بغيت رأيكم في دعمة خفيفة

[رجل الجزيرة]

إخواني وأخواتي الكرام

السلام عليكم ورحمة الله وبركاته

ولدي في العشرينات من عمره دعم دعمة خفيفة بعامود في محطة بترول الجزيرة من ناحية الباب الخلفي الأيسر ومن هذي الدعمة خفس بيسط مع إزالة الصبغ والعامود ما فيه شيء فراح لإدارة المرور فحطوه بلاغ ضد مجهول وقالوا له تعالى بعد 3 أيام راجعنا فقال لهم العامود ما فيه شيء وأرسلوا معي شرطي يشوف ويعاين المكان فقال له: لا، يمكنك داعم أحد وهارب من مكان الحادث.
طيب يمكن يجي واحد عربيد أو راعي مشاكل أو سرقة أو جريمة لا سمح الله فلازم يدخلون ولدي في السالفة.

فبغيت رأيكم قبل لا أراجعهم فويش رأيكم؟

وجزاكم الله خير وربي يرحم والديكم.

[بريق الحق]

اخوي اعذرني يمكن استعابي ضعيف
مافهمت السالفه من يوم جاء الشرطي يعاين الحادث

[Right]

إجراء روتيني عادي

[khalid Qtr]

وعليكم السلام

هذا إجراء اعتيادي عند المرور ، وأكثر من مرة رحت لهم وعطوني ورقة بعد نهاية المدة ..

حتى لو تقدم شخص ببلاغ لا تنسى أن البلاغات ضد مجهول كثيرة جدا ، وإذا ما جاب الطرف المبلغ مواصفات السيارة ما يستدعون أي واحد ..

وحتى لو استدعوه لا تنسى أن المسألة فيها تحقيق لطريقة الحادث وغيره ، فالاحتمال اللي تتكلم عنه يكون ضعيف

[همر]

تصدق عاد

لو يدعمك واحد ويروح يبلغ بالباطل ضد مجهول انه مدعوم

وتروح انت تبلغ ضد مجهول وانت على حق انك مدعوم


اثنينتكم بتاخذون ورقة تصليح سلام سلام :(

[رجل الجزيرة]

اخوي اعذرني يمكن استعابي ضعيف
مافهمت السالفه من يوم جاء الشرطي يعاين الحادث

ولدي قال لهم طرشوا معي شرطي علشان يشوف مكان الحادث فرفض الضابط.

[رجل الجزيرة]

يا إخواني بارك الله فيكم.

بس إلي قاهرني إن الضابط رفض إرسال الشرطي لمعاينة المكان فالسؤال ويش السبب؟

[همر]

ما يهمهم العمود

اهم شي محد يجي يبلغ ان ولدك داعمه

واذا محد جا .. ومحد بيجي غالباً ..

بتاخذ ورقتك بعد ثلاث ايام ..

ريلاكس :)

[توشيبا]

غريبه ثلاث ايام

انا نفس اللحظه علي طول بلاغ ضد مجهول وعطوني ورقه

وانتهاء الموضوع

اي مرور انت رايح عشان مانجيهم لقدر الله

[رجل الجزيرة]

غريبه ثلاث ايام

انا نفس اللحظه علي طول بلاغ ضد مجهول وعطوني ورقه

وانتهاء الموضوع

اي مرور انت رايح عشان مانجيهم لقدر الله

إلا هم قالوا 3 أيام وفوق هذا كله قالوا له عطنا بطاقة الوالد فقال لهم الوالد في الدوام وبالصدفة لقى جوازي في سيارتي إلا هم قالوا له إلا بطاقة الوالد وكلم الضابط فوافق بالجواز بدال البطاقة، يا سبحان الله أحس ما له داعي كأنهم يعطلونه بمزاج.

[وليف الشوق]

اول شي الشرطي ماله حق يتكلم او يتهم ابنك انه ارتكب جريمه دهس او حادث بعدم وجود دليل قاطع وسؤالي اهو وين الدليل اللي عند الشرطي وهل الشرطي اهو المختص او الخبير في هذي المواضيع ولا الموضوع تعال واتهم وبس ؟ ابشرك القضيه ضد مجهول والمجهول تحفظ لعدم وجود دليل قاطع ان كان وجود شاهد او وجود صور فيديو او فوتفرافي وانت روح اخذ الورقه وحمدلله على سلامه الولد
وصدقني وزارة الداخليه حكيمه وعندها الخبره اللي مااعتقد راح تتوقعها واذا لك حق راح تاخذه ولا تنسى ان هناك خبراء في حوادث الطرق واي خبير راح يعرف اذا الحادث دعم عامود او حادث دهس لكن مااعتقد راح يوصل الموضوع لخبير او الموضوع يكبر

[ya3coub]

الظابط او المعرفه فقط الي يطلعونلك ورقه بنفس الوقت

في ناس تحب تساعد و في ناس تحب تتأكد و في ناس يأدون واجبهم بدون اي عواطف و في ناس تحب تتلذذ و تسوي اكشن بالشغل



طالما انه ولدك محد اشتكى عليه اصبر و امورك ان شاء الله بالسليم الحمد الله انها ظ£ أيام و ليست اسبوعين
و خطاكم الشر أخوي رجل الجزيرة

لا تنسى اغلب الحوادث من الشباب و البنات إلى اواسط العشرينات و الأغلب مثل ما اذكرو الأخوان فوق يستخدمون ضد مجهول
فبعض المرات الشرطي يقوم بآداء واجبه و مافيها اي شي


و رفض الظابط انه شرطي يعاين العمود لأنه صدق ابنك بأنه ما سبب ضرر للعمود
لو سبب ضرر بيروح وقتها الشرطي و بيصور و في ورقة التئمين يدفعها للبلدية او اذا ضد الغير تدفع عن الأعمدة و الحديد و الخ

بعد 3 ايام يمر يستلم الورقه ولا في شي ان شاء الله خوفك عليه يخليك تتخيل الأسوء الله يحفظلك عيالك ان شاء الله

[رجل الجزيرة]

اول شي الشرطي ماله حق يتكلم او يتهم ابنك انه ارتكب جريمه دهس او حادث بعدم وجود دليل قاطع وسؤالي اهو وين الدليل اللي عند الشرطي وهل الشرطي اهو المختص او الخبير في هذي المواضيع ولا الموضوع تعال واتهم وبس ؟ ابشرك القضيه ضد مجهول والمجهول تحفظ لعدم وجود دليل قاطع ان كان وجود شاهد او وجود صور فيديو او فوتفرافي وانت روح اخذ الورقه وحمدلله على سلامه الولد
وصدقني وزارة الداخليه حكيمه وعندها الخبره اللي مااعتقد راح تتوقعها واذا لك حق راح تاخذه ولا تنسى ان هناك خبراء في حوادث الطرق واي خبير راح يعرف اذا الحادث دعم عامود او حادث دهس لكن مااعتقد راح يوصل الموضوع لخبير او الموضوع يكبر


بيض الله وجهك وربي يرحم والديك على ذا الرد الجميل.

[بن غيث]

عاااادي يا الشيخ ..

[رجل الجزيرة]

جزاكم الله خير وربي يرحم والديكم للجميع وعلى العموم الموضوع مفتوح للنقاش لعل وعسى إدارة المرور تشوف أراء الردود للإستفادة.
:)

[Riku3]

امس انا قدمت ورقة حادث ضد مجهول في مرور المطار .. عندي سيارة كنت ببيعها والصدام مضروب والشخص مجهول .. قدمت على طلب ورقة تصليح ، وعاينوا السيارة وقالوا تعال بعد كم يوم .

اجراء عادي وروتيني ........ خلال هالفترة يتم مراجعة البلاغات لو في سيارة حد مشتكي عليها او للشكاوي المستقبلية علشان يعرفون مواصفات الحادثه ..

بالعكس اشوفه لمصلحتنا .

[عاشق العديد]

بعيد عن الموضوع ..

انا اشوف انه اجراء احتزازي ..

والشرطي من حقه يقول انتظر ثلاث ايام .. مافيها شي ..
وما اتهم هو .. هو حط افتراض شالمشكله ..

ان فتحو المجال انه اي احد ياخذ ورقه كان كل واحد بيدعم حتى عن طريق الخطا بيروح وبياخذ ورقه نفس اليوم .. بيقول والله دعمت طوفه ..

مايصير .. انا اشوف اجرائهم سليم ..
وانا عن نفسي من قبل صارت لي ونطرت لين ماعطوني الاورقه .. عادي ..

[aloosh]

شوف اخوي
اول شي تسويه تروح الشركه تاخذ الصبغ على الكود المسجل عندهم للصبغ سياراتك
وتشوف لك كراج منا الكراجات المعروفه اهم شي كود الصبغ
لان البعض ياخذون صبغ غير متوافق معا الصبغ الاصلي بعد فتره يبين الفرق في السياره

[رجل الجزيرة]

شوف اخوي
اول شي تسويه تروح الشركه تاخذ الصبغ على الكود المسجل عندهم للصبغ سياراتك
وتشوف لك كراج منا الكراجات المعروفه اهم شي كود الصبغ
لان البعض ياخذون صبغ غير متوافق معا الصبغ الاصلي بعد فتره يبين الفرق في السياره

بارك الله فيك.

[ANONYMOUS]

اجراء طبيعي لحفظ الحقوق او ما اعرف شسمه قانونيا

لتجنب هذا ف المستقبل " لاقدر الله " دقو ع المرور يجونك ويعاينون الحادث وتاخذ لورقه ع طول

[فيصل99]

لاتحاتي اجراء روتيني جدا وانا صارة معاي نفس السالفه وعقب عطوني الورقه

[حسن]

سلامات يارجل الجزيره والموضوع بسيط

ذكرتني بالمحقق سمير العكر مع ولا الزول يوم دعم العامود ويبي ورقه تصليح قاله تعال في الليل
قاله ليش يازلمه اجي بالليل قاله يازول وش عرفني ان لمبه العامود ماتضررت من دعمتك
خلني اشوف اليلت شغال ولا لا وبعدين اعطيك ورقه

ناس شغاله بضمير صح


تحيه لك ياسمير العكر

:)

[abdo222]

القانون يقول لو حد يبي يقدم بلاغ ضد مجهول "يتم كتابة المحظر و من ثم تجي بعد 6 أيام لاستلام الورقة " وبعض فروع المرور يقولون 3 ايام ,, ولو تعرف حد يعطيها لك نفس الوقت ,,"

بس قانونيا لازم تنتظر عشان كذا سبب منهم للتأكد انه مافي طرف ثاني متضرر من الحادثه ,,

[رجل الجزيرة]

سلامات يارجل الجزيره والموضوع بسيط

ذكرتني بالمحقق سمير العكر مع ولا الزول يوم دعم العامود ويبي ورقه تصليح قاله تعال في الليل
قاله ليش يازلمه اجي بالليل قاله يازول وش عرفني ان لمبه العامود ماتضررت من دعمتك
خلني اشوف اليلت شغال ولا لا وبعدين اعطيك ورقه

ناس شغاله بضمير صح


تحيه لك ياسمير العكر

:)

ربي يسلمك والحاضرين من نار جهنم.

[رجل الجزيرة]

القانون يقول لو حد يبي يقدم بلاغ ضد مجهول "يتم كتابة المحظر و من ثم تجي بعد 6 أيام لاستلام الورقة " وبعض فروع المرور يقولون 3 ايام ,, ولو تعرف حد يعطيها لك نفس الوقت ,,"

بس قانونيا لازم تنتظر عشان كذا سبب منهم للتأكد انه مافي طرف ثاني متضرر من الحادثه ,,

يا حبيبي - الله يرحم والديك - قلت ولدي دعم عامود في محطة بترول الجزيرة يعني مكان الحادث موجود إلي هو العامود، فالسؤال: ليه حطوا حادث ضد موجود والمكان موجود؟ لا وبعد تعال بعد 3 أيام.

[][ الوحيد ][]

يا حبيبي - الله يرحم والديك - قلت ولدي دعم عامود في محطة بترول الجزيرة يعني مكان الحادث موجود إلي هو العامود، فالسؤال: ليه حطوا حادث ضد موجود والمكان موجود؟ لا وبعد تعال بعد 3 أيام.

اوكي انت تقول عامود وانت واثق من ولدك ..
لكن كل اللي صار اجراء روتيني ..
المرور بس يعطي فرصه للتأكــد و قطع الشــك !
مايبي يقول حق الشخص انت كذاب .. يقوله اوكي انطر ثلاث ايام
اذا حد قدم بلاغ يتغير الموضوع و اذا محد قدم بلاغ عطوك الورقه و تتوكل

[رجل الجزيرة]

[ الوحيد ][;9870098']اوكي انت تقول عامود وانت واثق من ولدك ..
لكن كل اللي صار اجراء روتيني ..
المرور بس يعطي فرصه للتأكــد و قطع الشــك !
مايبي يقول حق الشخص انت كذاب .. يقوله اوكي انطر ثلاث ايام
اذا حد قدم بلاغ يتغير الموضوع و اذا محد قدم بلاغ عطوك الورقه و تتوكل

طيب وإذا العكس؟ يعني إذا جاءت سيارة مدعومة وقارنوا بسيارتي وبالصدفة حطوا الخطأ على ولدي على إنه هرب من الحادث فالسؤال من البداية ليه ما أرسلوا الشرطي مع ولدي لمعاينة الحادث ويسكرون القضية من البداية بدال ضد مجهول هذا هو قصدي.

[][ الوحيد ][]

طيب وإذا العكس؟ يعني إذا جاءت سيارة مدعومة وقارنوا بسيارتي وبالصدفة حطوا الخطأ على ولدي على إنه هرب من الحادث فالسؤال من البداية ليه ما أرسلوا الشرطي مع ولدي لمعاينة الحادث ويسكرون القضية من البداية بدال ضد مجهول هذا هو قصدي.

اذا حصل هالشي ..
يتم مقارنه السياره و مكان الحادث و اخذ اقوال الشخصين و الشرطي يحدد ..
وانا معاك المفروض على الشرطي انه يروح يشوف مكان الحادث وخلاص دام المكان في شارع ..
او عالاقل يرسل ايي حد معاه يشوف المكان ..
العتب على الشرطي و الله يعينك و موضوعك بسيط لكن يجب على اداره المرور انها تنتبه حق الموضوع
عشان محد يتبلى على الثااني

[ziad1971]

يا اخوي الله ييسر امورك وحمد لله على سلامة ولدك والموضوع بسيط ان شاء الله وراح توخد ورقة التصليح ما دام الدعمة تظهر ان الضربة في العمود بس شوية صبر

بس ابي اقولك شيء
القانون وجد لحمايتك وحمايتي وحماية كل فرد فينا
ولازم نشكر افراد الشرطة والمرور على سهرهم وحرصهم وتعاونهم.

حفظكم الله جميعا

[OM_OMAR_QATAR]

إجراء روتيني عادي

[ya3coub]

أخوي رجل الجزيرة 3 ايام خلصو ما بلغتنا

هل اخذت ورقه التصليح ولا ليلحين ؟؟

[رجل الجزيرة]

أخوي رجل الجزيرة 3 ايام خلصو ما بلغتنا

هل اخذت ورقه التصليح ولا ليلحين ؟؟

جزاك الله خير وربي يرحم والديك.

ولدي سافر مع عمه للسعودية بنفس السيارة وبإذن الله تعالى بيرجعون الليلة وإن شاء الله بيمر على المرور وبأعلمكم بعدين.

:)

[ya3coub]

جزاك الله خير وربي يرحم والديك.

ولدي سافر مع عمه للسعودية بنفس السيارة وبإذن الله تعالى بيرجعون الليلة وإن شاء الله بيمر على المرور وبأعلمكم بعدين.

:)

ان شاء الله خير يا رب