استفسار يا اهل الخبرة

[ziad1971]

السلام عليكم
باختصار
عندي تويوتا جي اكس ار 2011 وديتها قبل اسبوع عملتها سيرفس كامل وتم تغيير عدة شغلات ومن ضمنها البريكات
بعد اسبوع ضوى عند ضو 4lo وديتها امس للوكالة وقالوا بعد فحص الكمبيوتر انه في قطعة خلف البريك تبي تبديل وبدلتها
اليوم الصبح ضوى عندي ضو ABS وبصراحة
وانا حاسس انه مشكلتي صارت من يوم ما عملت السيرفس والمشاكل بدأت تظهر وخصوصا جهت البريكات.

شو الحل في المشكلة مع الوكالة اللي عملو السيرفيس والضو اللي ظهر بالسيارة؟!

وهل مشكلتها بسيطة

انتظر ردكم

[وحيد-الشوق]

اعتقد ال4lo شيء يخص الدبل وسبق وقريت عن هذي المشكلة في عدة مواقع وهي ليست مشكلة أساساً

ان شاء الله يفيدونك الاخوان

[Rider]

هذي مشكلة الوكالات ادخل السيارة صاحيه تطلع من عندهم فيها بلاوي روح حط السيارة عندهم وطالب تقبل مسؤول وقوله السالفه ولا تاخذ سيارتك الا انت متأكد انها صاحية

[ziad1971]

الله يجزيكم خير على الردود

اخوي (وحيد) كلامك صحيح قريت في بعض المنتديات وبصراحة ما في شخص اكد المشكلة من وين وبعضهم تجدهم يقولك الموضوع هين والبعض الآخر موضوع صعب ومكلف، حتى بعضهم يقولك المشكلة في الدينمو

وقلت اتأكد من اهل الخبرة المشكلة وين بالضبط

وفعلا اخوي (رايدر) كنت ابي اوصل الموضوع للمدير واتركلهم السيارة واكبر الموضوع لانه صرت مار عليهم اربع مرات ومليت من هالشغلة
ولكن قلت اصبر عليهم اشوف ردت فعلهم لما ارحلهم
لكن اول ما شافني اللي يستقبل الطلبات على طول اتصل بالمسؤول الفني وكان منحرج وخلاه يفحص السيارة ويشوف المشكلة

النتيجة كانو متعاونين معي جدا وطلعت المشكلة بالشخص اللي ركب القطعة خلف دعسة البريك يبيلي عيارات والاخ ما عايرها
وطلب المسؤول الفني بمقابلة الفني اللي صلح السيارة وهو بنفسه اخذ السيارة وتابعها وتم تصليح العطل بخلال ربع ساعة

الله يجزيكم خير والحمد لله انه الموضوع عدا على خير

لكن اتمنى من الوكالات لما يعملون سيرفيس لازم يكون هناك شخص يشيك على القطع التي تركبت صح ام خطأ.

شكراً للجميع