عاااااااااااااااااجل محتاج استشارتكم .. تاهو او نيسان باترول

[mr_unknowns]

السلام عليكم

الميزانيه حول ال 200000

امس رحت وكالة النيسان والشفر وسويت تست درايف لهذول الاثنين.. ونبي نصيحتكم لاني اليوم او بكره بروح باخلص الموضوع ان شاء الله

مواصفات النيسان 2015: Se + شاشه + فتحه + مخمل
السعر: 202500 (غير شامل تسجيل السياره)
الضمان: 5 سنوات مفتوح العداد

مواصفات التاهو 2015: Lt (اعلى فئه من المخمل) + شاشة + gps + فتحه + حساسات حول اسياره ومانع تصادم
السعر: 207000 (شامل 5000 لاللون اللؤلؤي + تسجيل السياره)
الضمان: 3 سنوات صدام لصدام + 12 سنه قير ومكينه مفتوح العداد

انا ابغي السياره لي ومالي نيه في بيعها.. ان بغيت ابدلها بعد 6 سنين باعطيها للدريول

من ناحية الفخامه افضل التاهو.. بس ابي خبرتكم في الاثنين وايش تنصحون.. وكيف الخرابات والصيانه وقيمة قطع الغيار والسيرفس؟؟؟؟؟؟؟

[@north_star@]

نصيحة خذ التاهو وان شاء الله ما راح تندم راحة وفخامة وقوة وحجمه من داخل اكبر من النيسان والسيرفس خدماتهم احسن من نيسان والله يوفقك ويعطيك خيره ويكفيك شره مقدما

[mr_unknowns]

نصيحة خذ التاهو وان شاء الله ما راح تندم راحة وفخامة وقوة وحجمه من داخل اكبر من النيسان والسيرفس خدماتهم احسن من نيسان والله يوفقك ويعطيك خيره ويكفيك شره مقدما

مشكور يالطيب

1 للتاهو : 0 للنيسان

[بومحمد911]

التاهو طبعا بدون منافس

[النهار]

طالما ماعندك نيه تبيع وتخليها استخدام للبيت فيما بعد

توكل على الله خذ تاهو

[mr_unknowns]

3 للتاهو : 0 للنيسان

ماتوقعت هالنتيجة صراحة

مشكورين وماقصرتوا.. بس بغيت معلومات عن الخرابات والصيانه وقيمة قطع الغيار والسيرفس

[بوحارب]

التاهو بالراااااحة

روح خذ لفة في كراجات الصناعية وبتنصدم
من كثر النيسان مكاينهن مخبطة

[هجراوي]

أنا عن نفسي أقول النيسان أفضل وأقوى

ولا أن تفكر في موضوع ان التاهو شكله جديد ودايما تصير فيه مشاكل بالشفر والجمس في أول موديل

مثل اليوكن والتاهو 2007 تغير شكله واستمرت المشاكل فيه الى 2010

نصيحتي لك الباترول ما عليه أي غبار

يتميز بشكله وقوته ورزانته وهيبته .... لا يعلى عليه

واذا تقدر تاخذ لك نيسان اعلى فئه في se أو فئة البلاتينيوم يكون أفضل لك

نيساااااان وبس

[mr_unknowns]

4 للتاهو : 1 للنيسان

مشكورين جميعا.. بس بغيت تفاصيل اكثر ماعليكم امر


أنا عن نفسي أقول النيسان أفضل وأقوى

ولا أن تفكر في موضوع ان التاهو شكله جديد ودايما تصير فيه مشاكل بالشفر والجمس في أول موديل

مثل اليوكن والتاهو 2007 تغير شكله واستمرت المشاكل فيه الى 2010


من ناحية القوه قارنتهم وشفت التاهو 355 حصان والباترول 317 حصان

الصراحه اثنينتهم عاجبيني.. بس اشوف التاهو افخم واريح من الداخل

وسمعت ان خدمة وصيانة النيسان تعدلت في آخر السنين.. بس ماعرف شئ عن خدمة الشفر

ومن ناحية المشاكل في التاهو.. المفروض ماحاتي دام عليها ضمان 12 سنه.. بس ابي حد جربهم يقولي عنهم احسن

[النهار]

ياخوي يكفي التاهو مافيه صرفية بترول تعال للنيسان بالوعة بترول
رحنا العمره نيسان 2011 وتاهو 2009 التاهو صامل وماسك الخط والنيسان كل شويه واقف عند محطه
الخرابات في الامريكي عموما قليله عكس الياباني + قطع غيار الامريكي ارخص ومافي مقارنه مع الياباني وخاصه النيسان

[KhalidQ]

افضل شي روح المعارض واسأل
انا اشوف ان الياباني ما يتقارن مع الامريكي
ولا تستعجل

[هجراوي]

الباترول شكله أحلى من اللكزس وأحلى من اللانكروزر وأحلى من التاهو

من عيوب التاهو الاسيات الخلفيه ضعيف جدا ونازله تحت

يعني الراكب بالسيت الأخير سوف لن يأخذ راحته أثناء الجلوس

محرك التاهو تغير كليا علينا Eco Tec3 لذلك لا نعلم اذا ستحصل مشاكل من وراء ذلك المحرك بحيث تتلأم مع قوة القير

لأنه وفي العاده مع الشفر والجمس دائما تحصل مشاكل بينهما لعدم توافق قوة المحرك مع قوة القير

وأخيرا الرأي والقرار لديك

وبالنسبه لي أنصحك على الباترول

لأن التاهو تعد سياره عائليه فقط

ولكن الباترول سياره عائليه وسيارة مناسبات وسيارة شخصيات

تحياتي لك

[هجراوي]

بالنسبه للسيارات اللي تستخدم للسفر

فأفضل سياره عائليه ومريحه

جدا جدا وقطع الغيار رخيص ومناسب جدا

وما فيها أي خرابات من سنة 2007 الى الان

واللي هي أفضل من اليوكن وافضل من التاهو هي

الاكسبديشن

الاسيات مريحه جدا في الجلسه لجميع الصفوف

وصرفية البنزين قليله جدا

وأسعار قطعها مناسبه ومتوفره

ووكيلها ممتاز

وبالنسبه للشكل الباترول يغطي عليهم كلهم

[الـخـور]

التاهو او اليوكن

[ya3coub]

التاهو موتى جديد و النيسان من 2010 نفس الشكل

و شكله و فخامة و مواصفات و التكنلوجا متطورة و فوق هاي اللون اللؤلؤي انا أرشح التاهو بشرط تتابع المنتديات المخصصه للتاهو بامريكا لا سمح الله اذا في اي تعديلات عليه لأنه موتر جديد اقصد بدال ما تنطر حماية المستهلك يقولونلك ارجع الوكالة خلك على دراية و اذا في شي انت بلغ حماية المستهلك.

النيسان زين و حلو بس التلهو احلى بمراحل و سواقته غير و ايضا كشكل و مواصفات اشوفه افضل من اليوكن الجديد

[mr_unknowns]

6 للتاهو .. 1 للنيسان

بخصوص لاكسبديشن.. المشكله في الفورد الخدمه.. مجرب انا الكرايسلر 2006 (نفس الكراج والخدمه والموفر) ومانصح فيه بعد انتهاء الضمان تطلع كل بلاويهه


التاهو موتى جديد و النيسان من 2010 نفس الشكل

و شكله و فخامة و مواصفات و التكنلوجا متطورة و فوق هاي اللون اللؤلؤي انا أرشح التاهو بشرط تتابع المنتديات المخصصه للتاهو بامريكا لا سمح الله اذا في اي تعديلات عليه لأنه موتر جديد اقصد بدال ما تنطر حماية المستهلك يقولونلك ارجع الوكالة خلك على دراية و اذا في شي انت بلغ حماية المستهلك.

النيسان زين و حلو بس التلهو احلى بمراحل و سواقته غير و ايضا كشكل و مواصفات اشوفه افضل من اليوكن الجديد

اوافقك الراي اخوي يعقوب

مشورين ياخوان ع المعلومات والتفاعل.. وان شاء الله الوعد في وكالة الشفر :victory:

[musel999]

انا خذيت النيسان الجديد من بداية الفين واثنعش ماشفت مشاكل منه ونصحت اخوي فيه وخذ واحد وما اشتكا منه انصحك في النيسان

[PGR]

اخوي خذها نصيحة مني كل اللي رشحو لك التاهو يوم يجي وقت الصج محد راح ياخذ منهم تاهو

والكل بياخذ تويوتا ولا نيسان هههههههههه

الامريكي باختصار موتر مايعيش اكثر من اربع سنين والبدي يتهالك في غضون فترة بسيطة

وشوف انتشار النيسان الرهيب فالشوارع ما جا من فراغ

[الخاضع لله]

التاهو بدون منازع
لكن في نقطتين مهمين
اول شي التاهو واليوكن والاسكاليد على بداية السنة الجديدة او الدفعة الي جاية القير بيصير 8 تبديلات بدلاً من الحالي الخايس ال 6 تبديلات*
ثاني شي ضمان 12 سنة على شرط كل السريفس تعمله عندهم في الوكالة

الثاني مش مهم اصلاً لانه الامريكي ال 8 سلندر خراباته قليلة والقير ما يخبط اذا تبدل الزيت بانتظام (كل 50 الف )

لكن شوف الموضوع الاول موضوع تغيير القير واسال الوكالة وابحث عن الموضوع

والله يباركلك باللي بشتريه مقدماً ويعطيك خيره ويكفيك شره

[Rider]

اخوي نصيحة النيسان وبس الامريكي معروف حده 4 سنين بعدين اذا شم ريحة الكراجات ماعاد يطلع منها النيسان الشكل الجديد ماله حل رفاهية راحه وصرفية البترول قلت عن الشكل القديم انا بعت لكزس بعد ماستخدمت النيسان في النهاية استخير

[حمد بن سعد]

التاهو افخم وتوه نازل

[الوسيط العقاري]

تويوتاااااا

[alftaan]

اي سيارة جديدة اول ثلاث سنوات مافيها خراب والضمان موجود .

[فكسار]

مقارنه ظالمه من قلب
اصلا مافي مقارنه
بدون تفكير او كلام

نيسان

قوه وفخامه ورزه وكشخه وكل شي

[بن غيث]

طبعا .. النيسان البلاتينيوم

[وحيد-الشوق]

النيسان افضل اكيد وعن تجربه موترين لكن في حسنة في التاهو ان الموتر جديد ومابتحاتي اذا بيتغير شكله عكس النيسان

[إعلامي قطر]

..

تبي تشتري راحتك وماعندك مشكله بطيحة السعر
فما في شك إن الأمريكي هو الأفضل والأريف
والأمتع بالسواقه والشيفي فخر الصناعه
الأمريكيه وسيارة الحكومه الأمريكيه
المفضله على قولتهم !

تبي شيك بمخباك حتى لو تصيدك
آلام بظهرك عليك بالتويوتا ههه..

النيسان للأمانه أشوفه بالنص بين الصراع
الأزلي بين الأمريكي والياباني ويمكن
عيبه الوحيد موضوع قطع الغيار
على خبري فيهم لوّل..

ولاتنسى إنك قارنت تاهو فل أبشن
بنيسان تقريباً يعتبر ستاندر !

وعموماً أنصحك بالتاهو بلاشك
أو بالنيسان الفئه الأعلى عشان
ماتزهق منه إذا خذت أقل فئه !

..

[البيت بيتك]

النيسان أحسن الضمان 5 سنوات
وامس اخوي مطلع النيسان من التشيك من صدام لين صدام ما دفع غير السفايف مبدل المقصات والدواسات وكمبريسر والموتر ماشي 80 الف

[ولد شرق]

السلام عليكم

الميزانيه حول ال 200000

امس رحت وكالة النيسان والشفر وسويت تست درايف لهذول الاثنين.. ونبي نصيحتكم لاني اليوم او بكره بروح باخلص الموضوع ان شاء الله

مواصفات النيسان 2015: Se + شاشه + فتحه + مخمل
السعر: 202500 (غير شامل تسجيل السياره)
الضمان: 5 سنوات مفتوح العداد

مواصفات التاهو 2015: Lt (اعلى فئه من المخمل) + شاشة + gps + فتحه + حساسات حول اسياره ومانع تصادم
السعر: 207000 (شامل 5000 لاللون اللؤلؤي + تسجيل السياره)
الضمان: 3 سنوات صدام لصدام + 12 سنه قير ومكينه مفتوح العداد

انا ابغي السياره لي ومالي نيه في بيعها.. ان بغيت ابدلها بعد 6 سنين باعطيها للدريول

من ناحية الفخامه افضل التاهو.. بس ابي خبرتكم في الاثنين وايش تنصحون.. وكيف الخرابات والصيانه وقيمة قطع الغيار والسيرفس؟؟؟؟؟؟؟



من تجربتي
انا ماعندي نيسان
ولكن كان عندي تاهو

للأمانه ولاتقرب صوب الشفر ابد

لا خدمه ولا قطع غيار متوفره
ونصيحة لوجه الله اللي جرب التاهو والنيسان هو اللي يدلي بدلوه
يقول جربت التاهو او النيسان ويعطينا رايه

ولو كلش محتد وتبغي امريكي خذ يوكن
خدمات المناعي صارت اتنافس اكبر الشركات في قطر

[new investor]

اقول خلك من التاهو و النيسان و زيدلك 20,000 و روح طلع ال جي إكس أر 8 سلندر فل ابشن ابركلك و ريح راسك من الخرابات و الاعطال.

[إعلامي قطر]

من تجربتي
انا ماعندي نيسان
ولكن كان عندي تاهو

للأمانه ولاتقرب صوب الشفر ابد

لا خدمه ولا قطع غيار متوفره
ونصيحة لوجه الله اللي جرب التاهو والنيسان هو اللي يدلي بدلوه
يقول جربت التاهو او النيسان ويعطينا رايه

ولو كلش محتد وتبغي امريكي خذ يوكن
خدمات المناعي صارت اتنافس اكبر الشركات في قطر

خدمة مابعد البيع مهمه جداً
وفعلاً المناعي خدمتهم رائعه
صار لي معاهم كذا سنه ومرتاح..

والتاهو سمعت إنهم تحسنوا عن الأول
ياليت حد يفيدنا بهذا الجانب من
أصحاب التجارب الحديثه؟

..

[mr_unknowns]

ما شاء الله الموضوع ليحن متفاعلين فيه :omen2:

ابشركم من 3 ايام خلصت ع التاهو.. سياره قويه وفخمه صراحه وركبولي عازل حراره مع البيعه :).. السيرفس كل 10000 والله يستر في خدمة مابعد البيع

ومشكورين كلكم ع النصايح

[معماري قطري]

بالنسبه للسيارات اللي تستخدم للسفر

فأفضل سياره عائليه ومريحه

جدا جدا وقطع الغيار رخيص ومناسب جدا

وما فيها أي خرابات من سنة 2007 الى الان

واللي هي أفضل من اليوكن وافضل من التاهو هي

الاكسبديشن

الاسيات مريحه جدا في الجلسه لجميع الصفوف

وصرفية البنزين قليله جدا

وأسعار قطعها مناسبه ومتوفره

ووكيلها ممتاز

وبالنسبه للشكل الباترول يغطي عليهم كلهم

إِسمح لي يا اخوي أَعارضك .. جربت الاكسبدشن مضطر في أَمريكا لعدم وجود سيارة ايجار متوفرة بهالحجم .. وكرهت نفسي صراحة .. كبت حديد يمشي .. غيرتها لسوبربان 2014 قبل الشكل الجديد وكانت فرق كبير .. والتاهو والسوبربان سيارتين من أَفضل السيارات المجددة والكدلك كذلك.

شيء أَخير النيسان سيارة ما نجحت في المواصفات الأَمريكية للسلامة لذلك ممنوعة هناك .. الباترول قصدي .. وعندنا لا تجارب ولا مواصفات قوية وكل شيء ماشي

[معماري قطري]

ما شاء الله الموضوع ليحن متفاعلين فيه :omen2:

ابشركم من 3 ايام خلصت ع التاهو.. سياره قويه وفخمه صراحه وركبولي عازل حراره مع البيعه :).. السيرفس كل 10000 والله يستر في خدمة مابعد البيع

ومشكورين كلكم ع النصايح

مبروك وتستاهل ونعم الاختيار

[إعلامي قطر]

ما شاء الله الموضوع ليحن متفاعلين فيه :omen2:

ابشركم من 3 ايام خلصت ع التاهو.. سياره قويه وفخمه صراحه وركبولي عازل حراره مع البيعه :).. السيرفس كل 10000 والله يستر في خدمة مابعد البيع

ومشكورين كلكم ع النصايح

مبروك تستاهل الله يعطيك خيره ويكفيك شره إن شاء الله..

ممكن لمحه عن أسعار التاهو لكل الأنواع إذا تعرف؟

..

[بو سالم]

أنا عن نفسي أقول النيسان أفضل وأقوى

ولا أن تفكر في موضوع ان التاهو شكله جديد ودايما تصير فيه مشاكل بالشفر والجمس في أول موديل

مثل اليوكن والتاهو 2007 تغير شكله واستمرت المشاكل فيه الى 2010

نصيحتي لك الباترول ما عليه أي غبار

يتميز بشكله وقوته ورزانته وهيبته .... لا يعلى عليه

واذا تقدر تاخذ لك نيسان اعلى فئه في se أو فئة البلاتينيوم يكون أفضل لك

نيساااااان وبس

عندي تاهو 2007 وقاطع فوق 200 الف والحمد لله ما صاده عطال الا في حدود 2500 على مر هالسنين ولا فيه عيوب ولا سمعت عن أي مشاكل فيه

[mr_unknowns]

الله يبارك فيكم


مبروك تستاهل الله يعطيك خيره ويكفيك شره إن شاء الله..

ممكن لمحه عن أسعار التاهو لكل الأنواع إذا تعرف؟

..

LT Primium 202000 هذي الفل اوبشن مخمل
LT 97000
LS 89000

LTZ هذي بداية الجلد اعتقد ب 240000 بدون الخصم

تقدر تتصل لهم احسن وقولهم ابي عرض اليوم الوطني

[الغالي!]

التاهو مدير الصيانه ابشر به يخدمك لو بعيونه ولكن نصيحة قبل ماينتهي ضمان 3 سنوات افحص الموتر كامل لان الخدمه بتقل
والصراحة تطورو في الخدمه وقبل ماتودي السياره عندهم احجز يعطونك سياره ثانيه
وعسى ربي يعطيك خيرها ويكفيك شرها