شلي صاير اليوم في سيلين حد عنده خبر ؟

[QaTaR49999]

السلام عليكم

شلي صاير اليوم في سيلين شي غريب الصراحه تفتيش وزحمه سيارات من الجسر لين الدوار يمكن قعدنا ساعه ننطر ولخويا والفزعه وتحريات وحاطين لهم خيمه كني داخل معسكر مب سيلين وغير العسكريين وتحريات اللي يمشون بين السيارات ويطلون داخلها قبل لا توصل نقطة الثبوت ويقولون مسكرين المداخل البريه لسيلسين اذا بتقطع لحقوك ويردونك على التفتيش فيه شي صاير عسى ماشر ؟؟؟؟

[توشيبا]

انا دشيت سلين العصر كانو موجدين وانا طالع من شوي علي الساعه 12 ونص وقفوني نقطه تفتيش


شكلها ليله الكريسمس مادري شسمها لا بارك الله حتى في اسمها

[توشيبا]

بس لاحظت شغله

احنا واقفين في المسارات الصحيحه للشارع وتجي كم سياره تتجاوز ودش برا لين توصل لنقطه التفتيش ومحد يقولهم شي !

[QaTaR49999]

انا دشيت سلين العصر كانو موجدين وانا طالع من شوي علي الساعه 12 ونص وقفوني نقطه تفتيش


شكلها ليله الكريسمس مادري شسمها لا بارك الله حتى في اسمها


ماضنتي بيسون كذا عشان الكرسمس لان الكرسمس للاجانب والنصارى مب لهل قطر وسيلين كلها قطريين ولو عشان الكرسمس راحو الفنادق اللي فيها مراقص

[توشيبا]

يرجال بعض العنن صارت دي جي وحفلات وسهرات

[bus3od]

عادي كل سنه تصير و شي طبيعي و يشددون فترة الكرسمس و النيوير و عيد الحب مثل ما ذكر احد الاخوان فوق
و حتى في الفنادق في تشديد بس بطريقه ثانيه

و المفروض اخوي اذا شفت نقطة تفتيش أمني ما تنزل موضوع فالمنتدى لان الهدف ( أمني ) حتى لو حطوا خيام و شفتهم يشيشون بعد

نقطه اخيره الحبيبه شترتيبهم السنه ؟ منشن الحبيبه :shy:

[حسن]

اذا نقطه تفتيش في الليل من بعد الساعه 12 شي عادي
لكن معقوله تقولون زحمه في الليل وفي سيلين !!
منطقه بريه واخر قطر

[جوال 11]

مع الاسف بعض العنن استغلها اصحابها لعمل مراقص وخمور وبنات وقبل فترة احترقت عنه واحترقت سيارة فالحمد لله ان المسؤلين واعين لهذه المواضيع الدولة دخل فيها كل من هب ودب ولكل له عاداته وخرابيطه خلهم يراقبون الوضع حتى لا يضيع شباب الوطن

[حسن]

مع الاسف بعض العنن استغلها اصحابها لعمل مراقص وخمور وبنات وقبل فترة احترقت عنه واحترقت سيارة فالحمد لله ان المسؤلين واعين لهذه المواضيع الدولة دخل فيها كل من هب ودب ولكل له عاداته وخرابيطه خلهم يراقبون الوضع حتى لا يضيع شباب الوطن

انا معاهم في ذي الشي بس الصراحه لو تذبحني ماادخل سيلين ماطيق هل المنطقه خير شر
ولا العيد
ازعاج ورمل وغثى ماعقبه غثى
من كم يوم واحد من الربع يقولي تعال لي هناك قلت يااخي ماعندكم جو خير شر لابحر ولا شي
والعنن تحت الطعوس واقوله ماتخافون حد يحول عليكم في الليل من هل البشمرقى
يقولي اسكت ذاك الاسبوع حول علينا باكيتاني بالليل وانقلب
ويرويني الصور والشرطه والاسعاف
سبحان الله توني اقوله لاني قد شفت الوضع يخوف الصراحه
قلت له يبا انا في بحر مالديف قطر حيث الهدؤ والطبيعه الخلابه والبحر الجميل
حتى البطبطه ماتسمع لها حس
قلت خلكم هناك ابرك واحسن واستانسو مانبي حد يجينا ويغثنا بعد

[MAZEN37]

فعلا سيلين منطقة ازعاج وفوضغŒ واعصاب مشدوده
والله من عفتها وانا بالف خير

[وحيد-الشوق]

والي مايدري عن سيلين شيء والي عمره ماطبها :(

مصيبة اذا الوضع جذي نفس مايقولون الشباب قالبين العنن مصخره وخرابيط

[ameeer3]

بالعكس شي طيب ويا ليت كل يوم بعد، لان لو تشوف وش يصير في العنن كان ما لمتهم ولا احتجيت على نقطه التفتيش

[حمد 2002]

هاي المفروض الي كانوا من زمان ..


وأتمنى منع التطعيس في كل مكان بقطر .. والي ايصيدونه ايطعس يجلدونه 3000 جلده بمكان عام ..

[بوحارب]

والله كفو عليهم وبيض الله وجهة راعي هذا القرار الطيب

الناس تبي تروح العنن تغير جو وتستانس

والبعض يروح هناك ومعاه بنات ومصخره وقالبين
العنه دعاره !!!!

اتمنى يتم التشديد اكثر وأكثر

[طبيب قطري]

خطوة طيبه وكان المفروض تصير من زمان بدال الخرابيط والمصخره اللي نسمع عنها بسيلين..

[aloosh]

بعض العنن صارت بنات ودعاره اخر الليل ومخدرات وسكر
اتمنى انه يتم منع العنن بشكل نهائي
والمثل يقول باب يجيك منه الريح سده وستريح ليش تفتح لك باب شر الكل يعلم ماذا يدور في سيلين اخر الليل وليس بخافي على احد وهم يعلمون
والاغلب يفتح هذي العنن لتناول المخدرات بعيد عن الاعين

صدقني لو تم وضع نقطه تفتيش فجأه ويتم الفحص ان تحصل مجموعه ليست بالهينه اللي متعاطي مخدرات واللي خمر

[القبطان اكس]

المشكلة مب بس ذي

الفترة الماضية قاموا ايشيكون اللي معه اولاد يعني اعيال

عاد اللي ما فهم لا يسال

الله يجزيهم خير واياجرهم شباب الأمن والداخلية

اللي بيودي معاه اعيال اخوه او اعيال حد من أهله خل اينبهم اذا الشرطي سألهم

[البارع]

بنات وخمر ومخدرات شتقولون وين قاعدين

من صاحب هالخرابيط كلها قطري ولا مقيم

هل هالكلام صاير صدق ولا بس تخمينات

نا استعبد هالشي يصير صراحه

واول مره اسمع هالشي

الي عنده دليل على كلامه ولا يحتفظ فيه لنفسه

[العقل المدمر]

بنات وخمر ومخدرات شتقولون وين قاعدين

من صاحب هالخرابيط كلها قطري ولا مقيم

هل هالكلام صاير صدق ولا بس تخمينات

نا استعبد هالشي يصير صراحه

واول مره اسمع هالشي

الي عنده دليل على كلامه ولا يحتفظ فيه لنفسه

صح النوم
الناس اختربوا من زمان
:omen2:

[راجي الْعفو]

وعليك و رحمة الله

جزاهم الله خير و الله يقويهم

[البارع]

صح النوم
الناس اختربوا من زمان
:omen2:

عندك دليل ؟؟؟

[نفسي عزيزه]

يرجال بعض العنن صارت دي جي وحفلات وسهرات


بالظبط :nice:

[Purple]

هذا الصح كفو عليهم لازم يفتشون حمايه لك ولغيرك

[العقل المدمر]

عندك دليل ؟؟؟

شفت جدام عيوني
وقريت كلامهم بعيوني
على المواقع الاجتماعية عافانا الله
وسمعت عن ناس شافوهم ( واثق في كلام هالناس لاني اعرفهم معرفة شخصية)

[qatara]

بعض العنن صارت دي جي وحفلات وكبريهات ومراقص ؟ !
الله لايعاقبنا بما يحصل هنا وهناك

[بـارود]

بعض العنن تم تحويلها إلى مراقص وستيجات
ذكر لي صاحب هالمعلومة أن صاحب هالعنّة فوق القانون

غير البنات اللي يرزونهم الشباب فوق التنده أوقات الإستعراض
وأنا شفت هالشي قدامي ، المشكلة البعض فوق شينه قوة عينه

ما اكتفى بالمعصية اللي ربك سترها عليه وفضح نفسه
أغلب هالنوعية يفتخر بالهشي ويتباه ويفتخر قدام ربعه مادري على ايش ؟

واللي بالبقيات والبولاريس وتلاقي جنبه بنت الحرام
وسوالف المخفي الكامل والشغل الوصخ

المواقف اللي شفتها أكثر وما خُفي كان أعظم ..!

[راجي الْعفو]

نتمنى ان عمليات التفتيش تستمر طوال العام على مثل هـ الأماكن و ما شابهها ..

و ليس في وقت الكريسمس فقط ..

الله يعينهم ويزيد في جهودهم ضد الفساد ..

[المحاميه]

تذمون وتروحون وزحمه

لأتعليق

[البرونزي]

المشكله اللفو خربو على عيال قطر
الكل صار راعي حمدانيه وطعوس وبر
ولين كلمته مايعرف يتكلم عدل

اللهم لك الحمد والشكر في الشمال ومرتاحين من السرقات والحوادث والمشاكل
حتى الدوريات مانشوفها

[puree]

عندك دليل ؟؟؟

من وجهة نظري مايحتاج دليل ، اسأل اي حد وهالشي معروف والناس اللي يروحون يسولفون بكل صراحه :) وياكثر البلاوي اللي تصير !

[qatara]

الواجب لا عنن ولا خربايط

كل يكشت بخيمته فترتة يومين
الاجازه الاسبوعيه ويشيلها

لاكن للاسف اصبحنا مثل دوله خليجيه قدوه لنا بالمسلسلت
الهابطه والان نقلدهم عنن وتجمعات وخلط وجنس ثالث وسواد وجه

[aziz4z]

كفو عليهم , لازم الرقابة في كل مكان , و لازم تفتيش السيارات و الركاب و صلات القرابة إذا كان في بنات
كل واحد يتذكر اللي صار السنة اللي طافت , رقص و سكر في الفندق , و بعدين ماخذين البنت صوب السيلين حارقينها هناك
الناس اختربت , ياناس انتبهوا على عيالكم
يا الله سترك و عافيتك
و الله هالافتتاح اللي صاير فيها البلد , ماتجيب إلا مشاكل , و الحين عشان عيون كأس العالم , الله يستر

[توشيبا]

تذمون وتروحون وزحمه

لأتعليق

انتي تروحين مجمعات واسواق ترا فيها غزل وتحرشات !؟

انا عنتي في سلين وربعي يجوني سوا شباب او شيبان وفيهم الخير والبركه

احنا نتكلم عن اللي يهجر بالمعصيه و يخالف قوانين البيئه في تصاريح العنن ويقلبها مراقص ومعاصي

ردج ماله داعي

[توشيبا]

اليوم بعد صلاه الجمعه رحت للعنه وكان فيه تفتيش وثبوت والله يعطيهم العافيه وكفو عليهم

[حسن]

الواجب لا عنن ولا خربايط

كل يكشت بخيمته فترتة يومين
الاجازه الاسبوعيه ويشيلها

لاكن للاسف اصبحنا مثل دوله خليجيه قدوه لنا بالمسلسلت
الهابطه والان نقلدهم عنن وتجمعات وخلط وجنس ثالث وسواد وجه


مايسير ياكتارا لطبق كلمه العسكريه الغبيه الشر يعم والخير يخص

كلن يتحمل ذنبه

نمنع على شان شله منحطه ولا منحله

[باراكودا]

أنا أتوقع السبب شركة فاحص .

[][ Q6r ][]

هاي المفروض الي كانوا من زمان ..


وأتمنى منع التطعيس في كل مكان بقطر .. والي ايصيدونه ايطعس يجلدونه 3000 جلده بمكان عام ..

هههههههههههه
اقول خلهم اول شي يطبقونه على اللي يصيدونه سكران او سارق او او او بالشارع :)

[الكواري 1972]

الله يرحمنه برحمته

والله يعطيهم العافيه

[ak-74]

الله يقويهم ويعطيهم العافيه

[فلور]

الله يعطيهم الف عافيه
الصراحه المفروض التفتيش مب بس في سيلين يروحون يشفون العزب شلي يصير فيها
الله يستر

[JN000N]

المشكله اللفو خربو على عيال قطر
الكل صار راعي حمدانيه وطعوس وبر
ولين كلمته مايعرف يتكلم عدل

اللهم لك الحمد والشكر في الشمال ومرتاحين من السرقات والحوادث والمشاكل
حتى الدوريات مانشوفها

بس اللفو؟ لا يبه كلن قام يخترب
بعدين نسيت سوالف الغاريه وشيصير فيها!
الفساد ف كل مكان جنوب والا شمال

[الحياة الخالدة]

صحيح الفساد في كل مكان
و ان شاء الله يصادرون كل أوكار الفساد و تنظف البلد

[R 7 A L]

لا حول ولا قوة الا بالله
نسأل الله السلامة

[بومحمد911]

منطقة سيلين من اروع المناطق الي الواحد يغيير فيها الروتين الممل ولكن توجد فئات خارجه عن الفطرة، الله يهديهم ،والله يعطيهم العافية رجال الامن

[QtrGate]

اشكر رجال الداخلية على الجهد الجبار

وخصوصا هالموسم

من مداهمات وتفتيش وحفظ الأمن

صراحة شغل متعوب عليه

سيلين صارت أمان بعد ماكانت مصخره السنه الي طافت

[نوفا91]

هو بيحصل ايه


انا وين عايشه اول مره اسمع بهالخرابيط !

[R 7 A L]

منطقة سيلين من اروع المناطق الي الواحد يغيير فيها الروتين الممل ولكن توجد فئات خارجه عن الفطرة، الله يهديهم ،والله يعطيهم العافية رجال الامن

كانت
اليوم حتى او مناظرها خلابه اغلب مرتادينها خربوها

[QATAR 77]

الي صاير مو تفتيش و لكن تقنين

يعني حصر الخمر و الدعارة في الفنادق فقط

و لا المطلوب منعها في الدولة كاملة و ليس في اماكن معينة

[طبيب قطري]

المفروض يمنعون ايضا دخول الحريم ، العنن حق الشباب فقط

[عضو مشاكس]

الجو روعة اليوم بررررد

[العلياا]

وانا اقول اشفيه اخوي عصب يوم قلنا له نبيه يودينا :rolleyes2:

يعني احنا نعرف انه فيها مصخرة بس مهب لهالدرجة

عساهم على القوة رجالنا والله يعطيهم الف عافيه

[بوعلي-Qtr]

الله يعطيهم العافيه على حفظ الامن
بس امس الليل سوو زحمه قبل الثبوت يمكن ب 7 كيلو
لا وبعدين سوو ثبوت ثاني بعد الوكره وخذ لك زحمه
والله العاده اطلع من العنه يبيلي 45 دقيقه بس
امس ساعتين ...

[بنت مريخ]

العام والسنه
اشوفكم تكلمون من المصخره الى تصير في العنن
يمكن من بدايه الالفين مارحنا الشاليهات ماحب سيلين من الزحمه
الله يهديهم ويستر عليهم

[q6ri_vip]

ترى الخمور والسهرات مهب بس في سيلين
خلهم يفتشون بالعكس شي طيب
بس عتابي ع نقاط التفتيش ياليت تنحط في مكان مايسبب زحمة لان من غير نقاط التفتيش زحمة
ويعطيهم العافيه