فزعتكم بالكويت من سنين ما زرتها

[SOUD.QA]

السلام عليكم ورحمة الله وبركاته

بإذن الله رايح اليوم الكويت ومحتاج رايكم في اماكن حلوه للتمشي والتسوق ومطاعم وقهاوي تستاهل العنوه حتى لو ما كانت فمول

شاكر لكم مقدما

[للصبر اخر]

الكويت كلها مطااعم
انت بس روح الافنيووز هاي بروحه يبيله 4 ايام يدوب كل يوم مطعمين

[سالم 2014]

مرحبا بك في بلادك الاول والثاني

انا من اهل الكويت..ولانك من اهل الدار ومنا وفينا ماقدر اخبي عنكم شي

وبكل اسف وحزن اقولك الكويت مافيها شي تستاهل العنوه الا اذا كنت تبي قرايبك وربعك

او انك على ماقالو بالاصل تحب الكويت يعني حتى لو انها صحراء بتروح لها

اما غير هالكلام مافيها شي ماغير مولات وشارع البحر وسلامتك

المولات وقهاوي هذي راس مالنا فالخليج كله..يعني سيم سيم رحت والا جيت

رح للبحرين واذا كنت مصمم ع الكويت رح للأفنيو اللي انا بنفسي عمري مادخلته للحين

وفي مول جديد مول 360 بعد للحين مادخلته

والقهاوي مالك الا مقهى كلاسيكال واللي حواليها

وسلامتك

[ya3coub]

بصراحه يعتمد مع من رايح أخوي و السبب !!!

انا اروح مع الأهل منطقه اسمها فحيحيل بعيدة بس حلوة حق التمشي بعيد عن الإزعاج و فيها مجمع و اتوقع بعد سينما مو متأكد بالظبط


و اذا معاك حريم عندك المجمعات الافنيوز , 369 , مارينا , الفنار , صوب السالمية عندك السالمية بلازا و رايح في مجموعه محلات و مجمعات قديمة ببعضها ايضا يحبونها الحرين لازم يدخلون يشوفون كلشي و للريوق بس الله يعينك عالزحمة انصحك بـــ"Kuwait breakfast Club" رووعه و تعامل و رقي و حتى لو ضيعت تتصل يتمون معاك عالخط يوفونلك لين توصل او ايضا للفطور مجمع شرق الصبح يكون فاضي و بداية جميلة.

ولا تنسى سوق المباركية الصبح.

لليهال عندك المحتف الكويتي بنهاية الكرنيش اذا البحر يمينك عندهم شي اسمه القبه السماوية. المتحف مهجور يعني اذا بتروح وااااو كأنك كائن فضائي داخل عليهم ينفع للأطفال و معلومات عامة بس لا تفوت جدول الأفلام الي بالقبة السماوية و من الجهة الأخرى و عندك النادي العلمي اذا البحر يسارك نهاسة شارع الخليج العربي"الكرنيش".

و شارع المطاعم بالسالمية و بس خلصت الكويت. المشكلة الحين موسم تخيم مافي حجوزات بس كنت بنصحك تئجر شاليه و اذا حصلت عطني المعلومات لأن يمكن اروح مع الأهل بشهر فبراير.

لمحبين السيارات في عندهم الصناعية صناعية شويخ فيها تنوع بالمحلات و خصوصا الستاير الي حق السيارة...<<< ممنوعه فالدوحة اذا ركبتها لجامه السايق او العبري بس تنفع بخطوط السفر كثير كثير.

ووو بس هاي الي اسويه فالكويت كأنك بقطر بس فبلد ثاني نفس الروتين بس بمكان ثاني و تقدر تستمتع فيه

أيضا للأطفال في مجمع يشابه سوفتيل عندنا بس نسيت اسمه عندهم أغلب اجهزة الألعاب و الكمبيوتر

والله يردك بالسلامة يارب

[الجـــوديّ]

مرحبا بك في بلادك الاول والثاني

انا من اهل الكويت..ولانك من اهل الدار ومنا وفينا ماقدر اخبي عنكم شي

وبكل اسف وحزن اقولك الكويت مافيها شي تستاهل العنوه الا اذا كنت تبي قرايبك وربعك

او انك على ماقالو بالاصل تحب الكويت يعني حتى لو انها صحراء بتروح لها

اما غير هالكلام مافيها شي ماغير مولات وشارع البحر وسلامتك

المولات وقهاوي هذي راس مالنا فالخليج كله..يعني سيم سيم رحت والا جيت

رح للبحرين واذا كنت مصمم ع الكويت رح للأفنيو اللي انا بنفسي عمري مادخلته للحين

وفي مول جديد مول 360 بعد للحين مادخلته

والقهاوي مالك الا مقهى كلاسيكال واللي حواليها

وسلامتك

عندكم سوق رهييييب .. وصاير وجهة الحريم في قطر

يعني الكويت لها رصيد كبير في السياحة التسوقية واسعارها مناسبة

الله يوفقكم .. ويامالكم بزود


:


وعليكم السلام ورحمة الله وبركاته ..

أخوي صاحب الموضوع موفق .. ونتمنى نشوف تقرير عن السفرة

[SOUD.QA]

الكويت كلها مطااعم
انت بس روح الافنيووز هاي بروحه يبيله 4 ايام يدوب كل يوم مطعمين

فعلا الافنيوز عجيب لهالسوالف


مرحبا بك في بلادك الاول والثاني

انا من اهل الكويت..ولانك من اهل الدار ومنا وفينا ماقدر اخبي عنكم شي

وبكل اسف وحزن اقولك الكويت مافيها شي تستاهل العنوه الا اذا كنت تبي قرايبك وربعك

او انك على ماقالو بالاصل تحب الكويت يعني حتى لو انها صحراء بتروح لها

اما غير هالكلام مافيها شي ماغير مولات وشارع البحر وسلامتك

المولات وقهاوي هذي راس مالنا فالخليج كله..يعني سيم سيم رحت والا جيت

رح للبحرين واذا كنت مصمم ع الكويت رح للأفنيو اللي انا بنفسي عمري مادخلته للحين

وفي مول جديد مول 360 بعد للحين مادخلته

والقهاوي مالك الا مقهى كلاسيكال واللي حواليها

وسلامتك

الله حيه يالغالي يا زين الكويت واهلها طلعت من بلادي ودخلت لبلادي ربي يسلمك

الكويت واهلها حبهم بالقلب غير يكفي اني من اروح مكان الاقي هالشباب كل واحد كاشخ بثوب والبنات بالعبي خبري فيها يمكن من عشر سنين وما اذكر اني شفت عبي ولا ثياب بكثره وقتها كانوا ينعدون اللي شفتهم لكن هالسفره ما شاء الله الواحد ينشرح صدره بشوفة اهل البلاد ما تحس ان احنا فيها قله نفس باقي المدن تدخل ما تحصل مواطنين الا بالعافيه

بالعكس يالغالي ليه الحزن والله ان ديرتكم تشرح الصدر وما شاء الله متغيره واجد من آخر زياره لي لها لو بيدي طولت بهالسفره بس إن شاء الله الجيات بتكون اكثر وعن قريب بعد

راس مالنا بالخليج على قولتك قهاوي ومطاعم بس للامانه الكويت غير اللي يميزكم الاشياء المحليه من مطاعم وقهاوي ومحلات الوالد والوالده كيفوا على قسم السوق اللي بالافنيوز خصوصا كاشونة البيت

وطبعا فريج صويلح والمباركيه ما يحتاجون وصف لهم وما شاء الله الكويت كانت مليانه بهل قطر وهل الامارات بالاسبوع اللي طاف


بصراحه يعتمد مع من رايح أخوي و السبب !!!

انا اروح مع الأهل منطقه اسمها فحيحيل بعيدة بس حلوة حق التمشي بعيد عن الإزعاج و فيها مجمع و اتوقع بعد سينما مو متأكد بالظبط


و اذا معاك حريم عندك المجمعات الافنيوز , 369 , مارينا , الفنار , صوب السالمية عندك السالمية بلازا و رايح في مجموعه محلات و مجمعات قديمة ببعضها ايضا يحبونها الحرين لازم يدخلون يشوفون كلشي و للريوق بس الله يعينك عالزحمة انصحك بـــ"Kuwait breakfast Club" رووعه و تعامل و رقي و حتى لو ضيعت تتصل يتمون معاك عالخط يوفونلك لين توصل او ايضا للفطور مجمع شرق الصبح يكون فاضي و بداية جميلة.

ولا تنسى سوق المباركية الصبح.

لليهال عندك المحتف الكويتي بنهاية الكرنيش اذا البحر يمينك عندهم شي اسمه القبه السماوية. المتحف مهجور يعني اذا بتروح وااااو كأنك كائن فضائي داخل عليهم ينفع للأطفال و معلومات عامة بس لا تفوت جدول الأفلام الي بالقبة السماوية و من الجهة الأخرى و عندك النادي العلمي اذا البحر يسارك نهاسة شارع الخليج العربي"الكرنيش".

و شارع المطاعم بالسالمية و بس خلصت الكويت. المشكلة الحين موسم تخيم مافي حجوزات بس كنت بنصحك تئجر شاليه و اذا حصلت عطني المعلومات لأن يمكن اروح مع الأهل بشهر فبراير.

لمحبين السيارات في عندهم الصناعية صناعية شويخ فيها تنوع بالمحلات و خصوصا الستاير الي حق السيارة...<<< ممنوعه فالدوحة اذا ركبتها لجامه السايق او العبري بس تنفع بخطوط السفر كثير كثير.

ووو بس هاي الي اسويه فالكويت كأنك بقطر بس فبلد ثاني نفس الروتين بس بمكان ثاني و تقدر تستمتع فيه

أيضا للأطفال في مجمع يشابه سوفتيل عندنا بس نسيت اسمه عندهم أغلب اجهزة الألعاب و الكمبيوتر

والله يردك بالسلامة يارب

ربي يسلمك ويعافيك والله ضحكني تعليقك على سالفة كائن فضائي

تقدر تقول حللنا الكويت بهالسفره رحنا كل مكان فيها وطبعا المباركيه والافنيوز كان لهم نصيب الاسد شراحه ووساعة صدر

احتمال كبير تكون لي سفره لها مع الشباب قريب وشكلي من كلامك بمر صناعية الشويخ باخذ فيها لفه حمستني لها

يمكن نخيم هناك او نشوف شاليهات الخيران ان صار ابشر بالمعلومات ود الاهل غيروا جو الكويت بفبراير ما في احلى منها ربي يحفظكم

[ضوى]

ياحلو الكويت ويازين اسواقها

لنا روحه لها ان شاء الله باجازة الاسبوع في شهر 4 هذي صارت عادة لنا ، سوق المباركية بروحه حكايه

[SOUD.QA]

ياحلو الكويت ويازين اسواقها

لنا روحه لها ان شاء الله باجازة الاسبوع في شهر 4 هذي صارت عادة لنا ، سوق المباركية بروحه حكايه



الله يحفظكم اختي ضوى شرحه الكويت

يا حلو المباركيه ويا زين شربت بيذانهم مروا مطعم مسيان فساحة سومو

[وطن]

افاااااااااااا سعود
تروحون الكويت ما تودوني معاكم

:(

[qatar2014]

اخي العزيز
اتجه الى مجمع الافنيوز هذا يبيله اسبوع تخلصه هههههههههه
هناك العديد من الاماكن في منطقة السالمية
وايضا مدينة الكويت
وايضا الفحيحيل
وايضا اذا كنت تريد منطقة سكنية وايضا تجارية اذهب الى الجابرية

واي خدمة انا حاضر في الكويت

[بنت المدينا]

سبحاان الله

[Aaziz]

سعود شكلك انت خبير و تبي زود ،، عطونا الي تنصحون فيه .. ليه نيه قريب ان شاءالله

[SOUD.QA]

افاااااااااااا سعود
تروحون الكويت ما تودوني معاكم

:(


شسوي فيج انتي شريطيه ما تبين الا لندن وانا ما احبها

:tease:


اخي العزيز
اتجه الى مجمع الافنيوز هذا يبيله اسبوع تخلصه هههههههههه
هناك العديد من الاماكن في منطقة السالمية
وايضا مدينة الكويت
وايضا الفحيحيل
وايضا اذا كنت تريد منطقة سكنية وايضا تجارية اذهب الى الجابرية

واي خدمة انا حاضر في الكويت


اي والله مشتاق للافنيوز ما شبعت منه مرتين بس رحنا له

ما تقصر الغالي إن شاء الله ناوي اروح لها مع الشباب قريب وبسالك عن الطلعات الشبابيه

:nice:


سبحاان الله


سبحان الله


سعود شكلك انت خبير و تبي زود ،، عطونا الي تنصحون فيه .. ليه نيه قريب ان شاءالله


لا والله قلت استفيد من العالم واغلب الردود جاتني بعد ما رجعنا بس الحمدلله على نعمة النت خصوصا الانستقرام وقوقل ماب ما يقصر

الكويت حلوه لها طعم ثاني شرحه بأهلها وين ما تروح تلقاهم الله يحفظهم توكل على الله وروح بما ان الجو حلو خبرك الواحد يشرد من الخليج وقت حرنا ورطوبتنا

انصحك بالافنيوز خوش مجمع شرح احلى شي فيه قسم السوق جرب على قد ما تقدر من مطاعم لي قهاوي واهم شي مطعم كاشونة البيت وفي دكان مندعس يبيع خوش نامليت اتوقع اسمه بو تيله

عندك مجمع الصالحيه فيه مطعم اسمه دكان او دكاكين وفيه مطاعم يمدحونها بس ما جربتهم

سوق المباركيه لازم تمر عليه وتشرب شربت بيذان من اي قهوه عندهم ومر على مخبز اتوقع اسمه الشام عندهم خوش فطاير

مطعم فريج صويلح هذا لازم تمره

عندك مجمع فالفحيحيل اسمه ذ قيت اسعارهم حلوه وإذا معاك بنات بيستانسون عليه يمكن نص بضاعتهم تركيه

انصحك تسكن في فندق ميسوني خوش فندق والله وتعاملهم من احسن ما يكون والريوق يكون مجاني مع الغرفه وموقعهم حلو

وان بغيت تنشد عن اي شي وانا ناسيه عندك الخاص انت تامر يا بو سعود

[سالم 2014]

أييي والله كريم

وشاللي محببنا بكم ومخجلنا منكم انتو واهلنا وجماعتنا فقطر والا الامارات والا باقي شعوبنا فالخليج

غير انكم تدارون خواطرنا وتشترون زعلنا ولا تبون تجرحونا بشي وتجاملونا

مشكورين على كل حال والله يزين الاحوال انشالله

والله يعمركم ويرفع شانكم فوق ماهو مرتفع ويبعد عنكم شر الفتن وشر الحاسدين

مشكورين للكل..لكل من شارك