اتمنى من الي ركبوا قبل يفيدوني وينصحوني

[LSBU]

صباح الخير

ابي اركب كاميرات مراقبة في بيتي لنة الوقت هذا الواحد يخاف على عيالة وبيتة من المصايب الي نسمعها والحمدلله بلدنا انفتح للعالم وكثروا فية الناس و احنا في بلدنا متعودين على الامان والامن حابة اركب كاميرات وين الاماكن الي تنصحوني اركب من عندهم يكون حد جرب وشنو نوع الكاميرات الزينة وطريقتها سهلة؟
وشكرا لكم جميع

[Abdulraman]

نصيحه لاتركب كيمرات داخل البيت وانصح بتركيب الكيمرات على مداخل البيت كلها اقصد الحوش وبالنسبه للكيمرات الموجوده الحين ونوعها جيد ورخيصه كيمرات كوريا وروح اي محل مثل العنابي اللي في شارع الاصمخ بتحصل عنده

[LSBU]

ليش ما اركب داخل

[nono80]

هلا اخوي انصحك تركب الكاميرات داخل البيت وبرع انا مركبه بيتي كامل والامان بالله صرت اطلع وانا متطمنه وصاروا الخدامات ولدريول يعملون الف حساب ويدرون اني اشوف الكاميرات دوم وفيها خاصيه التسجيل والله توكل علي الله ولاتفكر الصراحه الواحد في زمان مايامن علي حد وعقب سوالف الخدم ومصايبهم وانا في الدوام اشوفهم واذا طلعت اطلع وانا متطمنه

[captin]

مرحبا صباح النور

لاشك أن موضوع تركيب كاميرات المراقبة أصبح من الضروريات لكل المرافق والمباني
سواء السكنية او الادارية او المرافق العامة او حتى الشوارع العامة وغيرها .

بالنسبة لتركيب الكاميرات في المنازل هناك فئة من الناس تركب الكاميرات على الاسوار
والمداخل والممرات بفناء المنازل ( الحوش ) وفي هذه الحالة من المفترض ان تقوم الشركة
بتصميم مخطط لصاحب العقار توضح فيه مواقع الكاميرات ونطاق التغطية لكل كاميرا وان يوافق صاحب المنزل
على المقترح وهذا هو الدارج بمعظم البيوت في قطر .

هناك من الناس من يقوم بتركيب كاميرات بداخل المنزل ويقوم بتفعيل خاصية التسجيل عندما
تكون الاسرة كلها خارج المنزل مع بقاء الخدم مثلا عند ذهاب الجميع الى العمل والمدارس.
معظم الناس في قطر تفضل عدم تركيب كاميرات داخل المنزل وتكتفي بالمناطق الخارجية والمداخل والممرات
لدواعي الخصوصية .

عادة مشروع تركيب كاميرات في مشاريع البناء هو جزء صغير من مشروع المفترض ان يكون متكامل يسمونه
AV/IT وهذا يشمل أربعة أجزاء رئيسية وهي

شبكات البيانات والاتصالات للانترنت والهواتف الاحدث حاليا هو كابلات من نوع Cat 6
ويتم توصيل الشبكة لكافة مرافق الفيلا وايضا مع جهاز الواي فاي .


نظام البث التلفزيوني وهو الصحون اللاقطة واجهزة الاستقبال والديكودرات
والحين تطورت العملية صار البث التلفزيوني من خلال الانترنت .

النظام الصوتي وهي شبكة خاصة بتوزيع عدد من السماعات بالاسقف لبث صوتي موحد
من خلال جهاز Amplifier ويتم التحكم في الصوت والمواد المسموعة وغالبا تركيب
السماعات في الاماكن العامة والممرات وغرفة الطعام , بعض الناس يحب يسمع موسيقى هادية
في البيت او موسيقى الجاز او الفولك وغيرها .

واخيرا كاميرات المراقبة اللي شرحنا عنها سابقا

هاذي الاجزاء الاربعة المهمة واللي تشكل منتج متكامل للمنزل وتعطي نوع الترفيه لسكان المنزل أيضا .

بالتوفيق ان شاء الله .

[توشيبا]

انصح تركيبها علي المداخل الرائيسه للبيت من الخارج

اما داخل البيت مانصح

فيه خصوصيه سوا جو حريم زياره او مشابه

البيت بالكثير له بابين باب كبير في الواجهه وباب صغير خلف البيت اعتقد كفايه عليهم كميرات

[LSBU]

مرحبا صباح النور

لاشك أن موضوع تركيب كاميرات المراقبة أصبح من الضروريات لكل المرافق والمباني
سواء السكنية او الادارية او المرافق العامة او حتى الشوارع العامة وغيرها .

بالنسبة لتركيب الكاميرات في المنازل هناك فئة من الناس تركب الكاميرات على الاسوار
والمداخل والممرات بفناء المنازل ( الحوش ) وفي هذه الحالة من المفترض ان تقوم الشركة
بتصميم مخطط لصاحب العقار توضح فيه مواقع الكاميرات ونطاق التغطية لكل كاميرا وان يوافق صاحب المنزل
على المقترح وهذا هو الدارج بمعظم البيوت في قطر .

هناك من الناس من يقوم بتركيب كاميرات بداخل المنزل ويقوم بتفعيل خاصية التسجيل عندما
تكون الاسرة كلها خارج المنزل مع بقاء الخدم مثلا عند ذهاب الجميع الى العمل والمدارس.
معظم الناس في قطر تفضل عدم تركيب كاميرات داخل المنزل وتكتفي بالمناطق الخارجية والمداخل والممرات
لدواعي الخصوصية .

عادة مشروع تركيب كاميرات في مشاريع البناء هو جزء صغير من مشروع المفترض ان يكون متكامل يسمونه
AV/IT وهذا يشمل أربعة أجزاء رئيسية وهي

شبكات البيانات والاتصالات للانترنت والهواتف الاحدث حاليا هو كابلات من نوع Cat 6
ويتم توصيل الشبكة لكافة مرافق الفيلا وايضا مع جهاز الواي فاي .


نظام البث التلفزيوني وهو الصحون اللاقطة واجهزة الاستقبال والديكودرات
والحين تطورت العملية صار البث التلفزيوني من خلال الانترنت .

النظام الصوتي وهي شبكة خاصة بتوزيع عدد من السماعات بالاسقف لبث صوتي موحد
من خلال جهاز Amplifier ويتم التحكم في الصوت والمواد المسموعة وغالبا تركيب
السماعات في الاماكن العامة والممرات وغرفة الطعام , بعض الناس يحب يسمع موسيقى هادية
في البيت او موسيقى الجاز او الفولك وغيرها .

واخيرا كاميرات المراقبة اللي شرحنا عنها سابقا

هاذي الاجزاء الاربعة المهمة واللي تشكل منتج متكامل للمنزل وتعطي نوع الترفيه لسكان المنزل أيضا .

بالتوفيق ان شاء الله .




الله يهديك انت عطيتني محاضرة شطول مالها خص بسؤلي

[LSBU]

هلا اخوي انصحك تركب الكاميرات داخل البيت وبرع انا مركبه بيتي كامل والامان بالله صرت اطلع وانا متطمنه وصاروا الخدامات ولدريول يعملون الف حساب ويدرون اني اشوف الكاميرات دوم وفيها خاصيه التسجيل والله توكل علي الله ولاتفكر الصراحه الواحد في زمان مايامن علي حد وعقب سوالف الخدم ومصايبهم وانا في الدوام اشوفهم واذا طلعت اطلع وانا متطمنه

هلا فيج اية انا هاي الي بسوية لنة اخاف على عيالي والواحد ماعاد صار يأمن في وقتنا هاي نشوف كل يوم بلوي ومصايب

[Abdulraman]

ليش ما اركب داخل

البيت له حرمه وخاصتا الخدامات المسلمات المتحجبات ومايصير نراقبهم كل مكان هم بشر ويبون ياخذون راحتهم
مثل ماقلت اهم شي الحوش ومداخل البيت عشان تعرف من يدخل ويطلع من البيت والاغراض اللي تنسرق من البيت

[شيخ الديرة]

من عنده وقت يعرض فيديوات المراقبة بشكل يومي؟؟
كذلك مشكلة الضيوف من الحريم وخصوصيتهم.

الحل أنك تنصب كاميرات وهمية, أنا أشتريتها من الانترنت من زمان ونصبتها, وكل الناس يعرفون أنها وهمية, لكن الخدم ما يعرفون الفرق.

ممكن من أي محل كومبيوتر تشتري كم كاميرا مثل هذي وبسعر بسيط, وتتثبت في أماكن معينة داخل وخارج البيت, للتخويف فقط, والخدم والسواق ما يعرفون الفرق

http://www.osundefender.org/wp-content/uploads/2014/11/Webcam-01-e1416472520662.jpg

[nono80]

نقطه مهمه انا مركبه كاميرات داخل البيت وممكن انك تفصلها في اي وقت زر off يعني مب صعبه والخدامات مايدرون انك فاصلها لانه مايكون وضاح الا عندك انا اذا جاوا عندي ربعي وهلي وماحتاجها اصكرها لكن اذا طالعه الدوام وزيارات اخليها والخدامات بشر ولهم حق واحنا لنا حق نخاف علي بيوتنا واعيالنا بالعكس بياخذون راحتهم في غرفهم ومحد راح يقول لهم شي لانه هالمكان خاص لهم وخصوصياتهم اما البيت لا سواء موجودة او برع والله العظيم لو لا اني شفت البلاوة في بيت اختي مع خدمها ولدريول ماركبتهم اقوووول توكل علي الله لاتحاتي عن تجربه صار لي سنه ونص والحمدلله اطلع وانا مرتاحه

[aloosh]

شوفي اختي ركبي داخل ومحيط بيتك ما عليك من اللي يقول لا تركبين داخل بالعكس تعرفين شيصير في بيتك بغيابك والخدم يعرفون انهم مراقبين علشان ما يرتكبون اي اخطاء وبعض المعترضين انه يقيد من الحريه في زيارات تقدرين توقفين الكيمرات حتى انتها مثلا حفله عندكم او زوار الامر بسيط
الواحد يخاف على عياله وممتلاكاته

توكلي على الله وركبي

[qtr qtr]

يا من جاب من حلاله عله ... الحمدلله لاخدم ولا دريوليه عندي .. والله يعينكم عليهم

اما موضوع كيمرات برا حسستوني اني عايش في كوالامبو

[بصمة قطرية]

ما أأيد كاميرات داخل البيت
المداخل كفاية تفي بالغرض ..
في ناس حاطه كاميرات في كل زوايا البيت
حتى في غرفة الخدامات ..!!
الكاميرات تتم مراقبتها عن طريق الانترنت
هل هالنظام آمن ..!!
تضمنون ان محد يخترق الكاميرات ..!!

[الفني]

مرحبا موضوع الكاميرات مفيد و غير بس يكون التركيب خارج البيت مثل الحوش والممرات والأبواب الخارجية والمطابخ ان كانت خارجية او الداخلية ومنطقة أو غرفة لعب الأطفال اذا محتاج مهندس حق التركيب هو يبيع ويركب شيك الخاص ...

[بونووف]

ما أأيد كاميرات داخل البيت
المداخل كفاية تفي بالغرض ..
في ناس حاطه كاميرات في كل زوايا البيت
حتى في غرفة الخدامات ..!!
الكاميرات تتم مراقبتها عن طريق الانترنت
هل هالنظام آمن ..!!
تضمنون ان محد يخترق الكاميرات ..!!

مب شرط تقدرين من غير نت


انا حاط لي كيمرا صغيره عشان الخدامه واليهال وشفت الفيديو مرتين بس

[بصمة قطرية]

مب شرط تقدرين من غير نت


انا حاط لي كيمرا صغيره عشان الخدامه واليهال وشفت الفيديو مرتين بس

شلون بيشتغل النظام من غير نت لو كنت خارج البيت .. !!
اللي اعرفه ما تقدر تدخل تشوف الا لما تكون متصل بالنت ..

[بونووف]

صح اذا تبين تشوفينه برع و لايف ملزومه بالنت

بس بالنسبه لي اشوف انه يتسجل واشوفه في البيت
اما اذا من النت وانتي طالعه شكثر بتشوفين خمس دقايق بالكثير وماردج بترجعين البيت تشوفين

وبعدين اول ثلاث ايام شفت التسجيل عقب طنشت