لا توقع على الاستلام

[متواصل]

السلام عليكم ورحمة الله وبركاته

تحذير

طلبت هاردسكات 2 من امريكا وارسلهم التاجر عن طريق ارامكس
اليوم كلموني عشان يوصلونهم لي البيت
لما استلمت الظرف لقيته ضعيف منصفق مافيه هاردسك ولا شي
والموظف بس مستعجل يبي التوقيع على الاستلام

قلت في نفسي يمكن مطرش لي صورة للهاردسك : )

المهم قلبت الظرف الا اشوفه مفتوح من الخلف ومافيه شي كلش فاضي ،،

زين اني ماوقعت على الاستلام


لاتوقعون على الاستلام الا بعد فتح المظاريف او الكراتين
لان هذه الشركة تعيسة

[R 7 A L]

بيض الله وجهك على التنبيه
هل فيه بديل لهذة الشركة ؟

[متواصل]

بيض الله وجهك على التنبيه
هل فيه بديل لهذة الشركة ؟

وجهك ابيض
المشكلة ان التاجر هو اللي يحدد في كثير من الاحيان شركة الشحن
لان عنده اشتراك مع ارامكس

[MirusS]

حتى بشكل عام مب بس هالشركة
لازم الواحد يكون حذر ويتوقع كل شيء بالذات في مسـالة التواقيع
الحمدلله انك ما وقعت وجزاك الله خير عالتنبيه

[جمال اليافعي]

انا انباقوا مني اغراض عن طريق فيديكس , ما ادري من الي بايق هل هو التاجر او الجمرك او فيديكس يوم الاربعاء

[توشيبا]

انا صارت معي جهاز اي فون

يوم وصل لي حصلت بس الكرتون بطلته قدامهم مافي تلفون كرتون فاضي

ماوقعت ولا استلمت الكرتون

كلمت التاجر

طلع التاجر حريص حده وماخذ حذره نفس هالعمليات

طرش لي فيديو مصور التلفون واهو يغلفه قدام موظف شركه الشحن واستلمه منه

خذت الفيديو ورحت لهم عوضوني قيمته

[بوحارب]

جزاك الله خير على النصيحة

[راجي الْعفو]

وعليكم السلام و رحمة الله و بركاته

جزاك الله خير عالتنبيه يا متواصل بيه

[بونووف]

بيض الله وجهك على التنبيه
هل فيه بديل لهذة الشركة ؟

حاليا اتعامل مع borderlinx الشركه اللي تتعامل مع DHL الشركه خدمتها سريعة تفعل وتتحكم بحسابك والشحنات عن طريق ألموقع وفيها خيارات حلوه مثل انك تختار سرعة الشحنة وتشحن على طول ولا تنتظر شحنه ثانيه وتشحنهم مع بعض وكدا شي

لكن

أغلى من أرامكس حبتين