زراعة القوقعة السمعية : مهم جداً :

[الفيصل]

السلام عليكم ورحمة الله وبركاتة

تم الوصول من رحلة علاج لبنتي ولله الحمد لكن محتاج ضروري

لقسم السمع وبالأخص قسم متابعة لزارعي القوقعه السمعيه والتخاطب
اللي يعرف قسم متخصص او شخص له خبره في ذلك ياليت يتواصل معي
في اقرب وقت

وثانياً : قسم العلاج الطبيعي والوظائفي بغيت قسم متخصص ويكون جيد

واسف اذا كان مكان الموضوع خطأ .. يعلم الله ماكتبت الموضوع الا لضروره متابعة الاقسام السابقة
لحاجة بنتي لها


ودمتم بحفظ الرحمن

[توشيبا]

اخوي عندنا اثنين نعالجهم حاليا مووسسه حمد الطبيه

جنب الدفاع المدني

قسم المخاطبه فله رقم 16

الدكتور خالد هذا علي ماعتقد دكتور للسمعيات

[توشيبا]

اشوف في القسم هذا ناس مسوين زراعه للقوقعه

بس احنا نروح لهم عشان المخاطبه

[بصمة قطرية]

إن شاءالله يفيدونك الأعضاء ..
الحمدلله على سلامتها ..

[SOUD.QA]

الحمدلله على السلامه اخوي

الله يحفظ لكم بنيتكم ويسهل عليها هالمرحله

إن شاء الله الاعضاء ما يقصرون معاك ولا الاداره في انهم يخلون استفسارك عالعام لجل يفيدونك الاخوان والخوات

[العنيد000]

مأتشوف شر ان شاء الله

[شويهينــه]

وعليكم السلام ورحمة الله وبركاته

اخوي الفيصل تروح فيلا 16 في المدينه الطبيه عند الدكتور خالد عبدالهادي هو الدكتور المختص بزراعة القوعه في قطر

[Seniorita]

في دكتور اسمه مازن الهاجري متخصص واستشاري في زراعة القوقعه, هو حاليا بقطر بس مااعرف بالضبط اي مستشفى وايام معينه يكون فيها بالبحرين بمستشفى الهلال
اذا محتاجه ضروري وماعرفت توصل , ممكن استفسرلك

[Seniorita]

http://www.youtube.com/watch?v=9zKFN6MrPVo
هو اصله اماراتي, وحاليا موجود في مستشفى الدوحة التخصصي

[الفيصل]

الله يعطيكم العافيه جميع ، هذا العشم فيكم والله نفعتني معلوماتكم كثير

بالنسبة لدكتور مازن الهاجري غني عن التعريف لكن اعتقد انه اماراتي

هل له عيادة غي قطر ؟

او اين عيادته او كم رقم هاتفهم

ثانياً : العلاج الطبيعي والوظائفي وين تنصحوني اروح ؟

وهل فيه اشخاص معتمدين يجون للبيت للعلاج الطبيعي والوظائفي ؟

ودمتم بحفط الله ورعايتة