احتفال اليوم الوطني في الخارج!

[ALKASER]

السلام عليكم ورحمة الله وبركاته

اتصلت للسفارة القطرية في لندن اليوم اسألهم عن احتفالات اليوم الوطني وقالولي مافي اي محططات للاحتفال باليوم الوطتي!

اخبر يوم كنت في ماليزيا, السفارة كانت تحتفل باليوم الوطني كل سنة!

بس قالولي انه كان في احتفال للVIPs فقط من كم يوم... انا اشوف ان هالشي عمل مستهجن وغريب!

...عطوني رايكم في الموضوع...

[أين الحل ؟]

تحية طيبة .....

اعذرني بأن اقول لك هذا الكلام غير صحيح .
لان السفارة القطرية بلندن احتفلت باليوم الوطني وبعثت مسجات لكل مواطن قطري كان بلندن للمشاركة بهذا اليوم
ولكن ليس في اليوم المحدد 18 /12 الذي يقام فيه اليوم الوطني بل كان بعده بأسبوع تقريبا واعرف كثير من الاصدقاء
حضرو هذه السنة ذكرى اليوم الوطني بالسفارة وتحدثت معهم هاتفيا واخبروني بان سعادة السفير وأعضاء السفارة لم
يقصرة وكان اليوم أكثر من رائع .

[ALKASER]

تحية طيبة .....

اعذرني بأن اقول لك هذا الكلام غير صحيح .
لان السفارة القطرية بلندن احتفلت باليوم الوطني وبعثت مسجات لكل مواطن قطري كان بلندن للمشاركة بهذا اليوم
ولكن ليس في اليوم المحدد 18 /12 الذي يقام فيه اليوم الوطني بل كان بعده بأسبوع تقريبا واعرف كثير من الاصدقاء
حضرو هذه السنة ذكرى اليوم الوطني بالسفارة وتحدثت معهم هاتفيا واخبروني بان سعادة السفير وأعضاء السفارة لم
يقصرة وكان اليوم أكثر من رائع .

غلطان اخوي انهم بعثوا مسجات لكل حد... انا ما وصلني مسج وكلمت السفارة بنفسي وقالولي الاحتفال الي صار كان لدعوات خاصة فقط وصغير جدا...

واشلون احتفلوا باليوم الوطني بعده باسبوع وللحين ما وصلنا له؟ ولو قلنا قصدك قبله باسبوع, يعني اليوم!!! اكيد انك غلطان اخوي.

[ya3coub]

^^^^^^^
اين الحل كل مواطن عسكري او تحت العلاج او طالب فقط مسجلين بالسفارة و بعض السياح الـــvip و المعارف الشخصية

انا موظف بلندن و زهقتهم من كثرة ما امرهم و اتصل بدون اي فائدة. لا عندهم معلوماتي ولا اهم يحزنون بحكم اني لست مبتعث ولا ادرس و ايضا موب عسكري.

و كان في حفلة بسيطة قبل كم يوم صحيح بس محد درى عنها و انا دريت عقب حنه لأن كنت ابي اعرف شنو بيسون للطلاب و بتطوع معاهم بأي ترتيبات خصوصا بعد المعاناة الي شفتها للطلاب بعد زيارة سمو الأمير, ردت على الموظفه اليوم في بالمكان الفلاني من الساعه السادسة إلى الثامنة و ما رحت لأنها قالتها بدون نفس ولا في شي للطلاب البعاد او مو الكل توصلهم ايميلات + حسابهم عالتوتر مافيه شي و الموقع تجريبي ليلحين ما خلص, و ارقات التلفونات الي المفروض اتم عالخط في حالة الطوارئ اذا مواطن قطري يرن رنتين و يسكر بويهك محد يرد خارج اوقات الدوام.

أعرف كثر من الطلاب الي ببريطانيا و كل ويك اند اسافر اشوف مجموعه باحد المدن و اتابعهم و اسولف معاهم سوائا من اهل او معارف او اصدقاء, الي كمل سنتين إلى اليوم ما استلم اي ايميل من السفارة ولا اتصال ولا متابعه لا منهم ولا من جهة ابتعاثهم, الي بحكم شغالي بلندن اتابع بالنيابة عنه و عالفاضي للأسف.


أخوي الكاسر كلامك صحيح, أخوانا الدبلوماسين ما يقصرون و وزارة الخارجية ايضا بصراحه فوق العال بالتعامل المشكلة عندنا البعض يصرفك بدبلوماسية او يحس بما انه شغال ما يحتاج مساعده ولا انه يتقبل احد يقترح عليه شي.
ترا ممكن انا كمواطن اشوف شي بوجهة نظر ثانية من الخارج و الصورة الكبيرة غير عن الصوة الي يشوفنها, و ادري عندهم ضغط شغل عساهم عالقوة يا رب.

غير الرسبشن يحاولون يطلعون بأعذار علشان ما تدخل عليهم.

للأسف السفارة لازم تاخذ و تعطي و تستقبل النقد من الناس الي يحبون يساعدون و ما يرضون بأي غلط على سفارتنا بالخارج

[ya3coub]

السفارة القطرية بأمريكا امس اتوقع احتفلت باليوم الوطني

لأن اشوف صور عالفيسبوك لليوم الوطني القطري بواشنتون

[ALKASER]

اي صادق اخوي يعقوب.. انا طالب هناك ولا ختى وصلني منهم اي ايميل في الموضوع! حتى المكرمة الاميرية لين الحين فيها تعقيدات!

حتى موظفة المعلومات ما صدقت اني خلصت استفساراتي وصكت التلفون بوجهي!

الله يعينهم على الضغوطات والشغل بس تستغرب من تفاوت وتفاني اداء السفارات المختلفة...

[مخطط قطري]

انا في لندن حاليا وصارلي كم يوم وقاعد لين اخر الشهر تقريبا وكانت ناوي امر السفاره واسالهم عن ترتيباتهم هالسنه او اكلم السفير بس مافضيت بس بكره بمرهم وخصوصا عيالي الصغار حمسانين على ليش ماخليتهم في قطر ويحتفلون باليوم الوطني هناك بس وعدتهم البسهم ثياب ونمر السفاره ف اليوم الوطني ونحتفل هناك بتصل ف السفير الخاطر وبتاكد من هالكلام

[ya3coub]

اي صادق اخوي يعقوب.. انا طالب هناك ولا ختى وصلني منهم اي ايميل في الموضوع! حتى المكرمة الاميرية لين الحين فيها تعقيدات!

حتى موظفة المعلومات ما صدقت اني خلصت استفساراتي وصكت التلفون بوجهي!

الله يعينهم على الضغوطات والشغل بس تستغرب من تفاوت وتفاني اداء السفارات المختلفة...

لا تحاتي هاي كان احد اسباب زيارتي ايضا

ان شاء الله تاريخ 27 بالكثير بين 20-27 بتزل بحسابكم ان شاء الله المشكلة كانت برجستر البنك

طلبي منهم كان انهم يرسلون لكم ايميل و يبلغونكم بالمستجدات لأن كثير الي يحاتون خصوصا انه اخر تبليغ كان انه بنهاية الشهر الماضي.

[ya3coub]

انا في لندن حاليا وصارلي كم يوم وقاعد لين اخر الشهر تقريبا وكانت ناوي امر السفاره واسالهم عن ترتيباتهم هالسنه او اكلم السفير بس مافضيت بس بكره بمرهم وخصوصا عيالي الصغار حمسانين على ليش ماخليتهم في قطر ويحتفلون باليوم الوطني هناك بس وعدتهم البسهم ثياب ونمر السفاره ف اليوم الوطني ونحتفل هناك بتصل ف السفير الخاطر وبتاكد من هالكلام

السفير ما قد قابلته بس الي شفته من الطلاب و سمعته منهم يوم توزيع الشيكات انهم كلمو السفير و قالوله بيتعانون على التوزيع و وافق انهم ينظمون بعد ما صارت العفيسة

انتمنا ايضا تفعيل حساب تويتر السفارة القطرية اذا توصله هالمسج بحيث انه أغلب الي بلندن مرضى,سياح, طلاب, موظفيه او بمهمات كللهم يتابعونه.
و انا بكرة بإذن الله بمر على الملحق الثقافي و ايضا الملحق الطبي لبعض النصائح للأفضل و ان شاء الله يحطونها بعين الإعتبار للمستقبل.

[بصمة قطرية]

هلي في لندن من فترة
اللي دراسة و اللي علاج
ما وصلهم شي عن حفل اليوم الوطني

و الكل شاف الفيديو اللي انتشر للحفل ..

المفروض ينظمون حفل و يبلغون الكل
اللي يبي يحضر ..
على الأقل اللي برع ما يحس بغربة بالذات
في هاليوم لأن الكل يتمنى يكون وسط بلاده و هله ..

[ALKASER]

انا في لندن حاليا وصارلي كم يوم وقاعد لين اخر الشهر تقريبا وكانت ناوي امر السفاره واسالهم عن ترتيباتهم هالسنه او اكلم السفير بس مافضيت بس بكره بمرهم وخصوصا عيالي الصغار حمسانين على ليش ماخليتهم في قطر ويحتفلون باليوم الوطني هناك بس وعدتهم البسهم ثياب ونمر السفاره ف اليوم الوطني ونحتفل هناك بتصل ف السفير الخاطر وبتاكد من هالكلام

الله يسهل عليكم وتستمتعون... اي خبر من السفارة؟

[ALKASER]

لا تحاتي هاي كان احد اسباب زيارتي ايضا

ان شاء الله تاريخ 27 بالكثير بين 20-27 بتزل بحسابكم ان شاء الله المشكلة كانت برجستر البنك

طلبي منهم كان انهم يرسلون لكم ايميل و يبلغونكم بالمستجدات لأن كثير الي يحاتون خصوصا انه اخر تبليغ كان انه بنهاية الشهر الماضي.

ان شاء الله... الله يسمع منك.

أي انا ارسلت لهم 3 ايميلات بهالخصوص وايميل عن اليوم الوطني ولا جاني اي رد!

[ALKASER]

هلي في لندن من فترة
اللي دراسة و اللي علاج
ما وصلهم شي عن حفل اليوم الوطني

و الكل شاف الفيديو اللي انتشر للحفل ..

المفروض ينظمون حفل و يبلغون الكل
اللي يبي يحضر ..
على الأقل اللي برع ما يحس بغربة بالذات
في هاليوم لأن الكل يتمنى يكون وسط بلاده و هله ..

اي صحيح... وانا شفت الفيديو ولا جاني اي خبر!

عشت في ماليزيا وامريكا وكنا نحتفل بيوم الاستقلال واليوم الوطني بقاعة فندق وترتيب... استغرب ليش اهني غير!

والله يشافي الي جاي علاج ويوفق الي يدرسون...