ليش ماتستخدم الإشارة !!!!

[Rider]

السلام عليكم ورحمة الله وبركاته
موضوعي ممكن يكون بسيط لكن مهم ياجماعة انا لاحظت الكثير من السائقين مايستخدم الاشارة خاصة حنا القطريين وسالت كم واحد من الشباب الي أعرفهم قال ياخي شدعوه استخدم الاشارة شايفني ----------- بمعنى أخر يستحي يستخدم الأشارة يعني يأخي عادي تلف على الناس ولا تسوي حادث علشانك تستحي ليكون الإشارة في السيارة ديكور ترى الإشارة لغة التخاطب بين السائقين
سؤالي لكم هل تستخدمون الإشارة في السيارة أم هي مجرد ديكور ؟

[QAQA]

هذه الحقيقة للأسف البعض يظن أنه اذا استخدم الإشارة أن الناس يقولون عنه توه متعلم أو هندي، ولا شك أن الالتزام بها من إعطاء الطريق حقه كما قال النبي صلى الله عليه وسلم أعطوا الطريق حقه


شكرا لك أخي ريدر على التنبيه

[Dana’1]

صادق كم مره شخص يلف من غير إشاره ولا حتى تمهيد إنه بيلف ...فجأه كذا تشوفه قدامك مايهمه أنت مسرع أو لا!
وإذا ضربت له هرن يعصب بعد @@!

[فرفوش]

اخوي انا ماستخدم الاشاره تدري ليش

لانه اذا استخدمتها السياره اللي جنبي بيعاند وبيسكر علي اول مايشوف الاشاره

عشان جي بطلت استخدمها الا عند الضروره

[Rider]

شكرا اخواني على التفاعل السريع مع الموضوع وهذا مشكلة البعض فعلا اذا ضربت له هرن عصب وقام يأشر بيده غلطان ومعصب

[Rider]

اخوي انا ماستخدم الاشاره تدري ليش

لانه اذا استخدمتها السياره اللي جنبي بيعاند وبيسكر علي اول مايشوف الاشاره

عشان جي بطلت استخدمها الا عند الضروره

والله ياخوي خلك انت أكبر من الي يعاند سلامتك وسلامة الاخرين أهم من أي شي ثاني اذا حنا بناخذ كل موضوع بعاند ماحد بيسوق سيارة وتحصل الناس يتهاوشون في الشارع

[QAQA]

اخوي انا ماستخدم الاشاره تدري ليش

لانه اذا استخدمتها السياره اللي جنبي بيعاند وبيسكر علي اول مايشوف الاشاره

عشان جي بطلت استخدمها الا عند الضروره



أهم شي النحاسه ،،، هههه

اشاره خلي ولي

[Rider]

أهم شي النحاسه ،،، هههه

اشاره خلي ولي

من صجك اخوي هل انت من النوع الي مايستخدم الاشارة واذا كنت منهم نبغي نعرف السبب علشان نوصل حق حل

[رRاAدDاAرR]

تدرون شني الحركة اللي صج تبط الجبد وترفع الضغط وتفقع المرارة

إذا بغيت تطلع من لفة على الشارع والسايق اللي جاي من الشارع على يسارك تشوفه من بعيد وتقعد تنطره يطوف

آخر شي النحيس بكل برود ياخذ يمين بدون ما يعطي إشارة ويدش اللفة اللي تبغي تطلع منها إنت

هذا المفروض ينصبون له المشانق في مكان عام عشان يكون عيرة لغيره

:anger3:

[LiL iNVe$ToR]

اخوي انا ماستخدم الاشاره تدري ليش

لانه اذا استخدمتها السياره اللي جنبي بيعاند وبيسكر علي اول مايشوف الاشاره

عشان جي بطلت استخدمها الا عند الضروره


بالعكس, اذا استخدمت الاشاره, بيفتحون لك الطريق..يعني انت داق اشاره ويجي واحد ويعاند ليش؟ الشارع مب له/لها بس.

[Rider]

تدرون شني الحركة اللي صج تبط الجبد وترفع الضغط وتفقع المرارة

إذا بغيت تطلع من لفة على الشارع والسايق اللي جاي من الشارع على يسارك تشوفه من بعيد وتقعد تنطره يطوف

آخر شي النحيس بكل برود ياخذ يمين بدون ما يعطي إشارة ويدش اللفة اللي تبغي تطلع منها إنت

هذا المفروض ينصبون له المشانق في مكان عام عشان يكون عيرة لغيره

:anger3:





هذا ياخوي الي نتكلم عنه بس ان شاء الله انت مب منهم

[رRاAدDاAرR]

هذا ياخوي الي نتكلم عنه بس ان شاء الله انت مب منهم





آنا أستخدم الإشارة حتى وانا في حوش البيت

:shy:

[فرفوش]

والله ياخوي خلك انت أكبر من الي يعاند سلامتك وسلامة الاخرين أهم من أي شي ثاني اذا حنا بناخذ كل موضوع بعاند ماحد بيسوق سيارة وتحصل الناس يتهاوشون في الشارع

صدقني شغل النحاسه مابنخلص منها


بالعكس, اذا استخدمت الاشاره, بيفتحون لك الطريق..يعني انت داق اشاره ويجي واحد ويعاند ليش؟ الشارع مب له/لها بس.

القليل اللي يفتح لك الطريق اما الباقي لاصق بالسياره اللي جدامه كله عشان ماتطوف

[دايموند]

تدرون شني الحركة اللي صج تبط الجبد وترفع الضغط وتفقع المرارة

إذا بغيت تطلع من لفة على الشارع والسايق اللي جاي من الشارع على يسارك تشوفه من بعيد وتقعد تنطره يطوف

آخر شي النحيس بكل برود ياخذ يمين بدون ما يعطي إشارة ويدش اللفة اللي تبغي تطلع منها إنت

هذا المفروض ينصبون له المشانق في مكان عام عشان يكون عيرة لغيره

:anger3:





بالضبط هذا الي يصير معاي يوميا وشكلي ببتدي اهرن

واؤيد كلام العضو فرفوش لما اضرب اشاره اني ابي اروح المسار الي يمي بس يشوفني ضاربه اشاره ع طول يصكرون علي المسار ..السالفه بالفعل صارت مناحس

[Rider]

آنا أستخدم الإشارة حتى وانا في حوش البيت

:shy:





وهذا الي نبغيه استخدام الاشارة بس استغرب الي شافوا الموضوع فوق الاربعين والي ردو 4 معقولة كلهم مايطقون اشارة !!!!!!:shy:

[Rider]

بالضبط هذا الي يصير معاي يوميا وشكلي ببتدي اهرن

واؤيد كلام العضو فرفوش لما اضرب اشاره اني ابي اروح المسار الي يمي بس يشوفني ضاربه اشاره ع طول يصكرون علي المسار ..السالفه بالفعل صارت مناحس

هي مب سالفة نحاسه بالضبط صدقوني الزحمة هي الي خلت الناس ماعاد يطيقون شي الكل يبغي يوصل بس لازم نترفع عن بعض الامور

[R 7 A L]

انا الصراحة كنت استخدمها برا
ولما رجعت للدوحة شهر مادري شهري استخدمتها بعدين طنشت لها لان فيها شوارع عندنا مسار واحد لودقيت اشارة انك بتروح يمين الي جايك مقابلك يسبقكونك على اللفه ولايحترمون ان الخط لك

[بومحمد المطاوعه]

اخوي انا ماستخدم الاشاره تدري ليش

لانه اذا استخدمتها السياره اللي جنبي بيعاند وبيسكر علي اول مايشوف الاشاره

عشان جي بطلت استخدمها الا عند الضروره

اي والله صادق
البعض على باله

الشارع بأسمه

يناحس مادري على شنو
استغفرالله من هؤلاء البشرر

ان كانو بشر اصلن

[Rider]

هذا بالنسبة عن الإشارة فقط عيل لو تكلمنا عن الهرن شنو بتكون الردود هههههه

[العقل المدمر]

انا من مؤيدي الاشارة واستخدمها
وبالعكس اذا شفت حد ماعطي اشارة افتح له
لانه مثل الاستئذان فاكيد بخليه يطوف
عكس اللي مايعطي ويبي ينط غصب هاي مرات اناحسه
و ع طاري الاشارة .. مرة عطت اشارة ووراي شاب صغير
استانس عالموضوع يحسبني ابي ادليه بيتنا يمكن :omg:
وتم ماشي وراي وكل شوي يطلع لسانه ويعطي اشارة << الحمد لله والشكر :shy:
يعني استغربت ان في ناس فاهمين الموضوع غلط .. بس بعد مع الاشارة معاها

[نوفا91]

ان شاء الله لما اسوق بعطيكم اشارات

:)

[Rider]

ان شاء الله لما اسوق بعطيكم اشارات

:)

ان شاء الله ماتسوقين مب ناقصين زحمة هههههههههه

[بوحارب]

انا استعمل الإشارة اذا حد وراي بسسسس


اما اذا محد ماله داعي الخساير <<< crazy


يقولون الأشارة لغة الطريق :)

[Rider]

انا من مؤيدي الاشارة واستخدمها
وبالعكس اذا شفت حد ماعطي اشارة افتح له
لانه مثل الاستئذان فاكيد بخليه يطوف
عكس اللي مايعطي ويبي ينط غصب هاي مرات اناحسه
و ع طاري الاشارة .. مرة عطت اشارة ووراي شاب صغير
استانس عالموضوع يحسبني ابي ادليه بيتنا يمكن :omg:
وتم ماشي وراي وكل شوي يطلع لسانه ويعطي اشارة << الحمد لله والشكر :shy:
يعني استغربت ان في ناس فاهمين الموضوع غلط .. بس بعد مع الاشارة معاها
وهذا الصح

[Rider]

انا استعمل الإشارة اذا حد وراي بسسسس


اما اذا محد ماله داعي الخساير <<< crazy


يقولون الأشارة لغة الطريق :)

اي خساير بو حارب ليكون تدفع فاتورة كهرباء ماء ترى ااشارة هههههههه

[رRاAدDاAرR]

اي خساير بو حارب ليكون تدفع فاتورة كهرباء ماء ترى ااشارة هههههههه





خايف على ليت الإشارة الصغير لا يحترق

:tooth:

[بوحارب]

اي خساير بو حارب ليكون تدفع فاتورة كهرباء ماء ترى ااشارة هههههههه
ياخي كنت ابي اضحكك بس ههههههههcrazy






خايف على ليت الإشارة الصغير لا يحترق

:tooth:





ههههههههههههه

[aloosh]

انا من كثر ما استخدمها حتى في البر عيالي يضحكون علي:)

[بوعلي-Qtr]

قبل ماروح امريكا .. ماكنت اتعامل مع الاشارات كلش
بس اول مارحت امريكا الشرطي وقفني وصكني مخالفه
ومن يومها كله اشارات

[Rider]

انا من كثر ما استخدمها حتى في البر عيالي يضحكون علي:)

ههههههههه دوام ان شاء الله تستخدمها هي على التعود الانسان مجرد يتعود على شي خلاص

[Rider]

قبل ماروح امريكا .. ماكنت اتعامل مع الاشارات كلش
بس اول مارحت امريكا الشرطي وقفني وصكني مخالفه
ومن يومها كله اشارات

هههههههه سوا فيك خير هالشرطي

[ana_ana]

السياقه فن وذوق واخلاق ونادر جداً نشوفها على الطريق

[حسن]

تدرون شني الحركة اللي صج تبط الجبد وترفع الضغط وتفقع المرارة

إذا بغيت تطلع من لفة على الشارع والسايق اللي جاي من الشارع على يسارك تشوفه من بعيد وتقعد تنطره يطوف

آخر شي النحيس بكل برود ياخذ يمين بدون ما يعطي إشارة ويدش اللفة اللي تبغي تطلع منها إنت

هذا المفروض ينصبون له المشانق في مكان عام عشان يكون عيرة لغيره

:anger3:






انا تصير معاي ساعات وكنت باكتبها ولكن وفرت علي
اذا سوى لي هذه الحركه طبعا اكون مراقبه واذا استشعرت انه بيلف وخفف اطلع في وجهه
واخليه يكع بريك هذا طريقتي على طول

اما بالنسبه لي استخدم الاشاره دائما حتى في حاله الخطوط الكبيره والتنقل من حاره الى حاره

[qtr qtr]

تدرون شني الحركة اللي صج تبط الجبد وترفع الضغط وتفقع المرارة

إذا بغيت تطلع من لفة على الشارع والسايق اللي جاي من الشارع على يسارك تشوفه من بعيد وتقعد تنطره يطوف

آخر شي النحيس بكل برود ياخذ يمين بدون ما يعطي إشارة ويدش اللفة اللي تبغي تطلع منها إنت

هذا المفروض ينصبون له المشانق في مكان عام عشان يكون عيرة لغيره

:anger3:





:anger1::anger1:

اوووه انا هذا اكثر شي ينرفزني ويخليني ابلعه من الحره.

انا واعوذ من كلمة انا اذا بدش البيت اعطي اشاره .. السواقه فن وذوق واخلاق .. مب مناحس ولا عيب لبضحكون عليي الناس او من هالسوالف ذو الثقافه الناقصه.

[بو خليفه 123]

تدرون شني الحركة اللي صج تبط الجبد وترفع الضغط وتفقع المرارة

إذا بغيت تطلع من لفة على الشارع والسايق اللي جاي من الشارع على يسارك تشوفه من بعيد وتقعد تنطره يطوف

آخر شي النحيس بكل برود ياخذ يمين بدون ما يعطي إشارة ويدش اللفة اللي تبغي تطلع منها إنت

هذا المفروض ينصبون له المشانق في مكان عام عشان يكون عيرة لغيره

:anger3:






أنا مجرد اني قريت المشاركه ارتفع ضغطي , فما بالك اذا مريت بهذا الموقف هاهاها


--

للأمانه أنا بديت استخدم الاشارات مؤخراً حسيت فيها فخامه و أنا رابط الحزام و ملتزم بالقوانين :shy:

[العلياا]

تدرون شني الحركة اللي صج تبط الجبد وترفع الضغط وتفقع المرارة

إذا بغيت تطلع من لفة على الشارع والسايق اللي جاي من الشارع على يسارك تشوفه من بعيد وتقعد تنطره يطوف

آخر شي النحيس بكل برود ياخذ يمين بدون ما يعطي إشارة ويدش اللفة اللي تبغي تطلع منها إنت

هذا المفروض ينصبون له المشانق في مكان عام عشان يكون عيرة لغيره

:anger3:





ههههههههههه ضحكني هالتعليق

المشكلة الناس ماعندها حل وسط يا يجيك واحد يلوع جبدك باستخدامها
يا واحد حتى لو شافك مسرع وراه ما يطق اشارة انه بيدش اللفه :(

[بوNasser]

السلام عليكم ورحمة الله وبركاته
موضوعي ممكن يكون بسيط لكن مهم ياجماعة انا لاحظت الكثير من السائقين مايستخدم الاشارة خاصة حنا القطريين وسالت كم واحد من الشباب الي أعرفهم قال ياخي شدعوه استخدم الاشارة شايفني ----------- بمعنى أخر يستحي يستخدم الأشارة يعني يأخي عادي تلف على الناس ولا تسوي حادث علشانك تستحي ليكون الإشارة في السيارة ديكور ترى الإشارة لغة التخاطب بين السائقين
سؤالي لكم هل تستخدمون الإشارة في السيارة أم هي مجرد ديكور ؟

السلام عليكم وجزاك الله خير على هذا الطرح، وفعلا شي ينرفز

بس ياليتك ما خصصت،

لانه صار سلوك نسبة كبيرة من الجنسيات للأسف الشديد

العربي، الهندي، البنغالي، البتاني، الايراني ....

الغالبية تطنش للإشارة مب بس القطريين.

ونفس الوضع ينطبق على رمي السجائر في الشارع.

تحياتي لك وللجميع.

[معماري قطري]

استخدمها أَغلب الوقت الا اذا شفت حد لازق في صدام سيارتي اضرب بريك في وجهه بدون اشارة وبدون تقدير لنذالته

[eng.qatar]

يعطيك العافيه

[Rider]

السلام عليكم وجزاك الله خير على هذا الطرح، وفعلا شي ينرفز

بس ياليتك ما خصصت،

لانه صار سلوك نسبة كبيرة من الجنسيات للأسف الشديد

العربي، الهندي، البنغالي، البتاني، الايراني ....

الغالبية تطنش للإشارة مب بس القطريين.

ونفس الوضع ينطبق على رمي السجائر في الشارع.

تحياتي لك وللجميع.

اخوي ناصر الله يجزاك خير طبعا الموضوع المقصود فيه الكل مش بس القطريين لكن صدقني الي انا شفت خلل فترة قبل لا نزل الموضوع اكثر القطريين مايستحدم الاشارة والقطري مب معصوم من الخطأ غير القطريين وأكثرهم عليمية توه مخلص مدرسة التعلمي وتحصله متقيد بالاشارات وحتى لو كان يستخدمها بشكل خاطئ

[وحيد-الشوق]

اعترف اني استخدم الاشارة ولله الحمد لكن احيانا انسى

صحيح بعض القطريين مايستخدمون الاشارة يقولك ليش هندي بس الحين الجنسيات الثانية وايد مايستخدمونها امس هندي قدامي لف بدون اشارة عصبني ناهيك عن الي يدخنون ويرمدون من الدريشة وغير البصق بعد

[MirusS]

أنا حتى لما أكون فالفريج أطق أشاره
ياخي تحس أنك بروفشنال

[معماري قطري]

اعترف اني استخدم الاشارة ولله الحمد لكن احيانا انسى

صحيح بعض القطريين مايستخدمون الاشارة يقولك ليش هندي بس الحين الجنسيات الثانية وايد مايستخدمونها امس هندي قدامي لف بدون اشارة عصبني ناهيك عن الي يدخنون ويرمدون من الدريشة وغير البصق بعد

عيالي يموتون ضحك لين سويت اشارة يقولون ليش انت هندي؟

[بوعلاوي]

وفي ناس ما يربطون حزام يخافون حد يضحك عليهم

[معماري قطري]

وفي ناس ما يربطون حزام يخافون حد يضحك عليهم

كنت اسويها سنة 1984 وذاك الوقت اللي متحزم كنه مسوي منكر الكل يطالعه ويمكن يوقفونه يقولون له عسى ما شر

[captin]

انا من النوع اللي استخدم الاشارة حتى في امكان داخلية اوحتى مساحة فضاء
خلاص يدي خذت على الاشارة لا اراديا . مجرد مخي يتلقى اشارة اني نويت الف يمين او يسار
يدي تروح للإشارة مباشرة .

انا استغرب من اللي ما يستخدم الاشارة تماما احيانا لما يكون جدامي واحد فجأة يلف يمين او يسار
بدون ما يعطي اشارة لا شعوريا ابتدي اكلم اللي في السيارة اللي جدامي اقول يا متخلف يا جاهل
اللي صنع هالسيارة لك وخلاك تصير أدمي ما حط الاشارة عبث حطها عشان سلامتك وسلامة الآخرين
لكن للأسف معظم ربعنا القطريين هم اللي ما يستخدمون الإشارة .

[شيخ الديرة]

هذه الحقيقة للأسف البعض يظن أنه اذا استخدم الإشارة أن الناس يقولون عنه توه متعلم أو هندي، ولا شك أن الالتزام بها من إعطاء الطريق حقه كما قال النبي صلى الله عليه وسلم أعطوا الطريق حقه


شكرا لك أخي ريدر على التنبيه

أنا أستخدم الأشارة, وأفتخر اذأ قالو عني هندي أو توي متعلم, أحسن ما أقضي عمري بالصناعية تصليح او بالسجن عقوبة على حادثة