القرد بعين امه غزال .. مثل يقال والكل سمعه تقريبا ! ليش نقوله ومتى نقوله؟ تعال نتعرف.

[المخلب]

السلام عليكم

القرد فعين امه غزال ..

http://members.abunawaf.com/dukefleet/25/10.jpg

مميزات هذا المثل ومتى يسمع ..

(( 1 ))

مثل شعبي ودارج .. ومشهور اكثر من اي مثل عند النسوان .. وخاصه لين الوحده جابت ولد او بنت وتقول انه يشبهها او انه احلى ولد بالكون ..!! ماتشوف الا وحده من الي جالسين يباركون لها ( بس بقلبهم حاقدين عليها ) تقول بصوت خفيف او تساسر باذن رفيجتها " القرد بعين امه غزال ..


(( 2 ))



ساعات نسمع المثل هذا واحنا بالسوق نمشي نشوف وحده حاطه مكياج يلوع الجبد ونافخه ريشها .. وشايفه نفسها حبتين ..

نشوف الشباب (( راعين التمصخر )) اول مايشوفونها تمشي ويتمصخرون عليها من ضمن كلامهم ومصخرتهم يقولون الجمله : القرد بعين امه غزال ..!

(( 3 ))

ولما تكون بحديقه الحيوان وتوقف عند قفص القرود والشواذي وتشوف الام ( القرده ) جالسه تلعب ولدها الصغير وله تفازعله عن القرود الصغار .. او مايخطر ببالك (( انك تأكلهم )) فاذا ما عطوك وجه ! بتعلق تعليق بسيط .. وتقول (( القرد في عين امه غزال )) ..

وغيرها من مواقف ..

هنا انا اطرح عليك هل الاسأله ..

1-ليش تم اختيار هذا التشبيه ..؟ وهل برايك تشبيه بليغ ام انه ركيك وماينفع .. ؟!

2-وهل هذا استحقار لشكل الانسان ..؟ لان الله خالقه فهو بكل تأكيد لم يخلق نفسه بنفسه ! ؟؟


3-ام انه مجامله وبنفس الوقت غيره من شخص على شخص آخر ..؟ !


4-وان تم وواجهت مثل هذا الموقف ماذا سيكون شعورك ؟؟

منتظركم ..


اخوكم المخلب ..

[خاربه خاربه]

موضوع رائع للنقاش

وان شاء الله برجع للموضوع للرد على الأسئله

ويعطيك العافيه يامميزنا:app:

[khaldoon]

1-ليش تم اختيار هذا التشبيه ..؟ وهل برايك تشبيه بليغ ام انه ركيك وماينفع .. ؟!

يمكن لانه القرد اشبه المخلوقات بالانسان وفيه نظرية دارون المشهوره اللي تقول انه الانسان اصله قرد والعياذ بالله.....تشبيه غير بليغ وما ينفع

2-وهل هذا استحقار لشكل الانسان ..؟ لان الله خالقه فهو بكل تأكيد لم يخلق نفسه بنفسه ! ؟

نعم استحقار لشكل الانسان من انسان جاهل يقول ما لا يعلم او لا يعلم ما يقول لانه هذه الخلقه هي من صنع الله عز وجل ولا يجوز الاستهزاء بها لانه ممكن جدا يلاقي عواقبها في اولاده او في تشويه يصيبه لاحقا


3-ام انه مجامله وبنفس الوقت غيره من شخص على شخص آخر ..؟ !

مجامله من انسان منافق لشخص يحب النفاق ويرتاح له ويعلم انه نفاق لا اكثر .... ليش لأ...وغيره بعد

4-وان تم وواجهت مثل هذا الموقف ماذا سيكون شعورك ؟؟

احتقار لهذا الشخص ولجهله ولسفاهته ويمكن اصمت عنه لانه الصمت هو ابلغ علامات الاحتقار ولو اني ما اعرف اصمت


جزاك الله كل خير يا الغالي على طرح الموضوع

[أبو راكان]

بالنسبه للمثل فهوتعبير مجاز من وجهة نظري
ولايمثل أمتهان أو أحتقار لمن أطلق عليه هذا المثل ( مالم تكن هناك نيّه للأحتقار)
ويدل هذا المثل على أن صاحبه يرى من يحب أو مايحب أجمل مافي الوجود
وفي نفس الوقت قد لايرى الآخرون ماتراه أنت وأن حبك لما تملك قد أعمى عينيك لتراه جميلا في نظرك
فكما قيل في الأمثال
الحب أعمى
لايميّز بين جميل وقبيح


يعطيك العافيه أخوي المخلب
كالعاده ياأخي المخلب
دائما ماتتحفنا بمواضيعك الجميله والشيقه
بارك الله فيك
وجزاك الله خير

[المخلب]

موضوع رائع للنقاش

وان شاء الله برجع للموضوع للرد على الأسئله

ويعطيك العافيه يامميزنا:app:


منتظرين ردك باحر من الجمر .. :)

وشكرا على المرور ..

[المخلب]

1-ليش تم اختيار هذا التشبيه ..؟ وهل برايك تشبيه بليغ ام انه ركيك وماينفع .. ؟!

يمكن لانه القرد اشبه المخلوقات بالانسان وفيه نظرية دارون المشهوره اللي تقول انه الانسان اصله قرد والعياذ بالله.....تشبيه غير بليغ وما ينفع

2-وهل هذا استحقار لشكل الانسان ..؟ لان الله خالقه فهو بكل تأكيد لم يخلق نفسه بنفسه ! ؟

نعم استحقار لشكل الانسان من انسان جاهل يقول ما لا يعلم او لا يعلم ما يقول لانه هذه الخلقه هي من صنع الله عز وجل ولا يجوز الاستهزاء بها لانه ممكن جدا يلاقي عواقبها في اولاده او في تشويه يصيبه لاحقا


3-ام انه مجامله وبنفس الوقت غيره من شخص على شخص آخر ..؟ !

مجامله من انسان منافق لشخص يحب النفاق ويرتاح له ويعلم انه نفاق لا اكثر .... ليش لأ...وغيره بعد

4-وان تم وواجهت مثل هذا الموقف ماذا سيكون شعورك ؟؟

احتقار لهذا الشخص ولجهله ولسفاهته ويمكن اصمت عنه لانه الصمت هو ابلغ علامات الاحتقار ولو اني ما اعرف اصمت


جزاك الله كل خير يا الغالي على طرح الموضوع


ردك كافي ووافي اخوي الكريم خلدون .. بارك الله فيك .. وتحياتي لك :nice:

[المخلب]

بالنسبه للمثل فهوتعبير مجاز من وجهة نظري
ولايمثل أمتهان أو أحتقار لمن أطلق عليه هذا المثل ( مالم تكن هناك نيّه للأحتقار)
ويدل هذا المثل على أن صاحبه يرى من يحب أو مايحب أجمل مافي الوجود
وفي نفس الوقت قد لايرى الآخرون ماتراه أنت وأن حبك لما تملك قد أعمى عينيك لتراه جميلا في نظرك
فكما قيل في الأمثال
الحب أعمى
لايميّز بين جميل وقبيح


يعطيك العافيه أخوي المخلب
كالعاده ياأخي المخلب
دائما ماتتحفنا بمواضيعك الجميله والشيقه
بارك الله فيك
وجزاك الله خير

ردك عجيب يااا صديقي بو راكان .. كفيت ووفيت .. والف شكر لك للمرور :strong

[بنت الحرمي]

يعطيك العافية اخوي المخلب

[المخلب]

الله يعافيج اختي .. :)

[M O 7 A M M E D]

شكلك رقم (( 2 )) وايد تسويــها ..

ويعطيك العافيــــــــــــــــة .. :)

[غزلان]

1-ليش تم اختيار هذا التشبيه ..؟ وهل برايك تشبيه بليغ ام انه ركيك وماينفع .. ؟!
الأنسان احيانا يختار بالفطره او ماهو مناسب من وجهة نظره للتشبيه مثل مشيته مثل مشية الغزال اوعينه مثل عيون الصقر للحده ومثل الطول طول نخله والعقل عقل اصخله..وغيرها من التشبيهات

2-وهل هذا استحقار لشكل الانسان ..؟ لان الله خالقه فهو بكل تأكيد لم يخلق نفسه بنفسه ! ؟؟
انا ما اشوف فيها استحقار احيانا يختارون كلمات قد تكون قويه للتعبير عن المبالغه او لبيان حجم المشكله..

3-ام انه مجامله وبنفس الوقت غيره من شخص على شخص آخر ..؟ !
كل شي جايز يهني الأثنين ممكن يكونون صح بس انا اشوفه مثل عادي يستخدم عند المبالغه بالشي

4-وان تم وواجهت مثل هذا الموقف ماذا سيكون شعورك ؟؟
بالنسبه لي باخذه كمثل قيل لأرسال رساله بالتخفيف من المبالغه او الوصف

تسلم للموضوع

[المخلب]

شكلك رقم (( 2 )) وايد تسويــها ..

ويعطيك العافيــــــــــــــــة .. :)


:looking: صادني crazy crazy crazy crazy


:D شكرا على المرور :eek2:

بس وين تعاليقك على الاساله :con2: ;) ؟

[المخلب]

1-ليش تم اختيار هذا التشبيه ..؟ وهل برايك تشبيه بليغ ام انه ركيك وماينفع .. ؟!
الأنسان احيانا يختار بالفطره او ماهو مناسب من وجهة نظره للتشبيه مثل مشيته مثل مشية الغزال اوعينه مثل عيون الصقر للحده ومثل الطول طول نخله والعقل عقل اصخله..وغيرها من التشبيهات

2-وهل هذا استحقار لشكل الانسان ..؟ لان الله خالقه فهو بكل تأكيد لم يخلق نفسه بنفسه ! ؟؟
انا ما اشوف فيها استحقار احيانا يختارون كلمات قد تكون قويه للتعبير عن المبالغه او لبيان حجم المشكله..

3-ام انه مجامله وبنفس الوقت غيره من شخص على شخص آخر ..؟ !
كل شي جايز يهني الأثنين ممكن يكونون صح بس انا اشوفه مثل عادي يستخدم عند المبالغه بالشي

4-وان تم وواجهت مثل هذا الموقف ماذا سيكون شعورك ؟؟
بالنسبه لي باخذه كمثل قيل لأرسال رساله بالتخفيف من المبالغه او الوصف

تسلم للموضوع

وجهت نظر ونحترمها .. شكرا لج .. :)