الاشارات الي عند مبنى وازره المواصلات ومبنى الهتمي..نبي حل

[دايموند]

السلام عليكم

انا مستغربه ان محد اشتكى عن هالموضوع

الاشارت صوب مبنى وزارات المواصلات ومبنى الهتمي (المنى الاسود عالكورنيش)

للاسف هالاشارت تفتح بس لمده 10 ثواني وتم حمره اكثر من 17 دقيقه اشدعوه!!
الشارع يصير فيه زحمه وتهرن وحرقه اعصاب ولما تشب خضره تشب 10 ثواني وترد تصير حمرا !!!

ياليت المسؤلين يشوفون لنا حل ويعيدون النظر بتوقيت الاشاره

[بوحارب]

انا لاحظت هالشي

ومستغرب من هذا الشخص الذكي جداً :)
اللي سوى توقيت الإشارات !!!!

[وحيد-الشوق]

تخطيط الكورنيش والاشارات بكبره غلط ياحسره عالشغل والتكسير الي كسروه بدون اي فايدة زحمة يوميا

ايضا اشارة مسرح قطر وانت جاي من برج برزان تبي تدخل الكورنيش يسار هالاشارة ثواني وتسكر ترفع الضغط :( :(

[برويقن]

صادق التوقيت سريع للإشارة الخضراء

[Al Basha]

مرحبا، تكلمت عن هالموضوع من قبل .. بخصوص إشارات تقاطع المتحف الاسلامي،
على فكرة .. أغلب الإشارات بقطر - ولله الحمد والمنه - .. تقنياً ذكية .. اي مجهزة بتقنيات وتجهيزات قادرة على جعلها ذكية ..
للأسف الخلل في المبرمج .. أخطاء كثيرة في برمجة الإشارات .. معنى ان الاشارة ذكية .. أي أنها متجهزة تقنياً .. عاد الباقي على المبرمج .. ومن قبلها .. على ربك :)

[موظف ((حكومي]

زحمه وزحمه


ايش اهو سبب الزحمه

[دايموند]

اشلون اشارت ذكيه ؟!!
هاذي اشارات غبيه عيل تفتخ 10 ثواني بس!!!
اشفيها لوزدات 10 ثواني او 20 ثانيه اضافيه؟هل 30 ثانيه بتأثر هالكثر !!
وليش تتم شابه حمره اكثر من ربع ساعه *!!!


وبالفعل في اشارات ثانيه بعد تفتح 10 ثواني

السؤال من نكلم علشان يتدخلون ببرمجه هالاشارات الغبيه !!

لان الوضع لا يطاق خاصه ان دوامي ذاك الصوب يعني طريق لا مفر منه

[بوفاطمه]

حشرة مع الناس عيد.
ماعاد تنفع الاشارات الحين .
من المفروض جسور وانفاق.

[العنيده]

يعني صح اللي لاحظته وعلى بالي انا مافيني صبر من الزحمه :eek5:
ومع الشاحنات وسواقتهم ببطء عادي تاخير كل يوم :anger1:

ياريت يتغير التوقيت ولا تزيد شوي بس :omen2:

[Al Basha]

اشلون اشارت ذكيه ؟!!
هاذي اشارات غبيه عيل تفتخ 10 ثواني بس!!!
اشفيها لوزدات 10 ثواني او 20 ثانيه اضافيه؟هل 30 ثانيه بتأثر هالكثر !!
وليش تتم شابه حمره اكثر من ربع ساعه *!!!


وبالفعل في اشارات ثانيه بعد تفتح 10 ثواني

السؤال من نكلم علشان يتدخلون ببرمجه هالاشارات الغبيه !!

لان الوضع لا يطاق خاصه ان دوامي ذاك الصوب يعني طريق لا مفر منه
أخوي السالفة نفس تلفوناتنا .. ايفونات وايبادات وجلكسي وتويكس من اخر موديل ويالله من فضلك وعافيتك .. وكلها هواتف ذكية ..
عاد لو احنا ما نعرف نستخدمها مو معناتها إنها مو ذكية .. لا والله الخلل فينا ..
أنا من خلال مراقبتي كل الاشارات فيها الخطوط السودا اللي قبل الخط الأبيض .. سواء الاشارات اللي برادار واللي بدون رادار ..
الخط الاسود هو اللي يعطي الاشارة خبر اذا مافي سيارات عشان تقفل بسرعة .. أو اذا في سيارات عشان تتم فاتحة .. الاشارات كتجهيزات ذكية ..
للأمانة انا ما شفت برمجة أفضل من برمجة إشارات تقاطع التويوتا .. حتى لما صكروا المسرب الثالث اللي على اليسار رجعوا وعدلوا برمجة الاشارة خلال فترة التصكير ، عشان ما تصكر بسرعة والسبب ان المسرب الثالث ما فيه سيارات .. هذه الاشارة انا اعطيها 9 من عشرة صراحة .. نفس الشي إشارة تقاطع شارع المطار التجاري .. اللي صوب بيتزا هت وابن القيم .. هذه استخدمها من سنوات ما أتذكر إني وقفت فيها وصكرت علي أكثر من مرة .. ما اذكر أبد!
عاد اشارة المتحف هذه الصراحة تسبب لي ضيقة بالذات لو أنا جاي من صوب الديوان الأميري وأبي اكوع وارجع صوب الديوان او الفرضة ..

[يوسف0]

ابي اعرف وشو الشركه المورده للأشارات ؟

[كازانوفا]

نفس الموضوع عند الاشاره المقابله بالضبط لمدخل المتحف الاسلامي
كلامك صحيح
انكلم مين عشان ينتبهو

[الزعفراني]

عيل ماجربتوا اشارة مبنى البريد اللي من صوب الكرنيش هههههههه

مابي احلف ان التوقيت 15 ثانية .. كنه مقطع فيديو في انستقرام :)

[م. عبدالعزيز]

اللي عنده ملاحظه على توقيت الاشارات المرورية او اعمده انارات ماتشتغل يتصل على 44951111
الشباب متعاونين جدا بناء على تجربتي معهم