استفسارات بخصوص رحلة علاجية لتايلاند

[جلكساوي]

السلام عليكم

بأذن الله ناوي اروح بانكوك مع الأهل رحلة علاجية بسبب تأخر الحمل والإنجاب

ومادري اروح المستشفى الملكي التايلاندي ولا الامريكي

شنو المستشفى اللي يمدحونه في هالتخصص؟ ولازم احجز موعد قبل ولا عادي اروح دايركت عندهم

ومتى إجازتهم الأسبوعية هل هي سبت واحد ؟ لأَنِّي بوصل عندهم يوم الجمعة وماعندي اجازة طويله

وشتنصحوني بخصوص الفنادق العائلية والقريبة من الفندق

اسمحولي ياجماعة كثرة عليكم بالأسئلة لأَنِّي ماقد رحت تايلاند من قبل

ويعطيكم العافيه

[ضوى]

ليش فكرت في تايلند !؟؟؟ ليش ماتروح الاردن ؟؟ ترا زينه في علاج حالات تاخر الانجاب وفي حالات اطفال الانابيب

[باراكودا]

أفضل وأقرب فندق لمستشفى بانكوك (الشهير بالملكي) هو فندق Amari Residences


http://thai-trips.net/wp-content/uploads/ab7.jpg

بالنسبة لمستشفى bumrungrad (الشهير بالمستشفى الامريكي) أقرب وأفضل فندق هو Zenith Sukhumvit

اوفندق Amari Boulevard Bangkok وكلها فنادق محترمه ومناسبة للعوائل .

الدخول للمستشفيات بدون مواعيد يوجد أقسام للعرب فى كل مستشفى للترجمة والتسجيل.

بالنسبة ليوم الجمعة عندهم دوام .. للتاكيد يفضل الاتصال بالمستشفيات .

[Abdullah_89]

نصيحه اخوي

العلاج في الملكي أفضل بكثير من الأمريكي
السكن في اماري رزيدنس بانكوك جنب المستشفى الملكي بالضبط واذا بتحجز مباشرة من الفندق كلم المدير الاخ محمود مابيقصر معاك
بالنسبة للمستشفى انا اليوم ان شائ الله اطرش لك رقم واحد فالمستشفى الملكي تحجز موعد عن طريقة ويجي ياخذك من المطر للفندق وينسق معاك المواعيد كلها واهو فالعلاقات العامة فالمستشفى الملكي وعربي الجنسية وتعتبر هالخدمه مجانية من المستشفى للي يراجعون ويتعالجون
بالنسبة للدكتور في دكتور تايلندي مشهور جدا في علاج حالات الانجاب اسمه دكتور Somboon Kunathikom

وهذا رابط تقدر تشوف فيه خبرته وصورته والشهادات اللي عنده
https://www.bangkokhospital.com/ar/centers-and-clinics/#ui-tabs-1


وأي خدمة واستفسار انا حاضر

[جلكساوي]

ليش فكرت في تايلند !؟؟؟ ليش ماتروح الاردن ؟؟ ترا زينه في علاج حالات تاخر الانجاب وفي حالات اطفال الانابيب

الاْردن سمعت عنها بس مادري هل فيه مستشفى خاص لهالحالات أتمنى انج تطرحين لنا مستشفى اذا تعرفينه

[جلكساوي]

يعطيك العافيه اخوي باراكود

[جلكساوي]

نصيحه اخوي

العلاج في الملكي أفضل بكثير من الأمريكي
السكن في اماري رزيدنس بانكوك جنب المستشفى الملكي بالضبط واذا بتحجز مباشرة من الفندق كلم المدير الاخ محمود مابيقصر معاك
بالنسبة للمستشفى انا اليوم ان شائ الله اطرش لك رقم واحد فالمستشفى الملكي تحجز موعد عن طريقة ويجي ياخذك من المطر للفندق وينسق معاك المواعيد كلها واهو فالعلاقات العامة فالمستشفى الملكي وعربي الجنسية وتعتبر هالخدمه مجانية من المستشفى للي يراجعون ويتعالجون
بالنسبة للدكتور في دكتور تايلندي مشهور جدا في علاج حالات الانجاب اسمه دكتور Somboon Kunathikom

وهذا رابط تقدر تشوف فيه خبرته وصورته والشهادات اللي عنده
https://www.bangkokhospital.com/ar/centers-and-clinics/#ui-tabs-1


وأي خدمة واستفسار انا حاضر

هلا عبدالله مشكوور على كل هالمعلومات وانا سمعت ان المستشفى الامريكي أفضل من المستشفى الملكي

صحيح انه أغلى منه بس يقولون يهتمون فيك أكثر

ولاعليك امر عطني رقم الشخص اللي في العلاقات العامة

[qatarman8008]

مرحبا اخوي..
انصحك تسافر تايلاند للعلاج ليش.. لان فيها تغيير جو وسياحة تغير نفسية الشخص للافضل وهالشي مهم جدا في العلاج..
المستشفى الملكي التايلندي انا اشوفه افضل من الامريكي.. عندهم مكتب بالمطار نفسه ممكن ترتب كل شي من عنده..
السكن الافضل انك تسكن قريب من شارع العرب وارشح لك فندق الهوليدي ان.. الهلتون او راينيسونس ..
لان كل شي قريب منك تروح له مشي.. المولات والمطاعم والاسواق..
اللي يسكن قريب المستشفى يكون عنده مواعيد يومية ولفترات طويلة.. ما اظن هذي هو وضعك..

[عاشق العديد]

للعلم ..

ترى في مستشفيات .. غيره الملكي والامريكي .. ممتازه .. ولكن مضلومه لانه العرب مايروحونها بكثره لانهم معتمدين اكثر شي ع الامريكي او الملكي ..

بشكل عام ..

تايلند ممتازه فالطب ..
ولكن ابعد عن شارع العرب ..

في فندق ع نظام شقق .. محترم وممتاز .. وقريب من شارع العرب ولكن بالخلف شوي ..
غرفتين صاله خاصتن للي معاهم اهلهم .. اسمه فنزويلا بلازا ..

نصيحه لاتسكن ابدا في اي فندق يطل ع شارع العرب وانت معاك اهلك .. والله يوفقك .