شلي صاير بمنفذ ابو سمرة!!

[راجي الشهاده]

السلام عليكم ورحمة الله وبركاته

أحد عنده فكرة شلي صاير هاليومين بمنفذ ابو سمرة..

واحد من الربع يقول الشاحنات واقفة طابور من سلوى ولين مدخل ابو سمرة..

وواحد من سواقين الشاحنات يقول من يومين ما تحركوا وأن الجمارك يقولون السيستيم خربان!!

[bus3od]

تسأل و تجاوب على نفسك شلون جي بعد

[راعي الدتسن]

يا اخوان مش اي شي تشوفونه تكتبون عنه..!!!
ومن صاحب الشاحنة عشان يقولك السيستم خربان.. لا يكون موظف فالجمارك..!!!

اخواني هذي اجراءات امنية مايجوز التحدث فيها..

[باراكودا]

يا اخوان مش اي شي تشوفونه تكتبون عنه..!!!
ومن صاحب الشاحنة عشان يقولك السيستم خربان.. لا يكون موظف فالجمارك..!!!

اخواني هذي اجراءات امنية مايجوز التحدث فيها..

جاه مسج من السواق الى صاف في اول الطابور يمكن موظفين جمارك سلوى قاعدين يشوفون
ديربي الرياض .

[راجي الشهاده]

تسأل و تجاوب على نفسك شلون جي بعد

أخي الكريم.. وين الجواب.. سؤالي موجه لأي شخص مر أبو سمرة ولاحظ هالموضوع أو يداوم هناك وعنده فكرة.. وحكاية ان السيستم خربان ممكن وممكن السواق فاهم غلط..

[راجي الشهاده]

يا اخوان مش اي شي تشوفونه تكتبون عنه..!!!
ومن صاحب الشاحنة عشان يقولك السيستم خربان.. لا يكون موظف فالجمارك..!!!

اخواني هذي اجراءات امنية مايجوز التحدث فيها..

أخوي راجع المشاركة.. صاحب الشاحنة يقول من يومين ما تحركوا وينقل الكلام الي سمعه من الجمارك.. وبعدين احنا قاعدين نتكلم عن الزحمة غير الطبيعية.. ما حد تكلم عن اجراءات امنية أو غيره..

[نيساني]

مريت من فتره قريبه وشفتهم صافين الله يكون في عونهم


اخوي لو شفت ال15 كيلو ويمكن اكثر طالعين من الامارات وش بتقول عنهم؟؟؟

مانقول الا الله يصبرهم على لقمة العيش

وشكراً

[Dana’1]

مو أول مره .. دائما و ياكثر ما اشوف طوابييييييير الشاحنات .. ينتظرون لثاني يوم او غيرها من الظروف

الله يعينهم بصراحه .. ويستاهلون معامله أفضل من كذا.. على الأقل توفير استراحات خاصه مجانيه لهم أو بسعر جدا جدا رمزي.. وجزاهم الله خير لولا الله سبحانه وتعالى ثم هم وصبرهم ما وصلنا شي

[alsenator]

اتوقع بسبب افواج المعتمرين بداءت تغادر

عندي كم هندي مسافرين للعمره

[R 7 A L]

امس العصر انا مسافر وشفت الزحمة للتريلات الي داخلة قطر من مركز سلوى لين بو سمره واقفة
رجعت الساعة 11 اشوفهم الدوريات القطرية تمشيهم

[Vanille]

يا اخوان مش اي شي تشوفونه تكتبون عنه..!!!
ومن صاحب الشاحنة عشان يقولك السيستم خربان.. لا يكون موظف فالجمارك..!!!

اخواني هذي اجراءات امنية مايجوز التحدث فيها..

كلامك صحيح اخوي مب كل شي ينكتب ويتصدق!! ومافي جهة حكومية بيخترب سيستمها يومين كلنا نشتغل في الحكومة ونعرف ان السستم أحيانا يصير داون لكن مايتم يومين !! اكيد في سبب غير مثلا في ثبوتات ناقصة او أوراق من سواقين هالتريلات وهذا شي عادي في حدودنا وحدود الامارات دايما التريلات تصف بطوابير الحمدالله على الامن والامان

[راعي الدتسن]

كلامك صحيح اخوي مب كل شي ينكتب ويتصدق!! ومافي جهة حكومية بيخترب سيستمها يومين كلنا نشتغل في الحكومة ونعرف ان السستم أحيانا يصير داون لكن مايتم يومين !! اكيد في سبب غير مثلا في ثبوتات ناقصة او أوراق من سواقين هالتريلات وهذا شي عادي في حدودنا وحدود الامارات دايما التريلات تصف بطوابير الحمدالله على الامن والامان

ياراعي الموضوع مافكرت في هالنقطة.. اشلون سيستم دولة بيتعطل يومييين..!!

ياخي فكر اشوي وقيس الموضوع فمخك قبل لاتكتب..

[توشيبا]

شدعوه علي بالكم سيستم حكومه مايخترب يومين ههههه

مره تميت اسبوع اراجع مرور خليفه السيستم خربان

واكثر من مره يخرب سيستم الجمارك

واذا يعني انا صاحب تريله واتوقف فوق نص يوم مب عارف شنو صاير قدامي ؟

ولا لازم تصير رجل جمارك عشان اعرف ويش صاير !؟

قسم بالله بعض الردود المحشش يضحك عليها

انا في بيتي بعرف اذا الجمارك زحمه او لا سوا قطر او السعوديه و الامارات او اي مكان والواحد في بيته اشلون واحد واقف في الجمارك صاير له يومين !

الله يعينك يصاحب الموضوع علي هيك اعضاء ولك شو هاض يازلمه

[وحيد-الشوق]

الزحمة سببها مركز سلوى غالبا لأنهم يوقفون السيارات وايد ومره وحده تنهد ومركز سلوى مب شغال 24 ساعة نفس قطر واحيانا الزحمه تكون بسبب ان النظام متعطل في مركزنا ويتعطل ساعات بس مب يومين !! ولاعمرها صارت كان شفتوا المركز فوضى

[مابدل العادات]

للأسف في ناس في هاي الموضوع بانت معادنها وحقدها على الدوله وعلى بالهم قطر نفس بلادهم سيستم يتعطل بالأيام او الأسابيع والمشكله يتكلم عن سيستم الداخليه هههههههههههههههههههه

والحمدلله انه دايما وزاره الداخليه تسعى للتطور والأفضل

والشاحنات وماادراك مالشاحانت والبلاوي الي يدخلونها البلاد ويخشونها في كل شبر من الشاحنه فلازم تتفتش شبر شبر حتى لو تتنقع اسبوع ولا انهم يدخلون شي في البلاد

ومثل ماتفضل واحد من الأعضاء ممكن تكون المشكله من منفذ سلوى

وكل الشكر لصاحب الموضوع

[توشيبا]

للأسف في ناس في هاي الموضوع بانت معادنها وحقدها على الدوله وعلى بالهم قطر نفس بلادهم سيستم يتعطل بالأيام او الأسابيع والمشكله يتكلم عن سيستم الداخليه هههههههههههههههههههه

والحمدلله انه دايما وزاره الداخليه تسعى للتطور والأفضل

والشاحنات وماادراك مالشاحانت والبلاوي الي يدخلونها البلاد ويخشونها في كل شبر من الشاحنه فلازم تتفتش شبر شبر حتى لو تتنقع اسبوع ولا انهم يدخلون شي في البلاد

ومثل ماتفضل واحد من الأعضاء ممكن تكون المشكله من منفذ سلوى

وكل الشكر لصاحب الموضوع

طيب وين المشكله لو تعطل شهر كله الا سيستم مب اختراع ذره عشان من قال سيستم خربان صار حاقد علي الدوله !؟

[مابدل العادات]

طيب وين المشكله لو تعطل شهر كله الا سيستم مب اختراع ذره عشان من قال سيستم خربان صار حاقد علي الدوله !؟

أخوي انت تتكلم عن سيستم وزاره الداخليه يعني سستم دوله واشلون السيستم خربان والناس تدخل وتطلع
موب سيستم جمعيه عشان يخترب شهر ولا اسبوع ولا حتى يومين

عن نفسي وحتى بدون ماأسأل او اشيك الخلل موب من السيستم كثر ماهو من الشاحانت نفسها والله أعلم وش مدخلين

[راجي الشهاده]

السلام عليكم ورحمة الله وبركاته.. وأشكر الجميع على المشاركة..
- من البداية كتبت أن هذا كلام واحد من السواقين وممكن فاهم غلط لكن الزحمة غير طبيعية مقارنة بالمعتاد.
- الموضوع عن الزحمة ومش شرط أبدا اتكون بسبب الإجراءات الأمنية.. ليش في ناس مصرة تربط ما بين الزحمة والأمان..
- الأخ الذي طالبني أقيس الموضوع وبعدين أكتب.. أبشره الحمد لله دايما اجتهد لأقيس الأمور قبل الكتابة فممكن يطمئن..
- الأخوة المستغربين أنه سيستيم يخترب يومين.. ومن قال أن هناك سيستيم واحد في منفذ ابو سمرة وليش افترضتوا أنه السيستيم لوزارة الداخلية.. غالبا السيستيم للجمارك والله أعلم..
- من ناحيتي أشهد أنه في تطوير مستمر (وفيه موضوع اليوم بجريدة الراية عن الجهود الطيبة والمشكورة للإخوة بالجمارك ووزارة الداخلية) لكن المطالبة بالمزيد ليست جريمة..
- ختاما أرجو تقديم حسن النية مش العكس وأنا كلامي كان عن الزحمة وإذا ممكن تحسين الأمور لأنه سواقين الشاحنات بشر..
على فكرة سواق الشاحنة الي ذكرته للآن بأبو سمرة والله يعينه..

[R 7 A L]

الي ينقلون مواد غذائية
مايوقفون على طول يدخلون


اما الي معهم حديد ولا مواد بناء وغيرها
اجراء روتيني انهم ينتظرون ولاننسى ان الجمعه يوم اجازة
والي اذكره ان حتى منفذ بوسمره لهم اوقات معينه بعدها يسكرون البوابة لليوم الثاني


واذا على سستم الجمارك
تعطل اكثر من مره
اخرها من اسبوعين
بيانات سيارتي ( رقم الشاصي و الموديل) تغيرت وارجعت لسيارتي القديمة
يوم الجمعه قلت لهم عدلوها وخمس دقايق عدلوها وقالوا العر والسموحة السستم تعطل ورجع للبيانات القديمة .

[bu.jassim]

مافيه شي ان شاء الله

بس الي اعرفه انه في سستم جديد اسمه النافذه الواحده او الـ single window توهم فاتحينه حق منفذ ابوسمره وهو يخص الجمارك

اوردي هالسستم تطبق في المينا والمطار

وهذا سبب الزحمه والله اعلم

[باراكودا]

مافيه شي ان شاء الله

بس الي اعرفه انه في سستم جديد اسمه النافذه الواحده او الـ single window توهم فاتحينه حق منفذ ابوسمره وهو يخص الجمارك

اوردي هالسستم تطبق في المينا والمطار

وهذا سبب الزحمه والله اعلم


أنا اتوقع المفتش مريض فقد القدرة على الشم

http://www.ammonnews.net/img/big/20137101055RN83.jpeg

[o0supra0o]

أسباب الزحمة هي الطفرة العمرانية الي صايرة في البلاد والمشاريع الضخمة الي قايمة علشان جذي زاد استيراد المواد والبضايع الخاصة لي هذي المشاريع بشكل كبير وهذا الي سبب الزحمة