرتين في وقود (سدرة)

[ام راشد 1]

تكرر معي هذه الحالة مرتين في وقود، لما اكون مع العيال في سدرة، و اجي احاسب، الفلبيني بعد ما يحط الاغراض في الاكياس، ما يعطينا كل الاكياس، يخلي كيس واحد عندة، لما نرجع البيت نكتشف ان الاغراض ناقصة، اول مرة مشيتها لهم، المرة الثانية رجعت من البيت لهم، ولما كلمت الفلبيني و قلت جيب المدير بكلمة، مات من الخوف, قال المدير مش موجود و عطاني كل الاغراض الناقصة (سندويشات) اللي طالبت فيها. فقط وريته الفاتورة اللي كنت شارية فيها قبل ساعة.

هذا للتنبية و اخذ الحيطة.

[المعنى88]

عنوان ومكان المحطة ونبلغ موقع وقود ؟ اذا عندج

[alwahesh]

العتب واللوم على الي يشيل الاكياس مب على الكاشير


لو الكيس كان تحت الطاوله اوكي


حرام نقطع ارزاق ناس مالهم ذنب

صارت معاي اكثر من مره في الجمعيات وخاصه الميره وقراند مارت ويقول الكاشير انت الي لازم تراقب الحمالي والاغراض الي شريتها ومعاه حق

[مختلفة عقليا]

السلام عليكم .,

اتمني لو تكرر عليج الموقف اتردين المحطة وما اتكلمينه اطلبي المدير وجوفي شنو بيسوي

في حال ما سوا شي اتصلي علي 40217777 وقدمي شكوه وانا اضمن لج حقج بيرد والعامل ما بيكررها .,

بس بعد انتي الله يهداج جوفي الاغراض اللي ماخذتها .,

ويسلموو

[راشد محمد]

لازمًً الواحد ينتبه

[(عبدالله)]

بشكل عام انا أجيك بنفسي من استلام الأغراض والاكياس وأتأكد منها قبل المغادرة

الشغلة صعبة ومملة لكن عودت نفسي عليها

حتى لو رحت الجمعية وشريت وايد اغراض حق شهر قدام.. أتأكد إن كل الأغراض اللي مرت ع الكاشير انحطت داخل الاكياس+ نظرة سريعة عالفاتورة حتى أتأكد انهم ما احسبوا بأسعار مختلفة أو زادو الكمية

نفس الوضع في المطاعم أتأكد من الفاتورة والطلبات اللي خذتها قبل لاأدفع.. ما أخفي عليكم من كل 10 مرات 4 مرات منها اكتشف اخطاء

وايد أخطاء تصير واحنا الضحية.. لكن العتب علينا ا حنا بعد نعطيهم الثقة العمياء

[كازانوفا]

معلش هاي درس للجميع وهم لما يشوفو ان الزبائن كلهم مفتحين وبراقبو كل مشترياتهم ولا واحد منهم راح يسترجى يسرقناا

[باكابوو]

ملاحظه جيده

[حمد جاسم 123]

الله يعين الغش صار بكل مكان

[ClassicRoyal]

حرام قطع الارزاق ياخوي

انا شكثر صارتلي لكن اعترف الغلط مني

هو وظيفته يحسب لك ويعطيك

ولازم انت تعتمد على نفسك و الحمدالله انه الله عطانا دوله موفره لنا هالناس يجون يترزقون ويسهلون لنا

الدول الثانيه كل شي تسويه بنفسك محد يحسب لك ولا حد يشيل لك

تقبل مروري ياخوي بصدر رحب

[بوخالد911]

حزات يبيلهم زززززف

[brwnzya]

انا صار معاي موقف في سدره الي في محطه وقود الي جنب شارع الاصمخ الي علي الشارع العام شريت منهم حلويات و شيبس و بسكوت وأغراض لليهال و يوم وصلت البيت عطتيها اليهال يأكلونها شميت ريحه غريبه في الشيبس ذقته الا طعمه محزر قديم و البسكوت كذلك طعمه دهن قديم و الشكولاته بعد قديمه اتصلت البلديه وسجلوا لي شكوه و بعدها اتصل واحد من جنسيه عربيه وعطاني رقم جوال ادز له صور الأشياء الفاسده هي ما كانت منتهية بس واضح انها كانت مخزنه بشكل غير صحيح و دزيت بعد صوره الفاتوره و قلت له اذا تبون اجيب الأغراض لكم ماعندي مشكله قال لا ماله داعي بنروح و بنأخذ عينات من عندهم و معروف ان أسعارهم اعلى من الأماكن الثانيه و لين اليوم لا رجعت لي فلوسي و لا شفت شئ و الأغراض خليتها كم يوم قلت يمكن يطلبونها و عقب وانتوا بكرامه نقطت في الزباله.

[بن غيث]

صارت معاي ...
وبعد نفس الحركة صارت مع " زارا " فيلاجيو

[@فهد@]

عليكم يا اخوان متابعه الموضوع .. من حزتها ..من اتصل بكم ماتخذ قرار .. فقط راح شيك ويمكن لقا تاريخهم مب منتهي .وانتهي الموضوع ...
عليكم بشكوي لوزارة التجاره ... او الجهه المختصه بمثل هالامور .. والله الموفق ..

[Boost]

دايما آخذ أغراضي بنفسي من وقود... ودايما يحاولون يوصلونها لي لكن أرفض وآخذها بيدي من الكاشير للسيارة

وإذا كنت ناوي أكثر في المشاري ما أروح وقود بسبب أسعارهم المبالغ فيها


الموضوع من شهرين :nice: ليش رافعين موضوع قديم

[khaldoon]

ذكرتيني بالسوبر ماركت الكبير اللي في محطة البترول عند جسر مدماك...اعتقد محطة بترول المدينه.... المهم رحت مرة اشتري اغراض بسيطه قبل اروح الدوام و لما جيت احاسب... دفعت 36 ريال....شكيت بالموضوع و الا اشوف انهم محاسبيني على احد الاصناف سعره 8 ريال مرتين مع اني شاري كيس واحد منه و يبين هالشي.... قولت لها هذا ما اعتبره عدم انتباه هذا اعتباره غش صريح و انت شايفه انه كيس واحد و انت بنفسك جمعتي الاغراض ....دققوا بالفواتير لما تدفعون

[(عبدالله)]

الأهل خذوا مشروبات ساخنة من كوستا كوفي الكورنيش بقيمة 10 ريال
دفعوا 50 ورجعت لهم الفلبينية 20 (خمسات) مع الفاتورة وصرفتها يا بلفيت زحمة عند الكاشير مع ان الوضع عادي
الأهل شكوا ان في شي وقبل لايطلعون من المطعم شيكوا عالطلب وباقي الخردة وعرفوا السالفة.. على طول كلموا الفلبينية وبكل بساطة رجعت المبلغ وقالت sorry Maam ..

دائماً جيكوا على طلباتكم اللي استلمتوها + تفاصيل الفاتورة + باقي الخردة

والله يوفقكم

[كشمه]

الكيمرا...الكيمرا...الكيمرا

واذا مصكرينها ومهملين تقاريرها افضحوهم