رسالة للأمير نطالب بأجراء تحقيق لشركات تجديد الشيراتون

[qatar6]

لكل من أقام وزار الشيراتون أرجو تدوين الملاحظات


بعد اليوم الوطني
وإقامة العائلات القطرية فالشيراتون
كان نسمع والآن شاهدنا

عن تجربتنا الشخصية احكي

- السجاد المتسخ والذي أبدا لا يوحي بالتجديد
- المكيفات التي لا تعمل مما اضطر كثير منا وفي أكثر من حجره قضاء الليل من غير مكيف
- الستائر الممزقة
- تركيب الستائر والحديد الظاهر للعيان
- الخدمة السيئة وخصوصا عند الخروج ( الجيك أوت )

نتمنى كمواطنين غيورين على وطننا فتح ملف وتحقيق ومقاضاة الشركات المسؤلة عن تجديدات الشيراتون

على ماذا صرفت الملايين بل المليارات

[qtr qtr]

يمكن ماخذين الاثاث من سوق الحراج :)

[lion66]

كل شي جايز

[عيون الدوحة]

يمكن ماجددو الفندق كامل بس قسم معين

[دايموند]

الجيك اوت. بالفعل سيء
وحتى الجيك ان خذ منا وقت انا عذرتهم قلت يلا زحمه يوم الوطني وحتى السيستم ع قولتهم كان داون لكن حتى نفسيتهم كانت زفت في الجيك ان

انا نطرت اكثر من ربع ساعه علشان يوصل دوري للجيك ان واخرتها قالوا لي ليحين مافي غرف فاضيه
وما استلمت الغرفه الا الساعه 3:40

وفي الجيك اوت صار عندهم لخبطه
بالصراحه ماعتقد لي زياره للفندق مره ثانيه حتى اشعارا اخر

[aloosh]

لو فيه تحقيق الشوارع اولى والانفاق اللي غرقت من شبر ميه
الكل يحوش:)

[يمامـة]

ليش جذيه؟

مالنا نصيب في شي حلو..

كل شي غلط عندنا !!!

[حسن]

ليش جذيه؟

مالنا نصيب في شي حلو..

كل شي غلط عندنا !!!


والله ياليمامه انا دخلته قبل المؤتمر لحجز قاعه الزواج
فاماشوف شي يعني تغير ومالاحظت
لاني ماني من رواد الفنادق بتاتا

مالنا حاجه فيها

فابالنسبه لي تغير ولا ماتغير مايهمنا

[يمامـة]

والله ياليمامه انا دخلته قبل المؤتمر لحجز قاعه الزواج
فاماشوف شي يعني تغير ومالاحظت
لاني ماني من رواد الفنادق بتاتا

مالنا حاجه فيها

فابالنسبه لي تغير ولا ماتغير مايهمنا

يجوز احنا ما يهمنا..

لكن بعد لازم بعد الاغلاق اللي صار والكلام اللي طلع والصور اللي انتشرت
ما تكون النتيجة ان في غرف ستايرها معلقة وحديدها يبين والفرش مبقع
يعني مافي اي تغيير ملاحظ!!

[حسن]

يجوز احنا ما يهمنا..

لكن بعد لازم بعد الاغلاق اللي صار والكلام اللي طلع والصور اللي انتشرت
ما تكون النتيجة ان في غرف ستايرها معلقة وحديدها يبين والفرش مبقع
يعني مافي اي تغيير ملاحظ!!


ماادري ياليمامه عنه دخلته مثل ماذكرت ومجدد المدخل وشوي وماركزت عدل
لاني مااهتم لو لا موضوع حجز القاعه كان مادخلته بتاتا
واذا على الكلام والبلبله شدراني عنه والله وش بيسون فيه اصلا
اللي سمعته ان بيجددونه فقط ولما دخلت شفت تغير الارضيات
والفرش
لان دخلنا القاعات نشوفها ولكن عادي يعني مهب بذاك الفخامه
كم غيروه وكم صرفو عليه ماعرف ولا ابي اعرف

لان في الاول والاخر مانسكن فنادق في بلادنا

هذا العرف والقانون الاول يازينه يوم يمنع


:)

[حليتان*]

كم زين كلفة التجديد الاكيده(تحتها خط)

[ya3coub]

كم زين كلفة التجديد الاكيده(تحتها خط)

حتى لو أخوي عرفت القيمة ما راح تقدر تحسب اي شي منها ولا تفصلها بالظبط..
بين عمال و اوفر تايم و اشياء طارئة و اشياء مكسورة و طلبات مستعجلة تتحول من شحن بحري إلى شحن جوي + تغيرات و الخ خصوصا بالمشاريع نادر اي مشروع يخلص بالقيمة التقديرية الي اتكون فالبداية.


الله العالم بالظغوط الي كانت عليهم انهم يخلصونه للقمة الي صارت. و اثرت على كلشي حولها... أتكلم كوني مهندس بالحديقه المقابلة للفندق و التأخير الي علينا و الخساير علشان القمة.

مالي اي شغل بالفندق ولا أعلم اي شي عنه غير انه يتجدد بس صارت اكثر من مرة عندهم مشاكل مع العمال غيرالفيديو الي انتشر سابقا و العمل الشاق علشان يالله يلحقون عالقمة.

أخوانا اصحاب القاعات ياريت ايضا يشاركونا تجربتهم حيث اني ادخله مؤتمرات و اعراس و اكل و بس غير عن هاي ما قد شفت غرف الفندق ولا غيرها.

[fzaa_qatar]

انا سكنت فيه يومين عشان اليوم الوطني وصراحه سستمهم خايس فالجيك ان والجيك اوت يطولون وياخذون وقت غير طبيعي مب عشان الزحمه يمكن عشان مغيرين كل الاستاف رحنا وسافرنا دول وزحمه وكانوا سريعين بس فالشراتون استغربت صراحه وشوف عاد لمن تطلب عامل ينزلگ الجنط اوووه ياخذ وقت نزلت الاهل ونطرت فوق النص ساعه ونزلت مسكت دور عشان اسوي جيك اوت وفالاخير رحت للبوابه اشوف نزلوا الاغراض ولا لا طبعا لا.. بالنسبه للتغييرات مادري صراحه اللي سكن فيه قبل التجديد يقدر يبرهن بالصور اذا تغير شي ولا لا عني مادري صراحه.. احلا شي فالفندق مكانه وقهوتهم عليها طلب حتي من الاجانب ومطعم الشاهين لا حمص ولا مشاوي ولا غيره اكس عود عليه فلوس ع الفاضي

[lion66]

يمكن الشغل ما خلص لين الحين ...
يمكن بيردون يسكرونه عشان يخلصون ...

كل شي جايز

[الدوحه1]

كم زين كلفة التجديد الاكيده(تحتها خط)



التكلفه :
137.3 - 192.2 مليون دولار.
(500 مليون ريال - 700 مليون ريال)؟؟؟؟؟؟؟؟؟؟





Katara Hospitality CEO Hamad Abdulla Al Mulla told Al Sharq that the overhaul would cost $137.3m to $192.2m, and include renewing and redesigning the entire building, including the rooms, restaurants and access road.

[حمد بن سعد]

يستاهل المليار

[حسن]

وبعدين عنوان الموضوع غلط

الرساله حق بن فطيس رئيس النيابه هو اللي تكلم قبل شهر وقال لا نستثني احد بالفساد

وبعدين

الشرتون يتع من اساسا اي وزاره ولا هو ممتلك خاص ولا شركات عالميه وسلسه فنادق
ولا ملك حق الحكومه

من هي الجهه المسؤله عنه !!

والله انا ماعرف يتبع من لاني اي شي مايخصني كاقطري مااسئل عنه

[FCB 123]

نعم نعم كل المذكور صحيح وانا جربته ليلتين مع الأهل علشان اليوم الوطني
وحجزنا الخميس في مطعم الشاهين .. أولا كان متروس باعوض ومللنا ، وكل ما طلبنا شي ماعندهم .. لدرجة أنه عصير برتقال ما عندهم ،
خدمة الغرف تعبانه .. ومثل ما وضحوا الشباب . الأثاث ما اعتقد انه جديد ..

الله المستعان

[Saranay]

حسبي الله على كل متلاعب

[القبطان اكس]

يمكن ماجددو الفندق كامل بس قسم معين

بـــ 2 مليار ريال عاد ؟؟؟؟؟؟؟

[Red point]

هههههه يخي الحين انتو شفيكم معورين روسكم جنه الا الشيراتون اول مشروع يحصل فيه مثل هالامور عموما انا ما عندي فكرة اذا كان الشيراتون ملك خاص او تابع للحكومة لكن في حالة كان ملك خاص ف يختلف السيناريو صاحب العقار وكيفة لو يدفع مليار ريال وما جدد شي هو عاجبة انتو ليش مضيقين على روحك والله مكثر الفنادق ف الدوحة الي مب عاجبة الشيراتون يسكن مكان ثاني وبعدين الواضح من الموضوع انه في اليوم الوطني كان فيه عدد كبير من المواطنين والسستم كان متعطل ف التاخير وارد في قضايا اهم الواحد يتناقش فيها مب يضيع وقته عشان فندق ما جددوه !

[كازانوفا]

ايشششششششششششششششششششش
كل هاي
حسبي الله عليه اللى خان الامانه

[Azizuk]

للأسف انا سكنت في الفندق وبالفعل كانو سيئين ماعدا مدير الفندق واحد سوداني الشهادة لله كان جداً متعاون والوحيد اللي بقاء من الطاقم القديم وبعض الموظفين فقط

والعذر ان الموظفين جدد وطاقم الخدمة الغرف والمطعم مستعارين من فندق شيراتون القاهرة مؤقت للمؤتمر أيامها لين يجئ الطاقم الجديد بتاريخ اخر شهر واحد

الطباخ المصري القديم مريض واحتمال يرجع واحتمال مايرجع

الأكل سيئ مب مثل قبل

بعض مجاري حمامات الغرف فيها انسداد وانتو بكرامة

وآخر شي سيارتي اندعمت في المواقف شلون مادري

يقولون جه واحد ودعمها

راجعت المرور وعطوني ورقة تصليح على التامين

[قطري سهم]

اهم شي رامز الخياط استفاد بس الحمد لله نعمة

[أم هشام]

اللي فعلا اثار التساؤل و الاستعجاب ان التكلفة 2 مليار ريال ..
و ما شفناه هذا التجديد الكلي اللي طبلوا الدنيا الاخبار عنه
حتى نوعية الاكل في مطعم الحبارى اقل من عادي مقارنة بمطعم خمس نجوم و شيراتون و للاسف حتى كاسات المي فيها ريحة زفرة

[][ الوحيد ][]

و شنو الدليل ان التعديلات كلفت 2 مليار ؟
المبلغ اتوقع بالراااااحه اقل من هالسعر بواااايد بعد ..

بس بعد اذا كل هالمشاكل موجوده ,., لازم يفتحون تحقيق ..
وين راحت الفلوس اذا كل هالخرابيط موجوده ..

[رهج السنابك]

معلومه توني عرفتها من هالموضوع
ان في ناس تحجز بالفنادق عشان اليوم الوطني!!! فنتك انتو

[R 7 A L]

وين تحصلون مثل هالمعلومات ؟
شلون عرفتوا سعر التكلفة هل انزلت في الجرايد ؟

[معماري قطري]

حسب علمي فيه تحقيق في الموضوع على مستوى رفيع

[مختلفة عقليا]

السلام عليكم .,

والله هالفندق احبــــه من قلبي

حجزنا 3 ايام في احتفالات اليوم الوطني ., الاثاث غير وحسيته مريح وراقي وكلاسك مو واااو بس امرتب

وكنا حاجزين من قبل خذ منا 5 دقايق ., بس يوم ينا بنسوي جيك اوت طولنااااااااااااااااا تعرفنا علي ناس وتمشينا ولحين مايا دورنا

والاغراض انزلت عقب ساعه تقريبا بدون مبالغه ساعه .,

بس هالفندق عشششششق

ويسلموو .,

[أم هشام]

والدي واحد من المهندسين العاملين بعشرات الشركات اللي كانت مسؤولة عن التجديد . و الجميع كان يتكلم عن الميزانية الغريبة
لان بهالمبلغ يتم انشاء مبنى ضخم كامل و ليس تجديد فقط . فما بالكم بالتجديد الذي حصل بالشيراتون و لأ كأن في تجديد
حتى الستائر الموجودة في اللوبي تحت للأسف نوعية رديئة و الوان غير متناسبة .
حتى بالجرائد لما أعلنوا عن تجديد هالفندق ذكروا هالمبلغ المرصود للتجديد .

[R 7 A L]

الحين بيت شعبي ب سبعه مليار هههههه
فيه خلل وين مادري ؟

[نوفا91]

معلومه توني عرفتها من هالموضوع
ان في ناس تحجز بالفنادق عشان اليوم الوطني!!! فنتك انتو

نفسج يعني تميت افكر شكو يوم وطني واحجز هناك
:)

[Red point]

لا بالعكس وايد يحجزون فندق في اليوم الوطني انا واحد منهم كنت ناوي احجز بس عقب هونت وما رحت الكورنيش الي بيوتهم بعيدة يحجزون وحتى هل الدوحة حزات يحجزون احسن لهم بدال ما يتلعوزون مع المواقف في اليوم الوطني من الخربطة الي اتصير خاصة بعد المسير العسكري وبعد اريح لهم بدال قومة من فجر الله