نصيحتكم .. وشو الشركات الي تنصحون ابها من هل الشركات للشراء .. وشرايكم ابيع هذا السهم [الأرشيف]

المخلب

31-08-2006, 02:28 PM

السلام عليكم

مابي اطول ..

انا حاط عيني على عدد من الشركات .. وابي نصيحتكم في شركه تصلح للاستثمار البسيط وحده من الموجودين هنا :

وقود

الصناعات

اسمنت الخليج

بروه

كهرماء

الريان

وبنفس الوقت خاطري ابيع الريان .. :con2: وارد اشتريه باقل من قيمته الحاليه ..

شرايكم ؟

غالي ألأثمان

31-08-2006, 02:58 PM

اذا انت مستثمر يبيلك صبر شوي............انصحك اول شي بالريان يمكن اعلان افتتاح البنك يرفعه لين الثلاثين بس بيع لاتطمع......بعدين رد اشتر بروه ونام عليها وان شاء الله تشوف مايسرك مع توزيعات الارباح اخر السنه........كذلك وقود ممتازه بس يعتمد على توزيع السهم لان العائد على السهم متوقع مش اقل من 12 ريال........والتحويليه اوكي......اما البنوك فأنا ما انصح فيها في الةقت الحتضر والله اعلم

العقيد

31-08-2006, 03:00 PM

اخوي المخلب ممكن تقصد استثمار قصير مب بسيط..

عالعموم افضل شركه بين الي ذكرتهم للاستثمار القصير شهرين تقريبا بأعتقادي بروه والاسمنت ..

الريان اعتقد بيعه عند هالمستوى بقصد الشراء مره ثانيه خطاء واتوقع كسره حاجز 25قريبا ..بس ممكن تبيعه اذا اقترب من 26وترجع تشتريه من تحت بس على سعره الحالي صعب التوقع انه ينزل لانه اسس بكميات كبيره جدا على هالسعر..

الكحلي

31-08-2006, 03:02 PM

وقووووووود

فهد الخاطر

31-08-2006, 03:05 PM

انا انظر يا اخوي الغالي الى الاحتفاظ في مصرف الريان وعدم البيع لانه مثل ما تفضل اخوي غالي الاثمان الافتتاح قريب وممكن ان يصل الى حدود 35 ولكن اذا ربحت ربح طيب باستطاعتك بيعها وشراء بروه لانه بروه راح تقوم في نهاية العام بتوزيع ارباح نقديه وهناك شركات انظر لها بتفائل كبير مثل التحويليه والعقاريه

Unti_Jewish

31-08-2006, 03:25 PM

بسم الله الرحمن الرحيم

اخي الفاضل المخلب
هذا راي يحتمل الخطاء والصواب

صناعات و وقود
اسهم اكثر من ممتازة وما يعيبها توزيع الأرباح
ولذلك مهما وصلت الأرباح ترحلها لاستثمارات اخرى ... وهذا ما يعيب الشركتين

بروة والريان اسمنت الخليج
اسهم استثمارية ولها مستقبل باذن الله
ولكنهم في بداية الطريق .. الاولى والثالثة تحتاج لسنتين والثاني ثلاث سنوات

الكهرباء
لا تعليق

الملاح

31-08-2006, 05:56 PM

وقود + بروة

majdqatar

31-08-2006, 06:34 PM

اذا بتصبر شهرين افضل ان تاخذ وقود وتحويليه واعتقد اخوي بدون اي تطبيل ولا دعايه الوقود يتكلم عن نفسه واعتقد انه السنه سنه وقود واستبعد توزيعا نقديا لها فيجب على الشركه اما رفع راس مالها او شيء اخر والله اعلم ... اما التحويليه اعتقد انه بعد شهرين ستحصد ربحا طيبا فتوكل على الله.اما الاسمنت فانصحك ان تقوم بشراءه على مراحل اما بروه فلا غبار عليها سعرها اكثر من رائع اما الريان فحاول اخي الكريم بان تحتفظ به .
على جميع الاحوال افضل لك الاسهم حلال مائه بالمائه..الريان بروه الاسمنت المصرف ...اذا لم ترغب باسهم بها نسبه تطهير.

المخلب

31-08-2006, 08:20 PM

اشكركم كلكم .. والاغلبيه منكم متفقين ان الوقود هي الافضل حاليا ! ..

طبعا فكرتي بالنسبه لسهم الريان .. اني ابيعه على 26 (( فرضا )) وارد اشتريه على 24 او اقل ! وبكذا استثمرت السيوله بمكان ثاني !! ورديت مره اخرى للاحتفاض بالسهم .. :)

ابو الاسهم

31-08-2006, 09:25 PM

اخوي المخلب اذا عندك كهرباء لا تبيعها الحين ترى اليوم اقفلت على متوسّط 200 يوم وصعب انها تنزل عنه اما الريّان اصبر نشوف ايش يصير الاسبوع القادم ولا تفرّط فيه بهذا السعر

ابوسعود

31-08-2006, 10:12 PM

اخوي انصحك بتقوى الله اولا
وثم
الاسلاميه $ السعر ممتاز جدا + التوزيع الممتاز
والدولي $ توزيع اسهم بين 80% الى100%

ومع تمنياتي للجميع بالتوفيق

سهم طايش

31-08-2006, 10:48 PM

1- وقود

2- بروه

3 - الريان

ابتعد عن الاسمنت هذه الفتره الريان بسعره الحالي افضل من الاسمنت

و بالتوفيق

سيف العز

01-09-2006, 01:09 AM

مادام جبت طاري أستثمار عليك بوقود ..

زمان الصمت

01-09-2006, 01:53 AM

اخي الكريم انا اتفق مع اخوني في ما نصحوك به ولكني انصحك بهذه الاسهم لان لها وعليها ارتفاعات كبيرة ستقنيك عن اي توزيعا
بروة ناقلات السلام المتحدة المواشي الملاحة وقود واذا بتصبر سنتين الريان وفي تصوري الشخصي ان ايام ارتفاع الناقلات قربت وملاحظ من السحب الكبير على اسهمها ونقاط دعمه

المخلب

01-09-2006, 03:39 PM

اشكركم كلكم .. ونصايحكم على العين والراس ..

هجر

01-09-2006, 04:54 PM

حبيبي اذا ارتفع السوق ترتفع معه جميع الاسهم { ربحانه ولا خسرانه } لكن السؤال اي الاسهم ارتفاع
جواب : الاكثر نزولا والاقل عدد اسهم ’ { من خلال تجربة طويلة }

المخلب

01-09-2006, 11:15 PM

شكرا اختي هجر .. :)

ابو الاسهم

01-09-2006, 11:59 PM

اخوي المخلب اذا عندك كهرباء لا تبيعها الحين ترى اليوم اقفلت على متوسّط 200 يوم وصعب انها تنزل عنه اما الريّان اصبر نشوف ايش يصير الاسبوع القادم ولا تفرّط فيه بهذا السعر
هذا شارت الكهرب

وواضح فيه خط الدعم (الخط البني)

Alemadi

02-09-2006, 12:40 AM

وقود + بروه

والله اعلم

المخلب

02-09-2006, 11:28 AM

ماقصرتوا .. وجعلكم سالمين :)

Aljans

03-09-2006, 07:02 PM

اخوي المخلب اذا عندك كهرباء لا تبيعها الحين ترى اليوم اقفلت على متوسّط 200 يوم وصعب انها تنزل عنه اما الريّان اصبر نشوف ايش يصير الاسبوع القادم ولا تفرّط فيه بهذا السعر
هذا بالضافه إن ارباح الصيف داخله في ارباح الربع الثالث.

ابو الاسهم

03-09-2006, 09:01 PM

هذا بالضافه إن ارباح الصيف داخله في ارباح الربع الثالث.
:nice: :nice: :nice:

صحيح ولكن كنت اتكلّم من ناحية فنّية

Orbit

03-09-2006, 09:56 PM

المخلب : خارج الموضوع مبروك على لقب التأسيس تستاهل بجدارة

Aljans

03-09-2006, 10:12 PM

:nice: :nice: :nice:

صحيح ولكن كنت اتكلّم من ناحية فنّية
أنا لم أقصد الأضافه لما تقول فأنا دائما" أستفيد من نصائحك. فقط أردت أن الفت الأنتباه بأن هذا الصيف يختلف عن الماضي. أحداث بيروت, العطله المدرسيه, و زيادة عدد السكان. شكرا لك.

ابو الاسهم

03-09-2006, 10:57 PM

المخلب : خارج الموضوع مبروك على لقب التأسيس تستاهل بجدارة
مبروك يستاهل المخلب والله:strong

بو يعقوب

03-09-2006, 11:32 PM

عليك اخوي بالوقود على مراحل

المخلب

04-09-2006, 04:13 PM

اشكر الجميع على الاضافه القيمه ..

:eek3: :eek3: :eek3: :eek3:

ابو الاسهم , اوربت

:eek3: :eek3: :eek3: :eek3:

الله يبارك فيكم .. :D

الدمعه على خدي ابيها تنزل لاصقه مادري ليش :strong

الفال لكم ان شاء الله .. ولكل شخص يستحقها بعون الله يحصلها :)

تحياتي لكم ..

بـوصـالـح

04-09-2006, 06:25 PM

عاش المؤسس :app: تستاهل والله

عموما (( بالنسبه لي )) افضل الريان هالايام فقط

(( لان مثل ما يقال ان خبر افتتاحه في شهر 9 )) ولازم يتحرك السعر اشوي

هذي وجهة نظري (( ولك حرية الخيار ))

عتيج الصوف

04-09-2006, 08:25 PM

اخوي انصحك بتقوى الله اولا
وثم
الاسلاميه $ السعر ممتاز جدا + التوزيع الممتاز
والدولي $ توزيع اسهم بين 80% الى100%

ومع تمنياتي للجميع بالتوفيق

اختيار ممتاز بالنسبه لي وللعلم محفظتي فقط تحوي هذان السهمين في الوقت الحالي والله يوفق الجميع