أي أفضل نيسان باترول لكزس ولا لاندكروزر

[qataria80]

السلام عليكم

حبيت اعرف الافضل من بين الثلاث سيارات المذكورة.

مشكووورين

[العربية نت]

اذا في استطاعتك اللكزس فهو افضلهم اكيد :)

[الوسيط العقاري]

لاندكروزر vx-r

[MirusS]

أكيد اللكزس .. شكل وفخامه وقوة
مايتقارن فيهم أبد وحتى سعره أكثر من الاثنين أقل شي 130 ألف

[Rider]

لكزس --- نيسان -- لاندكروزر

[بـويوسف]

نيسان وانا اضحك .. :victory:

سعر معقول ومواصفات اكثر

[اللوز]

نوع الاستخدام ايش

[captin]

موخرا النيسان باترول انتشر بقوة

بسبب السعر المعقول والفخامة وخدمة الوكالة

[بن جعران]

لكزس وبس

[وحيد-الشوق]

رغم كرهي لوكالة المانع لكن صوتي يروح للنيسان الفل 400 حصان مايفرق عن اللكزس ومواصفات النيسان اكثر بعد

هاللكزس ذبانه صارت في الشارع وب400 الف ليش مادري !!!

رجاء لحد يجي ويقولي يطيح سعره مادري تخسر فيه البلاء مب في الموتر لكن البلاء فينا احنا مرفعين سوق اللكزس والتويوتا ولا هي مواتر كجره وماتسوى

[Abdulazez]

من واقع تجربه النيسان افضل بكثير وسعره مناسب مقارنة بالمواصفات

[بوفهد@]

انا استخدم نيسان من نهاية 2011
ترتيبي كل الاتي لكزس - نيسان - في اكس ار*
النيسان يتغلب على اللكزس في السفر اللكزس يتغلب على النيسان بالفخامه وجمال المظهر

[هجراوي]

النيسان أفضل في الاداء

وأفضل بالشكل

وأفضل بالمواصفات

وأفضل بالسعر

[LiL iNVe$ToR]

كل هالسيارات كجره ..مايسوون بيزه..لكن مابينهم ..باخذ النيسان.

[رجل الجزيرة]

لاندكروزر vx-r

سعره فيه وقطع الغيار متوفرة في السعودية أو الإمارات أو عمان وأنت مرتاح.

[المحاميه]

كل هالسيارات كجره ..مايسوون بيزه..لكن مابينهم ..باخذ النيسان.


عيل شنهي السياره اللي تسوى اخوي الملياردير؟

[عاشق العديد]

عيل شنهي السياره اللي تسوى اخوي الملياردير؟

المقصد ..

انه اسعار هالسيارات وصل اسعار السيارات الثانيه .؟
الي هي بالاساس فخمه ومريحه ..

يعني مثلا فتك 2015 فل ابشن بكم بحصله .؟
430 .؟


ازيد ميتين الف واخذ لي اودي او اخذ روز بعد .. واريح راسي .. موتر اسمه منه وفيه .. ولا بسمع فيه صوت سفايف او غيره ..

[المحاميه]

المقصد ..

انه اسعار هالسيارات وصل اسعار السيارات الثانيه .؟
الي هي بالاساس فخمه ومريحه ..

يعني مثلا فتك 2015 فل ابشن بكم بحصله .؟
430 .؟


ازيد ميتين الف واخذ لي اودي او اخذ روز بعد .. واريح راسي .. موتر اسمه منه وفيه .. ولا بسمع فيه صوت سفايف او غيره ..


مش صحيح

[عاشق العديد]

مش صحيح

والله يالمحاميه .. كل واحد وعقله ..

ليش اقط 320 الف ع فكسار ..
اروح اخذلي بورش ابرك لي نفس سعر ..
ولا بورش فيها مميزات اجمل واحلا ..

[ساكن ازغوه]

السلام عليكم

اعتقد السؤال يبيله اعادة صياغة كل السيارات المذكورة فيها مميزات وفيها عيوب
السيارة اللي مافيها عيوب مش موجودة في الدنيا الله يرزقنا واياكم الجنة
أنا جربت تقريبا جميع السيارات المذكورة مثلا التيوتا سيارة عملية وسعرها فيها والكل يفهم فيها
وقطع الغيار متوفرة لكن الكماليات في السيارة قليلة جدا مقارنة بسعرها والمتانة وغير مريحة خصوصا للشخص الطويل
اما النيسان وسيعة وتوفر بترول وكلها كماليات بس سعرها في اعادة البيع سيئ
الامريكي شكله جديد وحلو وكماليات مايحتاج بس في الرمل لك عليه مش مثل الياباني
طبعا الالماني شيخ المواتر بس للي يقدر عليه ولازم استعماله يكون استعمال حشمه

[المحاميه]

والله يالمحاميه .. كل واحد وعقله ..

ليش اقط 320 الف ع فكسار ..
اروح اخذلي بورش ابرك لي نفس سعر ..
ولا بورش فيها مميزات اجمل واحلا ..


أخوي هل البورش عمليه وعائليه؟
هل تتحمل السفر؟
هل ممكن ادخل فيها بر ((الرمله))؟

عرفت ليش قلت مش صحيح :)

[LiL iNVe$ToR]

أخوي هل البورش عمليه وعائليه؟
هل تتحمل السفر؟
هل ممكن ادخل فيها بر ((الرمله))؟

عرفت ليش قلت مش صحيح :)


ههههه البورش؟ عائلية وتقدرين تروحين فيها وين ماتبين ..وتقدرين تلعبين فيها فالرمل احسن من الكروزر والنيسان.

بس الموضوع مب عن البورش.

[Abd4llah]

من بين المواتر هادى بختار النيسان.
برة المواتر هادى انا بروح للكاديلاك او اودى.
بالتوفيق ان شاء الله.

[دايموند]

مادري احس شكل النيسان في الشارع وحش وفخم
وغير الامتيازات. والرفاهيه الي فيها

[ماجد]

1-لكزس بس سعرة مبالغ فيه
2-نيسان باترول
3-في اكس ار

[hamoor4ever]

ههههه البورش؟ عائلية وتقدرين تروحين فيها وين ماتبين ..وتقدرين تلعبين فيها فالرمل احسن من الكروزر والنيسان.

بس الموضوع مب عن البورش.

ع كلامك اخوي احنا عيله ست افراد اسافر كل شهر تقريبا واروح بر تنصحني ابيع الفي اكس ار واخذ لي بورش يالغالي والاغراض اقطهم فوق البورش وقت السفر واليهال في الشنطه ورا .

[MirusS]

ههههه البورش؟ عائلية وتقدرين تروحين فيها وين ماتبين ..وتقدرين تلعبين فيها فالرمل احسن من الكروزر والنيسان.

بس الموضوع مب عن البورش.

البورش أغراضه وقطع غيااره نااار ياحبيبي ناار على قولت رؤوف خليف
سعره قريب من اللكزس لكن عقب بيهد حيلك هددد

[LiL iNVe$ToR]

ع كلامك اخوي احنا عيله ست افراد اسافر كل شهر تقريبا واروح بر تنصحني ابيع الفي اكس ار واخذ لي بورش يالغالي والاغراض اقطهم فوق البورش وقت السفر واليهال في الشنطه ورا .

انا مانصحت فالبورش واللي فوق جابو طاريه :) اذا تبي تشل لين 7 افراد عندك اليوكن دينالي او اللي تحته.. ممتازين فالخط وللسفر! وصرفية البترول احسن منهم بعد..مادري ليش العالم ماعندهم الا كروزر ونيسان...انا ماعندي مشكله فيهم كسيارات! لكن اسعارهم غااليه باللي تحصله!! بالذات الكروزر..لين وين يبون يوصلون؟ المشكله اهني الناس مايعرفون الفرق بين "القيمة" و "السعر".




البورش أغراضه وقطع غيااره نااار ياحبيبي ناار على قولت رؤوف خليف
سعره قريب من اللكزس لكن عقب بيهد حيلك هددد

لما تقارن شركة تسوي سيارات بكمية هاااائله مع قطع غيار لكل هالسيارات! اكيد بيطلع ارخص من شركة تسوي سيارات اقل بكثييير! لكن الفرق مب كبير وايد لو تحسبها عدل..واللي اهم منه انك تحصل اللي تدفعه وكوالتي احسن.

اي سياره ..محافظ عليها وتسوي صيانه لها اول بأول ماتهد الحيل ولاشي..واذا صار هالشي يعني المشتري مب عامل حسابه عدل :).

دوم شوف الامور من زاويه ثانيه ..لاتسمع او تصدق اي كلام ينقال.

[MirusS]

لما تقارن شركة تسوي سيارات بكمية هاااائله مع قطع غيار لكل هالسيارات! اكيد بيطلع ارخص من شركة تسوي سيارات اقل بكثييير! لكن الفرق مب كبير وايد لو تحسبها عدل..واللي اهم منه انك تحصل اللي تدفعه وكوالتي احسن.

اي سياره ..محافظ عليها وتسوي صيانه لها اول بأول ماتهد الحيل ولاشي..واذا صار هالشي يعني المشتري مب عامل حسابه عدل .

دوم شوف الامور من زاويه ثانيه ..لاتسمع او تصدق اي كلام ينقال.

شلون الفرق مب كبير !! :)

قارن أسعار قطع الغيار كلها من صدامات سفايف اصطابات رنقات وكل شي بتجوف الفرق

السفايف السيراميك مالت البورش تيربو ب 10000 الاف الي أعرفه أذا مب أكثر بعد .. منو بيددفع هالمبلغ على سفايف وكل فتره بعد :rolleyes2:
وفيه سلبيه ثانيه بخصوص البيعه بعد اللكزس بينباع فغمضه عين وبيقمته والبورش بيطح ثلاث ارباع سعره ومحد بغااه بسبت قطع غياره والي يشتريه مستعمل هاي مسكين على نياته :( ..

وعلى طاري الزوايا الثانيه ترا مناخنا مب مال بورش كلش ..أحسن موتر يتحمل الكرف والحراره وكل الاجواء الكروزر واللكزس بدون نقاااش

[LiL iNVe$ToR]

شلون الفرق مب كبير !! :)

قارن أسعار قطع الغيار كلها من صدامات سفايف اصطابات رنقات وكل شي بتجوف الفرق

السفايف السيراميك مالت البورش تيربو ب 10000 الاف الي أعرفه أذا مب أكثر بعد .. منو بيددفع هالمبلغ على سفايف وكل فتره بعد :rolleyes2:

الشيخ ..سفايف السيرامك بس السفايف بـ 35 الف ريال :) !! لكن هذي مب مقارنه مجديه ..لان السيارات الثانيه ماتجي بسيرامك وهالشي كلش مختلف تماماً.. لو بتتكلم عن السفايف العاديه تقريبا اقل من 1000 فقط وتمشيك فوووق الـ 40 الف عادي! يعني بالممشى المتوسط سنتين ذي! امش هالكثر في كروزر او لكزس وشوف كم مره تبدل سفايف وكم تدفع اخر شي..بعدين انت شفت بريكات الكروزر واللكزس عشان تقارنهم ببريكات البورش؟ مافي مقارنه ابداً.

وفيه سلبيه ثانيه بخصوص البيعه بعد اللكزس بينباع فغمضه عين وبيقمته والبورش بيطح ثلاث ارباع سعره ومحد بغااه بسبت قطع غياره والي يشتريه مستعمل هاي مسكين على نياته :( ..

ليش الواحد ماخذ السياره اصلا؟ ماخذ السياره له عشان يبيعها يعني ولا حق المشتري الثاني؟ مافهم الصراحه ..عني انا اذا باخذ سياره باخذها لي مب حق اللي بيشتريها عقبي لان هي فالاخير مب استثمار عشان نتكلم عن السعر مهما الموتر مسك او نزل من سعره :tease: :rolleyes2:

وعلى طاري الزوايا الثانيه ترا مناخنا مب مال بورش كلش ..أحسن موتر يتحمل الكرف والحراره وكل الاجواء الكروزر واللكزس بدون نقاااش

اخالفك الراي ..السياره مافيها شي ابد ووممتازه في مناخنا الحار..انزل تحت فالمواضيع شوف بتلاقي واحد ماشي فيها فوق 100 الف كيلو والسياره ورده :)



والنقاش يتم مفتوح :victory:

[هبوب الكوس]

شلون الفرق مب كبير !! :)

قارن أسعار قطع الغيار كلها من صدامات سفايف اصطابات رنقات وكل شي بتجوف الفرق

السفايف السيراميك مالت البورش تيربو ب 10000 الاف الي أعرفه أذا مب أكثر بعد .. منو بيددفع هالمبلغ على سفايف وكل فتره بعد :rolleyes2:
وفيه سلبيه ثانيه بخصوص البيعه بعد اللكزس بينباع فغمضه عين وبيقمته والبورش بيطح ثلاث ارباع سعره ومحد بغااه بسبت قطع غياره والي يشتريه مستعمل هاي مسكين على نياته :( ..

وعلى طاري الزوايا الثانيه ترا مناخنا مب مال بورش كلش ..أحسن موتر يتحمل الكرف والحراره وكل الاجواء الكروزر واللكزس بدون نقاااش

وانت صادق
تبي بر بحر سفر تحميل ما يقول لاء
___________
افضل الفيكسار

[LiL iNVe$ToR]

وانت صادق
تبي بر بحر سفر تحميل ما يقول لاء
___________
افضل الفيكسار

هم السيارات الثانيه تروح بر وبحر وتحمل وتجر وماتقول لا...

:con2:

[هبوب الكوس]

هم السيارات الثانيه تروح بر وبحر وتحمل وتجر وماتقول لا...

:con2:

راعيه يقول لاء ههههههه
قول ليش
لان ما في ثقه عادي يطيح صدام ولا اصطاب

المقصد اخوي ما يستحمل كثر الياباني من ناحية بدي السياره

[LiL iNVe$ToR]

U



راعيه يقول لاء ههههههه
قول ليش
لان ما في ثقه عادي يطيح صدام ولا اصطاب

المقصد اخوي ما يستحمل كثر الياباني من ناحية بدي السياره


والله الشيخ ماشفت هالسيارات شي يطيح منهم ابد..اشوف الكروزرات اصطاباتهم اطير ع الخط.:secret:

[MirusS]

تبقى وجهات نظر وكلن يرقد عالجنب الي يريحه

[القبطان سلفر]

البورش أغراضه وقطع غيااره نااار ياحبيبي ناار على قولت رؤوف خليف
سعره قريب من اللكزس لكن عقب بيهد حيلك هددد



لا توجد مقارنه بين الالماني او البورش على وجه الخصوص بالسيارات اليبانيه . من ناحية جودة قطع الغيار والامان وغيرها من الامور . والرخص لا يعني ان هناك ميزه او امر ايجابي بل قد يكون امر سلبي يكلف حياتنا لاسمح الله .

المقارنة تكون بين منتج او سيارة تحمل نفس الموصفات .


جربت الكروزر مده طويله وموديلات مختلفه وكنت راضي عنه ولكن هذه السنه اول مره اجرب النيسان 2014 400 حصان بصراحه شيء راقي وثبات ويتفوق على الكروزر بمراحل .


اصوت للنسيان وبقوه :victory:

[معماري قطري]

ظالم باقي السيارات مدخل اللكزس معاهم في المقارنة

فخامة - ريافة - أَمان - متانة - هذي صفات اللكزس وبعدها يجي الفي اكس ار والنيسان قول له وخر وراك

[qtr qtr]

ارشح لك النيسان .. اللكزس شريته وتحسفت عالفلوس اللي قطيته فيه والله ثم والله انه مايسوى اكثر من 300 الف اسبوعين وحذفته فالمعرض اسم وشكل بس بريكه تعباااان السيفتي تعبان وسواقته نفس الفي اكس ار ال2009 مافيه فرق الا العزم يوم تدوس فيه ..افضل الفي اكس ار عن اللكزس .
النيسان راحه وسيفتي وقوي وريافه ووسع وجوده وفالخطوط ماشاءالله رااااااااااااحه مابعدها راحه ورساوه .
وهذا عن تجربه .. اما سعر قطع الغيار الجوده اهم من رخص القطع اللي تستهلك بسرعه وهذا شي مهم الناس عندها ثقافه خاطئه .

[ولد المنصور]

النيسان , , , , , ولا عقبه

[قوت القلوب]

اشتر اسم لكزس والموتر هادي ومايحن وله رزته فالشارع

[فكسار]

نيســــــــــان

[qataria80]

مشكوووووووووووورين كلكم والله يعطيكم العافية


النيسان حلوة ومواصفاتها أحلى بس الوكالة مسكرة هالأيام !!!

ما اعرف الصراحة زادت حيرتي

[qtr qtr]

مشكوووووووووووورين كلكم والله يعطيكم العافية


النيسان حلوة ومواصفاتها أحلى بس الوكالة مسكرة هالأيام !!!

ما اعرف الصراحة زادت حيرتي

في عندهم فروع فالسد وبن عمران مفتوح .. تقدر تروح لهم .. اللي بطريق سلوى بس هو اللي مسكر

[qataria80]

شكرا أخوي

[فرفوش]

مبروك مقدما

ولاتنسى تعطينا نبذه عن الاسعار

[مجلان]

لكزس سعي الي الكمال لايعرف الكلل lexus lx 5700

[Abdulazez]

نيسان ونلاحظ الطلب عليه بداء في ازدياد

[وحيد-الشوق]

نيسان ونلاحظ الطلب عليه بداء في ازدياد

ملاحظ هالشيء موديل 2014 انتشر بشكل كبير جدا خصوصا البلاتنيوم se 320 حصان لو الوكالة تحسن سمعتها كان الموتر انتشر اكثر من جذي لكن الوكيل تعبان

الي يضحك صج الgxr موديل 2013 مادري 2012 مسجل وسي دي بس وداخلية تجيب المرض ب220 الف وحتى الشاشة الي مركبينها في الموديلات الاخيرة تقول ايباد والشباب مستانسين عليها

[ســــند]

من خلال قرائتي لبعض الي اعطوا قرارتهم وتحليلهم انصحهم انهم يروحون لوكالات السيارات ويشتغلون محللين وفيلسوفين في جودة السيارات خاصه تويوتا ونيسان

والله يوفق الجميع *

[همر]

ملاحظ هالشيء موديل 2014 انتشر بشكل كبير جدا خصوصا البلاتنيوم se 320 حصان لو الوكالة تحسن سمعتها كان الموتر انتشر اكثر من جذي لكن الوكيل تعبان

الي يضحك صج الgxr موديل 2013 مادري 2012 مسجل وسي دي بس وداخلية تجيب المرض ب220 الف وحتى الشاشة الي مركبينها في الموديلات الاخيرة تقول ايباد والشباب مستانسين عليها



سنه كامله استخدمت النيسان ماطبيت الوكاله

السيرفس يجيني للبيت


عن اي تحسين خدمه تتحدثون ؟!!



اقول اللكزس ابو الرفاهيه فيه 5 كيمرات ورادار وتحديد

مسار وبريك اتوماتيك لمنع الاصطدام من جميع الجهات

و 400 حصان ؟!!



اها .. :playball:

[MirusS]

من خلال قرائتي لبعض الي اعطوا قرارتهم وتحليلهم انصحهم انهم يروحون لوكالات السيارات ويشتغلون محللين وفيلسوفين في جودة السيارات خاصه تويوتا ونيسان

والله يوفق الجميع *

:con2:




.......

[ابوالعبد]

بصراحه حرام تتدفع 300 الف علي تيوتا بكل امانه موتر مافيه شي من داخل استاندر وعالفاضي نصيحه خذ لك نيسان 400 حصان وسعره اقل وارخص واقوى

[دوحة الجميع]

ارشح لك النيسان .. اللكزس شريته وتحسفت عالفلوس اللي قطيته فيه والله ثم والله انه مايسوى اكثر من 300 الف اسبوعين وحذفته فالمعرض اسم وشكل بس بريكه تعباااان السيفتي تعبان وسواقته نفس الفي اكس ار ال2009 مافيه فرق الا العزم يوم تدوس فيه ..افضل الفي اكس ار عن اللكزس .
النيسان راحه وسيفتي وقوي وريافه ووسع وجوده وفالخطوط ماشاءالله رااااااااااااحه مابعدها راحه ورساوه .
وهذا عن تجربه .. اما سعر قطع الغيار الجوده اهم من رخص القطع اللي تستهلك بسرعه وهذا شي مهم الناس عندها ثقافه خاطئه .
انا سويت مثلك ، شريت في اكس ار 2012 وبعده بشهر نزلته في المعرض لأني حسيت راكب بيك اب غمارتين وشريت لي لكزس 2012 وهي سيارة عائلية وممتازة لكن البريك لك عليه شويه ، وبعدين شريت نيسان باترول 2013 كاملة المواصفات حجم 320 ، وماعليها كلام راحة وفخامه

[وحيد-الشوق]

سنه كامله استخدمت النيسان ماطبيت الوكاله

السيرفس يجيني للبيت


عن اي تحسين خدمه تتحدثون ؟!!



اقول اللكزس ابو الرفاهيه فيه 5 كيمرات ورادار وتحديد

مسار وبريك اتوماتيك لمنع الاصطدام من جميع الجهات

و 400 حصان ؟!!



اها .. :playball:



الناس يتشكون من الوكيل انا شخصيا ماعانيت مع الوكالة استخدمت موتري القبلي se 2012 مشيته لين 40 الف والصيانة كانت ممتازة والموتر الثاني le 2013 ما اشتكيت منه والصيانة ممتازة ايضا لاحظت بعض الغباء عند بعض موظفينهم خصوصا غير العرب والعيب الاكبر اسعار قطع الغيار وعدم توفرها احيانا وتويوتا جربنا السيرفس مالهم عادي جدا حاله من حال النيسان دفعنا على كامري واوريون 9000 في سيرفس ال100 وتاخذ الموتر ولين الحين يعاني من المشاكل

[ضوى]

كأنكً تقارن الماي بالبيبسي

[الرايــق]

الرزة فالشارع الحين للنيسااااان ..
وانا افضله عن الهايلكس دبل كابين (الكروزر) واللكزس ..

وبخصوص السيرفس فالتويوتا .. مراكز الخدمة سيئة جدا جدا وعن تجربتي شخصيا ....

[بويعقوب]

عنبر اخو بلال