استفسار ضروري

[ساكن ازغوه]

السلام عليكم ورحمة الله
استفسار يا اخوان أنا الان في مرحلة الخرائط وشاورت المكتب الاستشاري على شركات المقاولات
وقالي عندي خيارين الاول أنا اجيب شركة المقاولات وهو يشرف عليها مقابل مبلغ شهري او
هو يرشحلي عدة شركات اروح لها وأخذ عرض أسعار وهو يجيب منها عرض سعر وقالي بجيب أرخص منك ب150000 الف ريال على شرط أعطيه 20% من المبلغ اللي بيوفره علي طبعا كان شرط غريب
سؤالي للإخوان هل مر عليكم مثل هذا الموضوع وايش تنصحوني أسوي معاه هل اكتفي بالخرائط من عنده وأخلي الإشراف عند واحد ثاني وجزاكم الله خير

[برشلوني قطر]

ياخوي نصيحه خذ شركه بمعرفتك

والله يوفقك

[$الملياردير$]

هلا اخوي الله يصبحك بالخير .... من الاخر من مصلحتك بأختصار ان مايكون هناك اي علاقة او تعارف مسبق بين الاستشاري و المقاول لمنع حدوث اي تلاعب مسبق او نسب والبعد عن (( كلمة حزبطك ) . بس الواحد مايعمم بعض الشركات تكون لها سمعة ممتازة و قوية والمكاتب ترتاح معها انا هنا استبعدها انا احصر حديثي في شركات غير معروفة لدى العامة و مرشحة من قبل المكتب الاستشاري .

مبدا التعامل و الوضوح اهم نقطة انت دفع مقابل شهري للاستشارة فعلى اي اساس يطلب نسبة من الخصم 20% انظر للموضوع من زاوية اخرى اللي طلب منك نسبة ممكن يطلب من المقاول نسبة عند استلام حديد الموقع قبل الصب او تجاوز بعض العيوب اللي انت ماتدري عنها .

نصيحة فكر في المكتب الاستشاري قبل المقاول اسلوبه ماعجبني و المفروض يكون عندك مواصفات خاصة تسعر الفيلا على اساسها .

اخوي اتشرف بتقديم اي نوع من الاستفسار لك من وحي معلومات المتواضعة مثل ما ساعدني و علمني اخواني من قبل معماري و شموخ وبن غيث ولايهونون باقي الربع .

[ساكن ازغوه]

هلا اخوي الله يصبحك بالخير .... من الاخر من مصلحتك بأختصار ان مايكون هناك اي علاقة او تعارف مسبق بين الاستشاري و المقاول لمنع حدوث اي تلاعب مسبق او نسب والبعد عن (( كلمة حزبطك ) . بس الواحد مايعمم بعض الشركات تكون لها سمعة ممتازة و قوية والمكاتب ترتاح معها انا هنا استبعدها انا احصر حديثي في شركات غير معروفة لدى العامة و مرشحة من قبل المكتب الاستشاري .

مبدا التعامل و الوضوح اهم نقطة انت دفع مقابل شهري للاستشارة فعلى اي اساس يطلب نسبة من الخصم 20% انظر للموضوع من زاوية اخرى اللي طلب منك نسبة ممكن يطلب من المقاول نسبة عند استلام حديد الموقع قبل الصب او تجاوز بعض العيوب اللي انت ماتدري عنها .

نصيحة فكر في المكتب الاستشاري قبل المقاول اسلوبه ماعجبني و المفروض يكون عندك مواصفات خاصة تسعر الفيلا على اساسها .

اخوي اتشرف بتقديم اي نوع من الاستفسار لك من وحي معلومات المتواضعة مثل ما ساعدني و علمني اخواني من قبل معماري و شموخ وبن غيث ولايهونون باقي الربع .


الله يصبحك بالنور والسرور اخوي الملياردير والله ياخوي المكتب زين ومجربينه من قبل لكن أسلوبه ما عجيني
المشكلة أنا ابغي اللي ايسويلي الخرائط يكون نفس الاستشاري علشان ما يقطني كل واحد على الثاني وتقريبا الخرائط جاهزة بس كلامه ما يطمن

[ساكن ازغوه]

الله يجزاك خير

[ساكن ازغوه]

جزاك الله خير اخوي برشلوني قطر

[$الملياردير$]

ايش المكتب اخوي ممكن تكتبة عشان يمكن حد يفيدك عنه

[شموخ دائم]

,

,


مرحبا


اخوي الكريم

الله يعينك على البناء هذي معركه ان شاء الله تطلع منها منتصر
:)

وكل الشكر اخونا الملياردير على نصايحه الثمينه والله يرزقنا من فضله

ونصير مليونيريه مثله

:)

لكن طالما الانسان يسئل ويتحرى الامور دوم ان شاء الله بتكون امورك طيبه

اخوي الكريم

احنا ما نعرف المكتب ولا نقلل من قيمه احد لا سمح الله ولكن هناك ( اصول ) المهنه

وما قام به هذا المهندس حقيقه هو بعيد كل البعد عن اصول هذه المهنه الكبيره التي نكن كل الاحترام لها ومنتسبيها

هذا النوع من المهندسين يسيء الى الجميع وواضح من خلال تعامله انه من اصحاب ( العمولات ) وهذا يفقد العميل مصداقيه المكتب

لانه بياخذ منك وايضا بياخذ من ( المقاول ) الي بيجيبه واذا اخذ من المقاول ما راح يقدر يوقف المقاول لانه دفع له وبيكون استشاري ضعيف امام المقاول

بيكون استشاري عينه منكسره من المقاول

مثل ما نقول بالعاميه



وهذا ليس في صالح مشروعك وليس في صالحك

تعلمنا ان الاستشاري يكون قوي وهدفه الاول هو تنفيذ المشروع حسب الاصول وليس هدفه الاول هو ( جيبه )

لو انا مكانك بسئل عن مكتب استشاري قوي وجيد ومشهود له من خلال تعامل الناس

طالما الاستشاري جيد طالما كان المشروع في ايدي ( امينه )

بالتوفيق لك

,

,

[ساكن ازغوه]

الله يجزيك خير يا اخوي شموخ أنا كنت ناطر ردّك على الموضوع الله يكتب اللي فيه الخير كلمت كذا صديق في مجال الاستشارات الهندسية وجدت ان في مكاتب تأخذ بدون علمك وهو حرام طبعا وفي مكاتب كبيرة تأخذ بعلم المالك الرجال كان واضح وبجيبله شركة من صوبي وبشوف إِيش الترتيب وبشوف اللي عنده الله يعينَّا على الشركات

[ساكن ازغوه]

اخوي شموخ ولا عليك امر في رسالة لك على الخاص

[ساكن ازغوه]

اخوي الملياردير ولا عليك امر شيك الخاص

[بوحارب]

الله ييسر لك امورك يالجار

[معماري قطري]

,

,


مرحبا


اخوي الكريم

الله يعينك على البناء هذي معركه ان شاء الله تطلع منها منتصر
:)

وكل الشكر اخونا الملياردير على نصايحه الثمينه والله يرزقنا من فضله

ونصير مليونيريه مثله

:)

لكن طالما الانسان يسئل ويتحرى الامور دوم ان شاء الله بتكون امورك طيبه

اخوي الكريم

احنا ما نعرف المكتب ولا نقلل من قيمه احد لا سمح الله ولكن هناك ( اصول ) المهنه

وما قام به هذا المهندس حقيقه هو بعيد كل البعد عن اصول هذه المهنه الكبيره التي نكن كل الاحترام لها ومنتسبيها

هذا النوع من المهندسين يسيء الى الجميع وواضح من خلال تعامله انه من اصحاب ( العمولات ) وهذا يفقد العميل مصداقيه المكتب

لانه بياخذ منك وايضا بياخذ من ( المقاول ) الي بيجيبه واذا اخذ من المقاول ما راح يقدر يوقف المقاول لانه دفع له وبيكون استشاري ضعيف امام المقاول

بيكون استشاري عينه منكسره من المقاول

مثل ما نقول بالعاميه



وهذا ليس في صالح مشروعك وليس في صالحك

تعلمنا ان الاستشاري يكون قوي وهدفه الاول هو تنفيذ المشروع حسب الاصول وليس هدفه الاول هو ( جيبه )

لو انا مكانك بسئل عن مكتب استشاري قوي وجيد ومشهود له من خلال تعامل الناس

طالما الاستشاري جيد طالما كان المشروع في ايدي ( امينه )

بالتوفيق لك

,

,

انا ما اقدر اعقب بعد ردك لأَنك ما شاء الله شامل

لكن هالمره شكلي باشمر عن كمبيوتري وبرد وبتصارع معاك في الرأَي .. هذا عيب سوق التصميم والاشراف والخدمات الهندسية اخوي شموخ .. والعيب ناجم من تراخي المسؤولين عن هذي الشغلات .. اتصلت من أَيام بمكتب عجبني في تعامله وقال لي اسمح لنا شغل بيوت وحتى قصور ما ناخذ لأَن سعرنا عالي وما ينفع لمعرفتهم بأَصحاب هذي المشاريع .. ورحت لمكتب ثاني لي تعامل معاه ولا ردني بس عطاني سعر تعجيزي .. 50000 قيمة الإِشراف الشهري وبمحددات وقيود كثيرة.

المكاتب الرخيصة تاخذ مشاريع فوق طاقتها والمهندس يتفق مع المقاول انه يوقع له وياخذ نسبة والمهندس ياخذ قيمة الاشراف القليلة من المالك .. نفترض 1000 ريال وياخذ من المقاول نسبة 10 أَو 5% ويتركه يبني حسب فنه ومتى ما دخل مع المالك في مشكلة سوى له تمثيلية وحلها بتدفيع المالك قيمة مضاعفة أَو بحل رخيص على المقاول .. مستعد يصارخ في وجه المقاول بس يمشون التمثيلية .. ولو الدولة تتابع الاشراف متابعة عامة ولو اشتكى مواطن مثلاً من عدم وجود المهندس أَثناء الصب يجون يحققون سرعة ويسون ضبط حالة ويحاسبون المكتب وغرامات بتشوف الشغل غير .. ولو يكون فيه استلام من جهة حكومية قبل ليكون استلام من المالك وممكن بحضور المالك وتشييك على شغل المقاول والاستشاري ولو كشفوا تجاوز تكون فيه محاسبة ومحكمة عاجلة .. بعد بيكون الوضع أَحسن.

تكلمت كم مره عن جهة توثق عقود المقاولين والاستشاريين وتتابع من فوق وبعيد .. والمقاولين يكونون مرخصين لعدة أَعمال وأَعمال محددة حسب خبرات عمالهم وفورمنيتهم وكذلك المهندسين .. ليكون تدقيق عملهم سهل ويكون هامش الخطأَ بسيط جداً.

في النهاية هذا الدجل معاك في ردك عليه وما يجي الا من مهندسين ملوثي السمعة .. ومن يقول لك المهندس بوفر عليك 80% وباخذ لي 20% وبجيب لك شركة تبني لك برخيص تأَكد إِن اللعب بيكون على كبير .. لعب في كميات الحديد والخرسانات .. وهذا ممكن يوصل حتى ل 50% من تكلفة هذه المواد الرئيسية في كل بناء .. والسبب تخطيطنا ترك لهم حرية التصميم الانشائي وبدون تدقيق وختم من التخطيط .. فالاستشاري يبالغ كثير وأَي مقاول بيسعر على الموجود وبيطلع فرضاً بمليون ومقاول آخر " محسوب على المقاول " ممكن يسعر بمليون ناقص 50 أَلف .. والخمسين أَلف هذي اللي المالك يشوفها توفير بياخذ منها الاستشاري 10000 وانا كمالك باخذ 40 الف يعني باوفر .. لكن في الواقع المقاول مسعر 950 الف وبينفذ بمعاونة الاستشاري بحتى ممكن 700 أَلف .. يعني بيطلعون مني يالمالك 250 الف زيادة ممكن يتقاسمونها 50 - 50 أو حسب الاتفاق .. وطبعاً في باقي المواد اللعب يكون أَكبر وكل شيء بحسابه والمالك هو اللي يدفع.

لو فيه مكاتب حكومية تتابع واجراءات محاسبة قوية وعقوبات قوية كان ما شفنا هالشيء موجود.

[معماري قطري]

تعقيب بسيط المكاتب الصغيرة بعضها عصابة مكونة من عدد قليل من الأَشخاص وياخذون مشاريع قد شعر راسهم ولا يمرون على المشروع الا وقت مشكلة أَو المالك طلبهم .. ولو الحكومة عملت تحديد وتوثيق للعدد وحجم العمل اللي تستلمه المكاتب بتقل هذي المشكلة وممكن تنتهي .. المال السايب يعلم السرقة.

[ساكن ازغوه]

حي الله بوحارب ايشرفني انك جاري ما داماك أقريب لازم امرك واشرب كرك عندك

الله يجزاك خير اخوي المبدع معماري ردّك يبيله دراسة وانت عارف حزة الغدا ما في بترول

[معماري قطري]

حي الله بوحارب ايشرفني انك جاري ما داماك أقريب لازم امرك واشرب كرك عندك

الله يجزاك خير اخوي المبدع معماري ردّك يبيله دراسة وانت عارف حزة الغدا ما في بترول

ردي يا اخوي عام وشامل لموضوع الاستشارات والربكة اللي موجودة واللي مقبلين عليها

نقطة أَخيرة مهمة تدخل الحكومة المفروض يقنن العملية وبحيث الإِشراف تكون واجباته كذا وكذا وكذا وعليه نظام رقابي والسعر ما يزيد عن 5% على قيمة المشروع مقسمة على الفترة المتوقعة للمشروع .. والمفروض يكون فيه تحديد منهم حسب طبيعة كل مشروع .. التصميم بحدود 2.5 % من قيمة المشروع التقديرية.

[$الملياردير$]

مثال واقع على المكاتب الحين مكتب الشاهين مسكر و مشطوب ويقولون نزلوه درجة د واحد يبي يختم الخرائط عشان إتمام البناء متوهق الله المستعان و المكاتب الثانية تخاف تختم و بعضها يطلب فلوس إضافية و كله على ظهر المواطن واشرررررب ونفس راعي المكتب يطلع رخصة ويفتح مكتب اخر وكن اللي صار ما حصل

[معماري قطري]

ببساطة الله يستر من المكاتب اللي ادارتها عربية وبدون تحديد جنسية تعاملت حتى مع معماري تونسي - سوداني - مصريين بدون حساب .. كلهم الا 3 مكاتب مصريين كان تعاملهم راقي .. كلهم ما ينفعون ويضرون أَكثر من انهم ينفعون.

ما يقولون العميل دوم على حق .. أَقلها يحطون جهة تبت في شكاوي العملاء وبسرعة قبل لا يتغير الوضع ويرتب الاستشاري اموره مع المقاول .. لازم توثيق العقود وتدقيقها والزام المقاول والاستشاري بشروط وبنود تكون في صالح عملية البناء الصحيحة .. وين العبارات الرنانة المباني الخضراء وقطر تستحق الأَفضل وكلٍ يغطي على الثاني والضرر أَما يطيح على الدولة أَو المواطن .. ولا يحاولون في تطوير القوانين وتذليل الصعوبات.

نتكلم عن تنمية مستدامة وبيوت ومباني الكثيرين قبل لتنسكن تكون فيها شلوخ وبعد ما تنسكن تبدأَ مشاكل الصيانة من المواد الغش اللي مفتوحة لها حدود الدولة تستورد من كل مكان وبرخيص وتنباع بغالي وتضر بدال ما تنفع .. نتكلم عن تخطيط وعن تنمية وعن رؤية قطر 2030 وحتى المباني الحديثة تخطيطها ناقص وممكن تزال لتواكب التخطيط الجديد.

في دول العالم المتقدم ما فيه اشراف .. فيه مواصفات صح وقوانين بناء صح ومرور مفتش بناء آخر شيء يتأَكد إِن كل شيء تم صح .. ويا ويل المقاول لو خالف في شيء قياسي وسواه بطريقة سهلة أَو مبسطة توفر عليه جهد ومواد .. ببساطة من أَمن العقوبة أَساءَ الأَدب.

[ساكن ازغوه]

الله يجزيكم خير اخواني جميعا المشاركين والمتابعين
اتصدقون يا شباب رحت حق مكتب استشارات اليوم حصلت واحد فلبيني مهندس
ماتتخيلون إِيش قالي قالي جيب خرائطك من عند المكتب لما تخلص وانا براجعها لك كأنها
ما كانت أصلا وبسويلك مناقصة شركات من عندي وشركات من عندك وبنشوف خريطة المواصفات
عنصر عنصر والخيار لك اولا وأخيرا قلتله كم يكلف هذا الشغل قالي المبلغ اللي بتدفعه لي كاستشاري فقط
بدون اي زيادة قلتله اذا حصلت اخطاء في الخريطة بتقولي روح على المكتب الأولي قالي ليش بصلحلك اي خطا
مجانا هذا شغلي وانا ماخذ عليه فلوس صراحه صدمني

[captin]

أبعد عن التعامل مع العرب وانت بخير

موفق ان شاء الله

[معماري قطري]

الله يجزيكم خير اخواني جميعا المشاركين والمتابعين
اتصدقون يا شباب رحت حق مكتب استشارات اليوم حصلت واحد فلبيني مهندس
ماتتخيلون إِيش قالي قالي جيب خرائطك من عند المكتب لما تخلص وانا براجعها لك كأنها
ما كانت أصلا وبسويلك مناقصة شركات من عندي وشركات من عندك وبنشوف خريطة المواصفات
عنصر عنصر والخيار لك اولا وأخيرا قلتله كم يكلف هذا الشغل قالي المبلغ اللي بتدفعه لي كاستشاري فقط
بدون اي زيادة قلتله اذا حصلت اخطاء في الخريطة بتقولي روح على المكتب الأولي قالي ليش بصلحلك اي خطا
مجانا هذا شغلي وانا ماخذ عليه فلوس صراحه صدمني

فيه فروق قوية بين مكتب ومكتب في المعاملة والخدمة وكل شيء .. والفلبينيين والهنود خصوصاً السيخ منهم يشتغلون بجد .. أَهم شيء عقدك مع الاستشاري يكون مفصل وهو يجي من صفحتين تقريباً .. شروط عامة وشروط مالية ولا تنسى تحط شرط تقرير اسبوعي يرسل لك من صوت وصورة أَو صورة وكتابة على الوتس اب أَو الايميل أَو الفاكس .. ويبلغك بزياراته حتى تحاول تكون هناك وتتابع معاه .. بهذا تربطه بالموقع وبمتابعة البنيان صح .. بعدين التعاقد مع المقاول نصيحة للكل ما يسونه الا عن طريق مكتب الاستشاري المشرف وحتى المناقصة.

بالتوفيق لك إِن شاء الله وحط اسم المكتب حتى يستفيدون إِخوانك الباقيين .. ولا تنسى تطلب مهندس كهرباء مختص يمر يشيك من وقت لوقت.

[qatarman8008]

مرحبا اخوي.. ما قصروا الشباب بالاجابات..
وافضل تعليق على استفسارك كان من الاخ شموخ دائم..
واحب اضيف..
من الافضل ان لا يكون هناك اي علاقة او مصلحة بين المهندس الاستشاري وشركة المقاولات..
كان يكون شغال معاهم في اكثر من مشروع او من مدة طويلة..
لان هنا تغلب المصلحة والعاطفة على الامانة في العمل.. وهذا بالضبط ما كان يحاول يسويه المهندس اللي عندك..
هذا اولا..
ثانيا.. الافضل انك تشوف لك شركة ممتازة من ناحية العظم والبلاستر.. وتسوي معاه العقد الاول..
لان صعب تحصل شركة ممتازة في العظم وبلاستر وفي التشطيب ايضا..
العقد الاول يفضل ان يكون عظم وبلاستر (مع السور والمنهولات) وكهرباء وتمديد بيبات وعوازل مياه للسقف والحمامات والمطبخ..
طبعا الابواب والشبابيك انت تشتريهم وهو يركبهم لك.. البلاط الارضي او الرخام انت تشتريهم وهو يركبهم لك..
المكيف اذا كان سبليت فموضوعه بسيط واذا كان دكت ايضا بتركب لك شركة المكيفات بالتنسيق مع المقاول.. انت بس عليك تعلمهم وين تبي الفتحات..
الحمامات.. تشتريهم انت ويركبهم لك المقاول على ضمانته.. لايصير ليك او ينكسر شي..!!
هذا كله في العقد الاول.. لا تفكر حتى تجزئ اي شي منهم لانه بياخذ منك وقت طويل وبتصير مشاكل في التركيب وكل واحد يرمي الحجة عالثاني..
وبهذا تكون خلصت 70% من عناء البناء.. وريحت راسك من المشاكل وبوقت قياسي وبمصاريف اقل وكلفة اقل..
العقد الثاني.. خلاص اش بقى..!!
ديكور للسقف والطوف والصبغ.. هذيه على راحتك.. لف السوق براحتك.. طب وتخير..
وعقبه الليتات وهذيه بسيط..!!
وعقب ما يخلص البيت تعزمنا عالعشى عندك..!!:nice:

[ساكن ازغوه]

مرحبا اخوي.. ما قصروا الشباب بالاجابات..
وافضل تعليق على استفسارك كان من الاخ شموخ دائم..
واحب اضيف..
من الافضل ان لا يكون هناك اي علاقة او مصلحة بين المهندس الاستشاري وشركة المقاولات..
كان يكون شغال معاهم في اكثر من مشروع او من مدة طويلة..
لان هنا تغلب المصلحة والعاطفة على الامانة في العمل.. وهذا بالضبط ما كان يحاول يسويه المهندس اللي عندك..
هذا اولا..
ثانيا.. الافضل انك تشوف لك شركة ممتازة من ناحية العظم والبلاستر.. وتسوي معاه العقد الاول..
لان صعب تحصل شركة ممتازة في العظم وبلاستر وفي التشطيب ايضا..
العقد الاول يفضل ان يكون عظم وبلاستر (مع السور والمنهولات) وكهرباء وتمديد بيبات وعوازل مياه للسقف والحمامات والمطبخ..
طبعا الابواب والشبابيك انت تشتريهم وهو يركبهم لك.. البلاط الارضي او الرخام انت تشتريهم وهو يركبهم لك..
المكيف اذا كان سبليت فموضوعه بسيط واذا كان دكت ايضا بتركب لك شركة المكيفات بالتنسيق مع المقاول.. انت بس عليك تعلمهم وين تبي الفتحات..
الحمامات.. تشتريهم انت ويركبهم لك المقاول على ضمانته.. لايصير ليك او ينكسر شي..!!
هذا كله في العقد الاول.. لا تفكر حتى تجزئ اي شي منهم لانه بياخذ منك وقت طويل وبتصير مشاكل في التركيب وكل واحد يرمي الحجة عالثاني..
وبهذا تكون خلصت 70% من عناء البناء.. وريحت راسك من المشاكل وبوقت قياسي وبمصاريف اقل وكلفة اقل..
العقد الثاني.. خلاص اش بقى..!!
ديكور للسقف والطوف والصبغ.. هذيه على راحتك.. لف السوق براحتك.. طب وتخير..
وعقبه الليتات وهذيه بسيط..!!
وعقب ما يخلص البيت تعزمنا عالعشى عندك..!!


أبشر بسعدك طال عمرك. الله يوفق الجميع الاخوان ما قصروا الله يجزي الجميع خير وان شاء الله بوافيكم بآخر التطورات