أشغال شكرا

[رجل الجزيرة]

إخواني الكرام

السلام عليكم ورحمة الله وبركاته
اليوم تفاجأت أشغال إفتحت الشارع الجاي من جسر ودوار مدماك على تقاطع رمادا - ما شاء الله تبارك الله ولا قوة إلا بالله - الطريق الإيسر للي رايح لشارع سحيم بن حمد من العجلة والإشارة خضراء ما حسبت كم عدد المسار يا 3 أو 4 مسارات وسيع ولا سيارة جنبي الشارع وسيع والحمد لله من السيلية لين مؤسسة حمد الطبية 15 دقيقة عقب ما كانت ساعة، فعلا ضربت الرقم القياسي والحمد لله.

[QATAR 77]

الاجانب في اجازة و الشوارع فاضية

[R 7 A L]

لا تشكرهم الحين الوعد بعد أسبوعين نبيك تمر على هالاشارة وتعطينا رأيك بعد عوده الحبايب

[رجل الجزيرة]

لا تشكرهم الحين الوعد بعد أسبوعين نبيك تمر على هالاشارة وتعطينا رأيك بعد عوده الحبايب

يا طويل العمر وأنا طالع من الشغل من جسر الجيدة لين إشارات راماد الموت الأحمر ضيق ما بعد ضيق بس ذا الأيام أخف شوي، أهم شيء إنهم يخلصون قبل ما يرجعون المثقلين علينا في شوارعنا.

[JN000N]

وييييييه لا تستعيل على رزقك
شهر ديسمبر عقب اليوم الوطني تخف الزحمه ف كل مكان
اصبر خل يعودون الي راحو
ماشاء الله احنا فريجنا ماكتفو ب الكم حفره الي حافرينها قامو يشخطون حفر دار مدار بيوتنا زين ما نخفق احنا من هالحفريات
والمفروض الشغل يخلص 15/8 ولكن ما زال الشغل واقف
اشغال ما تيوز عن سوالفها

[رجل الجزيرة]

الاجانب في اجازة و الشوارع فاضية


كلامك صحيح.

[حسن]

والله انك ماتجيب الا الاخبار الساره يارجل الجزيره

انا من اشوف لك موضوع اتفائل

الحمدلله الفتوحات الاشغاليه شغاله من كل حدب وصوب
انتصارات ومفاجائات بعد شغل في دؤوب وبصمت

اللهم زيد وبارك وارحم عبيده واجعلها طرق سهلا لا طرق العذاب

شكرا

الففففففف شكر يارجل الجزيره

بشرنا عن الشيطان اللي في كمبيوترك طلع ولا طالب شي بعد

:)

[رجل الجزيرة]

والله انك ماتجيب الا الاخبار الساره يارجل الجزيره

انا من اشوف لك موضوع اتفائل

الحمدلله الفتوحات الاشغاليه شغاله من كل حدب وصوب
انتصارات ومفاجائات بعد شغل في دؤوب وبصمت

اللهم زيد وبارك وارحم عبيده واجعلها طرق سهلا لا طرق العذاب

شكرا

الففففففف شكر يارجل الجزيره

بشرنا عن الشيطان اللي في كمبيوترك طلع ولا طالب شي بعد

:)

الله يسعد أيامك يا أبو علي.

على مزاجه الله يشله، أمس الفجر تمرد واليوم إستعدل وبكرة الله يعين، ولا عليك مر على الصفحة شوف توقيت كتابتي للصفحة، ومثل ما قال أخونا / صلاح حذفت البرنامجين ونزلت واحد غيره وحتى الآن تمام، وجزاك الله خير.

[khalid Qtr]

خطوة طيبة ، ولكن نأمل علاج المرض المزمن .. تقاطع رمادا .. يحتاج نفق وجسر من طابقين ..

[qtr-1234]

الشارع اللي يوديك من دوار المناعي لين سوق واقف سكروه !!! ما صارلهم سنه فاتحينه بعد ما تم اغلاقه لمده سنه ونص !!!


ايش السبب ؟؟ والمشكله تسكير الشارع سبب زحمه كبيره !!!

[ضوى]

اشكرهم بالضبط بتاريخ 4/1

[رجل الجزيرة]

اشكرهم بالضبط بتاريخ 4/1

جعلهم والله في وادي وحن في وادي ولا حتى نشوفهم أبد

[توشيبا]

إخواني الكرام

السلام عليكم ورحمة الله وبركاته
اليوم تفاجأت أشغال إفتحت الشارع الجاي من جسر ودوار مدماك على تقاطع رمادا - ما شاء الله تبارك الله ولا قوة إلا بالله - الطريق الإيسر للي رايح لشارع سحيم بن حمد من العجلة والإشارة خضراء ما حسبت كم عدد المسار يا 3 أو 4 مسارات وسيع ولا سيارة جنبي الشارع وسيع والحمد لله من السيلية لين مؤسسة حمد الطبية 15 دقيقة عقب ما كانت ساعة، فعلا ضربت الرقم القياسي والحمد لله.

بس وقف

قلت اشاره

بالعقل شارع عام فيه اشاراه او جسر فيه اشاراه

!؟؟؟؟!؟!؟؟؟

[رجل الجزيرة]

بس وقف

قلت اشاره

بالعقل شارع عام فيه اشاراه او جسر فيه اشاراه

!؟؟؟؟!؟!؟؟؟

طيب والإشارات خضراء بس من العجلة كانت عيني من جهة اليسار فشتها فكتبت هنا في المنتدى إشارة يا مدقق.
:)

[Rider]

مب زايد على الاخوان خل الاجانب يرجعون بعدين قول رايك