رحله سريعه للبحرين عن طريق البر والبحر

[حسن]

السلام عليكم

قررنا الذهاب الى البحرين عن طريق ميناء الرويس بواسطه الطراد
يعني صد ورد والمسافه حول ال50 كيلو
استغرقت حول 45 دقيقه من خروجنا من ميناء الرويس الى ميناء سلمان بالبحرين
الجو كان جميل جدا والبحر هادي وروعه
جلسننا حول ال3 ساعات ورجعنا وخلصنا شغلنا والسفره كانت ممتعه جدا
والان اترككم لجوله من صور الرحله


http://im77.gulfup.com/6D7z7w.jpg (http://www.gulfup.com/?ok6D4a)

هذه لوحه على طريق الشمال وتقريبا الساعه 6 صباحا

http://im77.gulfup.com/IINOs6.jpg (http://www.gulfup.com/?0gICOe)

طبعا وقف عند هل المبنى الشامخ المعروف وكان الكرك وسنديش الجباتي مع كيمه
لا يقاوم

http://im77.gulfup.com/iFqeFl.jpg (http://www.gulfup.com/?BCpalo)

استقبلنا هل الطيب للطلب

http://im77.gulfup.com/SA6SeS.jpg (http://www.gulfup.com/?iLyBf5)

المنيو

http://im77.gulfup.com/YfknyA.jpg (http://www.gulfup.com/?CoYtDB)

جمارك الرويس

http://im77.gulfup.com/dogAPx.jpg (http://www.gulfup.com/?ugEOvl)

طبعا هل الويف بريكر ينتظرنا في الفرضه

http://im77.gulfup.com/lChF4K.jpg (http://www.gulfup.com/?4EgLWP)


ولد اخوي احمد بن ناصر قال احدق لين تخلصون اجراءت المغادره وصاد له كمن شعم

http://im77.gulfup.com/Hd4wll.jpg (http://www.gulfup.com/?HFT1Eg)

مغادرتنا من فرضه الرويس

http://im77.gulfup.com/A5qn48.jpg (http://www.gulfup.com/?MjJX3D)

هني عطينا المكاين سرعه ومثل ماانتو شايفين سوزوكي 300 حصان موديل 2014

http://im77.gulfup.com/sSxBEd.jpg (http://www.gulfup.com/?gkIv71)

صوره كبينه القياده وخط لرحله

http://im80.gulfup.com/ufgfxf.jpg (http://www.gulfup.com/?IyEOe6)

هنيه بدايه وصوله الى نقطه خفر سواحل البحرين بدايه الدخول واخذ الاذن بالدخول الى ميناء سلمان



http://im80.gulfup.com/0yMIIQ.jpg (http://www.gulfup.com/?NIxMfR)

غادرنا النقطه ومتوجهين الى ميناء سلمان وهذه صوره الجسر اللي يربط بين المحرق وميناء سلمان


http://im80.gulfup.com/BRWfUM.jpg (http://www.gulfup.com/?ez3Ccf)

صوره للبحرين من البحر

http://im80.gulfup.com/Nr9e74.jpg (http://www.gulfup.com/?ewOdYh)

صوره واحنا متوجين الى الميناء

http://im80.gulfup.com/hrvzgT.jpg (http://www.gulfup.com/?RgO63M)

بعد ماخلنا اجرات الدخول توجهنا الى النادي البحري نوقف الطراد فيه


http://im80.gulfup.com/5C5rFC.jpg (http://www.gulfup.com/?E5NsPV)

صوره ليخت جميل في النادي البحري

http://im80.gulfup.com/fLp5qp.jpg (http://www.gulfup.com/?eGajkO)

صوره يخت لونه غريب وراه فندق الدبلومات يبين


http://im80.gulfup.com/6I2JF3.jpg (http://www.gulfup.com/?bxUG7G)

يخت نوع ازموت ومن اليخوت المعروفه


http://im80.gulfup.com/b0EZkt.jpg (http://www.gulfup.com/?AyzgQx)

استقبلنا هل الجميل في البارنكنق

http://im80.gulfup.com/R3X4o3.jpg (http://www.gulfup.com/?XvQ05W)

بعد ما خلصنا شغلنا وجلسنا حول ال3 ساعات قررنا العودهوهذه صوره خرجونا الى الرويس
وفي الخلف صوره الجسر



http://im89.gulfup.com/OFGwsB.jpg (http://www.gulfup.com/?J58kxg)


صوره لباخره كانها عماره لقيناها في الطريق



http://im89.gulfup.com/9ddWV8.jpg (http://www.gulfup.com/?Bgu5BJ)

وهذه صوره قطعه جراده نمر عليها صورتها في الرجعه عباره عن حد يطلع في الثبر
ويتبع لدوله البحرين




http://im89.gulfup.com/GCH2yy.jpg (http://www.gulfup.com/?Lwf3Rx)


بدايه دخولنا قناه الرويس وهني الطراد يسوق بروحه يمشي بالاوامر


http://im89.gulfup.com/conunO.jpg (http://www.gulfup.com/?rTuueI)


بدايه اقترابنا لميناء الرويس

http://im89.gulfup.com/RhnCCF.jpg (http://www.gulfup.com/?A90gZg)

هني غادرنا الجمارك والجوازات فاتجاه نطلع الطراد


http://im89.gulfup.com/2X1IuY.jpg (http://www.gulfup.com/?83tsYh)

صوره للرويس بلاد الساده


http://im89.gulfup.com/zjywGd.jpg (http://www.gulfup.com/?AicBdr)

صوره ليخت بوبدر على بن حسين في فرضضه الرويس

منور يابوبدر

:)


http://im89.gulfup.com/wKyRYZ.jpg (http://www.gulfup.com/?V20ZZ2)

هني الطراد مرفوع وعدنا سالمين

اترككم لمشاهده التقرير واشكركم جميعا

تحياتي

حسن = بوعلي = النوخذه

:victory:

[بوحارب]

تسجيل حضور ولي عوده

[غير البشر]

تسجيل حضور بدون عوده
لاني بعلق الحين ههه


تستاهل السلامه يا بوعلي
ماشاء الله رحله موفقه وسريعه وحلوووه
وترتييييييب اخر حلاوه

والحمدلله على سلامتك على هالتقرير الممميز :nice:

[راجي الْعفو]

وعليكم السلام و رحمة الله و بركاته ..

ياسلام عليك بوعلي ..

الصراحة تقرير فل ابشن ومن النوع الفخم !

الحمدلله ع سلامتكم ..

ويعطيكم العافيه ..

[توشيبا]

مشاء الله عيشتنا جو معكم

حسيت نفسي مسافر معكم

تقوير روعه

الحمدالله علي السلامه

[white bird]

ونااااسة ماشاءالله ،،:eek2:

خووش جو و رحلة يا حسن ..

دووم مجتمعين و مستانسين يارب .. :victory:

[نوفا91]

ماتخيل هالوقت كله وفالبحر :(
يخررع

البحررين كللللش ماادانيها
احلى شي الكرررررك
يسلمو حسن
:)

[حمد 2002]

حلو حلو ..

[حمد 2002]

ماتخيل هالوقت كله وفالبحر :(
يخررع

البحررين كللللش ماادانيها
احلى شي الكرررررك
يسلمو حسن
:)

احترمي الشعوب الأخرى ..

في طرق أفضل للتعبير ..

[غير البشر]

نوفا بالعكس البحر حلوو والطراد احلى

انا مره طلعت بالسكوتر من الشيراتون ورحت بوسط البحر الى جزيره البنانا صوب المحرقه قريب طريق الوكره هههه

تقريبا نص ساعه لين وصلت

[النهار]

خوش رحله بوعلي
الحمدلله على السلامه

[غير البشر]

خوش رحله بوعلي
الحمدلله على السلامه



يستاهل بوعلي كيلو ذهب

[توشيبا]

يستاهل بوعلي كيلو ذهب

سجل خروج الشايب هههههه

[حسن]

تسجيل حضور ولي عوده

اي عوده

تراني في البحر اذا لك جيه انا موجود
اسكت هلكت وانا انزل صوره مع الشبكه تتعصر هبابه تفتح
اسكت الجو اليوم ماله عدال على قوله خميس خميس

حياك يابوحارب تشرف

انتظرك تعال بكره الصبح نطلع طلعه استكشافيه ونسوي تقرير صيد لا يفوتك



:victory:

[حسن]

تسجيل حضور بدون عوده
لاني بعلق الحين ههه


تستاهل السلامه يا بوعلي
ماشاء الله رحله موفقه وسريعه وحلوووه
وترتييييييب اخر حلاوه

والحمدلله على سلامتك على هالتقرير الممميز :nice:

هلا هلا بغير البشر الله حيه ومرورك المميز
مر علي في البحر تراني من اليوم الى السبت حياك يالقاطع

:victory:

[غير البشر]

هلا هلا بغير البشر الله حيه ومرورك المميز
مر علي في البحر تراني من اليوم الى السبت حياك يالقاطع

:victory:


افا عليك يا بوعلووووش
ان شاء الله أبشر

[حسن]

وعليكم السلام و رحمة الله و بركاته ..

ياسلام عليك بوعلي ..

الصراحة تقرير فل ابشن ومن النوع الفخم !

الحمدلله ع سلامتكم ..

ويعطيكم العافيه ..



الله يسلمك ويعافيك ياراجي الله حيه انشاء الله انبسطتو

ترا تصدق عندي لك سمج والله مخليه لك على الوعد بس نسيت اتصلك ابشر بالعوض
بيجيك غيره فرش

:victory:

[حسن]

مشاء الله عيشتنا جو معكم

حسيت نفسي مسافر معكم

تقوير روعه

الحمدالله علي السلامه


الله يسلمك ياتوشيبا مشرف

والله اذا لكم خاطر بجوله شبابيه كمن ساعه يالله ابشرو اتفقو وانا حاظر
والدرب كله الى 45 دقيقه
متعه ماعقبها متعه يالله نخرب على القطريه
هاهاها

:victory:

[حسن]

ونااااسة ماشاءالله ،،:eek2:

خووش جو و رحلة يا حسن ..

دووم مجتمعين و مستانسين يارب .. :victory:


تسلمين يا وايت

اهم شي تستانسون بالتقرير ومنها معلومات عن طريق الرحله والمسافه والصور كثيره بس اخترت منها

مافي احلى من البحر

:victory:

شكرا على مرورك

[توشيبا]

بوعلي اذا يبيلها جوله معك لازم مطوع رفيج بو حارب يكون معنا

ناس كثيره بتنسدح في الطراد لازم يقرا عليهم لين نوصل البحرين هههههههه

[حسن]

ماتخيل هالوقت كله وفالبحر :(
يخررع

البحررين كللللش ماادانيها
احلى شي الكرررررك
يسلمو حسن
:)


الله يالبحر احلى شي في الكون

:victory:

اما الكرك تشربه الصبح مع سندويش جباتي

ااايا ببببببببببا

شرفتي يانوفا

:victory:

[حسن]

حلو حلو ..

الحو وجودك في الاستراحه

:victory:

[راجي الْعفو]

بيض الله وجهك يابوعلي وما تقصر واعتبره وصلني

يكفي انك خزنت لي الكنز ذاك اليوم

[حسن]

خوش رحله بوعلي
الحمدلله على السلامه

الله يسلمك ياشيبتنا والله انت المفروض ويانيا مع دله كرك وقولد ابيض
ودريه مسمحه يمكن تضرب جنعه ولا سكن

هاهاها

حيالله النهار راعي الذهب

:victory:

[غير البشر]

سجل خروج الشايب هههههه



خلاص ولا بتشوفه هههههههههههه
اذا على الزعتر من سنتين يماطل

[بصمة قطرية]

ماشاءالله
خوش رحلة حسن
رحلة بحرية ممتعة البحرين حلوة جذي سفرة سريعه ..
بالذات اذا رايح لشي معين ..
ما يصير استأجره منك اروح البحرين :(

[العلياا]

حسن احس انك من النوع اللي ماله بارض يكتب ويحمل صور
ف اعترف من اللي مسويه لك :tease:

المهم
انك عيشتنا الجو والفال لنا يودونا البحر :(

[النهار]

يستاهل بوعلي كيلو ذهب

هاااااااااا مأسمع شنهو كيلو بتاتا :tease:

[حسن]

ماشاءالله
خوش رحلة حسن
رحلة بحرية ممتعة البحرين حلوة جذي سفرة سريعه ..
بالذات اذا رايح لشي معين ..
ما يصير استأجره منك اروح البحرين :(


هاهاها

اذا تعرفين تسوقين الطرد عاد ابشري

:)

هلا هلا

اخت بصمه

والله روحه البحر ممتعه بشكل جميل وخصوصا اذا بدون هوا بعد
والزين
سريعه يعني 45 دقيقه وانت واصل وحو المنظر تشوفين البلاد من البحر
البحرين متعه وحلوه بطبيعتها الالوليه

جلسنا حول ال3 ساعات وخنا لفه في المحرق وشرينا الصوغه وخذنا ذاك الربيان يالله الحبه
شطول
والشوارع خفيفه

والجو ماله حل يابصمه


هلا هلا
حياك الله

:victory:

[ابوعلي]

ياسلام علييييك يالنوخذه خووووش طلعة وتقرير

الحمدلله على السلامة

ماجبت متاي وحلوة :shy:

[حسن]

حسن احس انك من النوع اللي ماله بارض يكتب ويحمل صور
ف اعترف من اللي مسويه لك :tease:

المهم
انك عيشتنا الجو والفال لنا يودونا البحر :(


ههههههه

اسكتي والله صدقتي ترا لي فوق الساعه واكثر ووقفت وتعشيت ورجعت
انزلها من الجلاكسي بلوتوث الى الالب توب وتعال صغر وتعال حمل
يالله عبى ثقيل
ولا على الصور البحريه المفروض معاي مصور هو ينزل لكم التقرير
شكثر صور ولقطات تمر عليه بس مالي بارض اصورها وش باخلي وش باصور

هلا هلا

شرفتي يالعليا المهم انكم انبسطتو بالتقرير وتغير الجو
وترا الواقع كان مختلف بشكل كبير والحقيقه اروع من الصور

حياك الله

:victory:

[بوحارب]

لا لا بوعلي ترتيب طلعتك والله

بس اعترف من رتب لك الموضوع ههههههههههههههه

[حسن]

ياسلام علييييك يالنوخذه خووووش طلعة وتقرير

الحمدلله على السلامة

ماجبت متاي وحلوة :shy:


هلا هلا

حيالله ابوعلي

كيف الحال عساك بخير

الله يسلمك

ابشر جبنا خبز الشيخ احلى من الحلوى

ماتبي ربيان من النوع الفخم

:victory:


هاهاها

تعالي انا في البحر الحين مابه الى انا واخوي واخوان شمه وابشركم جلال وصل اليوم الفجر
وعلى طول البحر

مر مر

علي ترا انا موجود بالبحر

والدعوه عامه لمكن يرغب بعد نرويه جوله بريه وبحريه لمنطقتي السحريه

:victory:

[نوفا91]

احترمي الشعوب الأخرى ..

في طرق أفضل للتعبير ..


حد سبهم الحين !!
الواحد يعبر عن مشاعره وانا اعرف شقاعده اقول ياحمد

:)

[حسن]

لا لا بوعلي ترتيب طلعتك والله

بس اعترف من رتب لك الموضوع ههههههههههههههه

هاهاهاها

سكت يابوحارب عذاب من قلب

قلت يالله فاضي في البحر والهدؤ وقلت انزل صور الارحله الامسيه وخصوصا المزاج رايق
من قلب

وهدؤ المكان

تعال بكره نظربك ربت حق الرقم

اسكت جلال وصل هذا مرقده عندي الليله واطرش صور حق بالذيب
وهذاك يطبخ عليه
هاهاها


:victory:

[العلياا]

لا لا بوعلي ترتيب طلعتك والله

بس اعترف من رتب لك الموضوع ههههههههههههههه

واضح اسلوبه عشان جذي شكيت

حسن
اهم شي غيرت جو واحنا فعلا استانسنا بالصور
عساك على القوة

[بوحارب]

هاهاهاها

سكت يابوحارب عذاب من قلب

قلت يالله فاضي في البحر والهدؤ وقلت انزل صور الارحله الامسيه وخصوصا المزاج رايق
من قلب

وهدؤ المكان

تعال بكره نظربك ربت حق الرقم

اسكت جلال وصل هذا مرقده عندي الليله واطرش صور حق بالذيب
وهذاك يطبخ عليه
هاهاها


:victory:
ههههههههههههه

لا لا حسن شغلك عدل والرحلة ممتعه

واهم شي جلال وصل والعشا عندك يوم الجمعة

وبوالذيب خله في حاله ياخي ;);););)


واضح اسلوبه عشان جذي شكيت

حسن
اهم شي غيرت جو واحنا فعلا استانسنا بالصور
عساك على القوة

العلياا

اعمل نفسك ميت
أعمل نفسك ميت ههههههه

[همر]

يا نواخذ اخذوني معاكم

ثم اطرحوا بي على مرسى المحبين :weeping:

:(

[حمد 2002]

ماسبب تلك الزياره السريعه يابوعلي ؟

[حمد 2002]

ولو عندي دنقي 14 قدم اقدر اسافر فيه ولا لازم طراد كبيررر نفس مالك ؟

[برشلوني قطر]

ما شاء الله...تقرير مرتب وعساك ع القوه

[حسن]

يا نواخذ اخذوني معاكم

ثم اطرحوا بي على مرسى المحبين :weeping:

:(



هلا هلا

مرحبا بهمر

نوديك ليش لا وبعقال وغتره بعد
ولا يصيدك قطره ماي


:victory:

[نور الحور]

ويه ويه .. وراه هلووون بوعلي ؟ :secret:

^
تأثرت باجواء البحرين .. :shy:

ههههههههه ما شاء الله عليك حسن ..

صراحة رحلة واجواء رووووعة .. ما توقعتها جي ..

صراحة حسيت بهبات نسيم البحر تداعب خدي << هههههه انقلبت شاعرة خلاص ..:shy:

جوكم بحري رومنسي فرررش .. الله يهنيكم ..

ويعطيك العافية حسن على تعبك

في التقرير وتنزيل الصور ..

ننتظر منك تقارير لرحلات جديدة :victory:

[وليف الشوق]

ماتخيل هالوقت كله وفالبحر :(
يخررع

البحررين كللللش ماادانيها
احلى شي الكرررررك
يسلمو حسن
:)

الله يديم علينا المحبه والطمأنينه في مجلس التعاون وكلنا اخوان

[مشـــــاعر]

.


مآإدري شلون تدشون آإلبحر ؟؟
أنا أشوف آإلصور دخت والله :rolleyes2::rolleyes2:

تقرررير رآإئع خيوو حسن :victory::victory: . .
وألف ألف ألف حمدلله ع آإلسلآإمة !!

[معماري قطري]

مغامر يالنوخذه

[حسن]

ما شاء الله...تقرير مرتب وعساك ع القوه


هلا هلا

مراحب اخوي برشلوني

يسعدني مرورك

:)

[Dana’1]

مشاءالله عجبني التقرير... طبعا أقرب لكم من السيياره وحتى الطياره..لكن أحس خطره!! :)

تهقى كم المسافه من الرويس لين الجبيل ؟!

[حسن]

مشاءالله عجبني التقرير... طبعا أقرب لكم من السيياره وحتى الطياره..لكن أحس خطره!! :)

تهقى كم المسافه من الرويس لين الجبيل ؟!


مرحبا باديور

اما اهي اقرب اقرب من الجميع والزين انت الوحيد اللي تمر على الجمارك والجوازات ولا في اي حد جدامك
:)

اما الجبيل

:omg:

عادي اتوقع حول ساعتين او اقل على يعني قولي لين جسر البحرين اقدر اخذها في ساعه وربع
عاد من عقب الجسر مادري كم المسافه
وبعدين المسافه بين الرويس اخر قطر الى المحرق
50 كيلو بس
وبعدين البحر متعه وبالنسبه للمخاطر في كل مكان يمكن اللي يموتون من حوادث السيارات
والطيارات اكثر من البحر
فا انا اشوف اروح بالبحر للبحرين اقرب من السياره والطياره وساهالات
كنت اروح في رمضان الساعه 7 اطلع من الدوحه والساعه 3 العصر انا في البيت بالناصريه

:)

لو بالسياراه 4 ساعات رايح 4 ساعات راجع
والمطار مش اقل من 3 ساعات بين انتظار وغيره

[معاند احساسه]

ماشاء الله تبارك الله تقرير ولا احلى والأحلى خوة النشامه ولايهنون الربع كلهم بس اخوي حسن طرادك كم 36 وابي أسألك على المكاين لأَنِّي ناوي أغير اليماها وأكثر الناس قالولي مالك الا اليماها وشلون من ناحية السيرفس وقطع الغير وتستاهل السلامه للعلم طرادي جولف كرافت 31 القصه القديمه وناويله على 250 او300 بس خايف من الرقعه ماتشل 300 وتستاهل السلامه

[R 7 A L]

شكلك بتحدني اشتري طراد واسافر البحرين
بس اذا ضيعت الطريق افزعوا لي

رحلة ممتعة

[ya3coub]

ما شاء الله عليك يا حسن

بالصور و المطلوب ماشاء الله ااحلى من السيارة او الطيارة بإذن الله بقوم بهالرحلة فيوم من الأيام

[رهج السنابك]

بكم تبيع الطراد



بعدين شهالبخل ليش ماتعطينا من الصيد ربيان ولا سمجة
دا احنا غلابه :(

من صجي اتكلم ابي ربيان

[حسن]

ويه ويه .. وراه هلووون بوعلي ؟ :secret:

^
تأثرت باجواء البحرين .. :shy:

ههههههههه ما شاء الله عليك حسن ..

صراحة رحلة واجواء رووووعة .. ما توقعتها جي ..

صراحة حسيت بهبات نسيم البحر تداعب خدي << هههههه انقلبت شاعرة خلاص ..:shy:

جوكم بحري رومنسي فرررش .. الله يهنيكم ..

ويعطيك العافية حسن على تعبك

في التقرير وتنزيل الصور ..

ننتظر منك تقارير لرحلات جديدة :victory:

حيالله اخت نور

ضحكتيني بالرد


:)


شكرا لك


:victory:

[حسن]

.


مآإدري شلون تدشون آإلبحر ؟؟
أنا أشوف آإلصور دخت والله :rolleyes2::rolleyes2:

تقرررير رآإئع خيوو حسن :victory::victory: . .
وألف ألف ألف حمدلله ع آإلسلآإمة !!

مرحبا بمشاعر

عادي ندخل مثل الناس وهوايه جميله جدا وتراث

هاهاها

البحر متعه ماعقبها متعه صيف وشتاء وشبه الضو فيه

:)


نورتي وشرفتي الموضوع

:victory:

[حسن]

مغامر يالنوخذه

هلا هلا

حيالله بوعبدالله

عادي يارجل ولا مغامره ولا شي
البحر عندي ادخله ليل ولا نهار ولاضباب بعد واحسن من البر
الله يخلي هل الاجهزه الحديثه
خلت الامور زي الفل

:victory:


نورت وشرفت ولك رحله ذهاب وعوده مني مفتوحه
في اي وقت
وبالطراد

:victory:

[همر]

ويه ويه .. وراه هلووون بوعلي ؟ :secret:

^
تأثرت باجواء البحرين .. :shy:

ههههههههه ما شاء الله عليك حسن ..

صراحة رحلة واجواء رووووعة .. ما توقعتها جي ..

صراحة حسيت بهبات نسيم البحر تداعب خدي << هههههه انقلبت شاعرة خلاص ..:shy:

جوكم بحري رومنسي فرررش .. الله يهنيكم ..

ويعطيك العافية حسن على تعبك

في التقرير وتنزيل الصور ..

ننتظر منك تقارير لرحلات جديدة :victory:



اي اي .. ننتظر منه تقرير

رحله الى بندر عباس :waiting:

حلاوه هي ؟!

هي البحرين مافي غيرها

ان شالله بكره تبين تقرير من سوقطره !

[همر]

شكلك بتحدني اشتري طراد واسافر البحرين
بس اذا ضيعت الطريق افزعوا لي

رحلة ممتعة


تصدق جاتني فكرتن خبيييييثتن

تاخذ لك طراد وتروح البحرين

كل ويكند تاخذ الثانيه هناك

ولا تشك فيك المدام بتلكاً

تدري انك في البحر :vampire::vampire::vampire:

[توشيبا]

اي اي .. ننتظر منه تقرير

رحله الى بندر عباس :waiting:

حلاوه هي ؟!

هي البحرين مافي غيرها

ان شالله بكره تبين تقرير من سوقطره !

http://i.ytimg.com/vi/NIdgSNpaxww/hqdefault.jpg

[Dana’1]

مرحبا باديور

اما اهي اقرب اقرب من الجميع والزين انت الوحيد اللي تمر على الجمارك والجوازات ولا في اي حد جدامك
:)

اما الجبيل

:omg:

عادي اتوقع حول ساعتين او اقل على يعني قولي لين جسر البحرين اقدر اخذها في ساعه وربع
عاد من عقب الجسر مادري كم المسافه
وبعدين المسافه بين الرويس اخر قطر الى المحرق
50 كيلو بس
وبعدين البحر متعه وبالنسبه للمخاطر في كل مكان يمكن اللي يموتون من حوادث السيارات
والطيارات اكثر من البحر
فا انا اشوف اروح بالبحر للبحرين اقرب من السياره والطياره وساهالات
كنت اروح في رمضان الساعه 7 اطلع من الدوحه والساعه 3 العصر انا في البيت بالناصريه

:)

لو بالسياراه 4 ساعات رايح 4 ساعات راجع
والمطار مش اقل من 3 ساعات بين انتظار وغيره
مشاءلله كأنك رايح الدوام وراد ! لكن حسب ما ذكرت أتوقع للجبيل أكثر من ساعتين:)

على كذا ننتظر طريق العقير..يقولون ساعتين ونصف بدون توقف بالكثير ظ£ ساعات وأنت بالجبيل هم حلوه وفرنا ساعتين:)

[وطن]

خوش رحلة
ممتعة

بس لو على اليخت الفضي اللي في نادي اليخوت بتكون احلى :tease:

حمدالله ع السلامة بو علي


دخلت البحرين في خاطري الصراحة
وانا مالي في السفر هاليومين
ودي استقر

[R 7 A L]

تصدق جاتني فكرتن خبيييييثتن

تاخذ لك طراد وتروح البحرين

كل ويكند تاخذ الثانيه هناك

ولا تشك فيك المدام بتلكاً

تدري انك في البحر :vampire::vampire::vampire:


اغلبهم قريب من الفكرة
خاصة الي كل خميس مسافر :victory:

[حمد 2002]

شكلك بتحدني اشتري طراد واسافر البحرين
بس اذا ضيعت الطريق افزعوا لي

رحلة ممتعة

هههههههههههههههههههههههه انت سوق سيكل وتالي فكر بالطراد :eek5:






لا لا امزح انت نوخذه وقبطان وسردال ونهام وغواص :rolleyes2:

[R 7 A L]

هههههههههههههههههههههههه انت سوق سيكل وتالي فكر بالطراد :eek5:






لا لا امزح انت نوخذه وقبطان و سردال ونهام وغواص :rolleyes2:


:funny:

مال اول انت
انا 6 سنوات اشتغلت بحر
عندي خبرة يعني :shy:

[حسن]

:funny:

مال اول انت
انا 6 سنوات اشتغلت بحر
عندي خبرة يعني :shy:


معاليك منه محتر لان مايعرف يسبح ويبي يشتغل بالبحر الريال

هاهاها

تعال ياحمد عندي لك مشروع
والسالفه كلها طراد وجاز جيبي اس ودودي ناس وتجيب اغراض من البحرين
مشروع مربح صدقني
راس المال بسيط وعلى حسب الطلب والمشوار مايبيله شي 50 كيلو بس

اطلعك مره ولا مرتين وخلاص
عطه قو تو وهو يوديك

:victory:

[المهاجر]

خووووش شي يالنوخذه

زين كان مريت علي وخذتني معاك

[حسن]

خووووش شي يالنوخذه

زين كان مريت علي وخذتني معاك

هلا هلا

حيالله مشرفنا العزيز المهاجر

والله ماادري

رحنا بس سحبنا طراد جديد وتمشينا هناك وشرينا خبرك شغلات
بحرينيه حلوه وربيان من النوع الفخم وبربير وجرجير وبغل وفوقهم خبز ايراني
خبرك صوغه

:)

يالله اللي له خاطريرتب نروح رحله صباحيه ونتمشى هناك الى الساعه 4 العصر والساعه 5 انت في فرضه الرويس
والساعه 6 انت في القرم

:victory:

[المهاجر]

هلا هلا

حيالله مشرفنا العزيز المهاجر

والله ماادري

رحنا بس سحبنا طراد جديد وتمشينا هناك وشرينا خبرك شغلات
بحرينيه حلوه وربيان من النوع الفخم وبربير وجرجير وبغل وفوقهم خبز ايراني
خبرك صوغه

:)

يالله اللي له خاطريرتب نروح رحله صباحيه ونتمشى هناك الى الساعه 4 العصر والساعه 5 انت في فرضه الرويس
والساعه 6 انت في القرم

:victory:

الله يحيك يالشيخ

بالميارك هالطراد الزين يعطيك خيره ويكفيك شره

خلاص الرحله الجايه اعمل حسابي ابي اروح امر على ناس هناك اسلم عليهم :)

وبالمره اخذ من الربيان الزين اللي عندهم:victory:

[حسن]

الله يحيك يالشيخ

بالميارك هالطراد الزين يعطيك خيره ويكفيك شره

خلاص الرحله الجايه اعمل حسابي ابي اروح امر على ناس هناك اسلم عليهم :)

وبالمره اخذ من الربيان الزين اللي عندهم:victory:


ابشر

زين اذا لك خاطر نروح ليش لا حلوه التمشايه هناك وخصوصا في نصف الاسبوع عجيبه
والسياره تجيك الى المارين وتشيلك من هناك
ونقط لنا دريتين في الطريق يمكن الله يرزقنا بجنعده ولاسكن

بس ابي واحد صامل شوره في يده

:victory:

[المهاجر]

ابشر

زين اذا لك خاطر نروح ليش لا حلوه التمشايه هناك وخصوصا في نصف الاسبوع عجيبه
والسياره تجيك الى المارين وتشيلك من هناك
ونقط لنا دريتين في الطريق يمكن الله يرزقنا بجنعده ولاسكن

بس ابي واحد صامل شوره في يده

:victory:

ههههههههههههههههه

حلوه شوره في يده

لا شوري براسي مب بيدي:tease:

وسط الاسبوع شلون يعني نخلي الدوام ونروح :rolleyes2:

[همر]

ابشر

زين اذا لك خاطر نروح ليش لا حلوه التمشايه هناك وخصوصا في نصف الاسبوع عجيبه
والسياره تجيك الى المارين وتشيلك من هناك
ونقط لنا دريتين في الطريق يمكن الله يرزقنا بجنعده ولاسكن

بس ابي واحد صامل شوره في يده

:victory:


حلوه النغزه في الجمله الاخيره

ماعلينا

ماحب الرحلات ابو صد ورد

يصير توديني الخميس وترجعني السبت ؟!! :shy:

[حسن]

حلوه النغزه في الجمله الاخيره

ماعلينا

ماحب الرحلات ابو صد ورد

يصير توديني الخميس وترجعني السبت ؟!! :shy:


هاهاها

الضرب من تحت الحزام

ههههه

يسير بس دورلي اسوبع ماروح فيه البحر

في الصيف عيل وجيب معاك هاف

:)

[حسن]

بكم تبيع الطراد



بعدين شهالبخل ليش ماتعطينا من الصيد ربيان ولا سمجة
دا احنا غلابه :(

من صجي اتكلم ابي ربيان

400 الف ريال

حاظرين المره الجايه

حيالله الاستقراطيه

نورتي


:victory:

[jassas]

رحلة ممتعه يعطيك العافيه ياحسن على التقرير المميز

مشروع تحسب على الشخص روحة ورده وانا اول واحد باروح بس ببلاش :tease:

[حسن]

رحلة ممتعه يعطيك العافيه ياحسن على التقرير المميز

مشروع تحسب على الشخص روحة ورده وانا اول واحد باروح بس ببلاش :tease:


هههه

حياك الله ياجساس

شكرا لمرورك العطر

:)

[حسن]

الطراد انباء ياجماعه الخير

كانت اخر رحله فيه وجميله جدا

الظاهر الموضوع كان وش خير عليه


:)

[حمد 2002]

بوعلي ماتخاف من البحر ؟!

[حسن]

بوعلي ماتخاف من البحر ؟!

البحر مايخوف

متعود عليه في اقسى الظروف

اللي مهب راعي بحر يخاف منه