* مبروووووك ... افتتـاح قاعات الرفاع للاحتفالات المجانيــة *

[الجـــوديّ]

بسم الله الرحمن الرحيم ..



أخيراً .... تحقق حلم الشباب و تم تلبية مناشدة الشعب القطري بتخصيص قاعات مجانية للأعراس

واليوم تم الافتتاح بحمدالله تعالى :victory:

ألف مبروووووك


http://www.youtube.com/watch?v=sBlka4hcnLQ

[الجـــوديّ]

الدوحة- الراية:

يفتتح مساء اليوم مجمع قاعات الاحتفالات بالرفاع والذي أقيم بتوجيهات من حضرة صاحب السمو الشيخ تميم بن حمد آل ثاني أمير البلاد المفدى وأشرف على تنفيذه المكتب الهندسي.

وبناء على التوجيهات تكون تكاليف حفلات الزفاف بالقاعات الجديدة مجانية للقطري الذي يتزوج من قطرية.
وتأتي تلك التوجيهات لتعكس اهتمام القيادة الرشيدة بمختلف المشاريع والمجالات التي تخدم شباب هذا الوطن وفقا للأهداف الواضحة لرؤية قطرالوطنية 2030 التي جاء عنصر التنمية البشرية كأحد ركائزها الأساسية ويشكل الشباب مصدرا رئيسيا فيها.

وقام المكتب الهندسي الخاص بالإشراف وتنفيذ جميع مشاريع القاعات وأولها مجمع قاعات الأفراح في منطقة الرفاع بالقرب من شارع الاحتفالات وقد استوحى تصميمه من التراث القطري انسجاما مع اهتمام الدولة بالحفاظ على الهوية التراثية القطرية.

ويتكون المشروع من 5 قاعات تتسع كل قاعة لحوالي 500 شخص.. كما أنها صممت بحيث تكون هناك مرونة في فتح القاعات الخمس لتكون قاعة واحدة تتسع لحوالي 2500 شخص تعد الأكبر في قطر ، كما توجد قاعات خاصة لتبديل الملابس، وغرف مخصصة مجهزة بكافة الخدمات والإمكانيات وأحدث الوسائل والإمكانيات والتقنيات الحديثة السمعية والبصرية، وقد تم مراعاة تطبيق أعلى معايير الأمن والسلامة في القاعات الجديدة .

وتحتوي القاعات على غرف مجهزة بكافة الخدمات والإمكانيات.. وقد تم مراعاة تطبيق أعلى معايير الأمن والسلامة في القاعات الجديدة.

وتم تخصيص أرض بمساحة 260 ألف متر مربع للمجمع تشمل المباني والمرافق التي أقيمت على مساحة 15 ألف متر مربع، إضافة إلى المساحات المفتوحة والخضراء و5 مداخل وعدد كبير من مواقف السيارات.

ويتماشى المجمع مع اهتمام الدولة بالحفاظ على الهوية التراثية القطرية في مختلف المشاريع، حيث سيتم تشييده بصورة مستوحاة من التراث القطري.

كذلك تم توفير عدد من المواقف لكل قاعة بما يتناسب مع الأعداد التي تستوعبها،بالإضافة إلى المساحات الواسعة التي تؤمن سهولة وصول الأشخاص إلى القاعات، والمساحات الخضراء المنتشرة على جنبات المجمع،ومصابيح الإنارة التي تضئ المساحات الخارجية ليلاً.

ومن المتوقع أن توفر القاعات الجديدة للشباب القدرة على تغطية تكاليف وأعباء حفلات الزواج التي تدفعهم إلى الوقوع في الديون ما يؤثر عليهم اجتماعياً واقتصادياً.

ويأتي المشروع الذي طالب بتنفيذه الكثير من الشباب خلال السنوات الماضية، ليعكس مدى الاهتمام الكبير من القيادة الرشيدة بالشباب، وتفاعلها المباشر مع قضايا المجتمع ،ويؤكد حرصها الدائم على تسخير كل الإمكانيات وتذليل كافة الصعوبات التي تواجه الشاب من أجل تحقيق أهدافه ومتطلباته في الحياة.

وعلى الرغم من الاهتمام الكبير من القيادة الرشيدة بمختلف المشروعات والمجالات التي تخدم قطاع الشباب بالدولة منذ فترة طويلة ، إلا أن مجمع قاعات الاحتفالات له طابع خاص، فهو يرتبط ارتباطاً مباشراً بأحد أكثر الهموم والمعوقات التي تواجه الشاب المقبل على الزواج والتي تعد سبباً رئيسياً في تأخير زواج البعض نظراً للاستمرار المتزايد في ارتفاع تكاليف قاعات حفلات الزفاف في الدولة.

وجاءت فكرة تنفيذ قاعات الأفراح العامة لتسير وفق الأهداف الواضحة لرؤية قطرالوطنية 2030 ، والتي جاء عنصر التنمية البشرية ضمن أحد ركائزها والتي يشكل الشباب مصدراً رئيسياً فيها، باعتباره مصدر قوة وثروة حقيقية للوطن إذا ما تم تذليل كافة العقبات أمامهم ، خصوصا العقبات التي لهاعلاقة بحياته الاجتماعية، ما سيجعل له الأثر في تنمية مجتمعهم لبناء مستقبل مشرق.

وقد وجه سمو الأمير بأن تكون تكاليف حفلات الزفاف بالقاعات الجديدة في متناول الجميع لتشكل بذلك خيارا وحلا متميزا للشباب في ظل ارتفاع أسعار حفلات الزفاف حالياً .

وستساهم القاعات الجديدة بشكل كبير في الحد من الآثار السلبية التي كان يعاني منها الشباب القطري طوال السنوات الماضية، والتي من أهمها عزوف البعض عن الزواج بسبب عدم القدرة على دفع التكاليف الباهظة لأسعار القاعات سواء في الفنادق أو الأخرى الخاصة.




http://www.raya.com/news/pages/6ef1f8db-d776-40d1-871b-df56394fdc8d

[khalid525]

بالمبارك ، الحين محد عنده عذر

[ابوعلي]

جزاهم الله خير على هالمشروع الطيب وفي ميزان حسناتهم وراح يشيلون عبئ كبير عن الشباب وان شاء الله الخطوة الجاية تحديد المهور


ولكن

الخوف من بعض الفئات الي تحب الزبو والمفوشر ويطلعون طلعة ان زواجنا في المكان الفلاني ومانبي المكان المجاني

[bus3od]

الحمدلله رب العالمين و ان شاء الله يتم احتواء طلبات الأفراح بموجب التوجيهات الاميريه حرفياً و التي وصت على الشباب القطري بدون محاباه

[راجي الْعفو]

ماشاء الله تبارك الرحمن ..

قاعات فخمه ومن الدرجه الولى بصراحة ..

ماقصرت الدوله جزاها الله خيرر ..

وي الله يا شباب الدولة شلت عنكم جزء كبير من تكاليف الزواج ..

فشدوا حياكم و طبقوا السُّنة ..

جزاج الله خير على نقل الخبر اخت الجودي ..

[Dana’1]

مبررووك للشباب القطري تستاهلون
تقريبا أحد أهم الأعذار طاح ولله الحمد:)

[راجي الْعفو]

جزاهم الله خير على هالمشروع الطيب وفي ميزان حسناتهم وراح يشيلون عبئ كبير عن الشباب وان شاء الله الخطوة الجاية تحديد المهور


ولكن

الخوف من بعض الفئات الي تحب الزبو والمفوشر ويطلعون طلعة ان زواجنا في المكان الفلاني ومانبي المكان المجاني

الله المستعان يا ابوعلي ..

ما ضيعتنا الا هالسوالف ..

الله يصلح الأحوال ..

[الجـــوديّ]

الحمدلله رب العالمين من قبل ومن بعد


نص هم العرس بوجد هالقاعات انزاح ...

اتوقع مجرد توقع غير مبلغ التأمين راح يندفع مبلغ العشاء ...

واللي مب عاجبتها القاعة .. اتم في بيت ابوها .. لين يجيها المعرس اللي تحلم به ... !

[الجـــوديّ]

http://www.youtube.com/watch?v=ELgps-Wqxak

[الجـــوديّ]

افتتح معالي الشيخ عبد الله بن ناصر بن خليفة آل ثاني رئيس الوزراء ووزير الداخلية، مساء اليوم، قاعات الاحتفالات بالرفاع بحضور سعادة اللواء الركن هزاع بن خليل الشهواني، قائد الحرس الأميري، وسعادة الدكتور غيث بن مبارك الكواري وزير الأوقاف.
وتفقد معالي رئيس الوزراء القاعات ووقف على جاهزيتها .
كما قام معاليه بجولة اطلع خلالها على المرافق و التجهيزات و الخدمات التي توفرها القاعات بالإضافة الى الوسائل والتقنيات الحديثة السمعية والبصرية المستخدمة والتي تراعى أعلى معايير الأمن والسلامة.
حضر الافتتاح عدد من اصحاب السعادة الوزراء و كبار المسؤولين




http://www.alarab.qa/Content/Upload/slider/1220141620429.jpg

http://alarab.star-ware.com/Content/Upload/Editor/Image1_122014162032.png

http://alarab.star-ware.com/Content/Upload/Editor/Image3_122014162032.png



http://www.alarab.qa/story/419270/%D8%A8%D8%A7%D9%84%D8%B5%D9%88%D8%B1-%D8%B1%D8%A6%D9%8A%D8%B3-%D8%A7%D9%84%D9%88%D8%B2%D8%B1%D8%A7%D8%A1-%D9%8A%D9%81%D8%AA%D8%AA%D8%AD-%D9%82%D8%A7%D8%B9%D8%A7%D8%AA-%D8%A7%D9%84%D8%A7%D8%AD%D8%AA%D9%81%D8%A7%D9%84%D 8%A7%D8%AA-%D8%A8%D8%A7%D9%84%D8%B1%D9%81%D8%A7%D8%B9

[qatarman8008]

بالمبارك ، الحين محد عنده عذر

:omen2::omen2:

[دايموند]

ماشفت الفيديو ليحين لكن
سؤالي كالتالي
الاكل والبوفيه من وين؟هل متوفر مع القاعه والا نطلبه من بره؟

[يمامـة]

يالله يشبابكو وبناتكو
شدوا حيلكم..

[همر]

والخمس قاعات راح تتأجر حق عرس واحد كل يوم

ولا ممكن تتوزع ؟!!

اذا كل يوم عرس واحد بيوصل الويتنج ليست

سنه مثل عمليات قص المعده في مستشفى حمد :(

[مشتاقة لقطر]

فالفيديو حاطين انه خمس قاعات منفصلة يعني تشيل 5 اعراس

[بوحارب]

جزى الله القائمين على هذا العمل كل خير

الحين الواحد يبتدي يدور الزوجة الثانية :)

[همر]

معلوم خمس قاعات

وكل من جا يحجز بيقول انا معازيمي 2500 شخص

وابي القاعات كلها عشان محد يزاحمنا وحركات وكوذي..


وش الاليه في منح قاعه ولا ثنتين ولا كلهم حق عرس

واحد ولا اكثر من عرس ؟!!

[w.qatar]

اخيراً

زين وين نحجز عندهم رقم تلفون؟؟

[رهج السنابك]

يلا منو اول واحد بيعرس في ببوبلاش






^
هاي ثقافة في المجتمع للاسف

[العنيده]

الله يفتحها على الشباب ان شاء الله ويجزى خير من ساهم في حل امورهم يارب ..
المهم الامانه في حجوزات القاعات .. ومتابعة الخدمات فيها ..

[ضوى]

يالله عرس عيالي الثلاثة فيها ان شاء الله

بيض الله وجهه بو حمد ماقصر الله لا يقصر معاه ان شاءالله

[R 7 A L]

الف مبروك
وبيض الله وجه القائمين على هذا المشروع الناجح

[بوراشد82]

عرس عيالي بإذن الله فهالقاعات،، بيض الله وجهك يا بوحمد،، ماخليت علينا قاصر،،

[بوحارب]

يلا منو اول واحد بيعرس في ببوبلاش






^
هاي ثقافة في المجتمع للاسف

ثقافة المجتمع الأنثوي

اما عند الرجال مافيه هالسوالف
بالعكس اروح حق شي ببلاش
ولا اروح اقط فلوسي كلها على قاعة لمدة ساعتين بس !!!

[منتهى الذوق]

رايته بيضا بو حمد جزاه الله الف خير

ان شالله ازوج عيالي فيها

[Bin sultan]

مبروووك،الله يطول بعمر بوحمد ويجزاه خير على هالمبادرة الطيبة،سمعت بالخبر أمس وكان ودي أكون أول من يزف البشارة هذي بالمنتدى لكن الأخ الجودي سبقني، بس هل الاكل والبوفيه عليهم!!

[محمد11]

جزاهم الله خير على هالمشروع الطيب وفي ميزان حسناتهم وراح يشيلون عبئ كبير عن الشباب وان شاء الله الخطوة الجاية تحديد المهور


ولكن

الخوف من بعض الفئات الي تحب الزبو والمفوشر ويطلعون طلعة ان زواجنا في المكان الفلاني ومانبي المكان المجاني


شكرا مجهود للدوله على انشاء هذه القاعه
والزبو والاسراف عند الحديم

الحمدالله تكليف عرس الرجال مايوصل 30 الف مع كل شي
المشكله ف قاعات الحريم

[ممنوع اللمس]

من افضل المشاريع اللي تخدم فئه كبيره من الشباب
الله يجزا كل القائمين على هالمشروع الضخم
الله يديم عالنعمه علينا والله يجزا حكومتنا كل خير
والف مبروك مقدما ان شاء الله لكل المقبلين على الزواج

[مشعل العطاوى]

جزى الله القائمين على هذا العمل كل خير

الحين الواحد يبتدي يدور الزوجة الثانية :)

بو حارب امسح ردك .. ترا بتروح فيها


النوم على الرصيف الليله بيكسر ضلوعك

[ريتويت]

ماشاء الله مالكم عذر ياشباب قطر الحين نبي الكل يتزوج ويعدد .. كل واحد ياخذ له اربع حريم اشوف

[ماجد]

الله يطول عمرك يابوحمد ويجعلك ذخر للوطن والمواطنين

الحين اللي يبي ياخذ الثانية يصير يحجز القاعة ولا بس حق اللي بيتزوجون اول مرة :victory:

[رهج السنابك]

بصراحة ماقصر الشيخ تميم وهذي لكسر احتكار التجار
الحين اسعار الفنادق لازم تنزل
لان قاعه الرفاع اكثر فخامة من كل القاعات الموجوده

اتوقع بس البوفيه والطقاقة والكوشه والطاولات والدي جي على المعاريس

[مرتبش]

ههه ماشالله المتزوجين شادين الحيل.. عجبني رد بوحارب عن مجانية القاعات.

ان شالله القاعة بتوفر جزء من ميزانية الاعراس وفي جزء اكبر يقع على اولياء الامور ومافي حد يقدر يفرض عليهم تقليل التكاليف ...الاقتناع والرضا بالتكاليف الاقل وتبسيط الحياة.. بعد النظر وادراك معاني الزواج.

[باراكودا]

الف مبروك للشباب المقبلين على الزواج
وشكرا لحكومتنا الرشيدة على هذا الصرح الجميل .

[بوحارب]

بو حارب امسح ردك .. ترا بتروح فيها


النوم على الرصيف الليله بيكسر ضلوعك

افا يا ذا العلم


لاتحاتي اخوك ذيب :)
مزهب لي خيمة برع البيت لحالات الطرد الظرورية :):(

يارب ما تقرى ردي ههههههههههههه

اشرايك فيني ذيب هاه :(

[بوحارب]

ههه ماشالله المتزوجين شادين الحيل.. عجبني رد بوحارب عن مجانية القاعات.

ان شالله القاعة بتوفر جزء من ميزانية الاعراس وفي جزء اكبر يقع على اولياء الامور ومافي حد يقدر يفرض عليهم تقليل التكاليف ...الاقتناع والرضا بالتكاليف الاقل وتبسيط الحياة.. بعد النظر وادراك معاني الزواج.


ياريال والله احنا اللي جبنا المخاسير لنفسنا بالكلافه الزايدة

والمبالغ في ترتيب الاعراس

الحين بعض أعراس الرجال صار فيها شغلات حريم

مثل الورد والعصاير والحلويات والتوزيعات

زين ليش ياخي !!

عيش ولحم وشاي وقهوة وخلاص :)

[Aaziz]

تعظيم سلاااااام لهذا المشروح

بياض وجه لكل من امر و تابع هذا المشروع

عجبني موضوع سرعه اتمام المشروع من الاعلان الى الافتتاح


و ان شاءالله يزيدون عدد القاعات


و الفال باذن الله يفكونا من احتكار الفنادق لمواقف الطراريد (المارين) مافيه الا الفنادق و الواحد يدفع خلو للموقف اكثر من قيمه طراده و المواقف اجاره السنوي من 30 و رايح

ماصارت هوايه

حاليا في هالزحمه تخيل تقلص طراد للفرضه في الكورنيش ؟؟

[نوفا91]

على البركه

:)

[حسن]

الصرحه ماقصرت الدوله في رفاهيه المواطن

بوحارب

شوفلي وياك شرايك انا وانت في يوم واحد
المشكله كلها مهب في القاعه في الثقافه السائده لدى الانثى عندنا
ولا علي لاسوي عرسي الثاني بدون بوفيه بعد ومن العصر
قهوه وفاله وسلام عليكم وش له هل المخاسير
تعلمو الصح مثل الشعوب الاخري منها قريب مثل البحرين
يازين العرس ملجه وخلاص ولا طقطقه طق طق الله ضلوعهم وخصوصا التزوج قبل
سو مثل الشيوخ تعلموا ملجه وانتهى الموضوع

ادعيلي بالتوفيق بالمراه يابوحارب هي الصعبه ولا الباقي سهالات


:victory:

[الحياة الخالدة]

جزاهم الله خير

حسن المشكلة مب في القاعة ولا التجهيزات ولا المهر
السالفة بس تحتاج من الرجل شجاعة اتخاذ القرار و المواجهة مع الزوجــــــة الأولى
يعني لحد يضحك على عمره

[حسن]

جزاهم الله خير

حسن المشكلة مب في القاعة ولا التجهيزات ولا المهر
السالفة بس تحتاج من الرجل شجاعة اتخاذ القرار و المواجهة مع الزوجــــــة الأولى
يعني لحد يضحك على عمره

لا بس هو ترسخ في اذهان الكثير بسبب المسلسلات وتهويل عمليه التعدد
بس مهب في جميع دولنا
وشفتي انتي ذكرتي بالمواجهه هذا اللي نقوله كانها معركه تقرير المصير
ولا الشجعان والرجال مايهابون المواجهه مثلي
:)

ومثل ماذكرت المطلوب المراؤه السنعه واللي تحترم ومهب تقعد تتامر وتتشرط وتعال سفرني اشترلي فلانه مهب احسن مني
ذات دين وين اللي بتتزوج بدون هل مقدمات النسائيه
تعرفين في الامارات الدوله سنت شي جيدد وللاسف نفذوه الرجال بس
العرس من العصر الى عقب العشاء وبدون عشى قهوه
الفال لنا في قطر ان شاء الله بس النسوان ماقدرو عليهم
هاهاها
المصيبه مهب في التجهيزات المصيبه في تغير ثقافات مالها معني

انا انصح الجميع بالمواجهه وماهي الا قفزه الثقه مثل طبه برج زكريت مال الطوارى في البحر

:)

[الحياة الخالدة]

لا بس هو ترسخ في اذهان الكثير بسبب المسلسلات وتهويل عمليه التعدد
بس مهب في جميع دولنا
وشفتي انتي ذكرتي بالمواجهه هذا اللي نقوله كانها معركه تقرير المصير
ولا الشجعان والرجال مايهابون المواجهه مثلي
:)

ومثل ماذكرت المطلوب المراؤه السنعه واللي تحترم ومهب تقعد تتامر وتتشرط وتعال سفرني اشترلي فلانه مهب احسن مني
ذات دين وين اللي بتتزوج بدون هل مقدمات النسائيه
تعرفين في الامارات الدوله سنت شي جيدد وللاسف نفذوه الرجال بس
العرس من العصر الى عقب العشاء وبدون عشى قهوه
الفال لنا في قطر ان شاء الله بس النسوان ماقدرو عليهم
هاهاها
المصيبه مهب في التجهيزات المصيبه في تغير ثقافات مالها معني

انا انصح الجميع بالمواجهه وماهي الا قفزه الثقه مثل طبه برج زكريت مال الطوارى في البحر

:)

هذا اللي انا اقوله
يتخذ قراره .. و يعلم زوجته
و يمضي في اللي عزم عليه
هذا فعل الرجال الشجعان

مب يروح يدور مسيار و سوالف الدس و التخشش مثل الحرامية

[حسن]

هذا اللي انا اقوله
يتخذ قراره .. و يعلم زوجته
و يمضي في اللي عزم عليه
هذا فعل الرجال الشجعان

مب يروح يدور مسيار و سوالف الدس و التخشش مثل الحرامية


لا لا

هذا الجبان الرزيل اتزوج بالخش ليش !!!

اللي مهب قد المسؤليه ومهب كفو لا يتزوج ابرك له ويلته بنات الناس

[الحياة الخالدة]

لا لا

هذا الجبان الرزيل اتزوج بالخش ليش !!!

اللي مهب قد المسؤليه ومهب كفو لا يتزوج ابرك له ويلته بنات الناس

طيب
صباح الخير يا حسن :nice:

[بوحارب]

ان شاء الله يا حسن

أعرفك انت امورك في السمبتيك وخالص بس تنطر المدموزيل هانم

الله يرزقنا :(

[باظلوف]

لتحطيم آمال المتزوجين الصورة أدناه :tease:
91257

[Bin sultan]

:no2::weeping:حسافة...كسرتوا بخاطر المعددين

[قطريه ماركه]

وبناء على التوجيهات تكون تكاليف حفلات الزفاف بالقاعات الجديدة مجانية للقطري الذي يتزوج من قطرية.

:victory:

ما شاااااء الله في ناس راهيين و عندهم خيررر و حاجزين فيها هالشي عادي بالعكس نستفيد من كل خدمات و عطاءات الدولة

[راجي الْعفو]

حسن و بو حارب

راحت عليكم ما لكم نصيب !

الجايات افضل ..

[حسن]

حسن و بو حارب

راحت عليكم ما لكم نصيب !

الجايات افضل ..

صباح الخير ياراجي

اقولك انا وبوحارب جنبي الان ننتظر شروق الشمس

احنا اللي خضنا التجربه مانفكر في القاعات اصلا وش نبي فيها
كفايه انضحك علينا في المره الاوليه بعد تبينا ننصاد بالثانيه
احنا فكر باملج وخلص مستعجلين
ومانبي الخرابيط
ودار درا ودار مادرى

:)

[نتفـه]

شلون نقدر نحجز ؟؟ اللي عنده رقم التلفون يعطيني إياه ما عليكم امر ^^
او حتى وين مكان القاعه بالضبط ؟؟

والله يعزززز الحكووووومه ويطول بعمر الشيخ تميم والشيخ حمد .. من أروع المشاريع والله اللي تخدم الشعب .. الله يجعله في ميزان حسناتهم .. صراحه القاعات جدا فخمه من اللي شفته في الفيديوووو .. وأبو بلاش لو كان فخم مافي احسن منه للي يتفشلون من بو بلاش :)

[كلاسيك قطر]

الله يطول عمرك يابوحمد ويجعلك ذخر للوطن والمواطنين

[كلاسيك قطر]

شباب وينات
الي طالبين الموقع السمي

هنا
http://www.alrayyanevents.qa/

[JN000N]

الموضوع مب على وجود قاعه مجانيه
وهالشي كلنا نبيه صح

السالفه كلها ف تكلفة كل شخص جاي العرس وبيتعشى اكيد!
قاعات الفنادق لما نحجز فيها مايقولك ب100 الف القاعه وخلاص!
هو يحسب عدد الاشخاص وتكلفة كل شخص ف البوفيه ويجمعه ويقولك بتكلفك القاعه كذا + ان بنحط لك حق 10 اشخاص مجانا ف البوفيه مثلا

يعني لو بحجز ف الشيراتون وتكلفة الشخص الواحد 350 ف العشا وانا جايني 300 شخص مثلا يعني بتكلفني 105,000 ريال
زين ف القاعات المجانية!
القاعة بالمجان لكن العشا شلون ينحسب وتقديم المشروبات الي يجي من القاعه ف الفندق مجانا شلون بينحسب ف القاعه المجانيه
هني السوال مب بس وجود قاعه مجانيه
انا ما اطالب بعشا مجاني بس انا ابي افهم شلون الحسبه بتكون

[Bin sultan]

الموضوع مب على وجود قاعه مجانيه
وهالشي كلنا نبيه صح

السالفه كلها ف تكلفة كل شخص جاي العرس وبيتعشى اكيد!
قاعات الفنادق لما نحجز فيها مايقولك ب100 الف القاعه وخلاص!
هو يحسب عدد الاشخاص وتكلفة كل شخص ف البوفيه ويجمعه ويقولك بتكلفك القاعه كذا + ان بنحط لك حق 10 اشخاص مجانا ف البوفيه مثلا

يعني لو بحجز ف الشيراتون وتكلفة الشخص الواحد 350 ف العشا وانا جايني 300 شخص مثلا يعني بتكلفني 105,000 ريال
زين ف القاعات المجانية!
القاعة بالمجان لكن العشا شلون ينحسب وتقديم المشروبات الي يجي من القاعه ف الفندق مجانا شلون بينحسب ف القاعه المجانيه
هني السوال مب بس وجود قاعه مجانيه
انا ما اطالب بعشا مجاني بس انا ابي افهم شلون الحسبه بتكون

نفس السؤال اللي يدور ابالي

[<اضرب واشرد>]

انا ما اطالب بعشا مجاني بس انا ابي افهم شلون الحسبه بتكون

(1) الحل يا إما الدولة تصدر قرار بمنع العشاء في الأعراس سواء القاعات المجانية أو غيرها (الكل)

(2) يا إما تصدر قرار بأن المعزوم إذا تعشى يدفع حسابه .. وتعتبر مثل العانية للمعرس والعروس ومشاركة بسيطة منهم في فرحته :)
شلون يدفع؟ أكثر من طريقة أفضلها (بدون رقابة ولاتكبير موضوع) .. ببساطة وهو طالع يتوجه لرسبشن صغير على زاوية .. ويعطي الموظف مبلغ عشاه .. دفع دفع مادفع محد يحاسبه، طبعا الكل بيدفع مع الوقت لأنها بتصير عادة والمبلغ بسيط مقدوور عليه

______________

الحل (2) أفضل
عقلاني ومقبووول
خاصة عند "الرجال"

أما الحريم أشك لأن المرأة مجبورة تتعشى بما أنها تطلع من العرس نص الليل
يا تموت جوع ياتدفع في كل عرس غصب عنها؟ مايصير

أما الرجال مخيّر

يعني إذا نبي نمشي الحل عند الحريم لازم نحدد العرس من العصر إلى العشاء وبقرار.

[راجي الْعفو]

صباح الخير ياراجي

اقولك انا وبوحارب جنبي الان ننتظر شروق الشمس

احنا اللي خضنا التجربه مانفكر في القاعات اصلا وش نبي فيها
كفايه انضحك علينا في المره الاوليه بعد تبينا ننصاد بالثانيه
احنا فكر باملج وخلص مستعجلين
ومانبي الخرابيط
ودار درا ودار مادرى

:)

مسا الورد لكم انتو الاثنين

هههه .. خلاص توكلوا على الله و بالتوفيق ..

[JN000N]

(1) الحل يا إما الدولة تصدر قرار بمنع العشاء في الأعراس سواء القاعات المجانية أو غيرها (الكل)

(2) يا إما تصدر قرار بأن المعزوم إذا تعشى يدفع حسابه .. وتعتبر مثل العانية للمعرس والعروس ومشاركة بسيطة منهم في فرحته :)
شلون يدفع؟ أكثر من طريقة أفضلها (بدون رقابة ولاتكبير موضوع) .. ببساطة وهو طالع يتوجه لرسبشن صغير على زاوية .. ويعطي الموظف مبلغ عشاه .. دفع دفع مادفع محد يحاسبه، طبعا الكل بيدفع مع الوقت لأنها بتصير عادة والمبلغ بسيط مقدوور عليه

______________

الحل (2) أفضل
عقلاني ومقبووول
خاصة عند "الرجال"

أما الحريم أشك لأن المرأة مجبورة تتعشى بما أنها تطلع من العرس نص الليل
يا تموت جوع ياتدفع في كل عرس غصب عنها؟ مايصير

أما الرجال مخيّر

يعني إذا نبي نمشي الحل عند الحريم لازم نحدد العرس من العصر إلى العشاء وبقرار.

لا سلامتك
الحلين غلط
تعالو بعزمكم ف العرس بس العشا عليكم او مافي عشا
شله عازمتهم عيل؟
شدعوه من متى هذي سلومنا لين يانا الضيف ندفعه ثمن عشاه والا ما نعشيه؟؟!!

[<اضرب واشرد>]

لا سلامتك
الحلين غلط
تعالو بعزمكم ف العرس بس العشا عليكم او مافي عشا
شله عازمتهم عيل؟
شدعوه من متى هذي سلومنا لين يانا الضيف ندفعه ثمن عشاه والا ما نعشيه؟؟!!

خلاص عيل لاحد يطلب من الحكومة تدفع عشاء عرسه :)

أنا ماقلت تدفع ولا مانعشيك، قلت بكل بساطة وبدون رقابة ومحاسبة وتكبير موضوع.. يعتبرها (عانية) .. يعتبرها واجب ومساعدة للمعرس .. وإذا طلع ومادفع ماعليه شيء، بالعافية
مع الوقت تصير عادة ويدفع من طيب نفس


تعالو بعزمكم ف العرس بس العشا عليكم او مافي عشا
شله عازمتهم عيل؟

جواب على (شله عازمتهم عيل)
الحين هم اللي يقومون بالواجب مع المعرس .. يوقفون معاه ويشاركونه الفرحة
ولاشلون

طيب طيب نطلع موضوع عرس الحريم من الاقتراح .. مثل ماقلت حالتهم خاصة.

[JN000N]

لا محد طالب الحكومه بفلوس العشا يالطيب
لاحظ ردي الاول انا قلت ما اطالب بعشا مجاني انا اتسائل شلون بتكون الحسبه
وين المجانيه ف الموضوع وبس
والا اذا علينا احنا ماتشكينا لا من تكاليف ولا من صرف
والعانيه من الي بيعطي المعرس مستحبه عطاه والا المعرس مب محتاج لعانيته
لكن مثل ما هم قامو بالواجب وجاو يباركون بعد من واجبي انا اضيفهم احسن ضيافه :)

[يوسف0]

لا محد طالب الحكومه بفلوس العشا يالطيب
لاحظ ردي الاول انا قلت ما اطالب بعشا مجاني انا اتسائل شلون بتكون الحسبه
وين المجانيه ف الموضوع وبس
والا اذا علينا احنا ماتشكينا لا من تكاليف ولا من صرف
والعانيه من الي بيعطي المعرس مستحبه عطاه والا المعرس مب محتاج لعانيته
لكن مثل ما هم قامو بالواجب وجاو يباركون بعد من واجبي انا اضيفهم احسن ضيافه :)

اخر ثلاث كلمات ارجوا التركيز عليها لان هذا يصل لفسق وأسراف في اغلب حفلات الأعراس وخاصتا أعراس الحريم !!

وياليت تسن قوانين للأعراس للجميع افضل من الي حاصل ونعم لمنع الطعام :nice:

واخرتها ديون تندفع للأبد وعلى شنو احتفال مبالغ فيه ليوم واحد

جوفي جنون قاعة الفنادق نفس ماقلتي يحسبونها على كل شخص والمبلغ طبعا مبالغ فيه
اما القاعات المجانية مجانية وتجهيز الأكل من صوبج أرخص بفارق كبير جدا جدا جدا من الفندق الى اذا بتجيبين اكل من الرتز

[JN000N]

اخر ثلاث كلمات ارجوا التركيز عليها لان هذا يصل لفسق وأسراف في اغلب حفلات الأعراس وخاصتا أعراس الحريم !!

وياليت تسن قوانين للأعراس للجميع افضل من الي حاصل ونعم لمنع الطعام :nice:

واخرتها ديون تندفع للأبد وعلى شنو احتفال مبالغ فيه ليوم واحد

جوفي جنون قاعة الفنادق نفس ماقلتي يحسبونها على كل شخص والمبلغ طبعا مبالغ فيه
اما القاعات المجانية مجانية وتجهيز الأكل من صوبج أرخص بفارق كبير جدا جدا جدا من الفندق الى اذا بتجيبين اكل من الرتز

ضيوفنا نتجمل فيهم باللي يرضي الله ورسوله مش ب الفسقه
لكن ماقصر معاهم
نفس ناس ماعليهم قصور يرقدون على ملايين ويوم رحنا اعراسهم لا مر علينا لا عصير ولا شاي
وفوق هذي الفطاير الي عالطاوله ميخنه ولها طعم محمض :)
شدعوه قلنا وفرو ولا تفسقون بس ماقلنا تردو ف العرب


تبي الصج يا يوسف ماعرف بالضبط كم يكلف البوفيه اذا من مطاعم ثانيه غير الفنادق
لكن ان شاء الله ان ارخص لين نص سعر القاعات

[يوسف0]

ضيوفنا نتجمل فيهم باللي يرضي الله ورسوله مش ب الفسقه
لكن ماقصر معاهم
نفس ناس ماعليهم قصور يرقدون على ملايين ويوم رحنا اعراسهم لا مر علينا لا عصير ولا شاي
وفوق هذي الفطاير الي عالطاوله ميخنه ولها طعم محمض :)
شدعوه قلنا وفرو ولا تفسقون بس ماقلنا تردو ف العرب


تبي الصج يا يوسف ماعرف بالضبط كم يكلف البوفيه اذا من مطاعم ثانيه غير الفنادق
لكن ان شاء الله ان ارخص لين نص سعر القاعات


بنشوف التجارب قريبا ان شاء الله وبعدين بنجوف الفروق والملاحظات وكل شئ يخص القاعات

[الجـــوديّ]

تصفحت الموقع مالقيت شي بخصوص الخدمات ..
اعتقد مخلينها لما المعرس يروح يأكد الحجز ويتفاهمون على باقي الترتيبات...
منها العشاء والتصوير والمشروبات الساخنة والباردة وباقي الضيافة .. وخدمات التصوير الفوتوغرافي والسكيورتي
ولعل فيه غيرها من الخدمات

كلها حسب الطلب وكلن بأجره ... وخاصة العشأ ...
من غير المنطقي إن أعزم ضيوفي على عشاء مجاني ومو معقول بعد إني ما أولم بشاة !

[aloosh]

اخبر شباب لا احتاجوا صاله ولا غيره
عزم ربعه واهله في المجلس وذبح الذباح وانتها العرس بعد العشاء
ولا خساير ولا غيره الناس معاد تاكل مثل قبل الحمدلله الناس في شبعه ورخا 90% اللي يجون يسون الواجب وهو السلام فقط

[نفسي عزيزه]

تم قصف قاعات الفنادق بالجبهه

الحين بينزلون بأسعارهم ييتلاحقون ع عمرهم هههه

[MirusS]

بديت أفـكر فالزواج :shy:

[معماري قطري]

الله يرحم والدي من إِمر ومن خطط ومن بنى من المسلمين

ولا ننسى من نقل الخبر لنا

[معماري قطري]

بديت أفـكر فالزواج :shy:

انا افكر في الثانية بس إِن شاء الله ام العيال ما تقرأ

[معماري قطري]

يحليل أهل قطر يتهاوشون على كل شيء .. إِحتدم النقاش

[حسن]

مسا الورد لكم انتو الاثنين

هههه .. خلاص توكلوا على الله و بالتوفيق ..


مساء النور ياراجي

الله يسمع منك

وانت رجل صالح

:)

[qatarman8008]

مرحبا يا اعضاء المنتدى..
قرات الكثير من الردود.. ولكن..
انا عشان ابدي رايي بالقاعات لازم.. (اتزوج)..
:shy::shy::shy:

[مشاكل]

همتكم ياشباب
تزاوجوا تناكحوا

[ضوى]

طالبين حجز فيها وان شاء الله نوافيكم بالتفاصيل

[بوحارب]

انا افكر في الثانية بس إِن شاء الله ام العيال ما تقرأ
حاسب يصيدك اللي صادني

صارلي يومين راقد في عنه حسن
بسبب احد الردود في هذا الموضوع

بس عادي انا ذيب احب أرقد برع البيت :)

[حسن]

حاسب يصيدك اللي صادني

صارلي يومين راقد في عنه حسن
بسبب احد الردود في هذا الموضوع

بس عادي انا ذيب احب أرقد برع البيت :)


افا

:(

افكر متعني لي وترا الموضوع في ان ومطرود


:(

خلك ضيب ولا يهمك ان

الايه الكريمه تقول

فانكحو ماطاب لكم من النساء

يعني شي طيب ومحمود عليه وماعليك من تاثير المسلسلات الكويتيه
يبيلهم كاشه وامورهم في الروب
يابوحارب ابشر لك مني بالعانيه 50 الف على مايشهدون الربع وش تبي بعد

:victory:

[بوحارب]

ياريال أصلاً عادي انا احب انام برع البيت هههههههه

تحريبها يا حسن وانت معروف راعي فزعات ،،، كفو عليك


حسن تخيل صج مطرود هههههههه