سوال لأهل الخبرة والتعامل

[الفني]

مرحبا بالاخوان والاخوات ان شاء الله ببدأ في البنيان وان شاء الله بيكون اختيار على شركة درم للتجارة والمقاولات ومديرهم باكستاني اسمه محمد رفيق سوالي من الاخوان والاخوات حد تعامل مع ها الشركة اذا حد تعامل معاه الله يخليه يقولينا تجربته معاه الله يجزاكم خير والبركة

[شموخ دائم]

,

,


مرحبا

اخوي الكريم

بالتوفيق لك ومنزل مبارك يارب

انا متاكد انك ان شاء الله بتختار الي يناسبك وبعنايه وحذر

ولكن هي نصايح للجميع

احسن طريقه لمعرفه الشركه هو ان نسئل عملائها الي جربوا العمل معاها والتجربه خير برهان
اخذ منهم اسماء وارقام اخر 3 عملاء اشتغلوا معاهم اهم شي يكون السنه هذي حتى تكون المعلومه جديده

اتصل فيهم واسئل عن البناء والتعامل والمشاكل الي واجهتم واسئل عن الاستشاري الي كان موجود
هذي افضل طريقه للسؤال عن شركه وسمعتها وجوده العمل فيها

المفروض أي شركه يكون لها ( بروفايل ) وحاطه مشاريعها الي نفذتها وفيها اسماء الزبائن ويكون بالتنسيق معاهم ومتاح طريقه التواصل معاهم للمصداقيه
كل الشركات الجيده تعمل هذي الطريقه

مافي احراج لو اتصلنا وسئلنا شخص عمل معاهم وناخذ التفاصيل منه ينصح فيهم او لا

الناس اذا بيشترون سياره يسئل الي جربها كيف السياره وكيف سواقتها وكيف صيانتها
فما بالك ببيت العمر وفيها مبالغ كبيره وما نسئل !! الموضوع غريب
ثقافه السؤال مهمه ولازم تنتشر بين الناس

والشي الثاني المهم ثقافه التعامل مع شركه وليس مع افراد
مافي شي اسمه باكستاني او هندي او مصري في شي اسمه ( شركه ) وفيها ادارات وتخصصات من مهندسين وحسابات
ولها مقر معروف وفيها حركه لما تدخل تشوف الناس رايحه جايه فيها والكل مشغول من خرائط ومن اتصالات ومن مندوبين الشركات ومن عينات وسنابل
شركه ( حيه ) فيها بزنز سافر المهندس او تفنش الشركه موجوده واعمالها ماشيه ما توقف

هذه ليس دعوه للذهاب لشركات كبيره لا والله لان السعر مهم ايضا في المشروع
ليس من الصحيح نروح لشركات غاليه جدا وليس صحيح نروح للرخيص جدا
المفروض نوازن العمليه شركه جيده متوسطه فيها امكانيات وسعر مناسب بين هذا وهذا

انا اشوف شركات استغرب شركه من يطلع المدير قفل الشركه بالمفتاح وركب سيارته وتضل الشركه مقفوله لين يرجع حضرته !!
ثاني يوم هذي شركه ذات ( الشخص الواحد ) او ( السوبرمان ) هو فورمن وهو مدير وهو محاسب وهو يجيب المواد !!!
هذا اكبر خطاء التعامل مع هذا النوع من الشركات !!

الي يوقع مع شركه بهذا النوع ( يتحمل ) المشاكل الي واضح انها راح تطلع بسهوله لانها مافيها امكانيات !!


العذر والسموحه على الاطاله ولكن من الواجب النصح وممكن الواحد يتاكد بنفسه من خلال ما تم طرحه من نقاط مهمه جدا

,

,


ا

[ابوالحارث]

الله يوفقك ان شاء الله و تسكن البيت و انت في صحة و عافية

هذا موضوع احد الأخوة الأعضاء و اعتقد ان الشركة الي اخترتها هي الي بنت له ، اتصل في الشخص و أسئلة و عطنا خبر وش يصير معاك

http://www.qatarshares.com/vb/showthread.php?547572-بناء-منزل-العمر-خطوه-بخطوه-بالصور-(متجدد)

[بن غيث]

الله عليك يا شموخ ..
يبيلك نسكافيه وبوعشن

[معماري قطري]

المفروض هالرد يتبروز ويتثبت فوق كمرجع مهم

ذكرت قبل إِني دخلت شركات حتى الليتات مطفية لتوفير الكهرب .. وكراسيهم مكسرة يمكن محصلينها صدقة .. وكثير سياراتهم هي مكتبهم وفاكس ما عندهم وهذي شركات المشروع الواحد " الفاشل ".

تعاملت مع شركات صغار ومتوسطين خوفاً من الكبار وغلائهم وفي الأَخير اكتشفت إِن الكبار أَرخص وأَضمن .. فبديت اروح للي لهم سمعة قوية وللشركات المكتملة واللي ممكن تبني بنياني بسهولة ولو خذت شوي أَكثر واريح راسي .. لذلك النصيحة التنويع بين مستويات الشركات ومحاولة الحصول على أسعار من شركات قادرة على اتمام العمل بشكل كامل.


,

,


مرحبا

اخوي الكريم

بالتوفيق لك ومنزل مبارك يارب

انا متاكد انك ان شاء الله بتختار الي يناسبك وبعنايه وحذر

ولكن هي نصايح للجميع

احسن طريقه لمعرفه الشركه هو ان نسئل عملائها الي جربوا العمل معاها والتجربه خير برهان
اخذ منهم اسماء وارقام اخر 3 عملاء اشتغلوا معاهم اهم شي يكون السنه هذي حتى تكون المعلومه جديده

اتصل فيهم واسئل عن البناء والتعامل والمشاكل الي واجهتم واسئل عن الاستشاري الي كان موجود
هذي افضل طريقه للسؤال عن شركه وسمعتها وجوده العمل فيها

المفروض أي شركه يكون لها ( بروفايل ) وحاطه مشاريعها الي نفذتها وفيها اسماء الزبائن ويكون بالتنسيق معاهم ومتاح طريقه التواصل معاهم للمصداقيه
كل الشركات الجيده تعمل هذي الطريقه

مافي احراج لو اتصلنا وسئلنا شخص عمل معاهم وناخذ التفاصيل منه ينصح فيهم او لا

الناس اذا بيشترون سياره يسئل الي جربها كيف السياره وكيف سواقتها وكيف صيانتها
فما بالك ببيت العمر وفيها مبالغ كبيره وما نسئل !! الموضوع غريب
ثقافه السؤال مهمه ولازم تنتشر بين الناس

والشي الثاني المهم ثقافه التعامل مع شركه وليس مع افراد
مافي شي اسمه باكستاني او هندي او مصري في شي اسمه ( شركه ) وفيها ادارات وتخصصات من مهندسين وحسابات
ولها مقر معروف وفيها حركه لما تدخل تشوف الناس رايحه جايه فيها والكل مشغول من خرائط ومن اتصالات ومن مندوبين الشركات ومن عينات وسنابل
شركه ( حيه ) فيها بزنز سافر المهندس او تفنش الشركه موجوده واعمالها ماشيه ما توقف

هذه ليس دعوه للذهاب لشركات كبيره لا والله لان السعر مهم ايضا في المشروع
ليس من الصحيح نروح لشركات غاليه جدا وليس صحيح نروح للرخيص جدا
المفروض نوازن العمليه شركه جيده متوسطه فيها امكانيات وسعر مناسب بين هذا وهذا

انا اشوف شركات استغرب شركه من يطلع المدير قفل الشركه بالمفتاح وركب سيارته وتضل الشركه مقفوله لين يرجع حضرته !!
ثاني يوم هذي شركه ذات ( الشخص الواحد ) او ( السوبرمان ) هو فورمن وهو مدير وهو محاسب وهو يجيب المواد !!!
هذا اكبر خطاء التعامل مع هذا النوع من الشركات !!

الي يوقع مع شركه بهذا النوع ( يتحمل ) المشاكل الي واضح انها راح تطلع بسهوله لانها مافيها امكانيات !!


العذر والسموحه على الاطاله ولكن من الواجب النصح وممكن الواحد يتاكد بنفسه من خلال ما تم طرحه من نقاط مهمه جدا

,

,


ا

[qatarman8008]

الافضل انك تروح معاه وتشوف بيوت هو قاعد يبنيها الحين.. وتحكم على الشغل بنفسك..
اهم شي تشوف اشلون شغله في صب القواعد.. وتشوف بيوت عالاعظم بدون بلاستر..

[الفني]

شكرا للأخوان واسف على رد المتاخر بس صح كلامك اخوي قطر مان انا شفت شغله من بيوت ومجمعات يعني عنده بيوت حق ناس الي كانوا يبنون عند ناس ثانيين وحولوا عنده وكان يقول لي مشاكل البناء وبيوت هو قاعد يبنيه ماشاء الله شغله زين والرجال وايد متعاون في كل شي

[ساكن ازغوه]

السلام عليكم اخوي الفني شيك الخاص ولا عليك امر

[$الملياردير$]

الله عليك يا شموخ ..
يبيلك نسكافيه وبوعشن
بن غيث نسكافية ممكن بس بوعشن وين بيحصله راحوا الطيبين ��

[الفني]

نورت اخوي الملياردير