حديقة الجبيلات؟

[المحاميه]

السلام عليكم ورحمة الله وبركاته


استفساري اليوم عن حديقة الجبيلات


ليش هالحديقه موجوده ومب موجوده؟


صارلها سنين بارزه مع وقف التنفيذ وماقد شفت فيها ناس


ايش اسباب منع العامه من ارتيادها مع انها جاهزه؟

وهل هذا يعتبر هدر للمال العام؟


نبي توضيح ..

وشكراً

[حسن]

وين مكانها

!!!

[R 7 A L]

يمكن للحين ماخلصت

[شبح الصمت]

الجبيلات تقصدين الي فالدفنه !!

[المحاميه]

خلصت من سنين وشدعوه ماخلصت



ايه فالدفنه قبل دوار نادي قطر

[Super Cool]

خلصت من سنين وشدعوه ماخلصت



ايه فالدفنه قبل دوار نادي قطر

دايما اشوف فيها يهال يلعبون كورة

[توشيبا]

يعني لازم تشوفين فيها ناس ؟

روحي لها ونزلي اذا حد قالج ممنوع تدخلينها تعالي كتبي موضوع

مب اي شي نشوفه في الشارع نجي ركض ونكتب موضوع عنه


وترا بكل سهوله اي مسوول في بلديه الدوحه يرفع عليج قضيه بكلمه هدر مال العام تحرضين عليهم العامه وتتهمينهم بهدر مال العام

وشكرا

[توشيبا]

دايما اشوف فيها يهال يلعبون كورة

الاخت قبل تمر الشارع لازم نسوي في هالحديقه مهرجان عشان تشوف فيها ناس :omen2:

[Super Cool]

^^^^^

ما يحتاج تكبر الموضوع اخوي

هي سألت و جاء الرد...عادي

[المحاميه]

لا يايبه

مب حديقة الدفنه

فيه حديقه ثانيه وانت جاي من اشارات دحل الحمام رايح صوب اشارات نادي قطر


حديقه صغيره

مسكره

ولا مره فحياتي شفت فيها ناس

[بوحارب]

سلامتج يالمديرة

قبل سنة تقريبا رحتها مع اليهال

وحلوة الحديقة مرتبة والعابها جيدة

صفي الموتر ونزلي تأكدي قبل لاتسوين فوضى :(

[المحاميه]

وبعدين انا اقصد ان الحديقه جاهزه
ولو فيها شي بسيط مب عدل فهل عادي يعني انها اتسكر سنين؟


يعني هي جاهزه ومسكره


اللي عنده معلومه منافيه لما سبق ذكره يتفضل يذكرها ويصححلنا

[المحاميه]

سلامتج يالمديرة

قبل سنة تقريبا رحتها مع اليهال

وحلوة الحديقة مرتبة والعابها جيدة

صفي الموتر ونزلي تأكدي قبل لاتسوين فوضى :(


لا يايبه اي حديقه تقصد انت

[بوحارب]

لا يايبه اي حديقه تقصد انت

ابوج فالجنة طال عمرك


تاخذين إشارات الدحل باتجاه الكرنيش

والاشارات اللي عقبها سيده

وعقبها الحديقة عاليمين

هذي المقصودة ولا غيرها ؟!؟:con2:

[المحاميه]

ابوج فالجنة طال عمرك


تاخذين إشارات الدحل باتجاه الكرنيش

والاشارات اللي عقبها سيده

وعقبها الحديقة عاليمين

هذي المقصودة ولا غيرها ؟!؟:con2:


مادري
مافهمت


صورها وحط الصوره عشان نحكم اشرايك؟

[بوحارب]

يااااه المحاميه ما يبيلها شي

وصفي سهل وواضح !

[Super Cool]

لا يايبه

مب حديقة الدفنه

فيه حديقه ثانيه وانت جاي من اشارات دحل الحمام رايح صوب اشارات نادي قطر


حديقه صغيره

مسكره

ولا مره فحياتي شفت فيها ناس

امبلا هذي هي....وايد اشوف فيها يهال يلعبون كورة

[المحاميه]

لان فيه حديقه عوده فالدفنه بعد وفيها ملعب عود


أي وحده تقصدون؟

[بوحارب]

مافيه الا تودينا هناك عشان نعرف المكان :)

عقدتيناcrazy

[المحاميه]

^


لانك ... < اعتقد تعرف شنهي الكلمه يا بوحارب


:)

[U Welcome]

الحديقة اللي مقابله للروضه المغربية
اللي لو تخلي هالحديقة على يمينك وتكمل سيدة بين الفرجان بتوصل لجامع الدولة
محمد بن عبدالوهاب

^
^
^


وفعلا هي تمت فترة طويله مغلقه
حتى العيال لما نمر صوبها بشكل يومي كانوا يسألون متى بتنفتح

بس
الحين
هالحديقة مفتوحه وصار لها فتره ويوميا يجونها عيال وعوائل

[المحاميه]

الحديقة اللي مقابله للروضه المغربية
اللي لو تخلي هالحديقة على يمينك وتكمل سيدة بين الفرجان بتوصل لجامع الدولة
محمد بن عبدالوهاب

^
^
^


وفعلا هي تمت فترة طويله مغلقه
حتى العيال لما نمر صوبها بشكل يومي كانوا يسألون متى بتنفتح

بس
الحين
هالحديقة مفتوحه وصار لها فتره ويوميا يجونها عيال وعوائل

يعطيك العافيه
شكراً عالتوضيح


:)