والحل مع منع السفر؟

[be cool]

السلام عليكم...


انا صارلي اكثر من 5 سنوات عندي منع سفر والسبب ابوي (من النيابه العامه) ...

وابلغ من العمر 28 سنه ... وامي وابوي منفصلين ... والحل يعني؟

هل هالشي مؤبد علي طول العمر؟ ارجوكم فيدوني ....

[][ الوحيد ][]

محد راح يفيدك في هالشي الا النيابه العامه نفسها !

[qtr qtr]

الحل الزواج اذا لحد الان مب متزوجه

[PowerQ]

القانون يقول بكل بساطة أن المواطنة القطرية التي تبلغ 25 عاماً وفوق يحق لها السفر بدون تصريح، أما بنسبة للمنع.. المنع يجي تحت ظل قانوني (فقط) مثلاً لو عليج دين او قضية معينة.. أما طقّة مزاج تمنع احد من السفر فما أعتقد انه ممكن ولو صار، أنصحج بتوكيل محامي..
حققتي أكثر مع النيابة العامة؟

[شموخ دائم]

,

,


مرحبا


الله يصلحكم يارب ويبعد عنكم المشاكل ويهديك ويصلح الجميع

هذي امور عائليه ما تعرض ولا تنحل بالمنتدى واتمنى عدم الخوض في الخصوصيات

الدوله مشكوره اوجدت مراكز خاصه لحل الاشكاليات الاسريه

منها الاستشارات العائليه والاسره والطفل

وعندهم الحل المناسب الي بيرضي الجميع ان شاء الله

الله يصلح الجميع

,

,

[نور الحور]

,

,


مرحبا


الله يصلحكم يارب ويبعد عنكم المشاكل ويهديك ويصلح الجميع

هذي امور عائليه ما تعرض ولا تنحل بالمنتدى واتمنى عدم الخوض في الخصوصيات

الدوله مشكوره اوجدت مراكز خاصه لحل الاشكاليات الاسريه

منها الاستشارات العائليه والاسره والطفل

وعندهم الحل المناسب الي بيرضي الجميع ان شاء الله

الله يصلح الجميع

,

,


امين يارب ..

انا مع رأي شموخ جملة وتفصيلا ..

الله ييسر لج أمرج أختي بي كول ويستر عليج ..

ممكن تراجعين الجهات المختصة أفضل

موفقة يارب

[لبيبة]

أشوف ان الافضل اللي يعرف حل لمشكلة اختنا يكتبه هني ويساعدها، بدال ما تتتعب وهي تدور لها حل بين مكاتب المحامين وغيرهم، على الاقل ارشاد لها اذا حد يعرف، بينفعها وينفع غيرها اللي عندهم نفس المشكلة، والله يفرج هم كل مهموم ومكروب، وجزاكم الله خير

[رهج السنابك]

هل الاب او الاخ يقدرون يحطون منع سفر لبنت فوق خمس وعشرين ؟!!!!
الي سمعته مايصير انتي تاكدي يمكن كان عليج يوم كنت اصغر المفروض الحين يسقط دامج تجاوزتي هالعمر

[be cool]

المشكله اني رحت كل مكان ومافي فايده... الي ابي اعرفه يعني طول عمري ما اقدر اسافر؟

مافي دين ولا قانون يرضى ابهالكلام... قسم بالله احس بالظلم والقهر...

[jassas]

اختي تروحين النيابة وتطلبين نسخة او صورة من الملف وبتعرفين التفاصيل

بعدها ممكن نفيدج ، والله يفرج همج

[monatee]

مايصير مافي حل ،، ومايصير يتم المنع بسبب مزاج الاب او الاخ وانتي تعديتي سن 25

اذا افتر راسج خلاص من الدواره بكل مكان ،، وكلي محامي يخلصلج الموضوع

ماخلصه لج بالطريقه العاديه بياخذه بالقانون

[راجي الْعفو]

المشكله اني رحت كل مكان ومافي فايده... الي ابي اعرفه يعني طول عمري ما اقدر اسافر؟

مافي دين ولا قانون يرضى ابهالكلام... قسم بالله احس بالظلم والقهر...

وعليكم السلام و رحمة الله و بركاته ..

الله يكون بعونج و ييسر دروبج و ينفس كربج ..

اصبري لين الله ييسر لج محرم اختي الكريمة ..

وان كان غير موجود حاليا فالزمي البلد طاعة لامر الله عز و جل اللي امر بان المراة لا تسافر الا مع محرم ..

ومن يتق الله يجعل له مخرجا ..

ومن ترك شيئا لله عوضه الله خيرا منه ..

فثقي بهناء العيش في طاعة الله ..

بالتوفيق ..

[monatee]

البنت مايابت طاري انها تبي تسافر بدون محرم

وانها تنتظر لما تتزوج هذا مب حل ايضاً ،، اسباب السفر كثيره

ولما يكون المنع من الاب او احد اخوانها يعني ماتقدر تسافر حتى مع محارمها باقي اخوانها او عمامها وخوالها

!!!!!!

[طموحي عالي]

نشبتوا بحلق البنت

يمكن تبي تحج يمكن تبي تعتمر

يعني واذا ربي مارزقها الزوج الصالح اتم طول عمرها ماتسافر

وبعدين اذا انت صالح وتعامل عيالك معامله صالحه مش كل الاباء نفسك
في اباء يكرهون الام وفوقهم عيالها وكانهم مش عياله


عموما اختي الله يفرج كربتج
روحي
حقوق الانسان قدمي شكوى عندهم
او
الاستشارات العائليه

[راجي الْعفو]

بارك الله فيكم

واحنا قلنا لها لين ما ربج ييسر لج محرم و تروحين معه أيا كان هذا المحرم ..

ما اتهمناها انها تبي تروح بدون محرم ..

مجرد ابداء نصيحة من إخوانها وخواتها اللي يبون لها الخير ..

واحنا حاسين بوضعها ..

الله ييسر لج الامور كلها ..