هل من شغل الخادمة غسيل السيارات !!؟؟

[بوحارب]

السلام عليكم


الصراحة استغرب من بعض الناس كيف يتجرأ يطلب من (بنت) تغسل سيارته

وخاصة اذا كان الغسيل خارج المنزل امام الناس!!

انا اشوف هذا الشي ماله داعي ومب من شغل الحريم انهم يغسلون السيارة

وبعدين الناس تصيح وتصارخ الخدامة شارده
ولا الخدامة ما تبي تشتغل !!

واللي يكلف الشغالات بغسيل السيارات
يجرب يخلي زوجتة او بنته تغسل السيارة !!:con2:

#اتقوا_الله_في_الخدم sneaky:

[aloosh]

اذا السايق وهو رجل ليس من حقك تجبره يغسل سيارتك ما بالك امرأه
الله يصلح الحال

[رذاذ]

حسبت تسال تبي الخدامه تغسل لك السياره ..

هههههههههههه سوري فهمت خطا الموضوع .

[بوحارب]

اذا السايق وهو رجل ليس من حقك تجبره يغسل سيارتك ما بالك امرأه
الله يصلح الحال
السايق ممكن يسوي اي شي يبقى رجل والرجال قوامون على النساء



حسبت تسال تبي الخدامه تغسل لك السياره ..

هههههههههههه سوري فهمت خطا الموضوع .

شكلك يوعان هههههه

زين علق عالموضوع ياخي :( خخخخ

[راجي الْعفو]

وعليك ورحمة الله يالحنون

انا معك ان كان خارج البيت فهذا كلش غلط و مرفوض

وان كان داخل البيت فبعد ما احب اكلفها بهالشي

واهم شي في هذا كله انهم ما يكلفونهم فوق طاقتهم

تحياتي من مائدة الغداء

حياك !

[shadad]

في ناس ماخذين الموضوع تحليل راتب ههههه.

[R 7 A L]

من زين غسيل البيت

كلها 30 ريال
ولا 15 وانت تقهوى في فيلاجيو

[حسن]

وين احنا قاعدين يابوحارب

في ام الحصم
ولا
الدير

ولا سماهيج

هذا ماشفت ان الخدامه تغل السياره الى في البحرين
بس عندنا ماشفت

لان نعتبرها شوفه محسوبه علينا

:)

كلشي جايز يابوحارب الناس تغيرت وايد واصبحت علومهم ماتسر
لا عدو ولا صديق

انها العبوديه ياساده

هذه نبذه عن التا ريخ المعاصر والقديم والجاي الله يستر

:omg:

[بصمة قطرية]

لا طبعاً ما يجوز و حرام عليهم ..
هي مرة و هالشي المفروض يسويه رجال ..
يعني السايق ما اختلفنا ..
لكن الخدامة لا و ألف لا ..
إرحموا من في الأرض يرحمكم من في السماء ..
والله بعض الناس تحس الخدامة بالنسبة لهم رجل آلي ..!!

[حسن]

لا طبعاً ما يجوز و حرام عليهم ..
هي مرة و هالشي المفروض يسويه رجال ..
يعني السايق ما اختلفنا ..
لكن الخدامة لا و ألف لا ..
إرحموا من في الأرض يرحمكم من في السماء ..
والله بعض الناس تحس الخدامة بالنسبة لهم رجل آلي ..!!

انها من الصادقين ياساده انظرو الى ماخطته بصمه بانامليها حفظها الله من النار

:weeping:


فعلا انها بصمه


:victory:

يالله

ربنا لا تواخنا بمافعل السفهاء منا

يامنت كريم يارب

تستاهلين يابصمه هل هذه الصرخه المدويه عصير طماط جوش من بقاله

حيدريا حدريا مبتغا به

:victory:

[توشيبا]

جارنا كل يوم الخدمه تغسل فوق اربع سيارات

واللي اخر الشارع اشوفها تغسل بعد سيارتهم

بس اتوقع ان السيارات مالت الحريم مب حقت الشباب

[حسن]

جارنا كل يوم الخدمه تغسل فوق اربع سيارات

واللي اخر الشارع اشوفها تغسل بعد سيارتهم

بس اتوقع ان السيارات مالت الحريم مب حقت الشباب


وفي اشد قسوه من غسل السيارات

انها الجبروت

شكرا ياتوشيبا على هذه الادله القاطعه

تشهد وياي في المحكمه ولا

:telephone:

[توشيبا]

وفي اشد قسوه من غسل السيارات

انها الجبروت

شكرا ياتوشيبا على هذه الادله القاطعه

تشهد وياي في المحكمه ولا

:telephone:
ميحتاج شهاده تعال بعد صلاه الفجر وتشوفها تغسل سياراتهم وانتظر لين تجي الساعه ست وبتشوف من يسوقها كلها حريم
الشباب مايجون البيت الا مغسلين سياراتهم

[حسن]

ميحتاج شهاده تعال بعد صلاه الفجر وتشوفها تغسل سياراتهم وانتظر لين تجي الساعه ست وبتشوف من يسوقها كلها حريم
الشباب مايجون البيت الا مغسلين سياراتهم

ويحك يافتى كيف تجرا على قول هذا الكلام وبالفم المليان

يالله مالنا عاصم الى الله


تحمل اللي بيجيك من الردود

:victory:

[شيخ الديرة]

لا مو شغلتهم

[ضوى]

لا مب شغلتها ،

[دااانة قطر]

بصراحه يوم عندي شغاله قبل 12 سنه ماتخليني اغسل برا تحن تبي تغسل وكنا نطلع الحوش أنا وياها نغسلها واللي جو بعدها ماطلعت منهم ولا هم ابدوا رغبتهم


بس جد اشوفها مب عدله خاصة اول الصبح سواء شغاله أو سايق أرحموهم حسوا فيتم مايسمى عليهم 700 ولا 800 ولا حتى الف

[دايموند]

مع احتراماتي للردود المثاليه
مافيها شي لو غسلت الشغاله السياره
انا شغالتناتغسل سيارتي وانا احيانا اغسل السياره معاها
مب من كثر الشغل كلنا نفرين وطفل
وللعلم احيانا هي من نفسها تطلب انها تغسل السياره

[طبيب قطري]

ماينفع !! الخادمه حق الشغل داخل البيت ومب كله بعد!

[النهار]

وين احنا قاعدين يابوحارب

في ام الحصم
ولا
الدير

ولا سماهيج

هذا ماشفت ان الخدامه تغل السياره الى في البحرين
بس عندنا ماشفت

لان نعتبرها شوفه محسوبه علينا

:)

كلشي جايز يابوحارب الناس تغيرت وايد واصبحت علومهم ماتسر
لا عدو ولا صديق

انها العبوديه ياساده

هذه نبذه عن التا ريخ المعاصر والقديم والجاي الله يستر

:omg:

هههههههههههههههههه

اذا انت ماشفت انا شفت اكثر من مره مره حصلت الاثيوبيه تفرك تنده السياره مهب اي سياره والله كروزر
هذي اشلون اصعدت لين فوق :eek5:وجدام البيت

[راشد محمد]

اذا الخدامه راضيه ليش لا ... وفي بعض الدريوليه يغسلون الحوش والسجاد والأمور طيبه

[وحيد-الشوق]

اشوفه شيء عادي بس حبذا لو كان داخل البيت ترى بتغسل موتر مب تريلا بعني ربع ساعة الا مخلصة الموتر

[ابوعلي]

هلا بوضااااحي

بالنسبة لي ماطلبت من الخادمة ولكن الدريولية الي عندنا نقولهم وهم يغسلون بدون اجبار

ولكن اشوف اذا الخادمة من نفسها تغسل فعادي وممكن اعطيها عشر ريال كنوع من التشجيع هي تستفيد والسيارة تنغسل

[حسن]

بس يابو حربي

في بلادهم يضربون بلاستر ويرفعون الرمل الى الدور العاشر ويصفون طابوق

هي جات على غسيل السياره


الغسيل يعتبر لعبه لها مثل البزر لين شاف الماي


:)

[ساكن ازغوه]

حبيت اذكر نفسي واخواني ترى يا شباب غسيل الحوش والسيارات وعدم إطفاء الليتات في النهار يعتبر مخالف
للقانون الجديد لترشيد الاستهلاك ويستحق الشخص مخالفة مالية تبدأ من 1000 الى 10,000 ريال حاسبوا يا شباب

[Aaziz]

السلام عليكم

حي بوحارب ،،، مع تقديري لشخصكم الكريم


انا كشخص اقسم اني اخلي الخدامه تغسل السياره ،، ومعلمها تغسل بطن الموتر اذا داخل الصبخه ولا صايد الموتر ماي بحر .. كيف و ليش و شعندها شغل زايد ولا شوي ،، هذا شي راجع لي و قياسه عندي وهو شي بيني و بين رب العالمين .
الي يبي يطبل يطبل و الي يبي يسوي نفسه ابو المثاليه و مكارم الاخلاق خل ياخذ راحته ،، خداماتهم في بيوتهم و خدامتي في بيتي تحت ادارتي و قوانيني و شروطي الي ارضي بها الله قبل لا ترضا هي فيها .
مافيه داعي اشرح ايش طريقه تعاملي مع الخدم كون هالشي من خصوصيات البيت .

حد عنده اعتراض او تعقيب ؟؟
كلي اذان صاغيه

[MirusS]

عن نفسي مأحب أخلي أي حد يلمس سيارتي .. ودايما أغسلها بنفسي وماوديها المغاسل ألا مره كل سنه وهي بعد اليوم الوطني

وبالنسبه لسؤالك يابوحروب .. أي عادي الخدامه تغسل السيارة (داخل البيت )

[السحابة]

بصراحه يوم عندي شغاله قبل 12 سنه ماتخليني اغسل برا تحن تبي تغسل وكنا نطلع الحوش أنا وياها نغسلها واللي جو بعدها ماطلعت منهم ولا هم ابدوا رغبتهم


بس جد اشوفها مب عدله خاصة اول الصبح سواء شغاله أو سايق أرحموهم حسوا فيتم مايسمى عليهم 700 ولا 800 ولا حتى الف
مين بياخذ 1000 راتب وينه هالدرويل اعطيني اياه احنا السايق عندنا علي 2000 يمكن ماعندك درويل

[السحابة]

ونسيت اقول بعد سلفة 20000الف ويقسط كل شهر 500 وين صارت القطري بياخذ قرض من البنك بيشفطو نصف راتبو والارباح وهذول الدلع كله ونايم من بعد العشا اصلا اللي عايشين في البلد هنا مرتاحيين سايق المنزل اكل وشرب مجانا وثياب بعد وبخاشيش وعديات في العيد

[ضوى]

السلام عليكم

حي بوحارب ،،، مع تقديري لشخصكم الكريم


انا كشخص اقسم اني اخلي الخدامه تغسل السياره ،، ومعلمها تغسل بطن الموتر اذا داخل الصبخه ولا صايد الموتر ماي بحر .. كيف و ليش و شعندها شغل زايد ولا شوي ،، هذا شي راجع لي و قياسه عندي وهو شي بيني و بين رب العالمين .
الي يبي يطبل يطبل و الي يبي يسوي نفسه ابو المثاليه و مكارم الاخلاق خل ياخذ راحته ،، خداماتهم في بيوتهم و خدامتي في بيتي تحت ادارتي و قوانيني و شروطي الي ارضي بها الله قبل لا ترضا هي فيها .
مافيه داعي اشرح ايش طريقه تعاملي مع الخدم كون هالشي من خصوصيات البيت .

حد عنده اعتراض او تعقيب ؟؟
كلي اذان صاغيه

اطلاقا لا اعتراض ايها الاخ الفاضل عزيز

انا فقط قلت انه ليس من اختصاصها طالما فيه سائق في البيت ، مع اني في احيان كثيرة اطلب من شغالتي انها تنظف سيارتي من داخل عالخفيف من دثرة العيال ماشاء الله عليهم ،

[ضوى]

مين بياخذ 1000 راتب وينه هالدرويل اعطيني اياه احنا السايق عندنا علي 2000 يمكن ماعندك درويل

ليش دريولنا تونا معطينيه 200 ريال زيادة على راتبه كان ياخذ الف ريال ، اشدعوة 2000 ريال

[حمد 2002]

قديما كانوا النساء هم من يغسلون الزل مال البيت فرحا بقدوم العيد او بين فتره واخرى ، وقديما كانت الحرمه تطبخ وتنظف وووووووو وكل الاعباء المنزليه على ظهرها وفوق هذا تحمل بدال الياهل 20 و 25 ، ماشاء الله ولا عمليات ولا شيء !! .

اما الحين وييه ميري تالي شيلي الياهل عني ماقدر اشيله تعبني

ويييه ياسندرا ليش الاكل في ملح زياده !!


الخلاصه انا ومن موضوع بوحارب الي عودنا على الديمقراطيه بمواضيعه احمل ظاهره انتشار الخادمات والي كثرت بلاويهم ووصلت بالبيوت انهم ايخلون خداماتهم ايغسلون السياير والحوش برع ، احمل هالظاهره على الحريم والنساء وخصوصا خروج المرأه الى العمل ، والنتيجه الذي نراه الان .

[حمد 2002]

ليش دريولنا تونا معطينيه 200 ريال زيادة على راتبه كان ياخذ الف ريال ، اشدعوة 2000 ريال

معلومه :- اكيد دريولكم انتوا مدخلينه مدرسه لانه كان ماعنده خبره وكان راتبه 1000 ويوم خذ الليسن عطيتوه 1200 ، يمكن الاخت تتكلم عن ان عندها دريول خبره وليسن من قبل .

ترى الخبره تفرق هنا ، وعلى حسب الجنسيه بعد ،

يعني الدريول البنغالي راتبه ارخص من الهندي ، وهلم جره ،،

[ضوى]

ايووه يا حمد غرد غرد من الصبح

بنشوف لعرست بتجبر ام العيال عالشغل وتربية العيال والا بتمشيك على هواها وبتمشي مع التيار

[مـراحـب]

ياااااااااااااا بوحااااارب

ما تعودنا على هالموااضيع ، ، ،صرت نفس فلان

حسستوني مسوين جريمة ، ، ، ليش الخدامة تغسل السيارة
وشفيها اذا غسلت

انا كل أسبوع بروحي اغسل سيارتي الجميلة واستمتع بالغسيل والخدامة تساعدني

واللي يقول اتقوا الله ليش شصار عشان غسلت سيارة ويعني الا غسيل

[مـراحـب]

بو حارب

موضوعك لم يتسم بالفخامة

[qatara]

مدامه شغل ليس بثقيل ومن امور المنزل


فوين العيب الغريبه اصبح التدخل بحياة الناس وخصوصياتهم
واولادهم وخدمهم وزوجاتهم وكل امورهم الخاصه لدرجه حتا تدخلنا
بخدمهم مادام العامل قابل بالعمل وحقوقه مضمونه فمال بعض الجهات لاتدع الخلق للخالق
واذا جينا بمسى الحريات فهذا هو الانتهاك لحريات للناس
وبيوتهم وخصوصياتهم باسم الحريات و الحقوق يتلاعب بالحقوق

خربت البيوت وخرب المجتمع وتفكك باسباب هذه التدخلات بخصوصيات الخلق

كنه مكلفينها بتكسير جبل مثلا

عجبي


اما الهروب فلا دخل له بغسل سياره ياما خدم هربوولم يهانو ولم يظلمو وياكثرهم
لاكن لانهم ضامنين بما يسمى حقوقهم ورواتبهم وتذاكرهم وبالحقيقه ليس لهم حقوق
مادام اخلو بالعقد فما المانع من الهروب لتنويع مصادر الدخل مدام الحكم القانون
وليس الشرع فستغل الثغرات يوخذ من حق المواطن ليعطى الاجنبي المتمرد الهارب
لاكن الشكوى لله

[دااانة قطر]

مين بياخذ 1000 راتب وينه هالدرويل اعطيني اياه احنا السايق عندنا علي 2000 يمكن ماعندك درويل

اتكلم عن الشغاله وراتبها ماعندي فكرة براتب الدريولية :rolleyes2: لأني ماحتجتهم



قديما كانوا النساء هم من يغسلون الزل مال البيت فرحا بقدوم العيد او بين فتره واخرى ، وقديما كانت الحرمه تطبخ وتنظف وووووووو وكل الاعباء المنزليه على ظهرها وفوق هذا تحمل بدال الياهل 20 و 25 ، ماشاء الله ولا عمليات ولا شيء !! .

اما الحين وييه ميري تالي شيلي الياهل عني ماقدر اشيله تعبني
ويييه ياسندرا ليش الاكل في ملح زياده !!
الخلاصه انا ومن موضوع بوحارب الي عودنا على الديمقراطيه بمواضيعه احمل ظاهره انتشار الخادمات والي كثرت بلاويهم ووصلت بالبيوت انهم ايخلون خداماتهم ايغسلون السياير والحوش برع ، احمل هالظاهره على الحريم والنساء وخصوصا خروج المرأه الى العمل ، والنتيجه الذي نراه الان .

هل هي ملزومه تحمل بدال الياهل 20 و25 عطني دليل
ارجع واقول الله يعين اللي بتاخذها

[مـراحـب]

ارجع واقول الله يعين اللي بتاخذها

أي والله ، ، ،الله يعينها من قلب

[qatara]

الله يعينك ياحمد 2002

تدور مره صالحه بمنقاش ويا الله اتحصل

الله يوفقك ببنت الحلال تكون راعية بيت وتعرف حق الله والزوج

ولا تصبر الين الجنه ربي يعوضك والجميع بحور عين

[حمد 2002]

ياااااااااااااا بوحااااارب

ما تعودنا على هالموااضيع ، ، ،صرت نفس فلان

حسستوني مسوين جريمة ، ، ، ليش الخدامة تغسل السيارة
وشفيها اذا غسلت

انا كل أسبوع بروحي اغسل سيارتي الجميلة واستمتع بالغسيل والخدامة تساعدني

واللي يقول اتقوا الله ليش شصار عشان غسلت سيارة ويعني الا غسيل

من تقصدين بكلمه صرت نفس بوفلان ؟

[مـراحـب]

من تقصدين بكلمه صرت نفس بوفلان ؟

ما اقصد حد ، ، ، واللي ع رأسه بطحه ، ، ، ، ، ، الخ

[بومحمد المطاوعه]

هههههههههههه

والله قاعد اضحك


الله يهديكم يارب

[بوحارب]

هاااااااااااااي ايفري بودي ;)


المهم اللي يخلي او تخلي الخدامة تغسل السيارة في الشارع وقدام الناس
احب أقوله عيب والله عيب احشم بنت الناس

واللي خدامته حابه هالشغله وعادي عندها أقوله شي حلو :)

بس ودي ودي اصدق سالفة البنات يغسلون السيارة مع الخدامة قوية ياخيcrazy;)

أنتوا الحين الصحن اللي تاكلون فيه كسلانين تغسلونه
بتقدرون تغسلون سيارة هاهاهاهاهااااا

تحياتي الفخمه لكم جميع :con2:

[بومحمد المطاوعه]

هاااااااااااااي ايفري بودي ;)


المهم اللي يخلي او تخلي الخدامة تغسل السيارة في الشارع وقدام الناس
احب أقوله عيب والله عيب احشم بنت الناس

واللي خدامته حابه هالشغله وعادي عندها أقوله شي حلو :)

بس ودي ودي اصدق سالفة البنات يغسلون السيارة مع الخدامة قوية ياخيcrazy;)

أنتوا الحين الصحن اللي تاكلون فيه كسلانين تغسلونه
بتقدرون تغسلون سيارة هاهاهاهاهااااا

تحياتي الفخمه لكم جميع :con2:

بارك الله فيك يالغالي
صدقت الي يخليها تغسل جدام العالم
مب زين وعيب والله

ههههههههههه بس يغسلون موترهم بنفسهم بعض الحريم
مادري يمكن صح ويمكن غلط
الله اعلم

[ودي أكون]

الحوش بما حمل من واجبات السايق .. سواء غسل الحوش وخمه او تنظيف السيارات وغسيلها

[نوفا91]

لين طلعت سيارتي الفخمه يابوحارب حزتها بقولك من بيغسلها

يمكن اتلب تلبيه عشان يغسلونها :tease:

[Rider]

الفكرة عند البعض الخادمة والسائق أللآت نعم الخدم لهم كثير من السلبيات بس مب لازم الذل لعيال الناس بعد لحد يطلع ويقول الخدم مب عيال ناس

[بومحمد المطاوعه]

الحوش بما حمل من واجبات السايق .. سواء غسل الحوش وخمه او تنظيف السيارات وغسيلها

صادقه هاي اكثر البيوت جذي

يعني عندي فالبيت
الأدريول اهو المسؤول
الخدم مالهم اي دخل فالحوش

دريولي بعد يغسل الزل وينظف الدرايش والبيبان

[دايموند]

^^^^^^^^^

واللي ماعنده دريول ؟

[koketa]

خدامتنا تنظف السياره بس داخل البيت

تلميع زجاج وبالمكنسه الكهربائيه من الداخل وبس

[ودي أكون]

صادقه هاي اكثر البيوت جذي

يعني عندي فالبيت
الأدريول اهو المسؤول
الخدم مالهم اي دخل فالحوش

دريولي بعد يغسل الزل وينظف الدرايش والبيبان

وحتى شل الاشياء الثقيله من واجبات السايق .. اللي احنا ما نرضاه على نفسنا ك حريم مانرضاه على الفقيره المسكينه


بارك الله فيك اخوي بومحمد

[بوحارب]

لين طلعت سيارتي الفخمه يابوحارب حزتها بقولك من بيغسلها

يمكن اتلب تلبيه عشان يغسلونها :tease:

حاسبي لاتعورين وانتي تسوقين:(

[أم محمد 90]

شنو يعني عادي ؟

اذا السيارة بالحوش حزات اغسلها بنفسي مع اخوي الصغير وحزات اقول لها غسليها !
اذا في دريول وطلبتو منها مالكم داعي ، بس اذا مافي عادي ..

احسن من روحه المغاسل والنطرة بين الرياييل :) !

خفوا علينا ياللي خدمكم لين الفجر قاعدين مع عيالكم ! وانتو نايمين (البعض وليس الجميع)

[بومحمد المطاوعه]

وحتى شل الاشياء الثقيله من واجبات السايق .. اللي احنا ما نرضاه على نفسنا ك حريم مانرضاه على الفقيره المسكينه


بارك الله فيك اخوي بومحمد

وفيج يارب

صدقتي اختي
هذي الي نعرفه

فرضآ انا شريت شي للمطبخ وثقيل
اخلي الدريول يساعدني فالشيل
او
الادريوليه مع بعض ويدخلونه المطبخ

ليش اخلي الخدامه تشل شي انا بالاسأس رجال بروحي ماقدر اشيله

اكيد البنت ماتقدر تشيله

الا لو واحد جايب له ياكازونا هههههههه
شي ثاني

الله يرحمنا برحمته
البعض
يخلي الخدامه ترتب غرفته :weeping:

جات على الغسيل
خل تغسل وتستمتع بالماي

[بوحارب]

شنو يعني عادي ؟

اذا السيارة بالحوش حزات اغسلها بنفسي مع اخوي الصغير وحزات اقول لها غسليها !
اذا في دريول وطلبتو منها مالكم داعي ، بس اذا مافي عادي ..

احسن من روحه المغاسل والنطرة بين الرياييل :) !

خفوا علينا ياللي خدمكم لين الفجر قاعدين مع عيالكم ! وانتو نايمين (البعض وليس الجميع)

انتي تغسلين السيارة;)

أقص شنبي بمنشار اذا تعرفين تغسلين صحن بتاتا :):funny:

[بومحمد المطاوعه]

شنو يعني عادي ؟

اذا السيارة بالحوش حزات اغسلها بنفسي مع اخوي الصغير وحزات اقول لها غسليها !
اذا في دريول وطلبتو منها مالكم داعي ، بس اذا مافي عادي ..

احسن من روحه المغاسل والنطرة بين الرياييل :) !

خفوا علينا ياللي خدمكم لين الفجر قاعدين مع عيالكم ! وانتو نايمين (البعض وليس الجميع)

ههههههههههه
صدقتي
بعض الأحيان اغسل موتري مع مرتي
واليهال يلعبون فالحوش وارش عليهم ماي

وين المشكله
بالعكس وناسه وعبط

لهالدرجه البعض مايعرف يعيش بدون خدم
بعيد الشر :secret:

[أم محمد 90]

انتي تغسلين السيارة;)

أقص شنبي بمنشار اذا تعرفين تغسلين صحن بتاتا :):funny:

والله اغسلها اغلب المرات ، خصوصا او ماخذتها كنت خايفة عليها من الشموخ

ياخي اول امس سويت لقيمات اول مرة ف حياتي
شجعوا الفتيات القطريات

ليش التحطيم :weeping:

[بومحمد المطاوعه]

انتي تغسلين السيارة;)

أقص شنبي بمنشار اذا تعرفين تغسلين صحن بتاتا :):funny:

خخخ اما بمنشار

يالذيب هههههه كل شي ولا الشنب
والله اتوقع ام محمد تسويها ترى

هذي الوحيده الي ماتهايط هني فالمنتدى
خخخخخخخ

[أم محمد 90]

ههههههههههه
صدقتي
بعض الأحيان اغسل موتري مع مرتي
واليهال يلعبون فالحوش وارش عليهم ماي

وين المشكله
بالعكس وناسه وعبط

لهالدرجه البعض مايعرف يعيش بدون خدم
بعيد الشر :secret:

اي والله ، عايشين ومرتاحين ولله الحمد .. مب نهاية العالم

[بومحمد المطاوعه]

والله اغسلها اغلب المرات ، خصوصا او ماخذتها كنت خايفة عليها من الشموخ

ياخي اول امس سويت لقيمات اول مرة ف حياتي
شجعوا الفتيات القطريات

ليش التحطيم :weeping:

كفوو

يمكن ماينكل
يابس ههههههه

[بومحمد المطاوعه]

اي والله ، عايشين ومرتاحين ولله الحمد .. مب نهاية العالم

اي والله صدقتي
الحمدلله والله على نعمه العقل

البعض يتوكل على الله وعلى الخدم في كل شي
مستغرب منهم

[أم محمد 90]

خخخ اما بمنشار

يالذيب هههههه كل شي ولا الشنب
والله اتوقع ام محمد تسويها ترى

هذي الوحيده الي ماتهايط هني فالمنتدى
خخخخخخخ

:victory::ok2:

[توشيبا]

من تقصدين بكلمه صرت نفس بوفلان ؟

طبعا تقصدك انت

فيه فلان غيرك محارب اعلاميا من مواضيعه الشبه فاشله للاسف لاتسمن ولا تغني من جوع :omen2:

[بومحمد المطاوعه]

طبعا تقصدك انت

فيه فلان غيرك محارب اعلاميا من مواضيعه الشبه فاشله للاسف لاتسمن ولا تغني من جوع :omen2:

ههههههههههههههههه

في منتصف الفشل

[العلياا]

احنا سيايرنا كلها داخل البيت ويوم كانت عندنا خدامة كانت تغسل برضاها
واحيانا انا كنت اغسلها اذا اضطريت ومحد عندي يوديها
عادي مافيها شي :)

[بومحمد المطاوعه]

احنا سيايرنا كلها داخل البيت ويوم كانت عندنا خدامة كانت تغسل برضاها
واحيانا انا كنت اغسلها اذا اضطريت ومحد عندي يوديها
عادي مافيها شي :)

بارك الله فيج
زين وكفو عليج

المقصد ان البعض يخلي خدامته تغسل سيارته فالشارع
وجدام الرجال
عيب والله
لو فالحوش والباب مسكر مب مشكله
خل تشتغل لو تقدر

اما جدام الناس تغسل
صعبه والله

[العلياا]

كفوك الطيب يا بومحمد
لا طبعا مب عدله في حقنا انها تغسل برا واذا ماتبي ما تنجبر على هالشي

والله يهدي الجميع

[بومحمد المطاوعه]

كفوك الطيب يا بومحمد
لا طبعا مب عدله في حقنا انها تغسل برا واذا ماتبي ما تنجبر على هالشي

والله يهدي الجميع

صادقه

مب من واجباتها انها تغسل الموتر ولا الحوش
ولا تخم الحوش

[العلياا]

صادقه

مب من واجباتها انها تغسل الموتر ولا الحوش
ولا تخم الحوش

لا هنا اسمحلي
اذا هي مب من واجباتها تخم الحوش وماعندي دريول عيل من واجبات من ؟؟
اخليها تقعد وانا اطلع اخمه :)

[بومحمد المطاوعه]

لا هنا اسمحلي
اذا هي مب من واجباتها تخم الحوش وماعندي دريول عيل من واجبات من ؟؟
اخليها تقعد وانا اطلع اخمه :)

انا قلت لو في دريول
خلاص واجبات الدريول
لو مافي

خليها تنظف الطوفه بعد

بس لاكن التعامل معاها باليين واللطف

[العلياا]

انا قلت لو في دريول
خلاص واجبات الدريول
لو مافي

خليها تنظف الطوفه بعد

بس لاكن التعامل معاها باليين واللطف

ههههه السموحة منك ما انتبهت


يعطيكم العافيه

[R 7 A L]

مايطير صبغ السيارة ويسبب خدوش صغيرة الا غسيل البيت
نصيحة الي سيارته لونها غامق لايخلي من هب ودب يغسلها

[بومحمد المطاوعه]

مايطير صبغ السيارة ويسبب خدوش صغيرة الا غسيل البيت
نصيحة الي سيارته لونها غامق لايخلي من هب ودب يغسلها

صادق والله

متحسف ان عندي موتر اسود

والله لو تشوفه هههههههه صار رمادي يمكن

[الحياة الخالدة]

قديما كانوا النساء هم من يغسلون الزل مال البيت فرحا بقدوم العيد او بين فتره واخرى ، وقديما كانت الحرمه تطبخ وتنظف وووووووو وكل الاعباء المنزليه على ظهرها وفوق هذا تحمل بدال الياهل 20 و 25 ، ماشاء الله ولا عمليات ولا شيء !! .

اما الحين وييه ميري تالي شيلي الياهل عني ماقدر اشيله تعبني

ويييه ياسندرا ليش الاكل في ملح زياده !!


الخلاصه انا ومن موضوع بوحارب الي عودنا على الديمقراطيه بمواضيعه احمل ظاهره انتشار الخادمات والي كثرت بلاويهم ووصلت بالبيوت انهم ايخلون خداماتهم ايغسلون السياير والحوش برع ، احمل هالظاهره على الحريم والنساء وخصوصا خروج المرأه الى العمل ، والنتيجه الذي نراه الان .

و نسيت تقول إن الحريم هم سبب احتلال اليهود لفلسطيـــــن
أصلاً بدال ما يقولون اليهود وراء كل جريمة .. المفروض يقولون الحريم وراء كل جريمـــــــة

أستغفرك رب و أتوب إليك

[بومحمد المطاوعه]

ههههه السموحة منك ما انتبهت


يعطيكم العافيه

الله يعافيج

مسموحه اختي

[بومحمد المطاوعه]

و نسيت تقول إن الحريم هم سبب احتلال اليهود لفلسطيـــــن
أصلاً بدال ما يقولون اليهود وراء كل جريمة .. المفروض يقولون الحريم وراء كل جريمـــــــة

أستغفرك رب و أتوب إليك

لالا محشومين والله

اصلن انا ولا قريت الموضوع
بس دخلت وقريت كم رد ورديت

استغفرالله العظيم


تخبط فالتأليف وتخبط في مفاهيم الحياة

كل واحد يبي يمشي الناس على كيفه وعلى مايشوفه

واتحدى اي انسان واي رجل
حد من هله ولا بنات عماته ولا بنات عمات عماته يشتغلون

ولا بعد يمكن خلط
بس يبربرون علينا هني وينسون انفسهم

استغفرالله العظيم

الله يحفظنا ويحفظكم من كل شر وسوء

والله يستر علينا وعليكم يارب

[الحياة الخالدة]

هاااااااااااااي ايفري بودي ;)


المهم اللي يخلي او تخلي الخدامة تغسل السيارة في الشارع وقدام الناس
احب أقوله عيب والله عيب احشم بنت الناس

واللي خدامته حابه هالشغله وعادي عندها أقوله شي حلو :)

بس ودي ودي اصدق سالفة البنات يغسلون السيارة مع الخدامة قوية ياخيcrazy;)

أنتوا الحين الصحن اللي تاكلون فيه كسلانين تغسلونه
بتقدرون تغسلون سيارة هاهاهاهاهااااا

تحياتي الفخمه لكم جميع :con2:

يمكن انت عندكم هالكلام
أما عندنا عادي
نغسل سياراتنا و نغسل مواعيننا

[R 7 A L]

يمكن انت عندكم هالكلام
أما عندنا عادي
نغسل سياراتنا و نغسل مواعيننا



:omg:
بنفس الليفه
:secret:

[بوحارب]

مايطير صبغ السيارة ويسبب خدوش صغيرة الا غسيل البيت
نصيحة الي سيارته لونها غامق لايخلي من هب ودب يغسلها
رحال قبل كم شهر رايح البحر أسبح صوب اللؤلؤة

المهم:)

في وحده جايه مع بزارينها والخدامة
العيال يسبحون والام تتقهوى

والخدامة تغسل الموتر بماي البحر ههههههههههههههههههههه

انا اتوقع لون الموتر كامل قلب مصدي الحين crazy crazy

كنت بروح اقولها هازا مازين بس سكت وتميت اضححححححححك ;)

[بومحمد المطاوعه]

رحال قبل كم شهر رايح البحر أسبح صوب اللؤلؤة

المهم:)

في وحده جايه مع بزارينها والخدامة
العيال يسبحون والام تتقهوى

والخدامة تغسل الموتر بماي البحر ههههههههههههههههههههه

انا اتوقع لون الموتر كامل قلب مصدي الحين crazy crazy

كنت بروح اقولها هازا مازين بس سكت وتميت اضححححححححك ;)

هههههههههههههه

مال بوبلاش يالذييييييييييب

[بوحارب]

يمكن انت عندكم هالكلام
أما عندنا عادي
نغسل سياراتنا و نغسل مواعيننا


هلا المديرة ;)

انتي الصح وانا الغلط وش تبين بعد crazy

[الحياة الخالدة]

والله عاد اللي بيصدق يصدق
واللي ما يبي يصدق بكيفــــــه
مب ملزومين نحلف لكم على مصحف عشان تصدقون
بسكم تشويه لصورة المرأة القطرية .. والله عيب عليكم

[بوحارب]

هههههههههههههه

مال بوبلاش يالذييييييييييب


اي بلاش ههههههههههههه
الحين يبيلها تصبغ الموتر ب 5000 اقل شي

[الحياة الخالدة]

سووا واجباتكم المفروضة عليكم .. بعدين تعالوا عيبوا و انتقدوا

[بومحمد المطاوعه]

والله عاد اللي بيصدق يصدق
واللي ما يبي يصدق بكيفــــــه
مب ملزومين نحلف لكم على مصحف عشان تصدقون
بسكم تشويه لصورة المرأة القطرية .. والله عيب عليكم

بارك الله فيج اختي

صدقتي والله

كلنا نساعد ونسوي
وياما غسلنا الحوش بعد مع خواتنا وامي ترش الماي علينا خخخخخخ

الحياه حلوه وسهله جدآ

بس البعض يتحجر بالفيت على حساب الخدم هههههههه

[بومحمد المطاوعه]

اي بلاش ههههههههههههه
الحين يبيلها تصبغ الموتر ب 5000 اقل شي

ههههههه صادق
بس ياخوي
يمكن ماتدري
لو نصحتهم
الله يجزاك خير

ترى والله بعض الحريم مساكين على قد نياتهم

[بوحارب]

الموضوع الجاي شكلة عن السواقين :con2:

[العلياا]

والله عاد اللي بيصدق يصدق
واللي ما يبي يصدق بكيفــــــه
مب ملزومين نحلف لكم على مصحف عشان تصدقون
بسكم تشويه لصورة المرأة القطرية .. والله عيب عليكم

استغرب اصرارهم على ان احنا مانعرف ولا نسوي شي !!

الله يعينهم بصراحة

[بومحمد المطاوعه]

سووا واجباتكم المفروضة عليكم .. بعدين تعالوا عيبوا و انتقدوا

صدقتي
وانا معاج في هالشي

100%

[بومحمد المطاوعه]

سووا واجباتكم المفروضة عليكم .. بعدين تعالوا عيبوا و انتقدوا

صدقتي
وانا معاج في هالشي

100%

[بوحارب]

ههههههه صادق
بس ياخوي
يمكن ماتدري
لو نصحتهم
الله يجزاك خير

ترى والله بعض الحريم مساكين على قد نياتهم

والله كنت بروح بس وضعي ما كان يسمح

خبرك بحر وسباحة والقشه واصله السما

يمكن تشرد مني:(

[توشيبا]

ترا للحين ماقلت رايي في الموضوع بس قلت اشوف خدامات يغسلون سيارات

رايي في الموضوع مابدي اقوله


وشكرا

[بومحمد المطاوعه]

والله كنت بروح بس وضعي ما كان يسمح

خبرك بحر وسباحة والقشه واصله السما

يمكن تشرد مني:(

هههههه
مالك حل لو صارخت وقلت

لااااالااااااا

[shadad]

بعد الردود الغريبه الموافقه انها تشتغل مكينة غسيل هههه قررت استخدم الخدامه في البنيان اللي عندي. قاصرنا عامل :tease:

[ANONYMOUS]

هذا والله من قل النخوه والمروه في الناس

[توشيبا]

هذا والله من قل النخوه والمروه في الناس

زبده الكلام*

[يمامـة]

بو حروب شوف بقول لك شي..

بالنسبة لي احب اغسل السيارات.. وكل مرة كنت استغل غسيل الحوش
في اني اغسل سيارة بو العيال الصافة تحت الطبيلة.......> لين هاوشني وقال لي
انتي ما تغسلينها انتي اتشمخينها :"( حشى قطوة مب بني ادمية..

وفي ليلة اكتمال انحسار القمر وتأكيد رؤية هلال شوال
شاركت مع عيالي وخدامتي في غسيل سيارة ولدي الكبير
مكينة البرشر القوية.. وصابون سائل واسفنجات ووفنايل قديمة:secret:
وغسلنا هالسيارة لدرجة فكرنا نفتح مغسلة من زود ما كانت اتلق يومها..
وخلصنا غسيل السيارة واشتغلت النذالة في ترشش الماي على بعض..

فموضوع ان السيارة تغسلها الخادمة او الزوجة او البنت هذي أمور في
إطار الجو الاسري اشوفها أمور خاصة في كل بيت.. خاصة ان هناك خادمات يغسلون
سيارات المعزبات

لكن ان الخادمة تروح تغسل السيارة في الشارع وسبع البرومبة منسدح على كمبيوتره
او جواله...........> هذيه مافيه سنع ابدا.. او ام كشة تعطي لايكات في انستغرام او تويتر...> انعدام إنسانية..

لذلك أقول لك اني ضد ان تقف الخادمة في الشارع وتغسل السيارة.....> زين كان كتبتي ضد من البداية!!

شكرا لكم

[بشائر]

لا تكبرون الموضوع
ماشوف فيها شي بالعكس هي تستانس بغسيل السيارة وتطيبها بعد
ما يأخذ منها 10 دقايق وطبعا في حوش البيت
خاصة سيارات البنات والأمور طيبة ولله الحمد ..

[بشائر]

بو حروب شوف بقول لك شي..

بالنسبة لي احب اغسل السيارات.. وكل مرة كنت استغل غسيل الحوش
في اني اغسل سيارة بو العيال الصافة تحت الطبيلة.......> لين هاوشني وقال لي
انتي ما تغسلينها انتي اتشمخينها :"( حشى قطوة مب بني ادمية..

وفي ليلة اكتمال انحسار القمر وتأكيد رؤية هلال شوال
شاركت مع عيالي وخدامتي في غسيل سيارة ولدي الكبير
مكينة البرشر القوية.. وصابون سائل واسفنجات ووفنايل قديمة:secret:
وغسلنا هالسيارة لدرجة فكرنا نفتح مغسلة من زود ما كانت اتلق يومها..
وخلصنا غسيل السيارة واشتغلت النذالة في ترشش الماي على بعض..

فموضوع ان السيارة تغسلها الخادمة او الزوجة او البنت هذي أمور في
إطار الجو الاسري اشوفها أمور خاصة في كل بيت.. خاصة ان هناك خادمات يغسلون
سيارات المعزبات

لكن ان الخادمة تروح تغسل السيارة في الشارع وسبع البرومبة منسدح على كمبيوتره
او جواله...........> هذيه مافيه سنع ابدا.. او ام كشة تعطي لايكات في انستغرام او تويتر...> انعدام إنسانية..

لذلك أقول لك اني ضد ان تقف الخادمة في الشارع وتغسل السيارة.....> زين كان كتبتي ضد من البداية!!

شكرا لكم
هههههه الله يسعدج عجبني ردج
اله يحفظكم من كل شر

[qatara]

هاااااااااااااي ايفري بودي ;)


المهم اللي يخلي او تخلي الخدامة تغسل السيارة في الشارع وقدام الناس
احب أقوله عيب والله عيب احشم بنت الناس

واللي خدامته حابه هالشغله وعادي عندها أقوله شي حلو :)

بس ودي ودي اصدق سالفة البنات يغسلون السيارة مع الخدامة قوية ياخيcrazy;)

أنتوا الحين الصحن اللي تاكلون فيه كسلانين تغسلونه
بتقدرون تغسلون سيارة هاهاهاهاهااااا

تحياتي الفخمه لكم جميع :con2:

اتفق معك كونها انثى وتغسل بالشارع نعم عيب وهي تهتبر من ظمن اهل البيت

لاكن داخل البيت فهي عامله مافيها شي


اما صحونهم ما يغسلونهم صدقت فيها هههههه

شوي وبيطلبون خدمات يسبحونهم ويغسلونهم

عجبي على زمان خرب فيه كل شي جميل

[ya3coub]

مع احتراماتي للردود المثاليه
مافيها شي لو غسلت الشغاله السياره
انا شغالتناتغسل سيارتي وانا احيانا اغسل السياره معاها
مب من كثر الشغل كلنا نفرين وطفل
وللعلم احيانا هي من نفسها تطلب انها تغسل السياره

أول رد غير او يبين الواقف

احنا فالبيت نغسل سياراتنا بالمغاسل

ولكن اذا في شي سريع و ما عندي وقت او للوالدة الخدامة نطلب منها تغسل السيارة و اقسم بالله انه غسيلها من احسن ما يكون صارلها تقريبا 4 سنين عندنا يمكن ما تعدت الــ10 غسلات و ما اعترضت ولا فيها اي شي بالعكس كلنا انبهرنا من غسيلها و تنظيفها.

الرد على سؤالك يا حمد مافيها شي اذا الخدامة غسلت السيارة "" داخل البيت "" و من وقت لوقت تغسل السيارة بالعكس عادي.

بس موضوع انه الخدامة تصير يوميا الفجر تغسل السيارات كلها لا انا ضد هالشي

[ولد العرب]

احلئ رد واحلئ سالفه وفله وفله وانتظر روودها التحشيش ونبع الفكر اليمااااامه حيوهااا:app::app::app::app::omen2::app::app::app:: app::app::app::app:

[.:: القيصر ::.]

السلام عليكم


انا قبل ما اغسل السيارة

اخليها تجيب مخمت الكهرب و تنظف الموتر و تمسح الطبلون و تخلص كل شي داخل


بعدها انا اغسل الموتر و اسنعه من برع

ولين خلصت اناديهم ينشفون الموتر و يضبطون من برا


و مرات لما يشوفوني اغسل يجوني برا و يقولون ادخل احنا نبي نغسل السيارة

و اذا طلعت عشان اشيل موتري يقولون لي


بابا جيب سيارتك الثانية نغسلها





ياخي هم مرتاحين و مبسوطين و الحمدلله خلهم على راحتهم






طبعا لا تنسى هذا كله يصير لو السايق مسافر




و في الأخير مكان الغسيل يكون داخل البيت و تحت الطبيلة و الباب مسكر عليهم حتى انا ما انزل الا لين هم يقولون تعال و خلصنا لا تخاف ما اطلطل


على فكرة موفر لهم مكينتين براشر و مخمه خاصة للمواتر و افكر اركب كمبريسر هوا نفس المغاسل مال التنشيف

اهم شي راحتهم