سؤال عن جودة مطابخ ايكيا و خزائنهم [الأرشيف] - منتديات شبكة الأسهم القطرية

مشاهدة النسخة كاملة : سؤال عن جودة مطابخ ايكيا و خزائنهم

كود نمبر

28-12-2014, 08:12 PM

السلام عليكم

عندي سؤال اخواني عن جودة المطابخ و خزائن الملابس
بصراحه عندهم تشكيلات وأفكار حلوه بس الأهم الجوده
وهم يعطون على المطابخ ضمان 25 سنه والخزائن 5 سنوات

سؤالي عن وجدتهم الله لايهينكم

لبيبة

28-12-2014, 08:30 PM

جربت مطبخ ايكيا لأكثر من سنة، وجودتهم ممتازة، إذا كانت خامة المواد هني نفس اللي في اوروبا، لأن اللي جربته كان في أوروبا

أم وضاحي

29-12-2014, 11:57 AM

أنا إللي أعرفه إن من أسباب رخص الأسعار عندهم أن الخشب المستخدم عباره عن نشارة الخشب المضغوط
لكن المفاصل و المسكات عندهم جودتهم لك عليها انا كله تنفك و لازم حد من عندهم طبعا يركبها لك جربتها في خزاين الله يعزكم الحمام إللي تحت المغاسل
إذا تبيي نصيحتي وعن تجربة
المطبخ فصلته عند مطبخ الأحلام في شارع سلوى
ودفعت مبلغ و قدره
لكن للأمانه جودة ممممتتتاااازه
المطبخ الماني
شهرين تفصيل و يجيبونه و يركبونه لك
و تقاسيمه عجيبة و عملية و أفكارهم أحلى بواااااييييييد من أيكيا
أحلى ميزة فيه أنك لين جيت بتسكر باب الخزانه ما ينصفق بقوة يسكر بهدوء
المسؤول هناك إيطالي اسمه كارلو

(عبدالله)

29-12-2014, 12:23 PM

المواد المستخدمة في ايكيا تجارية واقتصادية

مثل ماقالت الاخت أم وضاحي.. الخشب المستخدم عندهم نوعه mdf لكن ملبس بحيث يحميه ويعطيه قوة

والمفصلات كذلك اقتصادية

عن تجربتي الشخصية خذت منهم عرض سعر لعدد 2 بانتري عطوني ب15 ألف

خذت عرض سعر ثاني بنفس المقاسات والمتطلبات من المطبخ الأمريكي بنفس السعر تقريباً وميزتهم إن المفصلات (صناعة ألمانية) والخشب (سوليد).

والله يوفقك

كود نمبر

29-12-2014, 09:31 PM

معماري قطري

29-12-2014, 10:55 PM

الاخوان والخوات لبيه ام وضاحي عبدالله
شاكر لكم مروركم ومشاركتكم

صحيح اخوي عبدالله هم يستخدمون خشب mdf في المطابخ والخزائن
لكن يقولون قوي وعليه ضمان من العيوب المصنعيه

بمر على المبطبخ الامريكي والأحلام وبشوف تصاميمهم

شاكر لكم

تذكر اخوي إِن أَي نوع من الخشب فيه وراه عناية ومواد عزل جيدة وبعيد عن مصادر الرطوبة بيعيش عمر، عندي مطابخ خشب أَبيض انجليزي اللي يسمونه سوفت وود ومصنعيتها جيدة وصبغها حراري بحيث يتغلغل الصبغ مع طبقة حماية داخل الخشب .. وهذي والحمد لله عاشت معاي 10 سنين بدون مشاكل .. وعندي مطبخ خارجي أَلمنيوم كله تفكك ويحتاج صيانة أَو تبديل.

Qt.1

01-01-2015, 10:22 PM

صار لي اكثر من 5 سنوات استعمل اثاث ايكيا حتى قبل ليفتح في الخليج , استعملته وماشفت منه اي مشاكل , واللحين بفصل مطبخ بيتي الداخلي عندهم , واغلب الاثاث الي في بيتي من ايكيا .

بحر شرق

01-01-2015, 11:47 PM

شركه رافكوا المطابخ عندهم ممتااااازه