جلسة تداول الاربعا 17 ديسمبر (غدا اليوم الوطني ل قطر)

[مضارب دوسري]

السلام عليكم ورحمة الله وبركاته
واسعد الله صباحكم بكل خير

غدا هو اليوم الوطني ل
(قطر)
حفظ الله قطر حكومة وشعبا

كل عام وقطر بخير

[مضارب دوسري]

عانقي هام السحايب والرعود .. فالشوامخ لك مكان ومنزله
يابلدنا ياقطرنا.. حن خلقنا لك جنود .. لا غدى للحرب نار وزلزله

ياشموخ العز يا أرض الجدود .. آخر الانفاس وانتي الاوله
يشهد الله يشهد الله مانخونك بالعهود .. ولجلك الموتى المصفى ننهله

ارق ياليث الجزيرة في سنود ...والليالي فنور عزك مقبله

حن عيون لجل عزك ماتنود .. لك سيوف بالولاء مجمله
يابلدنا ياقطرنا .. من عهدنا به نجود .. ومن عقد حبل ٍ لك الله نقتله





هلي البرد واستمطري نار وبارود *** حنا هلك يادار يــوم الشـدايد

حن ماوفينا الدين يا دارنا زود *** تحرم علينا لابسات القــلايد

حنا هلك يا دار من سالف عهود *** قبل البلوغ وشبلنا يجيك صايد
...
حنا رفعنا اسمك على كل موجود *** سهم على سهم في البلادين كايد






فالح العجلان الهاجري

[مضارب دوسري]

فوق اصعدي فوق اصعدي فوق الثريا والجدي



ايه بعدي ايه بعدي هاذي عوايدها قطر



يا دوحة المجد الرفيع وقفتي العالم جميع



يوم ان اذاع المذيع فازت قطر فازت قطر



يا دار من جد وجد واكيد من يزرع حصد



واثنين ديسمبر شهد مبروك يادولـــة قطر



من فضل رب الكائنات حنا حصدنا المعجزات



وانسير في عزم وثبات ونقول موعدكم قطر



في دار ابن ثاني حمد في دار اخو روضة حمد



في دار ابو مشعل حمد حياكم الله في قطر

خليل الشبرمي

[الرايــق]

السلام عليكم ورحمة الله وبركاته ..
صباح الخير للجميع وكل عام وانتم بخير ..

يعطيك العافية يا مضارب على الافتتاحية : )

[بوثاني الريان]

السلام عليكم ورحمه الله وبركاته ،،،

صبحكم الله بالخير جميع

[.:: القيصر ::.]

السلام عليكم

صبحكم الله بالخير جميعاً

[غريب الدّار]

السلام عليكم ورحمة الله وبركاته

صبحكم الله بالخير جميع


دام عزج ياقطر


قواك الله يالدوسري

بو عسلة

يصبحك بالخير اخوي

شحالك الله يسلمك؟ ان شاء الله طيب؟

[Abu Mahmoud]

السلام عليكم .. وصباحكك خير باذان الله

واهديكم الاغنية

https://www.youtube.com/watch?v=QpG-6GtgwAI


https://www.youtube.com/watch?v=QpG-6GtgwAI

[بوثاني الريان]

السلام عليكم ورحمة الله وبركاته

صبحكم الله بالخير جميع


دام عزج ياقطر


قواك الله يالدوسري

بو عسلة

يصبحك بالخير اخوي

شحالك الله يسلمك؟ ان شاء الله طيب؟



بخير غريبـــــ جعلك بخير الحمدلله على كل حال

[الجسراوي]

السلام عليكم ورحمة الله وبركاته

صباحكم امل بالرزاق بان يبارك لكم
صباحكم حب وطن وامير نساله سبحانه ان يحفظ قطر ويعز اميرنا

تسلم يامضارب على اثباتك للجميع بوطنية الاباء والشموخ والعزة

اما قطر فوق ولا مالنا خانه

والله يوفق الجميع

امس كانت البورصه تشاؤمية لمن لا يضع القدر نصب عينيه
واليوم بنشوف نتيجة الاستغفار وقول الحمدلله لقناعتنا التامه بان مايحدث لنا هو من انفسنا بقدر الله علينا .. ولا يظلم ربك احدا

يا اخوان ذنب واحد يبعدك عن الجنه مسيرة سنين فكيف بمن غشيت عينيه الذنوب فلا يرى الا عناده فيزيد حياته بؤسا وشقاءا وربما هو من منع القطر من السماء ...

اكثروا من الاستغفار يرزقكم رب السماء من حيث لا تحتسبون .

بالتوفيق

[مشروع هاموور]

السلام عليكم ورحمة الله وبركاته

وصبحكم الله بالخير والعافية ونقاء الفلوب
بكره عيدج ياقطر ياوطنا ياغلى الاوطان عسى ايامنا كلها عيييييييييييد

[اكاديمي]

السلام عليكم

صبحكم الله بالخير جميعاً

الله يديم علينا الأمن والامان ويحفظ قطر وجميع بلاد المسلمين من كل مكروه

[دربوه]

السلام عليكم صبحكم الله بالخير

نصيحتي لكم

اليوم الوطني ماراح يأثر في اتجاه السوق

لحد يتهور وحلو نتعامل مع السوق بمنطق ^_^

يارب الكل يربح ومانشوف خسران

[غريب الدّار]

اليوم الوطني ماراح يأثر في اتجاه السوق



؟؟؟؟؟

هل في حد وصى بالدخول بناءا على اليوم الوطني؟؟؟؟؟

[دربوه]

؟؟؟؟؟

هل في حد وصى بالدخول بناءا على اليوم الوطني؟؟؟؟؟

في حد قال انه في حد وصى ؟

بس واجد ناس يتفائلون انه دام اليوم الوطني جا البورصه بترتفع

وهذا مو شرط ^_^

[غريب الدّار]

في حد قال انه في حد وصى ؟

بس واجد ناس يتفائلون انه دام اليوم الوطني جا البورصه بترتفع

وهذا مو شرط ^_^

دامك تنصح وتقول ان اليوم الوطني ماراح يأثر معناها في ناس يعتقدون ان اليوم الوطني عبارة عن توصية دخول وانه راح يأثر

لكن رايي من رايك مليون في المية

اليوم الوطني ماراح يأثر

وش علاقة اليوم الوطني بالبورصة اصلا؟



وفي موضوع آخر :
نرجع ونقول :


الأسعار تهاوت بعد هبوط أسعار النفط

واللي يقول ماله علاقة ياليت يوضح لنا الأسباب

بدون الغوص في نظرية المؤامرة

[بوثاني الريان]

من تحليل بسيط لما قبل الافتتاح اذا ما تدركوا الوضع بيكون صعب اليوم ويمكن اكثر يوم صعب في تاريخ البورصة

والله لايخسر مسلم

[.:: القيصر ::.]

يا رجل

القابضة

عروضها و كأن اللي نشوفه كل يوم يقول الناس ماتبي السهم كلش

بس يبون شاري فقط لاغير

[نور الصباح 2]

السلام عليكم . . وصباح الخيرات . .

السوق على اليومي والاسبوعي وصل للقاع . . لكن على الشهري يدل أنه للنزول بقية . .

بإذن الله الأيام القادمة راح تشاهدون ارتفاعات . . وفرص مضاربية . . لمن يجيدها . . وفالكم الربح الحلال . .

[ورد2022]

اسعد الله صباحكم بالخير والبركة

[السد العالمي]

السلام عليكم صبحكم الله بالخير

نصيحتي لكم

اليوم الوطني ماراح يأثر في اتجاه السوق

لحد يتهور وحلو نتعامل مع السوق بمنطق ^_^

يارب الكل يربح ومانشوف خسران

نصيحة من ذهب

[غريب الدّار]

بو عسلة

ولا عليك امر شلون العروض والطلبات؟

مب قادر اشوف شاشة التداول حاليا

[qatarma]

نصيحة من ذهب

اتفق معاك بكل شي
واتمنى اليوم يكون اخر نزول وعقبه استقرار ان شاءالله

[بوثاني الريان]

بو عسلة

ولا عليك امر شلون العروض والطلبات؟

مب قادر اشوف شاشة التداول حاليا


الطلبات جالسة تتحسن وهذا شي ان شاء الله يكون ايجابي

[دربوه]

دامك تنصح وتقول ان اليوم الوطني ماراح يأثر معناها في ناس يعتقدون ان اليوم الوطني عبارة عن توصية دخول وانه راح يأثر

لكن رايي من رايك مليون في المية

اليوم الوطني ماراح يأثر

وش علاقة اليوم الوطني بالبورصة اصلا؟



وفي موضوع آخر :
نرجع ونقول :


الأسعار تهاوت بعد هبوط أسعار النفط

واللي يقول ماله علاقة ياليت يوضح لنا الأسباب

بدون الغوص في نظرية المؤامرة


هلا اخوي غريب

ماعتقد في محلل بيوصي

بس في متداولين يتعاملون بعاطفه

من هالشي قلت النصيحه

من خلال تبادل احاديث الصباح مع البعض

تلمس من كلامهم انه في تفاؤل باليوم الوطني

ويغضون النظر عن العوامل الرئيسيه اللي تحدد اتجاه البورصه

انت من متابعين موضوع التوقعات وتعرف انه ردود البعض

توحي انه دام اليوم الوطني باجر واليوم اخر يوم تداول قبله

اذا بورصتنا بترتفع

[دربوه]

نصيحة من ذهب

انت الذهب يالغالي

صباح الورد

[السد العالمي]

اللي يدخل كإستثمار ممكن ولكن كمضاربه يبي له ناس فنانين نفس atiq تبارك الرحمن

[السد العالمي]

اتفق معاك بكل شي
واتمنى اليوم يكون اخر نزول وعقبه استقرار ان شاءالله

نفسيــــــاً

إستقرار النفط = إستقرار السوق

نزول النفط = نزول السوق

إرتفاع النفط = إرتفاع السوق

[مشروع هاموور]

في حد قال انه في حد وصى ؟

بس واجد ناس يتفائلون انه دام اليوم الوطني جا البورصه بترتفع

وهذا مو شرط ^_^

يالربع المسألة مو مسألة حد وصى عاليوم الوطني او انتهاء تحقيق الفيفا او غيره من الامور الحاصلة او المناسبات
كل مافي الامر ان الغرقان يتعلق بــ قشه
يعني الموضوع تفائل وتمني مو اكثر
انت اتفائل بيوم الخميس مثلا وغيرك يتفائل لان الجو مغيم وهذاك متفائل لان اخر السنة قرب وانا متفائل لان الشوارع فاضية اليوم وهكذا.....

الكل يدور يصيص امل ,لان كلنا مقروصين

[غريب الدّار]

هلا اخوي غريب

ماعتقد في محلل بيوصي

بس في متداولين يتعاملون بعاطفه

من هالشي قلت النصيحه

من خلال تبادل احاديث الصباح مع البعض

تلمس من كلامهم انه في تفاؤل باليوم الوطني

ويغضون النظر عن العوامل الرئيسيه اللي تحدد اتجاه البورصه

انت من متابعين موضوع التوقعات وتعرف انه ردود البعض

توحي انه دام اليوم الوطني باجر واليوم اخر يوم تداول قبله

اذا بورصتنا بترتفع

والله ياخوي دربوه اذا كان البعض لازال تفكيرهم سطحي لهالدرجة فهذا الله يعينه على نفسه

لأن العوامل الاقتصادية ماتنحكم بيوم وطني او أي يوم البلاد تحتفل به

وأسعار النفط اللي لعبت في الأسواق لعب مالها علاقة باليوم الوطني في قطر

بس دام في ناس على قولتك هذا تفكيرهم فاسمح لي أوجه لهم السؤال التالي :

هل المحافظ راح تزيد من شراءها علشان اليوم الوطني؟ ؟ليش؟
هل في سيولة بتدخل بمناسبة اليوم الوطني؟ ليش؟


اللي يجاوب هالاسئلة بعيد عن العاطفة اعتقد راح تكون الأمور جدا جدا جدا واضحة له

السوق ان ارتفع اليوم او هبط فالرجوع للتحليل الفني بعد التوكل على الله هو الحل

خصوصا في ظل الظروف الصعبة اللي تمر بها أسعار البترول

[غريب الدّار]

نفسيــــــاً

إستقرار النفط = إستقرار السوق

نزول النفط = نزول السوق

إرتفاع النفط = إرتفاع السوق

مشكور على نقلك كلام اخونا بو جاسم

كلام واقعي

[غريب الدّار]

يالربع المسألة مو مسألة حد وصى عاليوم الوطني او انتهاء تحقيق الفيفا او غيره من الامور الحاصلة او المناسبات
كل مافي الامر ان الغرقان يتعلق بــ قشه
يعني الموضوع تفائل وتمني مو اكثر
انت اتفائل بيوم الخميس مثلا وغيرك يتفائل لان الجو مغيم وهذاك متفائل لان اخر السنة قرب وانا متفائل لان الشوارع فاضية اليوم وهكذا.....

الكل يدور يصيص امل ,لان كلنا مقروصين

هلا وغلا

هلا والله

حيا الله مشروع هامور

انا اقدر أقول اني اتفاءل لاني شفتك
:)

بس اتفاءل بوشو؟؟ هنيه السؤال

[مشروع هاموور]

نفسيــــــاً

إستقرار النفط = إستقرار السوق

نزول النفط = نزول السوق

إرتفاع النفط = إرتفاع السوق

بس نفسيا
الا نفسيا وعقليا وفعليا ووطنيا وكليا

[السد العالمي]

بس نفسيا
الا نفسيا وعقليا وفعليا ووطنيا وكليا

هههههههههههههههههههههههه

[مشروع هاموور]

هلا وغلا

هلا والله

حيا الله مشروع هامور

انا اقدر أقول اني اتفاءل لاني شفتك
:)

بس اتفاءل بوشو؟؟ هنيه السؤال


الله يحييك ويبقيك يالعضيد
تفائل بوشو يعني ياغريب
نتفائل ان السوق يفز وحلالنا يرجع هذا بالنسبة لي
وكلن يغني على ليلاه

[السد العالمي]

أنا أعتبر خسارة المحفظه وقت اللي أقوم ببيع أسهمي ، مادام أنا ما بعت ما أعتبر نفسي خسران

[أعلى سعر]

السلام عليكم ورحمة الله وبركاته

فالكم الاخضر

[السد العالمي]

هلا وغلا

هلا والله

حيا الله مشروع هامور

انا اقدر أقول اني اتفاءل لاني شفتك
:)

بس اتفاءل بوشو؟؟ هنيه السؤال

كل اللي حولنا ما يبشر بالخير ولا يدعو للتفاؤل
ولكــن

كلنا وأنا

متفائلون

بأن الكون له رباً
يقول للشيء كن فيكون

[بوثاني الريان]

تعديل التحليل ماقبل الافتتاح ان شاء الله السوق صاعد

[ابراهيم اليوسف]

صباح الخير على الجميع ...... السوق متجه الى النزول اكثر من الارتفاع

[ابو عبد الرحمن]

السلام عليكم ورحمة الله وبركاته

[اكاديمي]

اخبار اسواق المنطقة ؟

[ابو عبد الرحمن]

اكثروا من الاستغفار ففيه الخير والبركة

[ابو عبد الرحمن]

دبي ارتفاع 2.2 % +

[ابو عبد الرحمن]

ابو ظبي ارتفاع 1.6 % +

[<اضرب واشرد>]

السلام عليكم

سوق دبي ضرب 3000 نقطة والآن 3160 ( 2.33% )

[qatarma]

هلا بالاخضر

[الرايــق]

السلام عليكم

سوق دبي ضرب 3000 نقطة والآن 3160 ( 2.33% )

فوق ولا تحت ؟

[اكاديمي]

شكرًا ابو عبدالرحمن وأخوي اضرب واشرد على تجاوبكم

[غريب الدّار]

بصراحة مااتابع شاشة التداول


بشروا

اخضر؟


اذا اخضر تستاهلون كل خير

واذا احمر بعد تستاهلون كل خير والله يعين ويوفق الجميع

[السد العالمي]

القابضة لمت داون ولا أنصح بالمجازفه والدخول حتى ظهور الصانع المحترم

[غريب الدّار]

فوق ولا تحت ؟

شدعوة يالرايق!!!!
يقول لك كان 3000 وصار 3160

شلون بيكون تحت؟؟؟؟؟؟؟؟؟

[السد العالمي]

بصراحة مااتابع شاشة التداول


بشروا

اخضر؟


اذا اخضر تستاهلون كل خير

واذا احمر بعد تستاهلون كل خير والله يعين ويوفق الجميع

أخضررررر

بس إن شاءالله ما يخربها

[غريب الدّار]

القابضة لمت داون ولا أنصح بالمجازفه والدخول حتى ظهور الصانع المحترم

اتهقا؟؟؟

[غريب الدّار]

اتهقا؟؟؟

مارديت علي يالسد العالمي :

اتهقا؟
:)

بعض الأسئلة وراءها ماوراءها

وعألك في راسك تعرف خلاصك

[ابو عبد الرحمن]

دبي ما زال محافظ على الارتفاع 2.43 + %

[السد العالمي]

مارديت علي يالسد العالمي :

اتهقا؟
:)

بعض الأسئلة وراءها ماوراءها

وعألك في راسك تعرف خلاصك

هههههه

والله يالغالي شوفت عينك وأنت أخبر مني

[<اضرب واشرد>]

فوق ولا تحت ؟

http://esm.sca.ae/Arabic/Pages/default.aspx

[حوت الأسهم]

السلام عليكم ورحمة الله وبركاتة

اليوم اخر جلسة تداول لي معكم قبل السفر

الله يوفقكم ويرزقكم ان شاء الله

[مشروع هاموور]

مارديت علي يالسد العالمي :

اتهقا؟
:)

بعض الأسئلة وراءها ماوراءها

وعألك في راسك تعرف خلاصك


والله منت بهين ياغريب

[السد العالمي]

رجعنا

للأحمـــر

[الرايــق]

http://esm.sca.ae/Arabic/Pages/default.aspx

يعطيك العافية ما كنت منتبه انه مرتفع..


السلام عليكم ورحمة الله وبركاتة

اليوم اخر جلسة تداول لي معكم قبل السفر

الله يوفقكم ويرزقكم ان شاء الله

عليكم السلام يا لوفر
بالتوفيق ان شاء الله
وفالك تشوف مزايا 35.0 :nice:

[abdalla]

اليوم اخر يوم في الاسبوع احتمال يسكر اخضر علشان فرحة نهاية الاسبوع

[qatarma]

رجعنا

للأحمـــر
شرايك بالمضاربه الحين
اتوقع بيرتد السوق؟

[السد العالمي]

أسهم أحمر

أسهم أخضر

أسهم مستقر

يعتبر شي إيجابي

ولا إيش رأيك يا غريب الدار

[ابو عبد الرحمن]

البرنت يرتفع الى 59.5

[الرايــق]

http://esm.sca.ae/Arabic/Pages/default.aspx


شدعوة يالرايق!!!!
يقول لك كان 3000 وصار 3160

شلون بيكون تحت؟؟؟؟؟؟؟؟؟

:omg:
ياخي ما انتبهت ..
:)

[مشروع هاموور]

المحظورطلب100 الف و لو اشوف الطلب مليون بعد مابستانس
شالفايده طلب عود وبالمقابل بياع يرش عليك

[السد العالمي]

شرايك بالمضاربه الحين
اتوقع بيرتد السوق؟

أنا مب فنان فالمضاربات وقت مثل هالازمات

إذاء بتفهم له صح توكل على الله

[ابو عبد الرحمن]

المؤشر يقلص الخسائر

[مشروع هاموور]

اليوم اخر يوم في الاسبوع احتمال يسكر اخضر علشان فرحة نهاية الاسبوع

طبعا طبعا طبعا

[ابو عبد الرحمن]

الريان 41.7 ما شاء الله

[الرايــق]

لو الريان يطلع شوي بيرتفع المؤشر ان شاء الله

[السد العالمي]

لو الريان يطلع شوي بيرتفع المؤشر ان شاء الله

أتوقع رفع المؤشر عن طريق الوطني

[ابو عبد الرحمن]

الريان 42 الى الآمام

[بوثاني الريان]

الخليج الدولية تضرب لميت اب كل السوق بيرتفع ارتفاع يسر الناظرين

[ابو عبد الرحمن]

النفط يرتفع الى 59.71

[ابو عبد الرحمن]

59.83 النفط

[qatarma]

يالربع حرام الي يصير ف مسيعيد

[حوت الأسهم]

عليكم السلام يا لوفر
بالتوفيق ان شاء الله
وفالك تشوف مزايا 35.0 :nice:


هههه ايش دراك اني شريت مزايا

بعت عند 19.2 وبضارب عند 15 و 16

الله يوفقكم كلكم ان شاء الله

[الرايــق]

بروة تستعد للاقلاع ..

[qatarma]

الخليج الدولية تضرب لميت اب كل السوق بيرتفع ارتفاع يسر الناظرين

الله يسمع منك

[<اضرب واشرد>]

:nice:

[الرايــق]

هههه ايش دراك اني شريت مزايا

بعت عند 19.2 وبضارب عند 15 و 16

الله يوفقكم كلكم ان شاء الله

:victory:

[حوت الأسهم]

النفط 60.20

[بوثاني الريان]

النفط 60.13 صاعد

[<اضرب واشرد>]

برنت 60.13

[كيلو حديد]

صبحكم الله بالرضى


والله العالم اختراق 42 للريان بقوه قد ياخذنا لل 45 والله العالم

[الرايــق]

دبي وبوظبي ارتفاااع

[السد العالمي]

ما نبي إرتفاع صاروخي

خلنا نرتفع حبه حبه

[راعي المواجيب]

السيولة 82 مليون .. نرجو الترقب والانتباه

[ابو عبد الرحمن]

النفط يرتفع الى 59.90

[غريب الدّار]

السلام عليكم ورحمة الله وبركاتة

اليوم اخر جلسة تداول لي معكم قبل السفر

الله يوفقكم ويرزقكم ان شاء الله
وعليكم السلام

هلا والله لوفر

بالسلامة
والله يحفظك انت ومن معاك



أسهم أحمر

أسهم أخضر

أسهم مستقر

يعتبر شي إيجابي

ولا إيش رأيك يا غريب الدار

ربك كريم
:)

اقتصادنا الوطني ولله الحمد يسير بخطى ثابتة وقوية
تنويع مصادر الدخل
احتياطي نقدي قوي بفضل الله
وحاكم طموحه مثل ابوه ماله حد

لكن من جهة ثانية
أسواق المال لها عوامل تحكمها مثل أسعار النفط وغيره
الواحد يتوكل على ربه ويتابع التحليل الفني
والتحليل الفني مثل مانتوا شايفين لحد الحين مب قادر يرصد القاع الصلب والقوي للسوق


فربك كريم
:)
وعألك في راسك تعرف وشو؟

خلاصك

[بالول صغير]

سوق دبي من ارتفاع 2.5% الان نازل

الترقب مطلوب

[ابو عبد الرحمن]

الرعاية الى الأمام ان شاء الله تعالى

[بوثاني الريان]

الرعاية الى الأمام ان شاء الله تعالى

اشوفها لميت اب والله اعلم

[ابو عبد الرحمن]

اعلى سعر وصل له النفط اليوم 60.17

[ابو عبد الرحمن]

اشوفها لميت اب والله اعلم

الله كريم يا بو عسلة لأنها للأمانة تستاهل

[ابو عبد الرحمن]

دبي يعاود الارتفاع الى 1%

[ابو عبد الرحمن]

ابو ظبي + 2.39 ارتفاع

[qatarma]

حالة هدوووء وترقب

[حوت الأسهم]

وعليكم السلام

هلا والله لوفر

بالسلامة
والله يحفظك انت ومن معاك




هلا هلا غريب دار

الله يحفظك ويسلمك ياارب

[غريب الدّار]

الله يعين ملاك الأسهم النازلة
ويوفق أصحاب الأسهم الصاعدة

[qatarma]

تذكروا كلامي هذا الهدوء الي يسبق العاصفه.

بس مادري فوق او تحت هههههههه الله يستر

[غريب الدّار]

احفظوا هالبيت :

مابين طرفة عين وانتباهتها
يبدل الله من حال الى حال

[ahmed saleh]

السلاام عليكم
ان شاااء الله ارتفااع اليووم
حاسس ان البايع والمشتري الكل قاعد يبص للتاني
وايده علي زرار التفيذ الكل خايف من الغدر او خايف لو حصل ارتفاع ما يلحق

[غريب الدّار]

المؤشر محكور عند 11050 تقريبا
لا فوق ولا تحت

بين هذا وذاك

[بوثاني الريان]

احفظوا هالبيت :

مابين طرفة عين وانتباهتها
يبدل الله من حال الى حال

الحمدلله

[brent]

صباح الخير

الفيصل سيكون اداء السوق السعودي
(وجهة نظر)

[حوت الأسهم]

احفظوا هالبيت :

مابين طرفة عين وانتباهتها
يبدل الله من حال الى حال

ونعم بالله

[بوثاني الريان]

صباح الخير

الفيصل سيكون اداء السوق السعودي
(وجهة نظر)

السوق السعودي من الحين اقولك ارتفاع اكثر من 250 نقطة ان شاء الله

[brent]

السوق السعودي من الحين اقولك ارتفاع اكثر من 250 نقطة ان شاء الله

ان شاء الله

[<اضرب واشرد>]

السيولة ضعيفة (البيع خفيف)

إذا نبي نوصل 950 مليون مثل أمس لازم المشتري يضرب ماركت فوق

[qatarma]

ماتشوفون ان استقرار الموشر في هالاوضاع افضل من الارتفاع الكبير
لان السوق الان يشهد خالة اضطراب وغير هذا الوضع المحيط لاكن الجميع اتفق ان هناك اضطراب في السوق وبيع عشوائي ومضاربات في اوقات خاطئه اشوف ان استقرار السوق فيه فائده او ارتفاع بسيط كذالك الحال مع سوق النفط لو استقر بتستقر كل الامور.
وجهة نظر واتمنى من الاخوان المحللين التعقيب

[ahmed saleh]

السلاام عليكم
ان شاااء الله ارتفااع اليووم
حاسس ان البايع والمشتري الكل قاعد يبص للتاني
وايده علي زرار التفيذ الكل خايف من الغدر او خايف لو حصل ارتفاع ما يلحق

اعرف ان 95% من الاعضاء ما يردو السلام لا اذا مان محلل او عضوو قديم
ههههههه بس حتي 5% اختفووو

[راعي المواجيب]

المضاربة غير مجدية ..

انتبه تتعلق عشان احتمالية مربح ريال أو ريالين بالسهم ..

نلحق السوق اذا تأكد الارتداد .. وين بيروح عنكم

[<اضرب واشرد>]

من 9:30 لـ 10:00 شراء بالجملة
الحين مفرّق

[السد العالمي]

احفظوا هالبيت :

مابين طرفة عين وانتباهتها
يبدل الله من حال الى حال

يا سلام عليك

تعرف هذا اللي مخليني صابر

توكلي على الله ولا حول ولا قوة الا بالله

[حوت الأسهم]

اعرف ان 95% من الاعضاء ما يردو السلام لا اذا مان محلل او عضوو قديم
ههههههه بس حتي 5% اختفووو

وعليكم السلام ورحمة الله وبركاتة

ما شفتك اخوي اسمحلي

[بوثاني الريان]

الوطني شغل النايتروس

[غريب الدّار]

المضاربة غير مجدية ..

انتبه تتعلق عشان احتمالية مربح ريال أو ريالين بالسهم ..

نلحق السوق اذا تأكد الارتداد .. وين بيروح عنكم

اخوي راعي المواجيب

انا لاحظت انك قاعد تنقل نظرة غيرك وتبي تثبتها بكل الوسايل

انا انصحك نصيحة اخ :

خلك من التحاليل

السوق الحين طالع ولا نازل.؟؟

هل هاذي يبي لها محلل؟

السوق الحين طالع وفي اسهم طالعة

حاول تستفيد وخل غيرك يستفيد

اكيد السوق ماتحدد له قاع للحين وغلط ان الواحد يخاطر بدون تفكير


بس ياخي في فرص مضاربية ليش انضيعها؟

لاتحاول تثبت وجهة نظر غيرك بارك الله فيك

اذا غيرك غلطان الله يعينه

انت شوف بعينك

والحمدلله عندنا محللين عمالقة في المنتدى ولهم نظرة

ولا شرايكم يالربع؟

[غريب الدّار]

يا سلام عليك

تعرف هذا اللي مخليني صابر

توكلي على الله ولا حول ولا قوة الا بالله

والنعم بالله


(وكفى بالله وكيلا)


ومابعد الصبر الا الفرج

[راعي المواجيب]

اخوي راعي المواجيب

انا لاحظت انك قاعد تنقل نظرة غيرك وتبي تثبتها بكل الوسايل

انا انصحك نصيحة اخ :

خلك من التحاليل

السوق الحين طالع ولا نازل.؟؟

هل هاذي يبي لها محلل؟

السوق الحين طالع وفي اسهم طالعة

حاول تستفيد وخل غيرك يستفيد

اكيد السوق ماتحدد له قاع للحين وغلط ان الواحد يخاطر بدون تفكير


بس ياخي في فرص مضاربية ليش انضيعها؟

لاتحاول تثبت وجهة نظر غيرك بارك الله فيك

اذا غيرك غلطان الله يعينه

انت شوف بعينك

والحمدلله عندنا محللين عمالقة في المنتدى ولهم نظرة

ولا شرايكم يالربع؟

والله نظرتي مش نظرة غيري

شكرا لتعليقك

[غريب الدّار]

اعرف ان 95% من الاعضاء ما يردو السلام لا اذا مان محلل او عضوو قديم
ههههههه بس حتي 5% اختفووو

وعليكم السلام ورحمة الله وبركاته

[غريب الدّار]

والله حاس ان في سهم من الأسهم قاعد يقول :

لو نظرت بعين قلبك شفتني
مامعي مخلوق يستاهل غلاك

والله كريم

[راعي المواجيب]

المطلعين فقط شراء الخليجي 2,222

[السد العالمي]

أخوي غريب الدار

تتفق معاي بأن إرتفاع السوق بهذه الطريقه 50 نقطه إلى 100 نقطة يومياً أليس أفضل من إرتفاع صاروخي ولمت أب بالجمله

أنا مش محلل فني ولكن أعتقد بأن إرتفاع بهذه الطريقه يعتبر أفضل حتى لا نترك فجوات أمامنا

والعكس في حالة نزول كذلك

[بوثاني الريان]

يا سلام عليك

تعرف هذا اللي مخليني صابر

توكلي على الله ولا حول ولا قوة الا بالله

بارك الله فيك

[بوثاني الريان]

اخوي راعي المواجيب

انا لاحظت انك قاعد تنقل نظرة غيرك وتبي تثبتها بكل الوسايل

انا انصحك نصيحة اخ :

خلك من التحاليل

السوق الحين طالع ولا نازل.؟؟

هل هاذي يبي لها محلل؟

السوق الحين طالع وفي اسهم طالعة

حاول تستفيد وخل غيرك يستفيد

اكيد السوق ماتحدد له قاع للحين وغلط ان الواحد يخاطر بدون تفكير


بس ياخي في فرص مضاربية ليش انضيعها؟

لاتحاول تثبت وجهة نظر غيرك بارك الله فيك

اذا غيرك غلطان الله يعينه

انت شوف بعينك

والحمدلله عندنا محللين عمالقة في المنتدى ولهم نظرة

ولا شرايكم يالربع؟

:nice:

[غريب الدّار]

أخوي غريب الدار

تتفق معاي بأن إرتفاع السوق بهذه الطريقه 50 نقطه إلى 100 نقطة يومياً أليس أفضل من إرتفاع صاروخي ولمت أب بالجمله

أنا مش محلل فني ولكن أعتقد بأن إرتفاع بهذه الطريقه يعتبر أفضل حتى لا نترك فجوات أمامنا

والعكس في حالة نزول كذلك
والله يالسد ممكن هالكلام يكون صحيح في الظروف العادية


لكن في ظرف مثل اللي احنا فيه

اعتقد الهبوط حتى وان كان قوي يمكن يسرع بالوصول الى القاع والاستقرار وقتها

لان لحد الحين سالفة الصعود مية نقطة مثلا او اكثر او هبوط مية نقطة او اكثر عبارة عن حيرة (مثل ماقالوا إخواننا المحللين الافاضل)

يعني ماتدري هل تبيع ولا تشتري ولا شتسوي

مع وجود الفرص المضاربية طبعا

لكن ان شاء الله يطلع خبر منيه ولا مناك على قولة المحللين (مع اني اتحفظ على هالشي قصدي سالفة الخبر لاني اعتقد ان التحليل يكشف الخبر وهذا مجرد اعتقاد) ويرتفع السوق ونتخلص من الترند الهابط

ويمكن لا


الله يوفق الجميع

[نمر بن عدوان]

اخوي راعي المواجيب

انا لاحظت انك قاعد تنقل نظرة غيرك وتبي تثبتها بكل الوسايل

انا انصحك نصيحة اخ :

خلك من التحاليل

السوق الحين طالع ولا نازل.؟؟

هل هاذي يبي لها محلل؟

السوق الحين طالع وفي اسهم طالعة

حاول تستفيد وخل غيرك يستفيد

اكيد السوق ماتحدد له قاع للحين وغلط ان الواحد يخاطر بدون تفكير


بس ياخي في فرص مضاربية ليش انضيعها؟

لاتحاول تثبت وجهة نظر غيرك بارك الله فيك

اذا غيرك غلطان الله يعينه

انت شوف بعينك

والحمدلله عندنا محللين عمالقة في المنتدى ولهم نظرة

ولا شرايكم يالربع؟

السلام عليكم ورحمة الله

والله كلامك عين العقل وفعلا فيه ناس تردد اسطوانه من ايام لاحد يدخل ولاحد يتوهق ويشهد الله السوق فيه يوميا فرص مضاربيه ولا اروع وحتى انا الي مالي في المضاربه استغليت هالتذبذبات والحمدلله طلعت بربح طيب .

يعني شخانة المحلل اذا ماكان يوميا يعطي الدعوم والمقاومات وفرص المضاربه المتوفره في السوق

[غريب الدّار]

السلام عليكم ورحمة الله

والله كلامك عين العقل وفعلا فيه ناس تردد اسطوانه من ايام لاحد يدخل ولاحد يتوهق ويشهد الله السوق فيه يوميا فرص مضاربيه ولا اروع وحتى انا الي مالي في المضاربه استغليت هالتذبذبات والحمدلله طلعت بربح طيب .

يعني شخانة المحلل اذا ماكان يوميا يعطي الدعوم والمقاومات وفرص المضاربه المتوفره في السوق

عسى الله يرزقك زود يابن عدوان

[<اضرب واشرد>]

الحكومة وصلت

[حوت الأسهم]

الاستقرار + تدفق سيولة + قاع = ارتفاع ان شاء الله

[<اضرب واشرد>]

الشراء بالجملة رجع بعد موت آخر بائع

[غريب الدّار]

الشراء بالجملة رجع بعد موت آخر بائع

خخخخخخخخخخخخخخ

حلوة


بس عن أي سهم تتكلم يااضرب واشرد؟

[نمر بن عدوان]

والله يالسد ممكن هالكلام يكون صحيح في الظروف العادية


لكن في ظرف مثل اللي احنا فيه

اعتقد الهبوط حتى وان كان قوي يمكن يسرع بالوصول الى القاع والاستقرار وقتها

لان لحد الحين سالفة الصعود مية نقطة مثلا او اكثر او هبوط مية نقطة او اكثر عبارة عن حيرة (مثل ماقالوا إخواننا المحللين الافاضل)

يعني ماتدري هل تبيع ولا تشتري ولا شتسوي

مع وجود الفرص المضاربية طبعا

لكن ان شاء الله يطلع خبر منيه ولا مناك على قولة المحللين (مع اني اتحفظ على هالشي قصدي سالفة الخبر لاني اعتقد ان التحليل يكشف الخبر وهذا مجرد اعتقاد) ويرتفع السوق ونتخلص من الترند الهابط

ويمكن لا


الله يوفق الجميع



احتمال كبير يكون القاع بين 10900 و10800 الي ذكرها بعض المحللين والي وصلناها قبل يومين

[راعي المواجيب]

الحكومة وصلت

خبر جيد .. اذا صحيح

يالله تجعله خير قبل الاغلاق

[السد العالمي]

بارك الله فيك

وبارك الله فيك وفي أهلك ومالك

صدقوني يا اخوان مش هذه أول مره يحصل معاي إني أدخل ويجيني مثل هالضربات القويه ولكن دائماً توكلي على الله وأن بعد العسر يسر وهاي كلام رب العالمين والحمدالله كل مره بعد صبر شهر شهرين أبيع بربح ممتازززز

مزايا تعلقت فيه في رمضان على 19.5 ونزل لين 15.5 صبرت وبعدها بعت على 24

المتحدة تعلقت فيه العام على 22 ونزل لين 19 صبرت وبعدها بعت على 26

[راعي المواجيب]

القابضة من أفضل سهم بالسوق .. إلى أسوأ سهم .. الله يعين ملاكها

[بوثاني الريان]

القابضة من أفضل سهم بالسوق .. إلى أسوأ سهم .. الله يعين ملاكها



لاتخاف عليها صانعها شنب الاحد اخر نزول لها والله اعلم

[راعي المواجيب]

لاتخاف عليها صانعها شنب الاحد اخر نزول لها والله اعلم

الله يسمع منك .. اعرف كثير معلقين فوق 200

[السد العالمي]

لاتخاف عليها صانعها شنب الاحد اخر نزول لها والله اعلم

الله يسمع منك ويفرجها عن أخواننا اللي تعلقوا فوق

[بوثاني الريان]

الله يسمع منك ويفرجها عن أخواننا اللي تعلقوا فوق


امين يارب

[QTR---]

لاتخاف عليها صانعها شنب الاحد اخر نزول لها والله اعلم

خير ان شاء الله ..


مايوقفها غير ال80 ريال

[<اضرب واشرد>]

خبر جيد .. اذا صحيح
يالله تجعله خير قبل الاغلاق

لا مب خبر (مزحة)

لكن كتوقع (كتبته في جلسة أمس) أن 11000 دعم حكومــــــــــــي
وإن شاء الله صدق

_________

اخوي غريب أتكلم عن المؤشر

[كيلو حديد]

الحكومة وصلت

حياك الله اخوي اضرب
امس حطيت رابط فيديو لمحلل سعودي نسيت اسمه
وحبيت اشكرك لاني استفدت منه كثير والرجال اسلوبه جدا جميل
ويحب الخير للجميع والله يأجرك وياجره خيرا

[ahmed saleh]

محتار اختار مين فيهم كل الشركات عجبنننني

[الوعب]

لا مب خبر (مزحة)

لكن كتوقع (كتبته في جلسة أمس) أن 11000 دعم حكومــــــــــــي
وإن شاء الله صدق

_________

اخوي غريب أتكلم عن المؤشر

اخوي اضرب واشرد هل هي معلومه مؤكده ام تحليل , لاني مكلم شخص اليوم ويقول الحكومه ما تتدخل في السوق والسوق حر

[<اضرب واشرد>]

آخر 3 جلسات سيولة حول 1 مليار كل جلسة

اليوم السيولة ضعيفة
دلالة ذلك أن البيع توقف والآن السيطرة للمشتري

[الرايــق]

بروة تستعد للاقلاع ..

>>>>>>>>>>>>>>>

[نمر بن عدوان]

اخوي اضرب واشرد هل هي معلومه مؤكده ام تحليل , لاني مكلم شخص اليوم ويقول الحكومه ما تتدخل في السوق والسوق حر

ممكن ارد برايي ومعرفتي في هالموضوع وهو ان هناك محافظ تابعه لجهات حكوميه يتم توجيها للشراء في مثل هذا الوقت والضروف وليس القصد دعم فقط ولكن ايضا الاستثمار . ولا ننسى ان الحكومه تدخلت ودعمت البنوك وبعض الشركات في ازمة 2008

[السد العالمي]

مضارب دوسري وين مختفي

يالله خلص مع البنك بسرعة وتعال إرفع السوق نبي سيولة قوية

[غريب الدّار]

شرايكم فيني لما اغيب شوي وتلاقون السوق طالع مثل الصاروخ او نازل مثل طابوقة محذوفة من الطابق العاشر؟

:)

[<اضرب واشرد>]

اخوي اضرب واشرد هل هي معلومه مؤكده ام تحليل , لاني مكلم شخص اليوم ويقول الحكومه ما تتدخل في السوق والسوق حر

لا طال عمرك لامعلومة ولاخبر والله
لكن توقع وقراءة للسيولة

معقولة الحكومة مالها محافظ للأزمات؟
حكومة الكويت لها محفظة للسوق الكويتي حجمها كذا مليار

[بوثاني الريان]

خير ان شاء الله ..


مايوقفها غير ال80 ريال

الله كريم / الله لايخسر مسلم /

[الرايــق]

شرايكم فيني لما اغيب شوي وتلاقون السوق طالع مثل الصاروخ او نازل مثل طابوقة محذوفة من الطابق العاشر؟

:)

راينا استمر كذا يا غريب بارك الله فيك
:)

[<اضرب واشرد>]

ممكن ارد برايي ومعرفتي في هالموضوع وهو ان هناك محافظ تابعه لجهات حكوميه يتم توجيها للشراء في مثل هذا الوقت والضروف وليس القصد دعم فقط ولكن ايضا الاستثمار . ولا ننسى ان الحكومه تدخلت ودعمت البنوك وبعض الشركات في ازمة 2008


صحيـــــــــح ترى الحكومة ربحانه
لو تشتري اليوم بهدف السيطرة على السوق ومنع الانهيار
وترجع تبيع إذا طـــار المؤشر بعد سنة ولا سنتين بهدف السيطرة على السوق ومنع الانفجار لأعلى والتضخم؟

[بوثاني الريان]

لا طال عمرك لامعلومة ولاخبر والله
لكن توقع وقراءة للسيولة

معقولة الحكومة مالها محافظ للأزمات؟
حكومة الكويت لها محفظة للسوق الكويتي حجمها كذا مليار

الحكومة حكومة رشيدة الحمدلله وهدفها خدمة الوطن والمواطن

[<اضرب واشرد>]

مضارب دوسري الدبليو مالك اشتغل w

[ahmed saleh]

بررروه شدي شوووي

[adell]

مزايا حتلمت

[راعي المواجيب]

يارب يكون اغلاق سعيد مع اليوم الوطني

[بوثاني الريان]

الدولية لميت اب ان شاء الله

[بوثاني الريان]

يارب يكون اغلاق سعيد مع اليوم الوطني

امين ويفرح قلب كل متعلق وخسران يارب

[السد العالمي]

مضارب دوسري وين مختفي

يالله خلص مع البنك بسرعة وتعال إرفع السوق نبي سيولة قوية

يبدو من إرتفاع السوق أن الحبيب خلص إجراءاته مع البنك

الله يخليلك نظرة عطف لمزايا

لا تنسانا

[بوثاني الريان]

شكله القابضة بتحول من احمر الى اخضر بعد شويات ان شاء الله

[راعي المواجيب]

مع العلم لازلت مراقب :secret:

115+

هذي وجهة نظري عشان ملك العتاب واللوم لايعاتبني ههههه

[نمر بن عدوان]

اخوي اضرب وشرد شكل الدوليه كانت اول النازلين واكثرهم نزول والحين ان شالله تكون اول الصاعدين واكثرهم صعود

[ابو عبد الرحمن]

شكله القابضة بتحول من احمر الى اخضر بعد شويات ان شاء الله

اخوي لاحظ ان العروض قلت ولكن مع عدم زيادة حجم التداول معنى ذلك أنه لم يتم الشراء وانما سحب لبعض طلبات العروض

[adell]

اذا السوق وصل 250 مزايا لمت اب ان شاء الله

[بوثاني الريان]

اخوي لاحظ ان العروض قلت ولكن مع عدم زيادة حجم التداول معنى ذلك أنه لم يتم الشراء وانما سحب لبعض طلبات العروض

الله قادر على كل شي حسن الظن بالله له دور كبير في تبديل الحال من حال الى حال

[غريب الدّار]

اخوي لاحظ ان العروض قلت ولكن مع عدم زيادة حجم التداول معنى ذلك أنه لم يتم الشراء وانما سحب لبعض طلبات العروض

ملاحظة ذكية وفي محلها اخوي

انا اعتقد شخصيا ان كل مالسوق يرتفع شوي اللي عارضين يسحبون طلباتهم ويحطونها بسعر اعلى

او

اللي قاصد انه يرضخ بالسهم يسحب عرضه


الله اعلم

يمكن أكون صح ويمكن أكون غلطان

[<اضرب واشرد>]

اخوي اضرب وشرد شكل الدوليه كانت اول النازلين واكثرهم نزول والحين ان شالله تكون اول الصاعدين واكثرهم صعود

بإذن الله :nice:

[حوت الأسهم]

مقاومة 11245

[بوثاني الريان]

السوق السعودي ارتفاع 87 نقطة :nice:

[ابو عبد الرحمن]

الله قادر على كل شي حسن الظن بالله له دور كبير في تبديل الحال من حال الى حال

بالتأكيد أخوي ونعم بالله

ان الله على كل شيء قدير وبالإجابة جدير

[الجسراوي]

راينا استمر كذا يا غريب بارك الله فيك
:)

:nice:

[ابو عبد الرحمن]

السيولة ممتازة مع هذا الارتفاع

لله الحمد والشكر

[الجسراوي]

المتحدة

هل هي نقية ام تطهير

[ابو عبد الرحمن]

النفط 59.90

[غريب الدّار]

المتحدة

هل هي نقية ام تطهير
فيها نسبة تطهير على حد علمي

[بوثاني الريان]

الميرة ولا الرعاية من لميت اب

[غريب الدّار]

الميرة ولا الرعاية من لميت اب

الخليج الدولية

[بوثاني الريان]

:nice:
الخليج الدولية

ادري الغالي اقصد الشركة الي عقبها من ليمت اب

[الوعب]

الميرة ولا الرعاية من لميت اب

شرايك, منهو الاقرب, اميل للميره

[بوثاني الريان]

السوق السعودي ارتفاع 154 نقطة ماشاء الله

[بوثاني الريان]

شرايك, منهو الاقرب, اميل للميره


اتمنى ثنينهم والله اعلم اخوي الوعب

لا املك ولاسهم فيهم والله

[adell]

مزايا وازدان او فودا ال بعدها

[Abu Reem]

السلام عليكم

ومبروك عليكم الحفاظ على دعم 10909

وعيدى وطني سعيد على الجميع

وباذن الله البترول يتحسن مساء اليوم او غدا او بعد غد ونرى افتتاح صاروخي يوم الاحد

[ابو عبد الرحمن]

النفط يقترب من 60 ويحاول تجاوزه

[بوثاني الريان]

مزايا وازدان او فودا ال بعدها


مزايا وفودا اسهم ممتازة

ازدان جاي وقتها بعد دخول الشريك الاستراتيجي معاهم

[ابو عبد الرحمن]

60.29

[بوثاني الريان]

السلام عليكم

ومبروك عليكم الحفاظ على دعم 10909

وعيدى وطني سعيد على الجميع

وباذن الله البترول يتحسن مساء اليوم او غدا او بعد غد ونرى افتتاح صاروخي يوم الاحد


امين يابوريم والله لايخسر مسلم

[حوت الأسهم]

السلام عليكم

ومبروك عليكم الحفاظ على دعم 10909

وعيدى وطني سعيد على الجميع

وباذن الله البترول يتحسن مساء اليوم او غدا او بعد غد ونرى افتتاح صاروخي يوم الاحد

وعليكم السلام ورحمة الله وبركاتة

هلا محللنا ابو ريم

[Abu Reem]

السلام عليكم

ومبروك عليكم الحفاظ على دعم 10909

وعيدى وطني سعيد على الجميع

وباذن الله البترول يتحسن مساء اليوم او غدا او بعد غد ونرى افتتاح صاروخي يوم الاحد


الشركات الاكثر تضررا من الهبوط غالبا ستكون هي الاكبر ارتداد

خاصة اذا كانت شركة ذات نتائج وارباح جيدة

[ابو عبد الرحمن]

اعلى سعر وصل له النفط اليوم 60.42

[ابو عبد الرحمن]

الشركات الاكثر تضررا من الهبوط غالبا ستكون هي الاكبر ارتداد

خاصة اذا كانت شركة ذات نتائج وارباح جيدة

تقصد من ضمنها الرعاية بو ريم

[Abu Reem]

وعليكم السلام ورحمة الله وبركاتة

هلا محللنا ابو ريم

هلا اخي الحبيب lover

تحياتي لك وللجميع

[Abu Reem]

تقصد من ضمنها الرعاية بو ريم

الرعاية وهناك سهم اخر ايضا. قد يكون افضل منها

[ابو عبد الرحمن]

الرعاية وهناك سهم اخر ايضا. قد يكون افضل منها

نورنا بارك الله فيك

[غريب الدّار]

يااخوان

ممكن حد يتكرم ويقول لنا اقل سعر وصلت له الأسهم التالية قبل لاترتد

قصدي من كم يوم يعني


الريان
بروة
مزايا
الخليج الدولية
مخازن
ودام
الميرة

[ابو عبد الرحمن]

السوق السعودي ارتفاع أكثر من 27 نقطة

[السد العالمي]

يااخوان

ممكن حد يتكرم ويقول لنا اقل سعر وصلت له الأسهم التالية قبل لاترتد

قصدي من كم يوم يعني


الريان
بروة
مزايا
الخليج الدولية
مخازن
ودام
الميرة

مزايا 15.55

[غريب الدّار]

اكثر من 166 الف سهم معروضين حاليا في الإسلامية القابضة


لكن من يدري
:)

[abdalla]

انتبهو للسوق شدوا الحزام بداية النزول بس متفائل بيسكر اخضر ما بيخرب الاجازه

[Abu Reem]

السوق السعودي تحول من الارتفاع الى انخفاض -1 %

[أبو بكر سالم]

صباح الخير توني قاعد من النوم شي طيب اخضر جميل

[H H]

المضاربه في هالاوقات خسايرها اكثر من ارباحها, الجلوس على جنب افضل بالف مره!

[qatarma]

يااخوان

ممكن حد يتكرم ويقول لنا اقل سعر وصلت له الأسهم التالية قبل لاترتد

قصدي من كم يوم يعني


الريان
بروة
مزايا
الخليج الدولية
مخازن
ودام
الميرة
بروة تقريباً 35.35 اذا ما خاب ضني
الدولية 72 تقريباً

[أبو بكر سالم]

ابو الريم نبي سهم طيب والاسهم الطيبه كثير ولا ننتظر

[بوثاني الريان]

السوق السعودي تحول من الارتفاع الى انخفاض -1 %

بيرتد ابوريم خذ العلم

[H H]

القابضه توني انتبه لسعرها! معقوله خلال كم يوم نزلت من 223 لـ 146!
الله يعوض ملاكه والله يستر على غير البشر اذكر انه دخل مع بداية موجة اللمت داون للسهم من كم يوم

[qatarma]

يااخوان

ممكن حد يتكرم ويقول لنا اقل سعر وصلت له الأسهم التالية قبل لاترتد

قصدي من كم يوم يعني


الريان
بروة
مزايا
الخليج الدولية
مخازن
ودام
الميرة

ودام 52
الريان 39.50 تقريباً

هذا الي يحضرني والله اعلم

[غريب الدّار]

مزايا 15.55


بروة تقريباً 35.35 اذا ما خاب ضني
الدولية 72 تقريباً

يعني ماشاء الله هامش حلو للمضاربة


الله يوفق الجميع ويبارك لمن توفق وضارب صح

[Abu Reem]

ابو الريم نبي سهم طيب والاسهم الطيبه كثير ولا ننتظر

صراحة الواحد في حيرة

اذا ارتد البترول ايام اجازة السوق القطري سترى افتتاح على قفزة يمكن فوق ال 5% يوم الاحد وبيفوتك ارتفاع محترم

والعكس صحيح لو استمر النفط في الهبوط عينك ما تشوف الا النور :)

[حوت الأسهم]

يااخوان

ممكن حد يتكرم ويقول لنا اقل سعر وصلت له الأسهم التالية قبل لاترتد

قصدي من كم يوم يعني


الريان
بروة
مزايا
الخليج الدولية
مخازن
ودام
الميرة

الريان = 39.10
بروة = 35.30
مزايا = 15.55
الخليج الدولية = 67
مخازن = 47.9
ودام = 51.8
الميرة = 160.10


اسعار يوم الاحد

[بوثاني الريان]

السوق السعودي ارتفاع 18 نقطة

[غريب الدّار]

الريان = 39.10
بروة = 35.30
مزايا = 15.55
الخليج الدولية = 67
مخازن = 47.9
ودام = 51.8
الميرة = 160.10

ماشاء الله عليك يالوفر


هنيئا لمن استفاد واستغل الموجة للمضاربة

[أبو بكر سالم]

صراحة الواحد في حيرة

اذا ارتد البترول ايام اجازة السوق القطري سترى افتتاح على قفزة يمكن فوق ال 5% يوم الاحد وبيفوتك ارتفاع محترم

والعكس صحيح لو استمر النفط في الهبوط عينك ما تشوف الا النور :)

باخذ بنص السيولة بس شنو السهم الذهبي

[brent]

صراحة الواحد في حيرة

اذا ارتد البترول ايام اجازة السوق القطري سترى افتتاح على قفزة يمكن فوق ال 5% يوم الاحد وبيفوتك ارتفاع محترم

والعكس صحيح لو استمر النفط في الهبوط عينك ما تشوف الا النور :)

والله يا بوريم تفوت ربح و لا خسارة راس المال

[Abu Mahmoud]

مرحبا ابوريم والجميع

حد يكتب لنا دعوم ومقاومة الرعاية ؟؟

[غريب الدّار]

بيرتد ابوريم خذ العلم


السوق السعودي ارتفاع 18 نقطة

والله وجابها بو عسلة

قواك الله

[حوت الأسهم]

ماشاء الله عليك يالوفر


هنيئا لمن استفاد واستغل الموجة للمضاربة

اسعار الاسهم ذي يوم الاحد

[كيلو حديد]

السوق للمضاربه حتى يتأسس على خير

[غريب الدّار]

حجم تداول الإسلامية يمكن صار له ساعة واقف عند 41495


هل لذلك دلالة معينة؟

[بوثاني الريان]

والله وجابها بو عسلة

قواك الله

الله يقويك يالغالي

[ahmed saleh]

صراحة الواحد في حيرة

اذا ارتد البترول ايام اجازة السوق القطري سترى افتتاح على قفزة يمكن فوق ال 5% يوم الاحد وبيفوتك ارتفاع محترم

والعكس صحيح لو استمر النفط في الهبوط عينك ما تشوف الا النور :)
ههههههههههه نعمل ايه يا استاذ غسااان

[Abu Mahmoud]

فودااافون ليه نزززلتتتتتتتت كدااااااااااااا؟؟؟

حتى المنتدى متعطل ومتعب ؟؟؟

[الجسراوي]

سبق ونوهت بخصوص السهم اللي يرتفع على عماه ونقعد ننفخ في صانعه وانه شنب

قلنا لكم الصانع عنده مشروع ومحتاج سيولة ....

وصلت ولا اعيد

المهم الدور جاي على مخازن .... يلا شباب شدوا حيلكم بس تحملوا تتعلقون فوق
اشتري وخل عندهم الهدف رقم وبعدين شوت السهم ولا تندم اذا طلع بعدك

هلا هلا

[بوثاني الريان]

فودااافون ليه نزززلتتتتتتتت كدااااااااااااا؟؟؟

حتى المنتدى متعطل ومتعب ؟؟؟


الصبر مفتاح الفرج

[الجسراوي]

على فكره ربحان في القابضه 120%

واخطط على مخازن

صج تدبست في ازدان بس الحمدلله ربحت اضعاف في القابضه

والتوفيق من الله

بس اكثروا من الاستغفار

[<اضرب واشرد>]

أتوقع الإغلاق بين 11140 - 11190

[ابو عبد الرحمن]

استغفر الله العلي العظيم وأتوب إليه

[<اضرب واشرد>]

يوم الاحد انت وحظك

[الجسراوي]

أتوقع الإغلاق بين 11140 - 11190

يعتبر اغلاق اسبوعي صح

[Abu Mahmoud]

الصبر مفتاح الفرج

جزاك الله خير . ان شاء الفرج من الله قريب

[أبو بكر سالم]

فودافون طلب جامبو

[H H]

الجسراوي, عساك طلعت بعد هالربح ؟

[أبو بكر سالم]

فودافون طلب جامبو

الطلب راح تذكرتك ياغريب الدار

[الجسراوي]

الجسراوي, عساك طلعت بعد هالربح ؟

الحمدلله طلعت من زمان مانطرت النزول

[ahmed saleh]

برنامج المجموعه للايفوون
محجوز له مكاان في الجحيييم
مش معقوله ربع ساعه علشان اعرف اعمل اوردر بيع

[الجسراوي]

برنامج المجموعه للايفوون
محجوز له مكاان في الجحيييم
مش معقوله ربع ساعه علشان اعرف اعمل اوردر بيع

الحمدلله التداول الالكتروني للاسلامية للاوراق المالية ماعليه كلام ولامرة اشتكيت منه

[<اضرب واشرد>]

حركة خربوطية محتملة

http://www3.0zz0.com/2014/12/17/12/723082495.png (http://www.0zz0.com)

[Qtrـطر]

حركة خربوطية محتملة

http://www3.0zz0.com/2014/12/17/12/723082495.png (http://www.0zz0.com)

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه

[Qtrـطر]

ياسلامي على جوك يالغالي .... والله اني ضحكت ضحك ماهوب طبيعي هههههههههههههههههههههههههههههههههههههههههههههههههه هههههههههههههههههههه الله يفضحك

[أبو بكر سالم]

نشوف شراء مش بسيط في فودافون

[<اضرب واشرد>]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه

تعبت ع الشارت وأخرتها تضحك

[Qtrـطر]

تعبت ع الشارت وأخرتها تضحك

والله اسف بس ياخي بخصوص يعني المؤشر بيصير نهر النيل مثلاً ؟ هههههههههههههههههههههههههههه والله مزحاً بس ضحكتني وانا مالي خاطر اضحك .. الله يخليك لاتزعل مني

[<اضرب واشرد>]

يعتبر اغلاق اسبوعي صح

نعم بكرة إجازة


والله اسف بس ياخي بخصوص يعني المؤشر بيصير نهر النيل مثلاً ؟ هههههههههههههههههههههههههههه والله مزحاً بس ضحكتني وانا مالي خاطر اضحك .. الله يخليك لاتزعل مني

ياريت نهر النيل حنا طحنا في بير ماندري وين قاعة :)
مازعلت أمزح