290 حجزوا قاعات احتفالات الرفاع برسم 2500 ريال للحجز !!!

[Bin sultan]

شهدت قاعات الاحتفالات بالرفاع إقبالًا كبيرًا على طلب حجوزات الأعراس، خلال 3 أيام من فتح باب التسجيل عبر الموقع الإلكتروني الخاص بالقاعات الذي انطلق الأحد الماضي.

وبلغ عدد الحجوزات نحو 290 طلبًا، وشهد شهر فبراير أكبر عدد من الحجوزات حيث بلغ عدد الطلبات نحو 73 طلبًا، يليه شهر أبريل بواقع 72 طلبًا، فيما بلغ عدد الحجوزات خلال شهر مارس 50 طلبًا.

كما استقبل شهر مايو 47 طلبًا، مقابل 41 طلبًا في شهر يناير و7 طلبات فقط في شهر يونيو.

ورصدت**الراية**تركيز الحجوزات على أيام الخميس والجمعة واكتمالها في عدة أسابيع بالمقارنة ببقية أيام الأسبوع.

ووفقا لخريطة الحجوزات المتاحة للجمهور على الموقع الإلكترونيwww.alrayyanevents.qa*فقد امتدت طلبات التسجيل حتى شهر يونيو المقبل، بما يقلل من الحجوزات لدى الفنادق والقاعات الخاصة.

وتبلغ تكلفة حجز القاعة 2500 ريال فضلا عن 2500 ريال أخرى تأمين تسترد بعد انتهاء الحفل.

وتشمل شروط الحجز أن يكون الحجز باسم صاحب الحفل، وإذا كان الحفل خاصًا بالنساء يجب أن يكون الحجز باسم صاحبة الحفل (العروس).

وإذا كان الحفل خاصًا بالرجال يجب أن يكون الحجز باسم صاحب الحفل (المعرس)، وتشمل الشروط اعتبار أي حجز باسم غير صاحب الحفل يعتبر الحجز غير قانوني ويلغى تلقائياً.

ويضم المجمع 5 صالات لكل منها مدخل مستقل، وتضم كل صالة غرفة تجهيز ومجلسًا ومطبخًا يمكن لأصحاب العرس استخدامه في تحضير الأطعمة.

وتتسع كل قاعة من الصالات الخمس لـ500 شخص، لتكون بذلك السعة الإجمالية للقاعات الخمس 2500 شخص، ويتم الحجز القاعات عبر الموقع الإلكتروني*www.alrayyanevents.qa*أو من خلال الحضور مباشرة إلى موقع المجمع.

وتضم كل صالة غرف تجهيز خاصة للعروس ومكانًا للمكياج وغرفة للعروس .. كما أن القاعات قابلة للتوسيع حسب عدد المدعوين في كل عرس، حيث توجد قواطع تفصل بين القاعات يمكن تحريكها حسب الحاجة، كما توجد بكل منها دورتا مياه.

ويبدأ التشغيل الفعلي للقاعات 15 يناير المقبل بمقابل رمزي.

وجاء إنشاء مجمع قاعات الأفراح بتوجيهات من حضرة صاحب السمو الشيخ تميم بن حمد آل ثاني أمير البلاد المفدى، بهدف دعم الشباب وتسهيل الزواج لهم.

ويقع المجمع على مساحة قدرها 260 ألف متر مربع تشمل المباني والمرافق التي أقيمت على مساحة 15 ألف متر مربع، إضافة إلى المساحات المفتوحة والخضراء و5 مداخل ومواقف السيارات.

ويتماشى المجمع مع اهتمام الدولة بالحفاظ على الهُوية التراثية القطرية في مختلف المشاريع، حيث تم تشييده بصورة مستوحاة من التراث القطري.

ومن المتوقع أن توفر القاعات الجديدة للشباب القدرة على تغطية تكاليف وأعباء حفلات الزواج التي تدفعهم إلى الوقوع في الديون ما يؤثر عليهم اجتماعيًا واقتصاديًا.

ويأتي المشروع الذي طالب بتنفيذه الكثير من الشباب خلال السنوات الماضية، ليعكس مدى الاهتمام الكبير من القيادة الرشيدة بالشباب، وتفاعلها المباشر مع قضايا المجتمع، وحرصها الدائم على تسخير كافة الإمكانات وتذليل الصعوبات التي تواجه الشباب من أجل تحقيق أهدافه ومتطلباته في الحياة.

وعلى الرغم من الاهتمام الكبير من القيادة الرشيدة بمختلف المشروعات والمجالات التي تخدم قطاع الشباب بالدولة منذ فترة طويلة، إلا أن مجمع قاعات الاحتفالات له طابع خاص فهو يرتبط ارتباطًا مباشرًا بأحد أكثر الهموم والمعوقات التي تواجه الشاب المقبل على الزواج والتي تعد سببًا رئيسًا في تأخير زواج البعض نظرًا للاستمرار المتزايد في ارتفاع تكاليف قاعات حفلات الزفاف في الدولة.

وجاءت فكرة تنفيذ قاعات الأفراح العامة لتسير وفق أهداف رؤية قطر الوطنية 2030، والتي جاء عنصر التنمية البشرية ضمن أحد ركائزها ويشكل الشباب مصدرًا رئيسًا فيها، باعتباره مصدر القوة والثروة الحقيقية للوطن.

وقد وجّه سمو الأمير بأن تكون تكاليف حفلات الزفاف بالقاعات الجديدة في متناول الجميع لتشكل بذلك خيارًا وحلاً متميزًا للشباب في ظل ارتفاع أسعار حفلات الزفاف حاليًا.

وستساهم القاعات الجديدة بشكل كبير في الحد من الآثار السلبية التي كان يعاني منها الشباب القطري طوال السنوات الماضية، والتي من أهمها عزوف البعض عن الزواج بسبب عدم القدرة على دفع التكاليف الباهظة لأسعار القاعات سواء في الفنادق أو القاعات الأخرى الخاصة
http://www.raya.com/Mob/GetPage/f6451603-4dff-4ca1-9c10-122741d17432/4d1e0913-a68e-457e-8396-ac9eba077e5a

[qtr qtr]

وتشمل الشروط اعتبار أي حجز باسم غير صاحب الحفل يعتبر الحجز غير قانوني ويلغى تلقائياً.

هذا اهم شرط سووه لان البعض الله يهديهم يستغل الحجز بيعه بمبلغ مقابل التنازل عن الحجز واللي يسويها معروفين منهم .

الله يعطيك العافيه عالخبر الحلو.. والله يوفق الشباب المقبلين على الزواج

وجزيل الشكر لسمو الامير المفدى الشيخ تميم بن حمد ال ثاني على هالبادره الطيبه بمساعدة الشباب العازفين عن الزواج حفظه الله ورعاه من كل شر.

[bus3od]

اللي فهمناه من قبل انها مجانيه
هل ممكن حد يوضح لي ما التبس علي فالموضوع؟

[رهج السنابك]

حلو يعني بثلاث ايام اربحو 725 الف :) رسم القاعه

ومثلها مبلغ تأمين

الاجمالي مليون و 450 الف

شغل طيب

[حسن]

تصلحين يحطونك وزيره ماليه

:)

الصراحه شي طيب ويخدم المجتمع ويشكرون عليه

بس اتمنى المحافظه عليها من العبث والتخريب والحرق وياريت ان يكون هناك وقت محدد
للانصراف منها يعني مثلا الساعه 11 اقصى حد للحفل

:)

[R 7 A L]

المبلغ بسيط جداً جداً جداً مقارنة بقاعات الفنادق وقاعات الافراح
شكراً من اعماق القلب

[حمد 2002]

تصلحين يحطونك وزيره ماليه

:)

الصراحه شي طيب ويخدم المجتمع ويشكرون عليه

بس اتمنى المحافظه عليها من العبث والتخريب والحرق وياريت ان يكون هناك وقت محدد
للانصراف منها يعني مثلا الساعه 11 اقصى حد للحفل
:)

ضد رأيك ، صج قلنا انها سعرها زين ومب مجانيه ، بس مايسوى اتحكم في الناس لانك ماعطهم سعر زين ،،

ياخي خل الناس تستانس واتونس ، انت الحين يابوعلي لو واحد قالك بس حدك بالبحر بالطراد ساعه وبس اتصيد فيها قباقب تقدر ول لا ؟ ،،



والله ولي التوفيق ،،

[رهج السنابك]

مصدقين مجانيه :) هاهاها


على فكره قاعات الفنادق مجانيه السعر على البوفيه بالنفر هاهاهاها

وهالقاعات نفس الشي بتجيب بوفيه العشا بالنفر وزياده عليها الفين وخمسمية

[رهج السنابك]

بس شي حلو يكون فيه خمس قاعات اضافيه يعني كتوسعه في البلد فقط هذي هي

[حمد 2002]

المبلغ بسيط جداً جداً جداً مقارنة بقاعات الفنادق وقاعات الافراح
شكراً من اعماق القلب

من قالك بسيط ؟

فكر فيها انت شوي !!

وتأمل ؟!!


بس شاطر تسابق الأمور !!

لو بتسوي عرس رجال !!

القاعه 2500 ريال

العرضه ب 13 الف ريال

لازم اتجيب كراسي لانها بدون كراسي بس فاضيه انقول نوع عادي جدا ب 10 الاف ريال


باقه ورد ورى المعرس اب 3 الالف ريال نوووع عادي !!


العشى 10 ذبايح اقل اقل شيء اب 16 الف ريال !! .

المصور اب 3 الاف ريال


البخور اب 2000

المقهوين ويه عدتهم اب 4 الاف ريال

حلويات اب 2000 ريال تقريبا !!

يعني المبلغ 55 الف ريال تقريب هههههه كأنك مسوي عرسك بخيمه !!


اردد واكرر لك لاتتسرع لاتتسرع بالرد ،


وشكرا

[MirusS]

أهم شي فالموضوع كله رقله ملااك الفنادق الثانيه :)

[حمد 2002]

مصدقين مجانيه :) هاهاها


على فكره قاعات الفنادق مجانيه السعر على البوفيه بالنفر هاهاهاها

وهالقاعات نفس الشي بتجيب بوفيه العشا بالنفر وزياده عليها الفين وخمسمية

لا لا سلامتج اختي غلطانه ولاتتسرعين بالرد

القاعه ايوفرون لج الطاولات المستديره الي يجلسون عليها الناس بعدد 500 شخص يعني 50 طاوله وكل طاوله عليها 10 كراسي بشكل مجاني !!

الفندق ايوفر لج هالعرض !! طبعا لا لأن الفندق يحسب لج بالعدد ورسوم الفندق الى آخره ولازم عدد معين من الاشخاص وهكذا !!


انقول عطوج الطاولات جاهزه ونتي تلبسينها !!

50 طاوله مجانبيه وانتي تلبسينها من زينه ووو ب 500 ريال ضرب 50 طاوله يساوي المجموع 25 الف والكوشه ب 8 الاف والورد ب 5 الاف ودي جي ب 3 الاف و مقهويات ب 6 الاف و توزيعات ب 5 الاف و عشى شعبي من هالحريم الي بالانستغرام مع ذبيحتين انقول المجموع 10 الاف وبخور ب 2000 ريال و امن ب 4 الاف وبطايق ب 3 الاف ريال من السعوديه و انقول المجموع ان كثر مني مناك 90 الف ريال شاااامل كل شيء !! لو بتجيبيم مصوره ممممم

ومستحيييل اتحصلين هالمبلغ بهالعدد 500 شخص في الفنادق واتحداج !!


وتخيلي يمكن اتكون التكلفه اقل بواااايد لو كان عدد معازيمكم شوي !!

[R 7 A L]

حمد
الحين ماعرفت ارد عليك مره تقول لي لاتتسرع ومره تقول للاخت لاتتسرعين مع ان ردها مخالف لردي
ياخي ارس على رأي وبنجاوبك
ماعرفت هي غالية ولا قاعات الفنادق هي الغالية

[MirusS]

ههههههه

هو قصده مب زينه وايد بس زينه

أهم شي عن السرعه لاحد يتسرع هع هع :victory:

[R 7 A L]

ههههههه

هو قصده مب زينه وايد بس زينه

أهم شي عن السرعه لاحد يتسرع هع هع :victory:




ههههههههههههه

ياخي ذكرني بحسين عبدالرضا في مسرحية على هامان يافرعون
يوم انه يقرأ من كتاب الاصفهاني مادري الزعفراني هههههههههههه يذم بعدها يمدح

[حمد 2002]

حمد
الحين ماعرفت ارد عليك مره تقول لي لاتتسرع ومره تقول للاخت لاتتسرعين مع ان ردها مخالف لردي
ياخي ارس على رأي وبنجاوبك
ماعرفت هي غالية ولا قاعات الفنادق هي الغالية

هي احسن من الفنادق طبعا !!


لانها اتوفر لك الطاولات بشكل مجاني وانت اتزينها (( كعرس حريم )) بعدد 50 طاوله ل 500 شخص !!

ولاكن كعرس رجالي ماتوفر لك الكراسي ولا شيء !! فقط الطاولات مالت العشاء ولا اذا تبي على الارض انت وكيفك !! .


اذا انت من عشاق الخيم بالعرس ترى مافيه فرق كبير لان الشركات مالت الخيم ايوفرون لك سعر شامل التصوير والمقهوين والخيمه والكراسي بسرع ثابت !! عرفت شلون !!


بس اذا انت من عشاق الفنادق بالاعراس ممممممم لا لا قاعه الرفاع افضل طبعا !!


وبالنسبه لعرس الحريم ولا الرجال بتلك القاعه تقدر اتوصله ل مئات الالوف وتقدر اتوصله لمبالغ زهيده ممم يعني انت ومعازيمك والاشياء الي بتجيبها !!


بس القاعه بشكل عام ارخص اذا ماقرناها باسعار الفنادق !!






بس السؤال هنا هل بيكون هناك اريحيه للحريم وخصوصا لو كانت هناك اعراس رجاليه جنبهم بنفس اليوم !!



هنا السؤال المهم الذي يجب ان يوجه لأدارات القاعات ؟!!


ومشكووور يالذيب

[ضوى]

2500 تامين مسترجع بعد انتهاء الحفل

[حمد 2002]

2500 تامين مسترجع بعد انتهاء الحفل

و 2500 غير مسترجعه كــرسوم للقاعه .

[KHALiDiSH]

وجود القاعه فقط بمبلغ رمزي لم يغير شي.

التكاليف اصلاً مب على القاعة.
التكاليف على الشغلات الثانية مثلاً للشباب ( الي ذكرهم حمد 2002 )
بالنسبة للحريم خذ وخل كفاية كوشة ليوم واحد توصل سعرها بما لا يقل عن 100 الف ( في ارخص )
غير تزيين القاعة وغيره... بالنسبة للحريم ما ينفع كلش لانه مثل ما قلت التكلفة الاساسية مب في القاعة نفسها ولكن في التفاهات الي يسويها ( البعض )

ما زالت فكرة القاعة ( فقط ) غير مجدية الا من ناحية ان توزيع الاعراس على اماكن معينه بدال الخيم ( مب القاعات )

[حمد 2002]

وجود القاعه فقط بمبلغ رمزي لم يغير شي.

التكاليف اصلاً مب على القاعة.
التكاليف على الشغلات الثانية مثلاً للشباب ( الي ذكرهم حمد 2002 )
بالنسبة للحريم خذ وخل كفاية كوشة ليوم واحد توصل سعرها بما لا يقل عن 100 الف ( في ارخص )
غير تزيين القاعة وغيره... بالنسبة للحريم ما ينفع كلش لانه مثل ما قلت التكلفة الاساسية مب في القاعة نفسها ولكن في التفاهات الي يسويها ( البعض )

ما زالت فكرة القاعة ( فقط ) غير مجدية الا من ناحية ان توزيع الاعراس على اماكن معينه بدال الخيم ( مب القاعات )


تخيل سعر الطقاقات النساء و المغنين الرجال الي من خلف الستار ايوصل لــ 60 الف ريال !!

وبعض النساء بيغطي الجدار كامل مال الكوشه ب 20 الف ريال وسعر الطاولات ايوصل ل 2000 ريال وفيه ارخص فيه ب 300 ريال !!


واضاءه للكوشه ايوصل ل 20 الف ريال !!



يعني القرار بيدك عزيزي المتزوج سواءا بتسويه هنا ولا هناك ولا في بيتكم !!


وشكرا يالذيب

[حمد 2002]

لازم مايسمونها مجانيه !!



ليش هالقاعه مايوفرون مصورين ومصورات ابلاش !!


ليش مايوفرون تزين الطاولات بشكل موحد ابلاش !!


ليش مايوفرون كوش باشكال موحده مع بعض التغيرات على حسب طلب الزبرون ابلاش !!!



هنا بنقول انها قاعات مجاااانيه !!

[ضوى]

قلتها من قبل وارد اقولها والله لو الحكومة تحرق نفسها عشانكم مب عاجبكم شي وبعد بتذمون وبتنتقدون يالله شنو شعب متذمر

[عاشق العديد]

انا شدني رد حمد ..
في موضوع عرس الحريم ..

مشاء الله عارف كل التجهيزات .. الي انا مع خبرتي الحياتيه ماعرفها ..!!!!!!!!!!

انا اقول لو يصكرون القاعات هاذي وترجعون للفنادق احسن لانه مايعجبكم شي ..

[النظامي]

ما يعجبكم العجب ... ولا الصيام في رجب !!!!!!!

[حسن]

ضد رأيك ، صج قلنا انها سعرها زين ومب مجانيه ، بس مايسوى اتحكم في الناس لانك ماعطهم سعر زين ،،

ياخي خل الناس تستانس واتونس ، انت الحين يابوعلي لو واحد قالك بس حدك بالبحر بالطراد ساعه وبس اتصيد فيها قباقب تقدر ول لا ؟ ،،



والله ولي التوفيق ،،

اسمع

اذا انت ماتفهم ياحمد هذه مشكلتك واذا تبيني افهمك اناحاظر

سمعت قصيده بن شلحاط
يقول تكفين دقي

:telephone:

القاعه مجانيه ولا ب 10000 راييال بعد تعبر مجانيه
وبعدين النظام زين واحترام الوقت يجعلك شخص مختلف عن العالم
فجميع الرجال يتفقون على تحديد وقت معين وحتا النساء

يكون في علمك

عادات دخلت علينا فيجب ان تتغير ومافي مانع نتغير للاحسن مهب احسن نتغير للاسؤا
قبل اسبوع حظرت عرس لا حد ابناء الشيوخ فكانت الدعوه من العصر
وهذا اشوفها بدات تنشر وشي طيب
هو عرس مهب حسينيه

!!!

انت تفهم

؟

[Bin sultan]

كأنك يا بوزيد ما غزيت..اتوقع المشروع ما راح يأثر وايد على تكاليف الزواج،بس السؤال اللي يطرح نفسه ليش كذبوا علينا وقالوا انها مجانية !!
جان قالوا شبه مجانية أحسن

[7llo]

ياشباب ترا كلها 2500 الحين ترا تروحون تشترون الايفون ب 5000 و6000 وفي ناس تشتريه ب 8000 مستخسرين على 2500 ريال ؟ والله انكم شعب غريب تدفعون حق شي وشي , الله يطول بعمر سمو الامير على هل الفكره الممتازه

[R 7 A L]

لازم مايسمونها مجانيه !!



ليش هالقاعه مايوفرون مصورين ومصورات ابلاش !!


ليش مايوفرون تزين الطاولات بشكل موحد ابلاش !!


ليش مايوفرون كوش باشكال موحده مع بعض التغيرات على حسب طلب الزبرون ابلاش !!!



هنا بنقول انها قاعات مجاااانيه !!




شرايك يدفعون المهر بالمره

[حسن]

ياشباب ترا كلها 2500 الحين ترا تروحون تشترون الايفون ب 5000 و6000 وفي ناس تشتريه ب 8000 مستخسرين على 2500 ريال ؟ والله انكم شعب غريب تدفعون حق شي وشي , الله يطول بعمر سمو الامير على هل الفكره الممتازه

انهم الغوغائيون والبشمرقى والليوجرقا

الذي حذرت عنهم من قبل ياساده

:victory:

[حمد 2002]

ياشباب ترا كلها 2500 الحين ترا تروحون تشترون الايفون ب 5000 و6000 وفي ناس تشتريه ب 8000 مستخسرين على 2500 ريال ؟ والله انكم شعب غريب تدفعون حق شي وشي , الله يطول بعمر سمو الامير على هل الفكره الممتازه

2500 لاقينها على السيف ؟

[حمد 2002]

انهم الغوغائيون والبشمرقى والليوجرقا

الذي حذرت عنهم من قبل ياساده

:victory:

من هم ؟

[حمد 2002]

كأنك يا بوزيد ما غزيت..اتوقع المشروع ما راح يأثر وايد على تكاليف الزواج،بس السؤال اللي يطرح نفسه ليش كذبوا علينا وقالوا انها مجانية !!
جان قالوا شبه مجانية أحسن

اصلا كلمه مجانيه اتاثر نفسيا على صاحب العرس .. لأنه بيدفع مبالغ وقدرها !! والناس اضن انها مجانيه !!

[حسن]

من هم ؟

شمطوط والبطاط والبحطوط وشلته

بس لا تضحك مثل امس

:)

[حمد 2002]

قلتها من قبل وارد اقولها والله لو الحكومة تحرق نفسها عشانكم مب عاجبكم شي وبعد بتذمون وبتنتقدون يالله شنو شعب متذمر

نحن نتكلم عن الواقع ومانجامل طال عمرج ..

[حمد 2002]

شمطوط والبطاط والبحطوط وشلته

بس لا تضحك مثل امس

:)

ههههههههههههههههه انت داهية يابوعلي ..


واتوقع رؤيتك حسن 2050 بدت تتضح بعض ملامحها من الآن !!

[JN000N]

لا لا سلامتج اختي غلطانه ولاتتسرعين بالرد

القاعه ايوفرون لج الطاولات المستديره الي يجلسون عليها الناس بعدد 500 شخص يعني 50 طاوله وكل طاوله عليها 10 كراسي بشكل مجاني !!

الفندق ايوفر لج هالعرض !! طبعا لا لأن الفندق يحسب لج بالعدد ورسوم الفندق الى آخره ولازم عدد معين من الاشخاص وهكذا !!


انقول عطوج الطاولات جاهزه ونتي تلبسينها !!

50 طاوله مجانبيه وانتي تلبسينها من زينه ووو ب 500 ريال ضرب 50 طاوله يساوي المجموع 25 الف والكوشه ب 8 الاف والورد ب 5 الاف ودي جي ب 3 الاف و مقهويات ب 6 الاف و توزيعات ب 5 الاف و عشى شعبي من هالحريم الي بالانستغرام مع ذبيحتين انقول المجموع 10 الاف وبخور ب 2000 ريال و امن ب 4 الاف وبطايق ب 3 الاف ريال من السعوديه و انقول المجموع ان كثر مني مناك 90 الف ريال شاااامل كل شيء !! لو بتجيبيم مصوره ممممم

ومستحيييل اتحصلين هالمبلغ بهالعدد 500 شخص في الفنادق واتحداج !!


وتخيلي يمكن اتكون التكلفه اقل بواااايد لو كان عدد معازيمكم شوي !!

سلامتك انت
الفنادق توفر طاولات وكراسي بعد وتزينهم لك لو تبي
بس احنا ما نحب تجهيزات الفنادق لان ماتكون بالمستوى المطلوب :)




عموما
الموضوع هذا جاوب على تساؤلاتي السابقه
يعطيكم العافيه
الي بيكون غير بس ان القاعه جديده

[دايموند]

احنا مانبي قاعه مجانيه ترى مثل ماقالت الاخت الاستقراطيه حتى الفنادق مايحسبون عالقاعه يحسبون ع البوفيه
لو كانت القاعه المجانيه توفر بوفيه بمبلغ رومزي اهني صج بقول العرض فعلا مغري

[ضوى]

نحن نتكلم عن الواقع ومانجامل طال عمرج ..

ايه اجامل على اساس قاعات الرفاع ملك ابوي الله يرحمه

اشكروا الله يستاهل الشكر والحمد ترا النعمة زوالة بكرة تتشفقون على ريحة قاعة مب قاعة بس

[عابر سبيل]

من قالك بسيط ؟

فكر فيها انت شوي !!

وتأمل ؟!!


بس شاطر تسابق الأمور !!

لو بتسوي عرس رجال !!

القاعه 2500 ريال

العرضه ب 13 الف ريال

لازم اتجيب كراسي لانها بدون كراسي بس فاضيه انقول نوع عادي جدا ب 10 الاف ريال


باقه ورد ورى المعرس اب 3 الالف ريال نوووع عادي !!


العشى 10 ذبايح اقل اقل شيء اب 16 الف ريال !! .

المصور اب 3 الاف ريال


البخور اب 2000

المقهوين ويه عدتهم اب 4 الاف ريال

حلويات اب 2000 ريال تقريبا !!

يعني المبلغ 55 الف ريال تقريب هههههه كأنك مسوي عرسك بخيمه !!


اردد واكرر لك لاتتسرع لاتتسرع بالرد ،


وشكرا





لا لا سلامتج اختي غلطانه ولاتتسرعين بالرد

القاعه ايوفرون لج الطاولات المستديره الي يجلسون عليها الناس بعدد 500 شخص يعني 50 طاوله وكل طاوله عليها 10 كراسي بشكل مجاني !!

الفندق ايوفر لج هالعرض !! طبعا لا لأن الفندق يحسب لج بالعدد ورسوم الفندق الى آخره ولازم عدد معين من الاشخاص وهكذا !!


انقول عطوج الطاولات جاهزه ونتي تلبسينها !!

50 طاوله مجانبيه وانتي تلبسينها من زينه ووو ب 500 ريال ضرب 50 طاوله يساوي المجموع 25 الف والكوشه ب 8 الاف والورد ب 5 الاف ودي جي ب 3 الاف و مقهويات ب 6 الاف و توزيعات ب 5 الاف و عشى شعبي من هالحريم الي بالانستغرام مع ذبيحتين انقول المجموع 10 الاف وبخور ب 2000 ريال و امن ب 4 الاف وبطايق ب 3 الاف ريال من السعوديه و انقول المجموع ان كثر مني مناك 90 الف ريال شاااامل كل شيء !! لو بتجيبيم مصوره ممممم

ومستحيييل اتحصلين هالمبلغ بهالعدد 500 شخص في الفنادق واتحداج !!


وتخيلي يمكن اتكون التكلفه اقل بواااايد لو كان عدد معازيمكم شوي !!



حمد..الله يرحم والديك..
خف على الناس شوي و خلنا نفهم...
الحين كلام متناقض في مشاركتين...
و بعدين من وين مصدر كلامك يا اخي..

انت تقول و اتول و اتقول...و لا جبت لنا ما يدعم و يسند اقوالك!

فانا اعتقد ان الافضل اما ان تاتي باخبار رسمية.
او نسكت..و ننتظر ايضاحات..او المهتم يروح يسألهم بنفسه...

فتوجيهات سمو الأمير واضحة..
مجانية لكل زواج بين قطري و قطرية..

اما التأمين و تأكيد الحجز..
فاجراءات ادارية ليس عليها غبار و تكاليفها مقدور عليها بحمد الله

[KHALiDiSH]

قلتها من قبل وارد اقولها والله لو الحكومة تحرق نفسها عشانكم مب عاجبكم شي وبعد بتذمون وبتنتقدون يالله شنو شعب متذمر

حتى لا نظلم الحكومة ممكن تعملين مقارنة واقعيه بتكاليف تجهيز القاعه المذكورة والخيم وقاعات الفنادق ( بادنى مستوى)
وقيسيها على عرس الرجال لانه المقارنة معدومة بالنسبة لعرس الحريم كما اسلفت ولا مانع اذا حبيتي تقسينها على الحريم اذا يناسبك.

[حسن]

اللي مايبي كيفه

ودليل نجاحها على نسبه الحجز العاليه

واقولهم الف مبروك ويستهالون

اما انا زاوجي ان شاء الله باسويه بدون حفله عشى حق الربع وانتهي

وكان الله غفور رحيم

والحمدلله على نعمه العقل

[KHALiDiSH]

احنا مانبي قاعه مجانيه ترى مثل ماقالت الاخت الاستقراطيه حتى الفنادق مايحسبون عالقاعه يحسبون ع البوفيه
لو كانت القاعه المجانيه توفر بوفيه بمبلغ رومزي اهني صج بقول العرض فعلا مغري

:nice:

[عابر سبيل]

اللي مايبي كيفه

ودليل نجاحها على نسبه الحجز العاليه

واقولهم الف مبروك ويستهالون

اما انا زاوجي:omg: ان شاء الله باسويه بدون حفله عشى حق الربع وانتهي

وكان الله غفور رحيم

والحمدلله على نعمه العقل

حسن..
مثل ما تبي تحديد وقت لين الساعه 11
بنطالب ان القاعات تكون للازواج محددي الاعمار ما دون ال49.5 سنه:telephone:

[KHALiDiSH]

اللي مايبي كيفه

ودليل نجاحها على نسبه الحجز العاليه

واقولهم الف مبروك ويستهالون

اما انا زاوجي ان شاء الله باسويه بدون حفله عشى حق الربع وانتهي

وكان الله غفور رحيم

والحمدلله على نعمه العقل

احسنلك...

انا سويتها بالبيت ما كلفني غير 3 ذبايح والمشروبات.

[JN000N]

حتى لا نظلم الحكومة ممكن تعملين مقارنة واقعيه بتكاليف تجهيز القاعه المذكورة والخيم وقاعات الفنادق ( بادنى مستوى)
وقيسيها على عرس الرجال لانه المقارنة معدومة بالنسبة لعرس الحريم كما اسلفت ولا مانع اذا حبيتي تقسينها على الحريم اذا يناسبك.

الشيخ بس لازم تحط ف بالك شي
لما يجي البوفيه من الفندق نفسه يكون غالي وهالشي معروف
اقل فندق يحسب لك الشخص 250
لكن لما انت تجيب البوفيه من برا من مطعم يكون ارخص من الفندق
ف بدل ما تدفع 100 الف حق 400 شخص بس تدفع اقل من هالمبلغ بوايد على نفس العدد ومعاه كم شخص مجانا
زيتده عليها بتدفع 2500 ريال وهالفلوس ما راح تروح بلاش وبيتم استخدامها اكيد ف القاعات وصيانتها وكل الي تحتاجه
اما التامين الي تدفعه حاله حال اي تامين مرده بيرجع لك

[حمد 2002]

سلامتك انت
الفنادق توفر طاولات وكراسي بعد وتزينهم لك لو تبي
بس احنا ما نحب تجهيزات الفنادق لان ماتكون بالمستوى المطلوب :)




عموما
الموضوع هذا جاوب على تساؤلاتي السابقه
يعطيكم العافيه
الي بيكون غير بس ان القاعه جديده

الفنادق توفر لج الكراسي بفلوس يعني الكرسي ب 300 ريال على سبيل المثال ولو قلنا 300 شخص ب 90 الف ريال قطري بدون تزين طولات ولا شيء


وبالقاعه ايوفرون لج الكراسي والطاولات المستديره مجاننا لعدد 500 شخص وانتي عليج اتزينينهم !!


هنا الفرق طال عمرج ،،

[حمد 2002]

احنا مانبي قاعه مجانيه ترى مثل ماقالت الاخت الاستقراطيه حتى الفنادق مايحسبون عالقاعه يحسبون ع البوفيه
لو كانت القاعه المجانيه توفر بوفيه بمبلغ رومزي اهني صج بقول العرض فعلا مغري

فيه طريقه تتفقين مع ناس يطبخون بوفيه شعبي هريس مضروبه 3 ذبايح واتجيبين صحون من رامز وقفاش وشوك !! هنا بيطلع ارخص !! ،

[KHALiDiSH]

الشيخ بس لازم تحط ف بالك شي
لما يجي البوفيه من الفندق نفسه يكون غالي وهالشي معروف
اقل فندق يحسب لك الشخص 250
لكن لما انت تجيب البوفيه من برا من مطعم يكون ارخص من الفندق
ف بدل ما تدفع 100 الف حق 400 شخص بس تدفع اقل من هالمبلغ بوايد على نفس العدد ومعاه كم شخص مجانا
زيتده عليها بتدفع 2500 ريال وهالفلوس ما راح تروح بلاش وبيتم استخدامها اكيد ف القاعات وصيانتها وكل الي تحتاجه
اما التامين الي تدفعه حاله حال اي تامين مرده بيرجع لك

البوفيه يعتمد على قائمة الاكل الي تختارينها.
والمشكلة خاصة الحريم ما يكاسرون مع الفندق يعتقدون الاسعار ثابته.
اذا بتحسبين الاكل فقط في فنادق قاعتها جداً ممتازة والبوفيه 180 ريال ولا تقتدر تكاسر وتوصل 150 وفيه جميع الاصناف والقاعه ببلاش

[حمد 2002]

ايه اجامل على اساس قاعات الرفاع ملك ابوي الله يرحمه

اشكروا الله يستاهل الشكر والحمد ترا النعمة زوالة بكرة تتشفقون على ريحة قاعة مب قاعة بس

الله يرحمه ويجعل مثواه الجنه يااااااااااارب ،،


اختي ضوى انا اشكر ربي بكل وقت وعلى كل حال ، بس لازم الواحد ايقول بالي ايعرفه والي جافه وسمعاه ، وبالمناسبه

انا رحت للقاعه بنفسي وجفتها وسويت دراسه عنها ،،

يعني مب جايب كلام من مخي !!

[JN000N]

الفنادق توفر لج الكراسي بفلوس يعني الكرسي ب 300 ريال على سبيل المثال ولو قلنا 300 شخص ب 90 الف ريال قطري بدون تزين طولات ولا شيء


وبالقاعه ايوفرون لج الكراسي والطاولات المستديره مجاننا لعدد 500 شخص وانتي عليج اتزينينهم !!


هنا الفرق طال عمرج ،،

يبه حمد
الفندق لو تحجز القاعه من عنده يقولك تبي مع الطاولات والكراسي؟ نوفر لك احنا الطاولات والكفر الخ الخ اعرف ناس ف اعراسهم موفرين لاخر درجه الطاولات والكفر والماي والفاين والورد وكل شي من الفندق
على حسب كم طاوله تبي؟ 50 طاوله! خلاص يحطون لك الفندق الطاولات وكل شي
ماتبي من عندهم تروح تحجز من اي محل تجهيز افراح اي طاوله ع اشكال غير وتدفع لهم
اذا ما كفو الكراسي حق المعازيم تطلب من الفندق كراسي زياده حق الناس الواقفه وعقب يدفعك فلوس على الكراسي الي بيجيبهم لك

ارى بالضبط مثل لما تطلب بوفيه من مطعم حق 100 شخص ويقولك تبي كراسي وطاولات او لا! انت بتاخذ القاعه ببوفيها بس مب ماحذ طاولاتهم

[حسن]

حسن..
مثل ما تبي تحديد وقت لين الساعه 11
بنطالب ان القاعات تكون للازواج محددي الاعمار ما دون ال49.5 سنه:telephone:

ياخطير انت

هاهاها

بالنسبه لي من صوبهم ولا ني باضيق عليهم واما مجرد رقم سقط من قائمه الحجووزات

نحب
البساطه اللي اؤمرنا عليها
وبعدين يقول بوعبدو

ماعاد بدري سرقت سنين العمر كيف لحظات

:)

[JN000N]

البوفيه يعتمد على قائمة الاكل الي تختارينها.
والمشكلة خاصة الحريم ما يكاسرون مع الفندق يعتقدون الاسعار ثابته.
اذا بتحسبين الاكل فقط في فنادق قاعتها جداً ممتازة والبوفيه 180 ريال ولا تقتدر تكاسر وتوصل 150 وفيه جميع الاصناف والقاعه ببلاش

على حسب البوفيه فاهمه
وانت لو تشوف الفرق بين المينو الي ب170 وب250
بتعرف ان الثاني هو الي ناكله اما الاول مقبلاته معظمها سيفود والاكل مافيه تنوع ومحدود

[حسن]

احسنلك...

انا سويتها بالبيت ما كلفني غير 3 ذبايح والمشروبات.

كفو عليك

والف مبروك والفال حق بقيه الرجال يحذون حذوك

[حمد 2002]

حمد..الله يرحم والديك..
خف على الناس شوي و خلنا نفهم...
الحين كلام متناقض في مشاركتين...
و بعدين من وين مصدر كلامك يا اخي..

انت تقول و اتول و اتقول...و لا جبت لنا ما يدعم و يسند اقوالك!

فانا اعتقد ان الافضل اما ان تاتي باخبار رسمية.
او نسكت..و ننتظر ايضاحات..او المهتم يروح يسألهم بنفسه...

فتوجيهات سمو الأمير واضحة..
مجانية لكل زواج بين قطري و قطرية..

اما التأمين و تأكيد الحجز..
فاجراءات ادارية ليس عليها غبار و تكاليفها مقدور عليها بحمد الله


ووالديك الجنه طال عمرك ..

انا رحت للقاعه بنفسي وسالت الرسبشن عنها .

الرسوم 5 الاف ريال ، و 2500 ايرجعونها لك بعد الحفل ،

بالنسبه لعرس الرجال يعطونك القاعه فاضيه بس ايوفرون لك الطاولات مالت الاكل والكراسي مالت الاكل لو تبي اتحط الذابيح فوق طاولات !! ، وانت لازم اتجيب الكراسي مالت المجلس ممم والمصور والورد و العرضه و الذابيح والمقهوين وهنا التكلفه بالظبط !! ، يعني كأنك حاجز بقاعه نادي كنادي قطر او الغرافه او الريان وغيرهم من الانديه ، يعني نفس السستم والنظام !! .


اما بالنسبه للحريم هم يوفرون لك الطاولات المستديره مالت الي يجلسون عليها الحريم والكراسي وايكون عليها شرشف وغطاء او كفر ابيض !! وانت عليك اتزينها او اتغير لباسها او اتجيب طاولات من برع واتجيب انت الكوشه والمصور والدي جي او الطقاقه وعاملات الجاي وكل شيء !!

[حسن]

حمد شعندك مشتط

لا تقارن عرس الرجال بالنسوان مافي وجهه مقارنه
وخصوصا عندنا

مايعجبهم العجب مهب كلهم 99%بس

يبا هني غير

[حمد 2002]

اللي مايبي كيفه

ودليل نجاحها على نسبه الحجز العاليه

واقولهم الف مبروك ويستهالون

اما انا زاوجي ان شاء الله باسويه بدون حفله عشى حق الربع وانتهي

وكان الله غفور رحيم

والحمدلله على نعمه العقل

اتحداك اتسويها وحتى لو سويتها وتزوجت انت عمرك فوق الخمسين والي اعمارهم كذا ويتزوجون مره ثانيه ايسون عشاء فقط لانهم يستحون يطلعون امام الناس لانهم شياب وكبار بالسن ، وحتى لو صبغوا شنباتهم ب صبغ اسود وسوو تجميل يخفي تجاعيد وجههم بعد يستحون من ناحيه نفسيه ،

وبعدين طال عمرك ماتقدر اتقارن شاب عمره تحت 30 بشايب عمره فوق ال 50 !!


وشكرا استاذ بوعلي ،،

[همر]

استفدت من الموضوع






















ان حمد بيتزوج :)

[حسن]

اتحداك اتسويها وحتى لو سويتها وتزوجت انت عمرك فوق الخمسين والي اعمارهم كذا ويتزوجون مره ثانيه ايسون عشاء فقط لانهم يستحون يطلعون امام الناس لانهم شياب وكبار بالسن ، وحتى لو صبغوا شنباتهم ب صبغ اسود وسوو تجميل يخفي تجاعيد وجههم بعد يستحون من ناحيه نفسيه ،

وبعدين طال عمرك ماتقدر اتقارن شاب عمره تحت 30 بشايب عمره فوق ال 50 !!


وشكرا استاذ بوعلي ،،

هههههههههههههههههههههه
ههههههههههههههههههههه
هههههههههههههههههه

:victory:

[Riku3]

في ناس عندهم حساسية من النقد .. كل شي فيه نقص او يمكن تحسينه من حق اي شخص ينتقد كل ماهو سلبي .. ويقترح امور لتطويره ..

متبعين سياسة تكميم الافواه !! .. كل ما كتبنا نقد او شي ما يعجبهم .. كتبولنا ما يعجبكم شي >_< ..

.........

القاعات بشكل عام سعرها رمزي حتى في الفنادق وهناك قاعات مميزة اسعارها بين 5000 الى 10000 ريال وحتى الي توصل لاضعاف هالمبلغ .. لو تعرف شخص تقدر تنزلها وتكاسر معاهم .. ولما تاخذ الاكل من عندهم تلقائياً يعرضون معاها الطاولات والكراسي مجاناً .. بس اسعار الاكل عندهم مبالغ فيها جداً .. فيسحبونك بسعر القاعه وثم يضربونك بالوجبات ..

المشكلة في باقي الاشياء الي ترفع السعر من زينة طاولات وورود وكوشه وضاربات مزامير الشيطان :secret: .. وغيره ..

وصعب تفرض اكل من مكان معين على الناس لان اي شي مجاني او مدعوم تخاف ان يتم اهماله ومع الوقت يصير مستوى الطبخ سيء ..

اقترح ان يتم دعم القاعات بعمل كتلوج كوش واضاءه مجانية للقاعات وهذا بيخفف على المتزوجين اكثر من القاعه نفسها ... ولو كان الكاتلوج من 100 كوشه مميزة مثلاً فهذا بيمنع التكرار وبيحبب الناس على استخدام الكوش المدعومه ..

.........

امنيتي ان يتم ابعاد الجنسيات العربية المعروفه بالاحتيال والسرقة عن هذا المكان لانهم بيحولونه لبزنس خاص وكل واحد بيفتحله مشروع لتنظيم الاحتفالات من تحت الطاوله .

[حسن]

في ناس عندهم حساسية من النقد .. كل شي فيه نقص او يمكن تحسينه من حق اي شخص ينتقد كل ماهو سلبي .. ويقترح امور لتطويره ..

متبعين سياسة تكميم الافواه !! .. كل ما كتبنا نقد او شي ما يعجبهم .. كتبولنا ما يعجبكم شي >_< ..

.........

القاعات بشكل عام سعرها رمزي حتى في الفنادق وهناك قاعات مميزة اسعارها بين 5000 الى 10000 ريال وحتى الي توصل لاضعاف هالمبلغ .. لو تعرف شخص تقدر تنزلها وتكاسر معاهم .. ولما تاخذ الاكل من عندهم تلقائياً يعرضون معاها الطاولات والكراسي مجاناً .. بس اسعار الاكل عندهم مبالغ فيها جداً .. فيسحبونك بسعر القاعه وثم يضربونك بالوجبات ..

المشكلة في باقي الاشياء الي ترفع السعر من زينة طاولات وورود وكوشه وضاربات مزامير الشيطان :secret: .. وغيره ..

وصعب تفرض اكل من مكان معين على الناس لان اي شي مجاني او مدعوم تخاف ان يتم اهماله ومع الوقت يصير مستوى الطبخ سيء ..

اقترح ان يتم دعم القاعات بعمل كتلوج كوش واضاءه مجانية للقاعات وهذا بيخفف على المتزوجين اكثر من القاعه نفسها ... ولو كان الكاتلوج من 100 كوشه مميزة مثلاً فهذا بيمنع التكرار وبيحبب الناس على استخدام الكوش المدعومه ..

.........

امنيتي ان يتم ابعاد الجنسيات العربية المعروفه بالاحتيال والسرقة عن هذا المكان لانهم بيحولونه لبزنس خاص وكل واحد بيفتحله مشروع لتنظيم الاحتفالات من تحت الطاوله .

انت على من تتكلم

شنهو كوشه ومزامير شيطان تقولها على استحياء

:secret:

قولها بالفم المليان مثلي واربط الحصان مثل مايطلب صاحبه

بس حلو مازمير الشيطان

ذكرتني بموضوع شارع عرص

اختفى مادري وين راح

:(

[راجي الْعفو]

الله يرحمه ويجعل مثواه الجنه يااااااااااارب ،،


اختي ضوى انا اشكر ربي بكل وقت وعلى كل حال ، بس لازم الواحد ايقول بالي ايعرفه والي جافه وسمعاه ، وبالمناسبه

انا رحت للقاعه بنفسي وجفتها وسويت دراسه عنها ،،

يعني مب جايب كلام من مخي !!

صار لي ساعه و انا ادور هالرد لين لقيته ! ..

اشكرك عالتوثيق يا محقق كونان ..

[حمد 2002]

يبه حمد
الفندق لو تحجز القاعه من عنده يقولك تبي مع الطاولات والكراسي؟ نوفر لك احنا الطاولات والكفر الخ الخ اعرف ناس ف اعراسهم موفرين لاخر درجه الطاولات والكفر والماي والفاين والورد وكل شي من الفندق
على حسب كم طاوله تبي؟ 50 طاوله! خلاص يحطون لك الفندق الطاولات وكل شي
ماتبي من عندهم تروح تحجز من اي محل تجهيز افراح اي طاوله ع اشكال غير وتدفع لهم
اذا ما كفو الكراسي حق المعازيم تطلب من الفندق كراسي زياده حق الناس الواقفه وعقب يدفعك فلوس على الكراسي الي بيجيبهم لك

ارى بالضبط مثل لما تطلب بوفيه من مطعم حق 100 شخص ويقولك تبي كراسي وطاولات او لا! انت بتاخذ القاعه ببوفيها بس مب ماحذ طاولاتهم

اختي جنون ،، الفنادق ايزينون لج الطاولات بفلوس طبعا ومستحيل مجاننا !! ، بس ايوفرون لج الكراسي والطاولات على حسب عدد معازيمج مثلا قاعه الريتز انقول لو سعر الشخص الواحد 340 وانتي تبين 300 شخص تعزمينهم بيوفرون لج 30 طاوله بدون تزين مع كراسيها بدون تزين فقط شرشف ابيض بسعر 102000 ، بينما قاعه الرفاع بيوفرون لج الكراسي والطاولات لعدد 500 شخص بشكل مجاني مع شرشف ابيض وانتي لج القرار اتخلين الشرشف او الغطاء او اتغيرينه واتضفين على الطاوله الكماليات كالموالح والمكسرات والورود ودله قهوه وجاي و توزيعات على حسب اختياراتكم !!


ان شاء الله وصل قصدي اختي جنون ..

[R 7 A L]

صار لي ساعه و انا ادور هالرد لين لقيته ! ..

اشكرك عالتوثيق يا محقق كونان ..

نبي دليل موثق بالصور انه راح بعدين اشكره

[حمد 2002]

حمد شعندك مشتط

لا تقارن عرس الرجال بالنسوان مافي وجهه مقارنه
وخصوصا عندنا

مايعجبهم العجب مهب كلهم 99%بس

يبا هني غير

اتروح وترجع على الحريم !!


الله يهديك بس ،،

[حمد 2002]

استفدت من الموضوع






















ان حمد بيتزوج :)




لا

مجرد اسخر وقتي الثمين لكشف الحقائق وصبها للجمهور صب ،،


امس جفت بوحارب بالاند :secret:

[حمد 2002]

صار لي ساعه و انا ادور هالرد لين لقيته ! ..

اشكرك عالتوثيق يا محقق كونان ..

هههههههه وين مختفي انت

[حمد 2002]

نبي دليل موثق بالصور انه راح بعدين اشكره

ايصير احط ارقام الرسبشن هناك وانتوا اتكلمونهم لكي تتاكدون !!

[R 7 A L]

ايصير احط ارقام الرسبشن هناك وانتوا اتكلمونهم لكي تتاكدون !!


يصير ليش لا

بس نبك تشرح لنا كيف شكل القاعات وهل قاعات الحريم محاذية لقاعات الرجال

[حسن]

يصير ليش لا

بس نبك تشرح لنا كيف شكل القاعات وهل قاعات الحريم محاذية لقاعات الرجال

لاتحرج الرجال يارحال

انت تشوف كانه هو صاحب الموضوع ويفصل القاعات وخصوصا النسوان
والله لو انا مره ماعرفت كثره

[حمد 2002]

ابي أخذ القري لاين من الإدارة اني أحط الرقم ول لا ..

[حمد 2002]

بوعلي بشتكي عليك ههههههههههههه

[JN000N]

اختي جنون ،، الفنادق ايزينون لج الطاولات بفلوس طبعا ومستحيل مجاننا !! ، بس ايوفرون لج الكراسي والطاولات على حسب عدد معازيمج مثلا قاعه الريتز انقول لو سعر الشخص الواحد 340 وانتي تبين 300 شخص تعزمينهم بيوفرون لج 30 طاوله بدون تزين مع كراسيها بدون تزين فقط شرشف ابيض بسعر 102000 ، بينما قاعه الرفاع بيوفرون لج الكراسي والطاولات لعدد 500 شخص بشكل مجاني مع شرشف ابيض وانتي لج القرار اتخلين الشرشف او الغطاء او اتغيرينه واتضفين على الطاوله الكماليات كالموالح والمكسرات والورود ودله قهوه وجاي و توزيعات على حسب اختياراتكم !!


ان شاء الله وصل قصدي اختي جنون ..

عاد انا مابغيت اتعايا الا معاك
انا من واقع تجاربي مب تجربه حطيت هالكلام
كذا فندق غير عرس ناس اعرفهم ف الدانه
ومثل الكلام الي قلته انا بالضبط

[eXpert*]

المهم في الموضوع أن العرض صار يوافق الطلب و أنتهى عصر أحتكار الصالات وهذا بيشعل المنافسة و بيسمح لدخول العديد من مجهزي الأفراح مما يساهم في خفض الأسعار التنافسية ..

أهم مافي الموضوع ان راحت ايام الذل و انتظار الدور و شراء حجز القاعات :)

بالتوفيق إن شاء الله و ألف مبروك لسعيد و سعيدة ..

[الحياة الخالدة]

ابي أخذ القري لاين من الإدارة اني أحط الرقم ول لا ..

القرين لايت قصدك ؟؟

لا لا خلك على الرد لاين
بس تعجبني مواضيعك المبنية على الدراسات الوافية

[حسن]

القرين لايت قصدك ؟؟

لا لا خلك على الرد لاين
بس تعجبني مواضيعك المبنية على الدراسات الوافية

اسكتي انا انصدمت

:secret:

[دايموند]

فيه طريقه تتفقين مع ناس يطبخون بوفيه شعبي هريس مضروبه 3 ذبايح واتجيبين صحون من رامز وقفاش وشوك !! هنا بيطلع ارخص !! ،

ونشتري الفستان من خميس وجمعه
والاكسسورات من سوق الحراج !!
ممتااز

[ضوى]

ونشتري الفستان من خميس وجمعه
والاكسسورات من سوق الحراج !!
ممتااز

هههههه استغفر الله العظيم ، قلنا توفير عاد مب نستليم ونستهين بالناس اللي مقدرتنا وموجبتنا

[المحاميه]

حمد
الحين ماعرفت ارد عليك مره تقول لي لاتتسرع ومره تقول للاخت لاتتسرعين مع ان ردها مخالف لردي
ياخي ارس على رأي وبنجاوبك
ماعرفت هي غالية ولا قاعات الفنادق هي الغالية

ايه والله نفس ملاحظتي


وحمد شدراه بسوالف الاعراس؟


شسالفه ليكون انت صاحب محل تجهيزات؟

اعترف بسرعه

[المحاميه]

والله المحلات اللي اتجهز حق العروس كثيره

واللي يبي الزين والرخيص موجود واللي يبي الاسم والمفوشر بعد موجود


كلن وقناعته


بس عاد الحريم الصراحه خذ وخل

كل وحده لازم تفوشر وتسوي المستحيل وتدفع الملايين عشان تحر فلانه وعلانه




يعني مهما قدمتلكم الدوله بعد مب عاجبكم وتذمون


هل قامت اي دوله من الدول المجاوره بهالخطوه؟

ومعترضين على شنو انتو .. على مبلغ التأمين؟ من حقهم ترا واكيد لازم رسوم رمزيه شتبون عيل


وكفايه ان القاعه يديده وحلوه ومساحتها زينه


واللي مب عاجبه عنده قاعات الفنادق خله يطب ويتخير

[المحاميه]

لاتحرج الرجال يارحال

انت تشوف كانه هو صاحب الموضوع ويفصل القاعات وخصوصا النسوان
والله لو انا مره ماعرفت كثره


ايه والله


انا شاكه ان حمد .....

[قطر love]

حمد انت مع احترامي لك

بس انت تنتقد لمجرد انك تحب تتكلم وبس مافي اي هدف في انتقاداتك مادري ليش في كل رد تناقض الرد الي قبله

خل الناس تستفيد واذا انت تحب تتكلم وايد اختصر وعط غيرك مجال مب تزاحم الناس

هذي نقطه

ثاني نقطه من قالك انه ريجنسي ياخذون 2500 هم ياخذون تامين 3000 وسعر القاعه الفاضيه بدون اي شي 30 الف ويسوي لك خصم على خمس يطيحهم لك

انا سويت دراسه بالارقام والمحلات الي يبي يتاكد وهذي نتيجه الدراسه ل 200 شخص

محلات تجهيز الافراح

كراسي الضيافه التركيه للمعرس والضيوف 20 كرسي الكرسي ب 150 اجمالي 3000 ريال

الكنبات للمعازيم الكنبه الوحده 20 ريال تطلب 180 كنبه اجمالي 3600

اذا حبيت تحط زل تركي الزل الواحد 8 ريال ينزل ل 5

نجي للعشا الي مسوين عليه فوضى اتصلت في اكثر المطاعم الي عليها طلب

البيت الشامي ل 200 شخص ب 80 ريال يطلع 16,000 وهم يعطونك 30 شخص مجانا والطاولات والكراسي عليهم

شبستان بوفيه + بحري ل 200 شخص الشخص ب 138 ريال يطلع 27,000 الف مع الطاولات والكراسي هذا يعتبر بوفيه راهي عندهم

ملك الكباب ل 200 شخص الشخص ب 80 يطلع ب 16,000 ريال والطاولات عليهم

الذبيحه ب 2000 والحوار الصغير ب 3500

المقهوي الشخص ب 200 بكامل عدتهم

لو نفترض حد حب يسوي هذا كله

الكراسي والكنبات
والعشا
والمقوين
والذبايح
والحوار الصغير
ودفع رسوم قاعه الدوله

16,000+3000+3600+10,000+2500+1000+3500=39,600

الاجمالي من هذا كله وحسب الارقام الي فوق

عشا ل 200 شخص
كنبات تركيه vip لعشرين شخص
كنبات ضيوف ل 180 شخص
5 ذبابح
حوار واحد
خمس مقوين
رسوم القاعه ( قاعه الدوله )

يطلع الاجمالي بدون مكاسر مع ولا محل يطلع 39,600 ريال

يعني فكر فيها يالذيب وفر فلوسك وفلها في شهر العسل

[R 7 A L]

اشكرك على المجهود الجبار

[MirusS]

موضـوع بيفيدني جدا قبل زواجي :ok2:

[بوحارب]

وين اللي كانت تقول محد بيحجز لانها ببلاش

الله يوفق كل ضيب حجز في القاعة هذي

وعقبالي انااااا :(

[حمد 2002]

حمد انت مع احترامي لك

بس انت تنتقد لمجرد انك تحب تتكلم وبس مافي اي هدف في انتقاداتك مادري ليش في كل رد تناقض الرد الي قبله

خل الناس تستفيد واذا انت تحب تتكلم وايد اختصر وعط غيرك مجال مب تزاحم الناس

هذي نقطه

ثاني نقطه من قالك انه ريجنسي ياخذون 2500 هم ياخذون تامين 3000 وسعر القاعه الفاضيه بدون اي شي 30 الف ويسوي لك خصم على خمس يطيحهم لك

انا سويت دراسه بالارقام والمحلات الي يبي يتاكد وهذي نتيجه الدراسه ل 200 شخص

محلات تجهيز الافراح

كراسي الضيافه التركيه للمعرس والضيوف 20 كرسي الكرسي ب 150 اجمالي 3000 ريال

الكنبات للمعازيم الكنبه الوحده 20 ريال تطلب 180 كنبه اجمالي 3600

اذا حبيت تحط زل تركي الزل الواحد 8 ريال ينزل ل 5

نجي للعشا الي مسوين عليه فوضى اتصلت في اكثر المطاعم الي عليها طلب

البيت الشامي ل 200 شخص ب 80 ريال يطلع 16,000 وهم يعطونك 30 شخص مجانا والطاولات والكراسي عليهم

شبستان بوفيه + بحري ل 200 شخص الشخص ب 138 ريال يطلع 27,000 الف مع الطاولات والكراسي هذا يعتبر بوفيه راهي عندهم

ملك الكباب ل 200 شخص الشخص ب 80 يطلع ب 16,000 ريال والطاولات عليهم

الذبيحه ب 2000 والحوار الصغير ب 3500

المقهوي الشخص ب 200 بكامل عدتهم

لو نفترض حد حب يسوي هذا كله

الكراسي والكنبات
والعشا
والمقوين
والذبايح
والحوار الصغير
ودفع رسوم قاعه الدوله

16,000+3000+3600+10,000+2500+1000+3500=39,600

الاجمالي من هذا كله وحسب الارقام الي فوق

عشا ل 200 شخص
كنبات تركيه vip لعشرين شخص
كنبات ضيوف ل 180 شخص
5 ذبابح
حوار واحد
خمس مقوين
رسوم القاعه ( قاعه الدوله )

يطلع الاجمالي بدون مكاسر مع ولا محل يطلع 39,600 ريال

يعني فكر فيها يالذيب وفر فلوسك وفلها في شهر العسل

نسيت طال عمرك العرضه ب 12 الف انقول و المصور واللفته مالت اسم المعرس !!


نفس ذا السعر تقدر اتعرس بخيمه !!

،


وبعدين انا ماجبت طاري قاعه ريجنسي ولا شيء !!!


انا جبت طاري الانديه وقعاتهم كنادي قطر والغرافه وغيرهم ، لانه نظام هالقاعه نفس نظام قاعات الانديه !!

[حمد 2002]

عاد انا مابغيت اتعايا الا معاك
انا من واقع تجاربي مب تجربه حطيت هالكلام
كذا فندق غير عرس ناس اعرفهم ف الدانه
ومثل الكلام الي قلته انا بالضبط

حتى انا كلامي عن خبره طووويله طال عمرج ،،

[حمد 2002]

القرين لايت قصدك ؟؟

لا لا خلك على الرد لاين
بس تعجبني مواضيعك المبنية على الدراسات الوافية

حاضرين طال عمرج ،،

[ضوى]

حتى انا كلامي عن خبره طووويله طال عمرج ،،

خبرة طويلة وانت توك ببدايت العشرينات ؟؟ ومب معرس ؟ عيل انا الديناصورة خبرتي شنو تكون :tease:

[حمد 2002]

ونشتري الفستان من خميس وجمعه
والاكسسورات من سوق الحراج !!
ممتااز

لا مب لين هالدرجه طال عمرج ،،

فيه محل اسمه لمسات اسعاره زينه بالغرافه روحيه جوفيه ، ايزين الطاوله ابحدود 500 تقريبا ويمكن اقل ، وفي كذا محل في بن عمران !!

انتي وميزانيتج وخبرتج بالمكاسر والخصم !! ..

شكرا ..

[حمد 2002]

اسكتي انا انصدمت

:secret:

لاتعليق ..

[يوسف0]

حمد انت مع احترامي لك

بس انت تنتقد لمجرد انك تحب تتكلم وبس مافي اي هدف في انتقاداتك مادري ليش في كل رد تناقض الرد الي قبله

خل الناس تستفيد واذا انت تحب تتكلم وايد اختصر وعط غيرك مجال مب تزاحم الناس

هذي نقطه

ثاني نقطه من قالك انه ريجنسي ياخذون 2500 هم ياخذون تامين 3000 وسعر القاعه الفاضيه بدون اي شي 30 الف ويسوي لك خصم على خمس يطيحهم لك

انا سويت دراسه بالارقام والمحلات الي يبي يتاكد وهذي نتيجه الدراسه ل 200 شخص

محلات تجهيز الافراح

كراسي الضيافه التركيه للمعرس والضيوف 20 كرسي الكرسي ب 150 اجمالي 3000 ريال

الكنبات للمعازيم الكنبه الوحده 20 ريال تطلب 180 كنبه اجمالي 3600

اذا حبيت تحط زل تركي الزل الواحد 8 ريال ينزل ل 5

نجي للعشا الي مسوين عليه فوضى اتصلت في اكثر المطاعم الي عليها طلب

البيت الشامي ل 200 شخص ب 80 ريال يطلع 16,000 وهم يعطونك 30 شخص مجانا والطاولات والكراسي عليهم

شبستان بوفيه + بحري ل 200 شخص الشخص ب 138 ريال يطلع 27,000 الف مع الطاولات والكراسي هذا يعتبر بوفيه راهي عندهم

ملك الكباب ل 200 شخص الشخص ب 80 يطلع ب 16,000 ريال والطاولات عليهم

الذبيحه ب 2000 والحوار الصغير ب 3500

المقهوي الشخص ب 200 بكامل عدتهم

لو نفترض حد حب يسوي هذا كله

الكراسي والكنبات
والعشا
والمقوين
والذبايح
والحوار الصغير
ودفع رسوم قاعه الدوله

16,000+3000+3600+10,000+2500+1000+3500=39,600

الاجمالي من هذا كله وحسب الارقام الي فوق

عشا ل 200 شخص
كنبات تركيه vip لعشرين شخص
كنبات ضيوف ل 180 شخص
5 ذبابح
حوار واحد
خمس مقوين
رسوم القاعه ( قاعه الدوله )

يطلع الاجمالي بدون مكاسر مع ولا محل يطلع 39,600 ريال

يعني فكر فيها يالذيب وفر فلوسك وفلها في شهر العسل

يعطيك العافية على المشاركه المفيده

[قطر love]

نسيت طال عمرك العرضه ب 12 الف انقول و المصور واللفته مالت اسم المعرس !!


نفس ذا السعر تقدر اتعرس بخيمه !!

،


وبعدين انا ماجبت طاري قاعه ريجنسي ولا شيء !!!


انا جبت طاري الانديه وقعاتهم كنادي قطر والغرافه وغيرهم ، لانه نظام هالقاعه نفس نظام قاعات الانديه !!


العرضه في فرق تبدا من 5000-8000 بين السعر ذي وماعتقد انه حد بيحط لافته بيقول حياكم بالقاعه لانه هذي قاعه فندق مب خيمه دعوه ولا مسج يكفون

وثاني شي لا تناقض نفسك راجع ردودك وشوف جبت طاري ريجنسي ولا لا توك من شوي بتحط رقمهم لي متى ملينا يا حمد لف ودوران هههههه

[حمد 2002]

ايه والله نفس ملاحظتي


وحمد شدراه بسوالف الاعراس؟


شسالفه ليكون انت صاحب محل تجهيزات؟

اعترف بسرعه

لا

بس انا رايح ومتصل بكل محلات الدوحه من شمالها لين جنوبها !! وبكل القاعات بعد من قاعات المجمعات الى الانديه الى الفنادق !!

[قطر love]

حتى انا كلامي عن خبره طووويله طال عمرج ،،

يا خطابه ولا عندك محل تجهيز افراح

[الزعفراني]

حاضرين طال عمرج ،،

هههههههههههههههههههههههههههههههههه ياخي هالانسان يذكرني بمشاغباتي قبل في التسعينات

[حمد 2002]

العرضه في فرق تبدا من 5000-8000 بين السعر ذي وماعتقد انه حد بيحط لافته بيقول حياكم بالقاعه لانه هذي قاعه فندق مب خيمه دعوه ولا مسج يكفون

وثاني شي لا تناقض نفسك راجع ردودك وشوف جبت طاري ريجنسي ولا لا توك من شوي بتحط رقمهم لي متى ملينا يا حمد لف ودوران هههههه

العرضات الي ب 5000 الاف شغل اي كلام !! مع احترامي لاصحابها !!

العرضات الجيده فوق ال 12 الف !!


وبعدين انا قلت بحط رقم قاعه الرفاع مب ريجنسي !!

فلنرتقي قليلا !!

[JN000N]

حتى انا كلامي عن خبره طووويله طال عمرج ،،

اي ما شاء الله
من كثر ما عرست والا من كبر سنك والا من كثر حفلاتك

[حمد 2002]

خبرة طويلة وانت توك ببدايت العشرينات ؟؟ ومب معرس ؟ عيل انا الديناصورة خبرتي شنو تكون :tease:

هههههههههههههههههههه

الخبره عمرها مارتبطت بعمر معين !! ..


مثلا انتي الحين اقول مثلا يعني مب صج مممم اشتغلتي فوق ال 15 سنه بس يمكن خبرتج تعادل سنتين لانج ماتشتغلين عدل وكله سوالف وشرب جاي وقهوه وشخص اخر اشتغل سنتين بس كانه مشتغل فوق ال 30 سنه لانه يشتغل بذمه وضمير ويحلل راتبه !!

يعني الخبره عمرها ماتربطت بعمر معين !!



انا قلت مثلا يعني مب صج بس حاولت اقرب الفكره وشكرا اختي الكبيره ضوى ،،

[MirusS]

هههههههههههههههههههه

الخبره عمرها مارتبطت بعمر معين !! ..


مثلا انتي الحين اقول مثلا يعني مب صج مممم اشتغلتي فوق ال 15 سنه بس يمكن خبرتج تعادل سنتين لانج ماتشتغلين عدل وكله سوالف وشرب جاي وقهوه وشخص اخر اشتغل سنتين بس كانه مشتغل فوق ال 30 سنه لانه يشتغل بذمه وضمير ويحلل راتبه !!

يعني الخبره عمرها ماتربطت بعمر معين !!



انا قلت مثلا يعني مب صج بس حاولت اقرب الفكره وشكرا اختي الكبيره ضوى ،،

بلش هههههه

[Super Cool]

المشكلة تدرون وين؟؟؟

حمد مشتط و يولول و هو بعدة ما تزوج ههههههههههه

يبا نتكلم من واقع تجارب...بيتنا في 10 متزوجين و انا واحد منها
و كنت طرف في تجهيز نصهم و في كثير من الأماكن و على مختلف
الترتيبات و اسمحلي اقول لك

كلامك غلط x غلط

[حمد 2002]

اي ما شاء الله
من كثر ما عرست والا من كبر سنك والا من كثر حفلاتك

ليس بالضروره انني عرست او عندي حفلات او ووو اني اكتسب الخبره !!

مصطلح (( الخبره )) هناك طريق كثيره لاكتسابها وليس بالضروره ان يكون بالتجربه !! .

الخبره مصطلح عميق ومتشعب ويحتاج الى شرح كبير وموضوع مستقل لكي ابين تعريفه وانواعها وطريقه اكتسابها ..


شكرا ..

[حمد 2002]

المشكلة تدرون وين؟؟؟

حمد مشتط و يولول و هو بعدة ما تزوج ههههههههههه

يبا نتكلم من واقع تجارب...بيتنا في 10 متزوجين و انا واحد منها
و كنت طرف في تجهيز نصهم و في كثير من الأماكن و على مختلف
الترتيبات و اسمحلي اقول لك

كلامك غلط x غلط

وين الغلط ؟

ابي استفيد منك طال عمرك ؟

[ضوى]

هههههههههههههههههههه

الخبره عمرها مارتبطت بعمر معين !! ..


مثلا انتي الحين اقول مثلا يعني مب صج مممم اشتغلتي فوق ال 15 سنه بس يمكن خبرتج تعادل سنتين لانج ماتشتغلين عدل وكله سوالف وشرب جاي وقهوه وشخص اخر اشتغل سنتين بس كانه مشتغل فوق ال 30 سنه لانه يشتغل بذمه وضمير ويحلل راتبه !!

يعني الخبره عمرها ماتربطت بعمر معين !!



انا قلت مثلا يعني مب صج بس حاولت اقرب الفكره وشكرا اختي الكبيره ضوى ،،

أهنت خبرتي الفنية والادارية 23 سنة يا حمد :)

مب مقياس صح بس انت مادخلت في تجهيزات وخرابيط واللي يسال غير عن اللي فعلا دخل في هذا المعمعة

[حمد 2002]

أهنت خبرتي الفنية والادارية 23 سنة يا حمد :)

مب مقياس صح بس انت مادخلت في تجهيزات وخرابيط واللي يسال غير عن اللي فعلا دخل في هذا المعمعة

التجهيزات والمعمعه اعرف تفاصيلها بشكل دقيق والاسعار والمحلات طال عمرج ..

[Super Cool]

وين الغلط ؟

ابي استفيد منك طال عمرك ؟

أولا عزيزي الخبرة ترتبط بالتجربة اذا انت ما عندك محل تجهيز أو تشتغل فالتجهيز أو ما تزوجت
إذا اسمحلي اقول لك و بصراحة و بدون تجريح خبرتك رسمياً في "سوق العمل" يسمونها حبر على
ورق إذا ما كانت مسجات واتساب بعد....بس نحسن الظن....و قيمتها الفنية صفر عند كل الناس

ثانياً مقارناتك و أرقامك غزلها مخك و فرضتها بنفسك....انا واحد "مقتدر" و ما سوييت عرضة
لأني مب راغب في هالشي...تبي تقنعني ان واحد "محتاج" و يبي الستر و رايح قاعات الدولة
بيروح يجيب حاشي و عرضة و لوح و مادري شنو؟؟؟ انت ما حسبتها صح يا ولد الحلال...هذي
قاعات للي يبي يلتزم بالشرع في إشهار الزواج "مب للبذخ و الصرف على التفاهات"

[حمد 2002]

أولا عزيزي الخبرة ترتبط بالتجربة اذا انت ما عندك محل تجهيز أو تشتغل فالتجهيز أو ما تزوجت
إذا اسمحلي اقول لك و بصراحة و بدون تجريح خبرتك رسمياً في "سوق العمل" يسمونها حبر على
ورق إذا ما كانت مسجات واتساب بعد....بس نحسن الظن....و قيمتها الفنية صفر على كل الناس

ثانياً مقارناتك و أرقامك غزلها مخك و فرضتها بنفسك....انا واحد "مقتدر" و ما سوييت عرضة
لأني مب راغب في هالشي...تبي تقنعني ان واحد "محتاج" و يبي الستر و رايح قاعات الدولة
بيروح يجيب حاشي و عرضة و لوح و مادري شنو؟؟؟ انت ما حسبتها صح يا ولد الحلال...هذي
قاعات للي يبي يلتزم بالشرع في إشهار الزواج "مب للبذخ و الصرف على التفاهات"

حتى لو شلينا سعر العرضه بعد سعرها بيكون نفس سعر الخيام !! بالنسبه لعرس الرجال !!

[Super Cool]

حتى لو شلينا سعر العرضه بعد سعرها بيكون نفس سعر الخيام !! بالنسبه لعرس الرجال !!

مثل ما قلت لك انت تاخذ قاعة دولة و تسوي فيها "عرس فيه بذخ" و تقول نفس الخيمة

لعلمك انا تزوجت في قاعة و تكلفة عرسي "بكل شي" 40 الف و هالكلام بعد الـ2010

اشرايك...انت قاعد تصمم عرس ببذخ و بعدين تقول نفس خيمة...الخيمة تبدأ بـ15000

لبيت شعر صغير فاضي....مافي مقارنة نهائياً

[حمد 2002]

مثل ما قلت لك انت تاخذ قاعة دولة و تسوي فيها "عرس فيه بذخ" و تقول نفس الخيمة

لعلمك انا تزوجت في قاعة و تكلفة عرسي "بكل شي" 40 الف و هالكلام بعد الـ2010

اشرايك...انت قاعد تصمم عرس ببذخ و بعدين تقول نفس خيمة...الخيمة تبدأ بـ15000

لبيت شعر صغير فاضي....مافي مقارنة نهائياً

والله كلامك غلط ..

مم قالك بيت الشعر فاضي ؟!

من يومين جايف عرض بالجريده بيت شعر مع المقهوين والكراسي والتصوير ولافته باسم المعرس وباقه ورد فقط ب 15 ألف ريال !!!

يابلاش !! ..

مستحيل أحد يعطيك خيمه فاضيه على قولتك ب 15 ألف

[ودي أكون]

بصراحه الشيخ تميم بن حمد يستحق الشكر والثناء على هذهِ المبادرة الطيبه .. بارك الله فيه

يعني قبل اللي بتكلف عليه القاعه حو 50 ألف أو ال100 ألف .. اليوم وبهالقاعات ماراح تكلف أكثر من 30 ألف على اكثر تقدير والله اعلم ( بدون بذخ )

القاعه حلوه وفخمه وغرف للعروس ومطبخ الخ .. وتشل القاعه 500 شخص قابله للزياده ..
ما بقى الا نحمد الله ونشكره .. وكافي تحندى .. واللي يشوف ان القاعه نفس القاعات الخاصه .. فيحجز فالقاعات الخاصه أحسن :)

ترا لو الدوله ساعاتك في توفير ريال واحد .. بعد يعتبر هالشيء نعمه ..

والحمدلله رب العالمين ..


بالتوفيق لكل اللي احجزوا .. عسى ايامكم عامره بالافراح ..

[توشيبا]

القاعات فخمه بالف مره من بعض القاعات اللي صار لها عشرين سنه مابدلو لون الصبغ

وعليها امن قطرين وقطريات ومواليد قطر وخليجين

وشركات نظافه مستلمنها علي مدار الساعه

الله يرحمها ماتت وانا اقول لها ان شاء الله نجدد زواجنا في قاعه حلوه احسن ماني ماخذج علي ذبيحه وخاتم ماوصل خمس ميه ريال راح زمن الطيبين :(

[لابس بشت]

اولا نشكر الحكومه على هالقاعات وجزاهم الله خير

الله يسلمكم عندي واحد من الشباب مطلق ونوى يتزوج وعقد قرانه وكلم حجز القاعات وقالوا له ادفع المبلغ + مبلغ التأمين
يوم راح قالوا له مايحق لك الأولويه للمتزوجين الجدد !

صراحه هاذي نقطة لازم يعيدون النظر فيها

مب من كثرهل قطر ولا من كثر الشباب اللي بيتزوجون نفس الوقت واظن تكفي المتزوجين الجدد والقدامى

[ضوى]

اولا نشكر الحكومه على هالقاعات وجزاهم الله خير

الله يسلمكم عندي واحد من الشباب مطلق ونوى يتزوج وعقد قرانه وكلم حجز القاعات وقالوا له ادفع المبلغ + مبلغ التأمين
يوم راح قالوا له مايحق لك الأولويه للمتزوجين الجدد !

صراحه هاذي نقطة لازم يعيدون النظر فيها

مب من كثرهل قطر ولا من كثر الشباب اللي بيتزوجون نفس الوقت واظن تكفي المتزوجين الجدد والقدامى

افاااااااا

[قطر love]

اولا نشكر الحكومه على هالقاعات وجزاهم الله خير

الله يسلمكم عندي واحد من الشباب مطلق ونوى يتزوج وعقد قرانه وكلم حجز القاعات وقالوا له ادفع المبلغ + مبلغ التأمين
يوم راح قالوا له مايحق لك الأولويه للمتزوجين الجدد !

صراحه هاذي نقطة لازم يعيدون النظر فيها

مب من كثرهل قطر ولا من كثر الشباب اللي بيتزوجون نفس الوقت واظن تكفي المتزوجين الجدد والقدامى

وشلون عرفو انه متزوج من قبل ومطلق ؟

[لابس بشت]

هو اتصل لهم وحجز وجاه مسج برقم الحجز والمفروض يدفع بعد يومين
وبعدين هله كلموه قالوا له مايصير لانك متزوج من قبل
واتصلهم وقالوا له نفس الكلام ... لكن هو بيروح وبيدفع وعلى قولته بيكمل العبط وبيشوف ايش بيصير :)

[JN000N]

هو اتصل لهم وحجز وجاه مسج برقم الحجز والمفروض يدفع بعد يومين
وبعدين هله كلموه قالوا له مايصير لانك متزوج من قبل
واتصلهم وقالوا له نفس الكلام ... لكن هو بيروح وبيدفع وعلى قولته بيكمل العبط وبيشوف ايش بيصير :)

العروس الي بياخذها مطلقه؟ اذا لا مافيه شي حجزه
حق عرس الحريم بيكون باسمها وعرس الرياييل بيكون باسمه
واذا هو مطلق والعالم مباركين له زواج من قبل ماتوقع ان بيسوي نفس الهوايل الي سواها ف عرس الرياييل قبل

[العلياا]

الحمدلله الارقام مبدئياً تبشر بالخير

ألف مبروك للمعاريس والف شكر للحكومة الرشيدة :victory:

[لابس بشت]

العروس الي بياخذها مطلقه؟ اذا لا مافيه شي حجزه
حق عرس الحريم بيكون باسمها وعرس الرياييل بيكون باسمه
واذا هو مطلق والعالم مباركين له زواج من قبل ماتوقع ان بيسوي نفس الهوايل الي سواها ف عرس الرياييل قبل

والله ماعندي فكره اذا العروس مطلقه للأسف

[بصمة قطرية]

صدعت و أنا أقرا الردود ..

[R 7 A L]

وين اختفى حمد
الظاهر السوبر الاسود شلة

هذا درس لك ياحمد على شان ماتقول لي لاتتسرع في الرد
هذا انت ماتسرعت والنهاية مؤلمة ههههههه

[ودي أكون]

هو اتصل لهم وحجز وجاه مسج برقم الحجز والمفروض يدفع بعد يومين
وبعدين هله كلموه قالوا له مايصير لانك متزوج من قبل
واتصلهم وقالوا له نفس الكلام ... لكن هو بيروح وبيدفع وعلى قولته بيكمل العبط وبيشوف ايش بيصير :)


انا سمعتهم يوم تكلموا عن قاعات الاعراس .. كان على قناة قطر او الريان وحده من هالقانتين .. ايام الاحتفال باليوم الوطني

وفيها صرحوا ان الاعراس بس حق اللي بيتزوجون لاول مره .. وكرروا هالجمله اكثر من مره

والله اعلم

[Super Cool]

إضافة على اللي فوق

الهدف من القاعة انها تخدم المواطن "البسيط" مب للهوامير و مب للي عنده يفتح بيتين
و ثلاث أو يتزوج مرتين و ثلاث هي وضعت "للشباب" اللي ما حولهم ولا حواليهم علشان
تشجعهم و "تعينهم"على الزواج

[ودي أكون]

إضافة على اللي فوق

الهدف من القاعة انها تخدم المواطن "البسيط" مب للهوامير و مب للي عنده يفتح بيتين
و ثلاث أو يتزوج مرتين و ثلاث هي وضعت "للشباب" اللي ما حولهم ولا حواليهم علشان
تشجعهم و "تعينهم"على الزواج

المشكله ان بعض الهوامير ما يخلون شيء للمواطن البسيط والله اعلم !

والمشكله الاكبر ان المواطن البسيط مرات مايكون قنوع بالنعمه فيحاول يزابي بأي طريقه !

وكنك يابوزيد ما غزيت

والله المستعان

[هدوء 2]

الله يجزي خير راعي الفكرة

[ممنوع اللمس]

بالنسبه لعرس الرجال انصح وبقوه خيم العزيزيه

[Right]

شيء طيب ، جزاه الله خير الجزاء صاحب الفكرة



حلاته الحين الواحد يآخذ الثانية ،

ولو الحكومة تدعم المعدد مادياً يكون أحلى وأحلى :victory:



اللهم آمين

[رهج السنابك]

من خبرتي في حجز القاعات بالفنادق
القاعه تكون مجانيه والسعر على البوفيه

شنو الفرق بين قاعات الرفاع والفنادق؟؟؟
قاعات الرفاع بتدفع الفين وخمسميه وبتسوي كل تجهيزاتك بنفسك
الفنادق نفس الحكايه

عينوا من الله خير واركدوا

[Aaziz]

مستحيل اقرا ... معقوله حد ينتقد هذي القاعات ؟

الي ينتقدها رجاء يسجل اسمه هو و عياله يحط نفسه بلاك لست فيها اذا كان المنقد من المنتفعين بالقاعات .

غلطان ثم غلطان ثم غلطان من يبالغ في تكاليف عرسه وين ماكان عرسه ،، في النهايه مهما سويت النسوان المعزومين بينتقدون عرس النسوان ،، و الرجال في الغالب مقياسهم عدد الحضور و العرضه ،، حتى قليل الي يتعشا

الواقع انه فيه تغيير للجانب الايجابي عند المعاريس الجدد ،، صار فيه نظره لجدوى هذي التكاليف المهدوره

[koketa]

مصدقين مجانيه :) هاهاها


على فكره قاعات الفنادق مجانيه السعر على البوفيه بالنفر هاهاهاها



وهالقاعات نفس الشي بتجيب بوفيه العشا بالنفر وزياده عليها الفين وخمسمية


بس الفنادق الشخص ب 300 وطالع

القاعه ميزتها انك تتحكمي في سعر البوفيه ممكن تطلبي من مطعم عادي ل 500 شخص بيطلع اوفر من الفندق

[توشيبا]

من خبرتي في حجز القاعات بالفنادق
القاعه تكون مجانيه والسعر على البوفيه

شنو الفرق بين قاعات الرفاع والفنادق؟؟؟
قاعات الرفاع بتدفع الفين وخمسميه وبتسوي كل تجهيزاتك بنفسك
الفنادق نفس الحكايه

عينوا من الله خير واركدوا

يعني لو باخذ قاعه في فندق بيعطوني بلاش حتى لو ماخذ البوفيه منهم!؟


الاكل باجيبه من برا علي حسب مزانيتي مانجبر احذ منهم علي حسب سعرهم !؟

[برشلوني قطر]

ماقصرو وجزى الله خير كل من ساهم فالمشروع..

بس ليش الي سبق له الزواج مايقدر يتزوج فيها !!!