استفسار عن الصبغ الخارجي

[بوحارب]

http://i.imgur.com/gUajQKo.jpg

السلام عليكم

من يعرف اسم الصبغ اللي في الصورة فوق


هو خشن شوي ويشبه الكنكري


وفيه نوع منه يجي عليه نفس اللمعه!!


وشنو احسن انواع الصبغ الخارجي واللي تعمر وما تتقشر؟

[معماري قطري]

منه عدة أنواع ويجي مثل البلاستر .. كان عند الهندي موتي اللي في شارع سحيم بن حمد والحين هدموا بنايته وما ادري وين راح .. نسيت اسم الشركة ومديرها ما نسيته .. وعنده اللي فيه زجاج ويعطي لمعة وفيه منهم عدة نوعيات وغالي سعره .. فيه نوع يجي مطاط ويسكر الشلوخ بس أَكيد بعد كم سنة بيجف وبيتشقق هو بنفسه.

أحسن صبغ بو حارب موجود حالياً كسعر وجودة هو الجوتاشيلد واللون الأَبيض منه مسكت بس حاول تاخذه عن طريق شركة جوتن ولو عندهم حد يصبغ بضمانهم أَحسن لأَن غالبية الصباغين يغشون في الخلطة وفي طريقة الصبغ.

[شموخ دائم]

,

,


مرحبا


حيالله اخوي بو حارب

اذا عطيتك اسمه تشربني كرك على حسابك
:)

هذا يسمونه كسر الرخام وفي منه كسر الزجاج فيه لمعه هذا اسمه الشعبي او المتعارف عليه
هو عملي ويعيش كثير على المبنى

هذا يستخدم للعمارات \ المدارس \ المباني الحكوميه \ حتى يطول وما تنصبغ الا لفترات بعيده
مميزاته
يخفي العيوب مثل الكراكات والتشققات والاسطح غير المستويه
يعمر طويلا على المبنى
ماده قويه

عيوبه
يتغير لونه الى الاسود في اطرافه بعد مرور 5 سنوات
سعره غالي
خشن جدا تتكاثر عليه الحشرات
الوانه محدود

رايي الشخصي
لو تلاحظ ( مافيه جمال ) ولكنه قوي ويعمر على المبنى


موجود عند شركه اسمها ( سفاري )

انصح بنوع اسمه جوتاشيلد توب كوت من شركه جوتن

http://www.argesan.net/Images/urun/2986259ac66c8920289e8ea24c459db4.jpg


بالتوفيق لك

[شموخ دائم]

,

,


اخوي معماري قطري

كتبنا مع بعض سبحان الله توني اشوف ردك
هو نفس الرد تقريبا

:)

سباق للخير يارب

[بوحارب]

معماري قطر & شموخ دائم

الله يرحم والديكم وماقصرتوا


شموخ ياخي انت تامر امر طال عمرك [>~<]

[معماري قطري]

,

,


اخوي معماري قطري

كتبنا مع بعض سبحان الله توني اشوف ردك
هو نفس الرد تقريبا

:)

سباق للخير يارب

آمين يا رب

زين ذكرتني باسم الشركة سفاري كنت ادوره في نهايات المخ وحصلت اسم مديرهم

إِضافاتك في محلها خصوصاً إِنه يجمع الغبار وغالي وشكله ما مشى عندنا

[معماري قطري]

معماري قطر & شموخ دائم

الله يرحم والديكم وماقصرتوا


شموخ ياخي انت تامر امر طال عمرك [>~<]

ووالديك

[Right]

مثل ما قالوا أخواني الكبار الأعزاء الخبراء وإلي لي الشرف بالتعلم منهم:

" معماري قطري و شموخ دائم "



عن تجربة لمدة تزيد عن الــ 11 سنة ، عندك صبغ جوتن جوتاشيلد يعمر وحلو


كأنه بلاستك بعد ما يجف ، لدرجة أن جات عليه غبره ، بس رشه بماي يطلع كأنه جديد

[الفني]

مرحبا يا اخوان عندي واحد بعد فنان ومتخصص في شغل صبغ كسر رخام اذا تامرون على الرقم حاضر الصراحة الرجال سوا وايد شغل والحمد شغله زين