حاسبو من التلفونات اللي تشترونها من Ooredoo

[أغلى البـشر]

السلام عليكم ورحمة الله وبركاته

حبيت انبه الجميع اللي بيشتري تلفون من أوريدوا انه بيتأكد أن التلفون شغال ومافيه شي قبل لا يدفع لهم

أنا شريت تلفون ايفون 6 من اقل من شهر وما فتحته من الكرتون الا من اسبوعين لما فتحته تفاجأت ان الشاشه مب ثابته والمايك يقطع في الصوت راجعت اوريدو اكثر من فرع لاستبدال الجهاز وما فادوني بشي وكانو يصرون اني اروح مركز الصيانه لستارلنك وزهقت ومافضيت الا اليوم اروح

ومن شوي أتصلوا فيني ستار لنك وخبروني انهم بيستبدلون المايك والشاشه ويمكن ياخذ له يومين او ثلاث ولما سألتهم ليش ما تبدلون الجهاز خبروني ان هاي سياستهم دام ان الجهاز يتصلح.


لو أي مكان ثان كان تم استبدال الجهاز بنفس الوقت

بس ما انقول الا شكرا اوريدوا على الخدمه الممتازه

[ana_ana]

نفس الموقف الي حصل معاك حصل معي شريت جهازين iphone 5 s من عندهم ولما رجعت البيت شغلنا الجهازين واحد منهم شاشته كانت خربانه فيها لون ازرق واضح وثاني يوم راجعتهم قالو وده ستار لنك يبدلونه لك ووديته ستار لنك قالو بنشيك عليه للتصليح قلت لهم كيف تصليح والجهاز مامر عليه 24 ساعه من فتحه وهو خربان اساساً المفروض يتبلدل بجديد قالو ماعندنا الان جهاز للاستبدال وراجعت اوريدو قالو مانقدر نعطيك جهاز بداله من عندنا لازم تراجع ستار لينك وصارت مآساه مع ستار لينك انهم يرجعون الجهاز للشركه الرئيسيه وبعدها انتظرت شهرين لين من الاتصالات والمواعيد انه قريب بيوصل وخذ على ذلك من انتظار واعصاب و جابو لي جهاز اخر على كلامهم جديد وفي علبه غريبه مكتوب عليها ربليسمنت وماكان مني الا اني اخذه وانا اضحك لنه مافي حل بديل لني طالبتهم بأسترجاع المبلغ لأتمكن من شراء جهاز اخر ولكنهم رفضو استرجاع المبلغ لنه سياستهم ماتسمح بأسترجاع المبلغ وكل هذا لني ماكنت ابغي اخذ من المحلات قلت اني اخذ من اوريدو على الاقل ضمان معروف وشركة كبيره تحترم العميل للاسف

من جانب اخر ايام ال iphone 5 شريت الجهاز من فودافون ويوم اخذه سئلت البياع انه هل الجهاز يشتغل عليه الفيس تايم اذا ركبت عليه كرت اوريدو قال شغال عادي وكنت شاك انه ماراح يشتغل لني سمعت انه مقفول الجهاز الا على كرت فودافون فالموظف اكد لي انه الجهاز مفتوح ويشتغل الفيس تايم على اي كرت ولما خذته رجعت البيت وشغلت كرت اوريدو وطلع صحيح انه مقفول ولا يقبل تشغيل الفيس تايم الا على كرت فودافون راجعت فودافون عن المشكله وقابلت مدير الفرع وشرحت له القصه وقال لي انه خطء البياع انه ماعنده خلفيه عن سياسه اجهزتنا ورجع لي المبلغ بالكامل بس عن طريق حساب بطاقه البنك الي اساسا انا دفعت منها يوم شريت الجهاز لو اني شاريه كاش كان سلموني المبلغ في لحضتها وهذا اخذ وقت استرجاع المبلغ شهر تقريباً

[ضوى]

انا اخذت منهم الايفون 6 بلاس ومافيه مشاكل واختي خذت النوكيا بعد مافيه مشاكل يمكن مساله نصيب وحظ يا غير البشر تصير بكل مكان مب اوريدو بس

[Dana’1]

ليش ما تتواصلون مع شركة أبل وتشتكون عليهم وترسلون صور فواتيركم وكل شي
ممكن يقدرون يساعدونكم

[كازانوفا]

كنت ناويه اشتري ايفون وخلاص على كلامكم ما راح اشتري
خليني على الجلاكسي

[Abdulazez]

انا خذت منهم ايفون 6 ولين حطيته على السبيكر ماكن اللي معاي على الخط يسمعني وكان الصوت مب واضح ولين رحت اوريدو قالوا روح ستار لنك النصر وأول ما قلت له عن المشكلة قال كل يوم يجوني اشخاص يشتكون من نفس المشكلة وهي ان اللزقة اللي على التلفون موجوده ولازم نشلها

[ANONYMOUS]

يعني ماحد تواصل مع حماية المستهلك

[7llo]

الشيخ نصيحه اوريدو وفودافون مامنهم فايده راسل على طول شركه ابل وريح مخك

[حمد30]

الله اكبر

[Al Basha]

حد جرب يتصل بحماية المستهلك؟

[السكين]

أنا شريت جهاز آيفون 6 بلس 128 بـ 3999 ريال من اوريدو ولاحظت شي إن زر القفل اللي على الجنب غير بارز يعني لو ركبت كفر لازم تضغط بقوه ولما قارنته بأجهزة اصدقائي من أوريدو لقيتهم نفس الشي ، ولما قارنتهم بأجهزة من بره أوريدو ومن أمريكا لقيت الزر بارز شوي.

مشكلتنا نشتكي ولا نتحرك وألوم نفسي قبل الكل.

[ام امااني]

الكل يشتكي ولا يسوي شيء هاذي حالنا

[بومحمد المطاوعه]

امر سهل

قبل لاتطلع من اي مكان تشتري منه التلفون

شغله جدامه وركب الكرت

واطلع بسلام
لا اعور راسي ولا اترجاهم يبدلونه

[بومحمد المطاوعه]

مشكلتنا نشتكي ولا نتحرك وألوم نفسي قبل الكل.

جزاك الله خير
اللوم منا احنا
ناخذ الشي ونروح البيت
ولا نفتحه فالمحل قبل لا نطلع

مثل البنك لو واحد سحب فلوس

يعدها قبل لا يطلع
ابرك من اعدها فالبيت وناقصه

[_yousuf_]

ستار لنك يصلحون لك الجول لكن اذا شريت جوالك ضمان شركة الخليج يتم استبداله على طول ..

[ALJokar]

وزياده ع الموضوع بعد قافلين الفيس تايم لو غيرت شريحه وركبت اي شريحه خارجيه من برا قطر ما راح يشتغل معاك فيس تايم الا لين تركب شريحه اوريدوو رحت شركه ابل قالوا لي ان الشركه الي شاري منها الايفون قافله الخدمه ما نقدر نساعدك

[لبيبة]

وعليكم السلام ورحمة الله وبركاته،

ولهذا السبب ولقفل الفيس تايم ما أشتري الايفون من كيوتل او فودافون او جرير، واطلبه من بره.

[وليف الشوق]

نصيحه اعمل بلاغ شكوى رسمية الى حماية المستهلك وشوف شلون راح يتعاملوك معاك من واقع تجربة واهتمامهم الشديد بالموضوع جزاهم الله خير

[الزعــــــيم]

جرب اتصل على حماية المستهلك

[اتصالات_103]

السلام عليكم ورحمة الله وبركاته،،

أخوى إذا واجهتك مشكلة مع مقدم الخدمة الخاص بك، يمكنك الأتصال بالخط الساخن لحماية المستهلك بهيئة تنظيم الاتصالات (103).

[بوخالد911]

تسلم للتنبيه

[رجل الجزيرة]

السلام عليكم ورحمة الله وبركاته،،

أخوى إذا واجهتك مشكلة مع مقدم الخدمة الخاص بك، يمكنك الأتصال بالخط الساخن لحماية المستهلك بهيئة تنظيم الاتصالات (103).

جزاكم الله خير الجزاء وبيض الله وجيهكم على مساعدتكم لي.

[بومحمد المطاوعه]

المفروض من كل شخص
قبل لا يطلع من اي محل
يشيك على الاغراض الي يشتريها

من حقك

[A-Alansari]

ماعتقد الغلط من اوريدو لانه الجهاز لما تشترية مغلف بتغليفة المصنع ومع الشحن ممكن بعض الاجهزه تتضرر مب معناته هم مستقصدين يعطونك تلفون خربان

اما موضوع ستارلنك فكل شركة لها سياستها سواء استبدال او تصليح الجوال وماتفرق انت شاري التلفون من يومين او من شهرين في النهايه انت شريته وفتحته

والافضل مثل ماقالو بعض الاعضاء افتح التلفون في المحل دام انك شاريه حق نفسك عشان لو فيه مشلكة تستبدله بنفس الوقت