وين الشتا راح؟

[رهج السنابك]

هل تصدقون اننا في موسم الشتا الحين؟


وين الشتا
وين البرد
صرنا على نهايه شهر ديسمبر
هالسنه احر سنه
لا مطر
لا بروده
الشمس حاره لين الحين


الله يرحمنا برحمته

[عاهد بن علي]

صباح الخير
البارحه الحراره في العزبه 17
اليوم الصبح 12
في مجمع عزب لخريب
البرد جاي
احنا الحين في المربعانيه
وسلامتج

[R 7 A L]

اعتقد كل سنة تختلف على حسب الظروف المناخية

[رُفق المجنّا]

الله يغيث البلاد والعباد

[العقل المدمر]

راح بيتهم درب السلامة :shy:

[الحياة الخالدة]

الله يرزقنا الخير

[دايموند]

اذكر لما كنت صغيره في المدرسه كان يبلش الجو يتحسن في شهر 9 ويبدى يبرد وتمطر بشهر 10 لين شهر 2

وكانت في ايام مانشوف الشمس امطار متواصله

[بوحارب]

كله بسبة الناس اللي تلبس صوب وتطلع

شردوا البرد

[راشد محمد]

ما شريت ملابس شتويه هالسنه ... ما أشوف في برد

[monatee]

السنه نفس العام ،، ماشتينا

[السيف5]

زكوا اموالكم

[Purple]

المربعانيه ومشغلين المكيف وللحين الفاسدين مايدرون انهم السبب في ذلك

[توشيبا]

بعد كم يوم رايح البوسنه

اذا تبغين كيلو برد في قوطي نيدو دفعي خمسه ريال والشحن اربع ميه

[قطر love]

زكوا اموالكم

احسنت القول الله يجزاك خير

[بصمة قطرية]

الله يرحمنا برحمته
اللهم اسقنا الغيث و لا تجعلنا من القانطين ..

[نفسي عزيزه]

حتى غتره شال مالبسنا نقص ع عمرنا نلبس شال ونشتي ودرجة الحراره 25 الظهر هههه مايوارج

[بـارود]

اللي لاحظته ان البرد يتأخر كل سنة عن السنة اللي قبلها

[رهج السنابك]

منو مشرد البرد اعترفوا

[MirusS]

خل نتـخيل أننا بردانين ..

[حسن]

ذكرتيني بالفضولي يوم قالوله دش النار قال حطبها خضر

:(

يازين الجو زيناه

وبعدين من يقول مافي يبرد والله انا صارلي 3 ايام اشغل الدفايه
واطفيها بالليل قبل النوم

الصراحه ماحب البرد القوي خير شر

يازين الدفا كلن يدوره

:)

[بوحارب]

والله اليوم الجو باااارد

نزلت امشي فخط الرفاع بعد صلاة العشا

وحسيت بالبروده انا واللي معاي


السقراطية تبين البراد روحي أوروبا وفكينا ;)

[يمامـة]

القلوب صارت وصخة وصارت تزفر حرارة شردت البرد وهو المفروض يكون في عزه..

ارسطو..........> شارية ملابس شتوية وطايحة في جبدج؟

[حسن]

القلوب صارت وصخة وصارت تزفر حرارة شردت البرد وهو المفروض يكون في عزه..

ارسطو..........> شارية ملابس شتوية وطايحة في جبدج؟

لا زال الخير في امتي ياليمامه

:victory:

الظاهر جذيه انتي اخبر جايبتها من اليابان

هههههههههه

[غايه الطواش]

كله من بعض الناس شردوا البرد
انا بنطر عليه اسبوع ماجانا شليت شلايلي ورحت له

[رهج السنابك]

القلوب صارت وصخة وصارت تزفر حرارة شردت البرد وهو المفروض يكون في عزه..

ارسطو..........> شارية ملابس شتوية وطايحة في جبدج؟


لا فديتج عندي شال فرو شاريته من رومانيا سنة 1998 كل سنه قبل الشتا اوديه الدوبي يغسله
وله الحين شهرين معلق بالدولاب بباغة الدوبي :( اطالعه واتحسر على العشرين ريال الي دفعتهم للدوبي :(



والقلوب لين الحين جميله كافي قلبي وقلبج بينهم :shy:

[رهج السنابك]

كله من بعض الناس شردوا البرد
انا بنطر عليه اسبوع ماجانا شليت شلايلي ورحت له


اخذيني معاج :(
ترا مب موذيه كلش ومااهذر وايد ولا اكل وايد

[رهج السنابك]

والله اليوم الجو باااارد

نزلت امشي فخط الرفاع بعد صلاة العشا

وحسيت بالبروده انا واللي معاي


السقراطية تبين البراد روحي أوروبا وفكينا ;)


ماقول لا
طرش لي تذكره وحجز فندق

ولك مني اسوي لك رجل الثلج والبسه شال وبيده دلة كرك اهداء

[رهج السنابك]

ذكرتيني بالفضولي يوم قالوله دش النار قال حطبها خضر

:(

يازين الجو زيناه

وبعدين من يقول مافي يبرد والله انا صارلي 3 ايام اشغل الدفايه
واطفيها بالليل قبل النوم

الصراحه ماحب البرد القوي خير شر

يازين الدفا كلن يدوره

:)


اكيد يبه ماتتحمل البرد
الواحد في الفئة العمرية 60+ مايستحمل الجو البارد

[رهج السنابك]

خل نتـخيل أننا بردانين ..



انت احسن واحد بالدنياااا

[ya3coub]

باقي شهر واحد و فبراير

العام نزل مطر و ان شاء الله السنة بعد لا تستعجلون

[حبر وقرطاس]

وصل البرد صج اليوم الموافق21 ديسمبر

[لبيبة]

ما احب البرد ولا احب طاريه، زين جذي؟! :weeping:

الحين بردانة ارتجف :cry2:

[مشاكل]

مادام مافيه مطر اذاً مافيه برد

[][ الوحيد ][]

اليوم طالع من البيت درجه الحراره 14 فالموتر ..

الله يسقينا الغيث

[همر]

اليوم لابس صوف غصب


عووووو يالبرد

[ضوى]

أنا صار لي شهر ونص مسكرة المكيفات والدفاية شغالة عندي في المكتب

الكبر شين يمج ، بس بصراحة انا من زمان كله بردانه

[مشاكل]

أنا صار لي شهر ونص مسكرة المكيفات والدفاية شغالة عندي في المكتب

الكبر شين يمج ، بس بصراحة انا من زمان كله بردانه
الشعور بالبرد عند النساء غالباً مايكون نتيجة نقص الدم ،،، ماتشوفين شر

[متواصل]

السلام عليكم ورحمة الله وبركاته
جميعا

من يأتي بالشتاء والصيف
ومن يقلب الليل والنهار ؟؟

اليس الله

لذا انتم مخيرين بين امرين لاثالث لهما

اما الرضا بالقدر ،،
او
الدعاء
لان لايرد القدر الا الدعاء

فاكثروا من الدعاء
بان ينزل الله علينا الغيث ولا يجعلنا من القانطين

[العنيده]

قريب ان شاء الله ..
متفاؤله بجوو حلو السنه باذن الله :victory:

[الزعفراني]

أحسن خل يروح .. انا مش اصلاح مع البرد .. من يبدأ الموسم ادخل في بيات شتوي .. مشاريعي تتأجل اموري تتوقف ويضيع وقتي ع الفاضي .. في انتظار صديقي الصيف :)

[حـ ن ـيـ ن]

الأيام الـ 3 الأخيرة برررررررد

[بصمة قطرية]

منو مشرد البرد اعترفوا

انتي من صجج الجو مب بارد ..!!
أنا شتيت من زمااان
حتى المكيف ماخذ إجازة :(
والله برد أكتب ردي و أنا ميته برد :(
أنا طبيعية و لا انتو ما تحسون :(

[بصمة قطرية]

الحرارة الحين 16 و يقولون مب برد :(

[رهج السنابك]

درجات الحراره ترا مب مقياس للبروده عاد كيفكم صدقتوا ولا ماصدقتوا

انا سافرت العام من الدوحة وكانت الحراره بحدود 16 -17
وصلت لندن وكانت الحراره 7 درجات
احساسي انا ان البروده نفسها بالضبط الدوحة ولندن رغم فارق الدرجات

مافي برد هالسنه مافي شتا

الي يحس بالبرد هم الي في العنن او البحر لان المنطقه مفتوحة


ضوى اما عاد دفتيات ماشاء الله عيل قطعة جليد انتي

[عيسى111]

يا رب ينزل علينا ثلج وبردي حتى تقولون بسنا برد

[توشيبا]

احتمال يسكرون شارع الشافي في الريان من كثرت سقوط الثلوج عليه وعرقله حركه السير

[بو خليفه 123]

على اساس انتي مترعرعه في ربوع زيورخ و متعوده على الثلوج في ديسمبر ؟

شتاء الدوحه هو نفسه ماتغير من وعينا على الدنيا .

الحين خلك من الجو . تهقين من بيفوز في التحدي البترول الصخري ولا البترول التقليدي ؟

[R 7 A L]

خلاص من اليوم تغير الجو

[وحيد-الشوق]

الجو عادي وهذا مايتسمى برد 16 و 19 :)

[R 7 A L]

جو حلو وش تبون في البرد العام في امريكا 27- وزين ما متنا

[راجي الْعفو]

جو حلو وش تبون في البرد العام في امريكا 27- وزين ما متنا

والملابس الشتوية متى بنلبسها

[رهج السنابك]

على اساس انتي مترعرعه في ربوع زيورخ و متعوده على الثلوج في ديسمبر ؟

شتاء الدوحه هو نفسه ماتغير من وعينا على الدنيا .

الحين خلك من الجو . تهقين من بيفوز في التحدي البترول الصخري ولا البترول التقليدي ؟


مافي معلوم هازا كلام

شدخل البترول في وين راح الشتا

[النهار]

يالربع قولو لها وين راح الشتاء لايكون حد خاشه هني ولاهناك هههههههههه

[R 7 A L]

والملابس الشتوية متى بنلبسها


الي يسمعك يقول ان ثيابنا الشتوية تدفي ترا مجرد لون هههههه
اكشخ فيها من الحين مع شال

[ولد شرق]

هل تصدقون اننا في موسم الشتا الحين؟


وين الشتا
وين البرد
صرنا على نهايه شهر ديسمبر
هالسنه احر سنه
لا مطر
لا بروده
الشمس حاره لين الحين


الله يرحمنا برحمته


عفوا هذا السؤال موجه لمن؟
اذا موجه لنا قفد اخطأت في سؤال البشر عما هو من اختصاص رب البشر
الصيف ولا الشتا ولا الغيث كلها تقدير العزيز العليم

عليكم بالدعاء والاستغفار

[بصمة قطرية]

درجات الحراره ترا مب مقياس للبروده عاد كيفكم صدقتوا ولا ماصدقتوا

انا سافرت العام من الدوحة وكانت الحراره بحدود 16 -17
وصلت لندن وكانت الحراره 7 درجات
احساسي انا ان البروده نفسها بالضبط الدوحة ولندن رغم فارق الدرجات

مافي برد هالسنه مافي شتا

الي يحس بالبرد هم الي في العنن او البحر لان المنطقه مفتوحة


ضوى اما عاد دفتيات ماشاء الله عيل قطعة جليد انتي

كل هاي و مافي برد ..!!!
انتم عديمين الإحساس :(

اذا تحسين ان برد الدوحة نفس برد لندن
فالسبب ان بردنا يدش في العظم
جونا صحراوي و جاف ..
روحي جربي لندن في الشتا و شوفي البرد العدل :(
لما توصل الحرارة تحت الصفر ..
ما زلت مصره إن الجو بارد
و هذا هو جونا من وعينا على الدنيا
شلي تغير و ليش تقولون مافي برد ..
بس المطر اللي ما جانا
الله يرزقنا ..
البرد موجود ..

[بشائر]

الله يرحمنا برحمته
اللهم اسقنا الغيث و لا تجعلنا من القانطين ..

آمين .

[ودي أكون]

ذكرت الجمعية الفلكية بجدة .. أن الانقلاب الشتوي في السعودية والمنطقة العربيه وكامل النصف الشمالي من الكرة الارضيه ( شمال خط الاستواء ) يحدث قبل شروق شمس يوم الاثنين 22 ديسمبر 2014م ..

حد يعرف وين تنباع الدفايه اللي فيها ليتات حراريه :cry2:

[h9466]

درجات الحراره ترا مب مقياس للبروده عاد كيفكم صدقتوا ولا ماصدقتوا

انا سافرت العام من الدوحة وكانت الحراره بحدود 16 -17
وصلت لندن وكانت الحراره 7 درجات
احساسي انا ان البروده نفسها بالضبط الدوحة ولندن رغم فارق الدرجات

مافي برد هالسنه مافي شتا

الي يحس بالبرد هم الي في العنن او البحر لان المنطقه مفتوحة


ضوى اما عاد دفتيات ماشاء الله عيل قطعة جليد انتي

كلامك صحيح...انا عشت في روسيا 6 سنوات بالتمام والكمال ,,كنا نطلع في درجة حرارة 20 تحت الصفر وماكنا نشتكي من البرد بينما في قطر لو الحرارة وصلت 10 فوق الصفر صرنا نشتكي ونقول برد...اما عن السبب فلا اعلم..

[بصمة قطرية]

ذكرت الجمعية الفلكية بجدة .. أن الانقلاب الشتوي في السعودية والمنطقة العربيه وكامل النصف الشمالي من الكرة الارضيه ( شمال خط الاستواء ) يحدث قبل شروق شمس يوم الاثنين 22 ديسمبر 2014م ..

حد يعرف وين تنباع الدفايه اللي فيها ليتات حراريه :cry2:

عندي دفايات
ببيعج .. :nice:

[ودي أكون]

عندي دفايات
ببيعج .. :nice:


خلاص تم .. ادور عليهم ادواه هالدفايات :cry2:

بكم الوحده :shy:

[ضوى]

كلامك صحيح...انا عشت في روسيا 6 سنوات بالتمام والكمال ,,كنا نطلع في درجة حرارة 20 تحت الصفر وماكنا نشتكي من البرد بينما في قطر لو الحرارة وصلت 10 فوق الصفر صرنا نشتكي ونقول برد...اما عن السبب فلا اعلم..

بردنا جاف صحراوي ويدش بالعظم ، عمري ماحسيت ببرد في اوروبا بالرغم من درجات الحرارة المنخفضة وهنا توصل 12 والا حتى 17 نتقرفص من البرد ، صج بردنا يكسر العظم

[دااانة قطر]

الحمدلله
اشوفه حلو جذي لا برد برد ولا حر
كفياة علي اخلص شغل البيت بدون كسل وتذمر
ولا زكام وكحة وسخونه
وبالعكس ياحظ اللي بيوتهم زل يحسون بالدفا شوي اما احنا طول اليوم متلحفين



الحمدلله الحمدلله الحمدلله

[حسن]

ابشرك اليوم بارد ولايام القادمه

يازين الدفى

:)

[المحاميه]

ماراح


أنا قلت للكل ان البرد بيتأخر فقط

والكل انكر كلامي


والحين طلع كلامي صح


عادي الارض تدور والدنيا اتغير

والبرد بيتأخر :victory:

[mdawas]

الحمدالله على كل حال

[Dana’1]

أكتب لكم والمكيف شغال:) أوك هالأيام برد بس مو لدرجة استغني عن المكيف سوااء للغرفه الي انا فيها او الغرفه المجاوره المفتوحه عليها .. المهم لازم مكيف:)

أذكر مرت سنه نسكر المكيف ونشغل الدفايه هالمرحله للحين ماوصلنا لها*.. !