يأهل قطر أحذروا من معارض السيارات

[a7lawalad]

السلام عليكم

أخوان أحب احذركم من معارض السيارات حيث صار معاي موقف حبيت اشاركم فيه

رحت معرض الليزر للسيارات في طريق سلوى وبعد ما شفت سيارة وفحصتها طلع فيها صبغ وطلبت من موظف المعرض الاتصال على صاحب السيارة عشان ينزل في سعر السيارة وبعد الانتهاء من الاتصال يقول لى الموظف ان راعي السيارة رافض ينزل من السعر طبعا انا صدقت الموظف وافقت على السعر ودفعت العربون على امل اني اقدر ادبر المبلغ لكن صار معاي ظروف وماقدرت اكمل المبلغ وحبيت اكنسل البيع وادور على سيارة ثانية على قد فلوسي وانا ادور في النت لقيت نفس السيارة وننفس الممشى والسعر مناسب اتصل في صاحب السيارة عشان اشوف السيارة وافحصها تفاجئ ان السيارة في نفس المعرض ويقول لى ان السيارة اندفع فيها عربون حبيت أتأكد من صاحب السيارة على كم قالك المعرض وانصدم ان المعرض كان راح ينصب على انا وصاحب السيارة في أكثر من 3000 ريال طبعا بعد هذا أتصال على المعرض وتم يكذب على أن المالك رافض ينزل السعر لا وازيدكم من الشعر بيتين اتهم صاحب السيارة انه اخذ العربون وانه رافض يرجع المبلغ ولما طلبت من الموظف يعطيني رقم صاحب السيارة اعطاني رقم ثاني للمعرض مصكر طبعا اتفقت انا وصاحب السيارة نروح مع بعض المعرض ونتواجه معاهم في اول ماشفنا موظف المعرض راحت اعلومه وقم يكذب ويحاول يبرر لنا بالكذب والحمد لله المعرض رجع العربون ورجع السيارة لصاحبها.

والحمد لله اشتريت السيارة من راعيها مباشره والله يبارك حق راعي السيارة بحلاله ويبراك لى بسيارة


وجزاكم الله خير

[بويعقوب]

تصير وااايد هالسوالف , اوقات يتصل على رفيجه ويكلمه على انه صاحب السياره


مانقول الا الله يكفينا شرهم , والنصب صار في كل المجالات والثقة معدومة ..


والله يبارك لك في الموتر

[Rider]

أسالني عن المعارض وعن النصب الموجود فيها حدث ولا حرج

[حمد بن سعد]

اخوي البعض يعتبر هذا شطاره وفن وتجاره كل واحد وضميره والتوفيق من الله

والله يبارك لك في الموتر ان شاء الله والمره الجايه خلك على المواقع الي تعرض السيارات احسن لان اكثرها تكون مع المالك مباشر .

بالتوفيق

[Riku3]

صارت معاي ان كنت ابي اخذ موتر من معرض .. وكان الي في المعرض يتكلم مع صاحب السيارة ويعطيه مبالغ غير الي كنت انا اقولها .. طبعاً انا كنت شايف السيارة في المنتدى ووصلت راعي الموتر وكان يرفض يسحبها من المعرض يقول حرام صارلها شهر عنده والسعر مع فايدة المعرض .. ولما رحت المعرض وبعد الخصم طلع السعر مختلف بفارق 7000 ريال ..

الحمد لله اخر شي خذت الموتر من راعي الموتر مباشر وطلعها من المعرض بعد ما خاست عندهم علشان يحطمون الرجال وينزل في السعر ويكسبون فارق اكبر في البيعه .

الغش والكذب عندهم شطاره !! .

[aloosh]

الله مكثر مواقع بيع السيارات
كار سمسار
وقطر سيل
وفيه مواقع اخرى
خلو المعارض تخيس

[Aaziz]

غلطان يا شيخ ،، ليش ما اثبت حاله النصب و رحت لحمايه المستهلك كان سكرو المعرض و الموظف داخله بعد

يعطيك من خير السياره و يكفيك شرها

موفق

[Aozomblue]

لله يبارك حق راعي السيارة بحلاله ويبراك لك بلسيارة
الله يكفينا شرهم

[البيت بيتك]

مافي غير قطر سيل ومزاد قطر تحصل السيارة الي تبيها ويكون شخصي ومباشر مع صاحب السيارة
والمعارض فيها تلاعب كبير في السيارات والاسعار والله الغني عنهم

[محاسب]

مواقع عرض السيارات في النت ..مايعبها إلى شي واحد (أخدم نفسك بنفسك)
وهذا شي طيب عند البعض والبعض الأخر ما أدري ليش يستحي منها....
مع أنك كل سنتين أوثلاث يزيدون عدد معارفك
... وتعتبره لك اخو .

[كشافات بيجو]

اتمنى من كل واحد صار له موقف مع المعارض يذكرها حتى نستفيد

[البوررصة]

انا مستشغرب ان في ناس لين الحين تتعامل مع معارض عندكم موقع قطر سيل تتواصل مع صاحب السيارة دايركت واتعرف كلشي منه احسن

انا غاسل يدي من المعارض من كم سنة اصلن الا المعارض الي اعرفهم شخصيا اما الموظفين الي في المعارض الي اتعرفون قصدي من ومابي اجمع لاحدث ولا حرج من انواع النصب لاظمير ولاهم يحزنون

[ناسداك]

المعارض للاسف يطيحون من قيمة السيارات لانه مستعجل على رزقه ويبي يبيع بأسرع فرصه لانه من مصلحته هالشي اشوف من الاحسن عرض السياره في المواقع الالكترونية

[al-obaidly]

الناس مهب كلها سوى بالعكس فيه الزين وفيه الشين

[S350]

كلامك صحيح اخوي بعض المعارض متلاعبين بس شهادة حق في معارض أتعامل معاهم من سنين طويلة وعندهم ذمة وضمير مثل معرض الظبي والجوارح وحاليا معرض الطاهر اما باقي المعارض غاسل يدي منهم وعندك بعد مواقع النت مثل قطر سيل بس بنسبة لي ماحب أعور راسي مع فلان وعلان أحط الموتر بالمعرض وإذا جاب السعر اللي أبية او قريب منة بعتة

[busnaidah]

صارت معاي في معرض الخليج اللي كان قريب من الواحة والمسؤول قال لي الموظف اللي كان لينصب عليك فنشناه اليوم. كان بينصب علي ب ظ¥ظ* ألف. شخصياً أدور سيارات معروضه شخصياً في المواقع مب عن طريق معارض

[busnaidah]

50 ألف

[أبو تميم]

اخوي الموظف والمسئول في معرض الخليج هم نفس الشي وجهان لعملة واحدة

اللهم اذا كنت كلمت راعي المعرض هذا شي ثاني

[كشافات بيجو]

من فترة كنت في احد المعارض اللي ذكرهم s350 اللي يقوول عندهم ذمه وضمير وكنت ناوي اشتري لكزس وكان مكان الوصله محروق ويبين اشكرة وراعي السياره حاط عليها صمغ بس اثار الصمغ واضحه والحرق . قلت حق العامل شيك مع راعي السياره وسوا نفسه انه يكلمه وراح بعيد واخر شييء رجع وقال لي ان من الشمسس صارت كذا. والله اني طلعت من غير ماتكلم .اي ذمه وضمير

[S350]

من فترة كنت في احد المعارض اللي ذكرهم s350 اللي يقوول عندهم ذمه وضمير وكنت ناوي اشتري لكزس وكان مكان الوصله محروق ويبين اشكرة وراعي السياره حاط عليها صمغ بس اثار الصمغ واضحه والحرق . قلت حق العامل شيك مع راعي السياره وسوا نفسه انه يكلمه وراح بعيد واخر شييء رجع وقال لي ان من الشمسس صارت كذا. والله اني طلعت من غير ماتكلم .اي ذمه وضمير انا يوم ذكرت المعارض المذكورة قلت ان عندهم ذمة وهاذا الشي اللي شفتة بنفسي واقصد تعاملي مع راعي المعرض شخصيا وبعدين دامك ان على كلامك تقول شفتة أنة ايسوي نفسة اي تكلم بتلفون ليش مارحت وتواصلت مع راعي المعرض ولا بس الكلام يطلع بالمنتدى

[الطلياني]

صار معاي موقف مع معرض على طريق سلوى فيه كلمة (عيد) شي جذي, اشتريت منهم سياره وطلع فيها صبغ وقلت له ابي اكلم راعي السياره علشان اتاكد ولما كلمت راعي السياره قام يحلف وما خلى شي ما حلف عليه وان السياره مصبوغه بدون حوادث وان هو الي مطلعها من الوكاله وانها سيارة البيت وانا شكيت والله في اللهجه لانها نفس لهجة وطريقة كلام موظف المعرض بالضبط ( اكيد اخوه مليون في الميه) ,والفحص الي طرشوني له اشكره مضبطين معاه , وطبعا صدقت راعي السياره لانه حلف بس للاسف نصبوا علي , والله ليومك ادعي عليهم لانهم يغشون الناس ويعتبرون الي يسونه شطاره وبزنس.

[a7lawalad]

أخواني المشاركون

أشكر الجميع على مشاركتهم في هذا الموضوع وانا الصوره صارت واضحه أن المعارض لا يوجد فيها رقابه من وزارة الاقتصاد وانا أنصح ان السيارات لى تنعرض في المعارض ينحط رقم صاحب السيارة واذا هذا الشى مزعج لصاحب السيارة أتمنا ان وقت نقل السيارة يكون المشترى والبائع موجدين وهذا الشى يخلى اصحاب المعراض تخاف من الكذب والنصب لكن أحنا شعب طيب نصدق كل شى يقول المعراض اذا المعارض طلب التوقيع نوقع وحنا خبر خير.

وشكرا

[الشامخ]

نعم توجد هناك مخالفات كثيرة في المعارض ،، ولكن البعض للاسف يعرض سيارته في المعرض ويجي الشراي ويحفص السيارة وبطريقة ما يحصل رقم راعي الموتر ويشتري منه الموتر بدون مايدفع اي شي للمعرض وهذا غبن في حق راعي المعرض

انا لا ادافع عن اصحاب المعارض ولكن الحق ينقال توجد مخالفات من جميع الاطراف

[q18]

للاسف صارتلي ف احد المعارض بدون لا اذكر الاسم ..
رحت اشوف موتر .. طلع مصبوغ ونزلت من قيمته ..
اتصل براعي الموتر يقوول قاله نهائي 70 الف .. عطيت المعرض فلوسه كامله 70 يعطيها صاحب السياره + الفين للمعرض
عقب كم يوم خذيت الرقم من صاحب المعرض كنت ابي اساله اذا كراسي السياره عنده
خلصصت معاه ولما واجهته قلتله انت بكم بعته علي كم قالك المعرض ؟ .. يقول قالي 62 الف

يعني تخيلوو !! .. 10 الاف رآحت للمعرض ؟ وين الذمه والضمير
ماقول الا حسبي الله ونعم الوكيل

[المحاميه]

للاسف صارتلي ف احد المعارض بدون لا اذكر الاسم ..
رحت اشوف موتر .. طلع مصبوغ ونزلت من قيمته ..
اتصل براعي الموتر يقوول قاله نهائي 70 الف .. عطيت المعرض فلوسه كامله 70 يعطيها صاحب السياره + الفين للمعرض
عقب كم يوم خذيت الرقم من صاحب المعرض كنت ابي اساله اذا كراسي السياره عنده
خلصصت معاه ولما واجهته قلتله انت بكم بعته علي كم قالك المعرض ؟ .. يقول قالي 62 الف

يعني تخيلوو !! .. 10 الاف رآحت للمعرض ؟ وين الذمه والضمير
ماقول الا حسبي الله ونعم الوكيل

يالله خذ


استغفرالله

[بويعقوب]

اخوي المفروض تروح للمعرض واذا رفض يعطي الرجال المبلغ الباقي 10آلاف

اشتك عليه والدليل وصل الاستلام منك والتسليم للمالك , بيبين الفرق في المبلغ .


حسبي الله عليهم ..

[الغالي!]

المعراض اكثرهم نصابين انا مره في معرض كان في الدوحه والحين انتقل في سلوى شفت سياره عنده وبعد الفحص طلع فيه جير وانا ارغب في السياره نفسه قلت له اتصل في صاحب السياره واتصل وقال لي نزل لك 1000 وبطريقتي عرفت من صاحب السياره واتصلت عليه وكلمته قال انا نزلت لك 5000 ورحت مع صاحب السياره المرور وقلبت الاسماء وخليته يستلم السياره وعطاني ايها
وبعد يومين مريت المعرض وعن الحلال والحرام عطيته 500 لا المشكله مسوى نفسه زعلان وغيرت رائي وعطيته 300 وافق وخذها

[حمد911]

صار موقف معاي من قبل اربع سنوات تقريبا شفت موتر بمعرض وعجبني اتفقت مع الموظف اللي شغال بالمعرض وهو من الجنسية اللي أنتو خابرينها بص يا باشا المهم رحت بفحص الموتر والأخ محدد لي محلين للفحص أني اروح لهم طنشت لة ورحت والوكالة وفحصت عندهم الأخ درى قال لة الهندي ومتصل معصب بعد ان ليش رحت الوكالة قلت لة لأنك انت مش أمين والموتر جايتة دعمة بالجنب كامل وانت قاعد تحلف أنة مافي صبغ والانك متفق مع محلات الفحص على بالك اني باروح وبتبيع السيارة وبتاخذ فايدتك من هل فلوس الحرام ذي خليتة مايسوى بيزة فا ياشباب نصيحة لوجة الله تعالى اتركو المعارض ذي لان الغالبية نصابين وحرامية وخلكم مع مواقع النت والتواصل مع المالك مباشرة

[الشمال-1]

صبحكم الله بالخير
المشكله في نصب وايد وفي كل مكان
بس وين حمايه المستهلك؟
صح انهم ما قصروا في الفتره الاخيره انهم اشتغلوا علي الوكالات بس هم بعد لازم يشتغلون ويسكرون المعارض المخالفه حتي تكون عبره لغيرهم

[ابوجابرf]

السلام عليكم

انا بعد قبل سنتين شريت افالون 2007 من معرض بحول 70 بعد المكاسر وبعدها كان ناقص مفتاح السيارة الثاني وكنت سال راعي المعرض عنه قال باكلكلك راعي السيارة
وبعد اسبوعين تقريباً لقيت اوراق في درج السيارة فيه رقم المالك كلمته وسالته عن المفتاح قال موجود عندي والمعرض ماكلمني ولا سالني عنة وبعدها سالته كم بعتها انت قالي بعد ماخذت عندهم شهر قالولي اعلى سعر جابته 53 الف وبعتها طبعاً انا شريتها منه ب 70 الف .

حسبي الله ونعم الوكيل

[الجسراوي]

والله ما نقدر نعمم يا اخوان

مايجوز نتهم كل البشر بخطأ شخص

انا صار لي موقفين

اخ سوداني جيته ببيعه موتري ونصحني بان سعر سيارتي اكثر من اللي بيعطوني اياه المعارض ونصحني اعرض الموتر بروحي

موظف من جنسية عربية كذب علي بخصوص سعر موتر وعطاني سعر اغلى من السوق


الحين عندي النت ومواقع طيبه للسيارات واحسن من المعارض بوايد

[مافي مثلي]

مش الكل لكن 80 بالميه منهم وربك يمهم ولا يعمل وفلوس الحلام ماتدوم
المشكله اكثر المعارض الي الحين مسوين برستيج وكشخه كلهم نصابين
بص حضرتك وشكلين مابحكي ارررررركض ياخوي عااااامر
شبه معارضهم ومواترهم

[فقط قطر]

اخوي الموظف والمسئول في معرض الخليج هم نفس الشي وجهان لعملة واحدة


ويمكن....بعد صاحب المعرض..وياهم
الا ما رحم ربي