شكرًا لجميع القائمين على تنظيم درب الساعي،،،

[بوحارب]

السلام عليكم

بأسمي ;) وبأسم أعضاء شبكة الأسهم القطرية

أتقدم لجميييييييع القائمين على تنظيم مهرجان (درب الساعي)

بالشكر الجزيل على الأعداد والمجهود والتنظيم المشرف

والله يعطيكم الصحة والعافية


وهذا تقرير مصور اهداء لاعضاء وزوار المنتدى


http://www.qatarshares.com/vb/showthread.php?598616-%D5%E6%D1-%E3%E4-%CF%D1%C8-%C7%E1%D3%C7%DA%ED

[QATAR 77]

اقترح لأدارة درب الساعي بخصوص المواقف نصها سواقين ينتظرون بالساعات و مسببين ازمة في المواقف فياريت الي ما ينزل يحرك و يترك المجال لغيره

[بو الجوري]

يعطيك العافيه يا بوحارب ، وتقريرك حلو ..

وفعلاً يعطيهم العافيه على التنظيم الرائع ، مع إني مارحت للحين ..

بس الأصداء حلوه :..

[الجنوبي]

اهم شي المواقف وحركة دخول السيارات وخروجها اتمنى تكون سلسة ومتوفرة

[غايه الطواش]

يا حيك يابو حارب شكرت غيرك ماغير يمشي ويذم وشوفو البلاد المجاوره
شويه تفاءل بس , الواحد مهما سوى يضل مقصر ومافي شي كامل, الواحد في مثل هذه المناسبات
يحتاج تكاتف الكعل الشغب الاداره المنظمه رجال المرور ,يد وحده ماتصفق


يعطيك العافيه

[بوحارب]

قطر 77
بو الجوري
الجنوبي

الله يجزاكم خير على المرور الرائع




يا حيك يابو حارب شكرت غيرك ماغير يمشي ويذم وشوفو البلاد المجاوره
شويه تفاءل بس , الواحد مهما سوى يضل مقصر ومافي شي كامل, الواحد في مثل هذه المناسبات
يحتاج تكاتف الكعل الشغب الاداره المنظمه رجال المرور ,يد وحده ماتصفق


يعطيك العافيه

اللي يدور على الكمال مب محصله

انا شفت بعض الملاحظات الغلط بس مب لازم اذكرها

المهم ان الاخوان اجتهدوا ونظموا والنقص موجود موجود :)

فماله داعي أندور الأخطاء بس !

يعافيك يارب ومشكورة على المرور

[حمد 2002]

عفوا ..

[العلياا]

انا من شوي طلعت منه
فعلا فعلا شي رااااائع التنظيم ماشاءالله
الشباب المنظمين في كل زاوية متواجدين بكثره وحرصهم على الناس
شلون يمشوون قدام الريل بانتظام

ونشكر ايضا احسان المؤسسه القطرية لرعاية المسنين
بنات وشباب صغار يشكرون كبار السن ويوزعون لهم ورد

واخير نشكر رجال الشرطة ولخويا اللي ما قصروا معانا وتعاونا معانا
وكانت لنا معاملة خاصة واسمحوا لنا ندخل السيارة لين البوابة عشان ننزل الوالد

شكرا_اللجنة_المنظمة_لدرب_الساعي :victory:

[بصمة قطرية]

يستاهلون الشكر ..
أنا ما رحت بس شفت الصور ..
عيالي راحوا و صديقتي وايد مدحوا المكان و التنظيم ..
يعطيهم ألف عافية ما قصروا ..

[بوحمد111]

جزاك الله خير اخوي بوحارب وفعلاً المنظمين يستحقون الشكر والتقدير على جهودهم المبذوله والتنظيم تم بإحترافيه والله يعطيهم الصحة والعافيه

[يمامـة]

يستاهلون الشكر على مجهودهم

وشكرا لك بو حروب بعد على لفتتك الطيبة..

[OM_OMAR_QATAR]

الله يعطيكم الصحة والعافية

[panda]

وين مكانه هذا درب الساعي؟

[يمامـة]

وين مكانه هذا درب الساعي؟

مقابل المعهد الثقافي البريطاني صوب اشارات السد..

[panda]

مقابل المعهد الثقافي البريطاني صوب اشارات السد..

يعطيك العافية اختي

[يمامـة]

يعطيك العافية اختي

الله يعافيك

[المرحب]

يستحقون الشكر والتقدير على جهودهم المبذوله

[R 7 A L]

يستحقون الشكر
مجهودات رائعه وجبارة
شكراً بوحارب على هذه اللفته الطيبة

[حليتان*]

حلو المكان لكن قعدت 10 دقايق وطلعت بحكم اني ما احب اللمه والزحمه