مظلات السيارات

[الجنوبي 11]

كنت مسافر ويوم رجعت وجدت إشعار بمراجعة البلدية موضح فيها تعدي على املاك الدولة، احد جاه مثل هذا الأشعار ، الموقع مدينة خليفة الشمالية بالقرب من دحل الحمام.

[basma222]

احنا على الخيمه و شلنها

[حسن]

اي نعم

الدوله شغاله على التعديات وهذا من قبل عيد الاضحى اذا طبيلتك معلقه مايقولون شي ولكن اذا ام اربع
ممنوعه هي والخيم والصنادق مالت السواقين
وذا تاخرت يحولونك على النيابه
وهذا ترا على قطر بكبرها
فراجع بلديه اللي انت تخضع لها

[بوحارب]

انا حطوا مرتين على خيمتي ولا شلتها

وانتظرهم المره الثالثة عشان اشلها

يقولون الثالثة ثابته ;)

[Rider]

يارجال هو بالمزاج تعال شنو منطقة مريخ و الفوضه كائبين على مظلات ولا حد يقول لهم شي

[يوسف0]

هل بالأمكن اخذ تصريح لان عند البيت تقريبا 10 مواقف وولى واسطه وهالخرابيط ؟

[الجنوبي 11]

المظله معلقه مش اربع أعمدة ولاهي بعائق للمشاة وشكلها مرتب ومتناسق مع المنظر العام، بروح لهم الأحد ان شاء الله إلقاء لحيةٍ غانمه يخلصني

[qrt_trading]

اتذكر بيت الوالد صار لهم نفس الشي وراحوا البلدية ووقعوهم على ورقه ان اذا حصل اي تعديل ولا حفر في المنطقه وتضررت المظلات البلدية ما راح اتعوضهم بشي بس، يعني يخلون مسؤوليتهم عن اي شي راح يصير في المظلات مستقبلاً.

[معماري قطري]

اللي يقول المظلات أَو الزراعة تشوه المنظر غلطان غلطان غلطان

حتى بعض الكباين ممكن تنصبغ زين وتترتب وتكون مستورة ولها حاجتها والناس محتاجينها .. كبينه كشره وكأَنها خرابة لهم الحق يشيلونها .. كبينة عائقة للرؤية كذلك تنشال .. غير من ساعد الناس على قضاء حوائجهم الله يوفقه دنيا وآخره

[يوسف0]

اللي يقول المظلات أَو الزراعة تشوه المنظر غلطان غلطان غلطان

حتى بعض الكباين ممكن تنصبغ زين وتترتب وتكون مستورة ولها حاجتها والناس محتاجينها .. كبينه كشره وكأَنها خرابة لهم الحق يشيلونها .. كبينة عائقة للرؤية كذلك تنشال .. غير من ساعد الناس على قضاء حوائجهم الله يوفقه دنيا وآخره

+مليون :nice:

[MirusS]

أنا أشوف الي يبي خيمه وكبينه ومحتاجها يحطها فحوش بيتـه .. شحـقه يحطها جدام البيت ؟