هل تمنع الخطوط القطرية الصلاة على الطائرة

[شيخ القبيلة]

السلام عليكم ورحمة الله وبركاته
السادة الكرام اعضاء المنتدى
حبيت انقل لكم اللي صار معاي على الخطوط القطرية في رحلة العودة من احد البلدان
ركبت الطائرة وكان المفروض انه وقت صلاة الظهر ورحلتي حوالي 7 ساعات يعني لازم اصلي الظهر والعصر
واللي حصل لما طارت الطائرة وكانت مستقرة في الجو
طلبت من المضيفة اني اصلي في اخر الممر او بالاصح في غرفة الاستراحة اللي خاصة للبزنس وهي واسعة
الا تقول لي لا غير مسموح وقوانين الشركة تمنع هذا الشي ،:omg: قلت لها انا باصلي 5 دقايق شالمشكلة قالت اسفة غير مسموح
فعشان انا اتأكد اكثر رحت للمضيف اللي الظاهر ان مسؤول المضيفين فقلت له نفس الشي قال نفس الكلام غير مسموح وحنا اسفين واذا تبي صلي في مكانك قلت مايسير مادام في مكان واقدر اصلي بشكل صحيح ليش المنع.
وطبعا غرفة الاستراحة اللي قلت لكم عليها فيها بار بعد ماتطير الطيارة يحطون الله يكرمكم الخمور وهاتك ياضحك وسوالف من اللي يشربون واقفين على طاولة البار وناس قاعدين
يعني بالله عليكم هذا مسموح الشرب والسكر وانا لما ابي اصلي بس 5 دقايق يقولون لي ممنوع
اعتقد بأن الموازين انقلبت وصار الصح غلط والغلط صح
ولما رجعت الدوحة كتبت ايميل للشركة ورد علي واحد قال احنا اسفين وهذي اجراءات ومادري شنو
ولما كلمتهم بالتلفون كلمتني وحدة وقالت لحظة بكلم المسؤول وبارد ليك وشوي الاتقول لي من قال لك ممنوع اصلا مسموح
(واذا حد من المضيفين قال لك هذا الكلام انه غير مسموح خذ اسمه وسجله عندك وقول له انك بتكلم الشركة وبتشتكي)
هذا اللي صار وحسبنا الله هو نعم الوكيل

[R 7 A L]

زين لو ما أستأذنت منهم وصليت وش بيسون ؟

[رجل الجزيرة]

زين لو ما أستأذنت منهم وصليت وش بيسون ؟

أعتقد ما يسون له شيء لأن ما فيه قانون إذا صلى الواحد ويش يسون معه.

[ولد شرق]

أعتقد ما يسون له شيء لأن ما فيه قانون إذا صلى الواحد ويش يسون معه.

اتذكر قبل كم سنه واحد كان يصلي في الطيارة وامنعوه ويوم حاول يكمل صلاته دزوه وهددوه
واخبر هالموضوع كان عندنا في المنتدى

[OTBD]

الأسلام دين يسر وليس عسر صل عالكرسي

[شيخ الديرة]

.
.
.
.
طلبت من المضيفة اني اصلي في اخر الممر او بالاصح في غرفة الاستراحة اللي خاصة للبزنس وهي واسعة
.
.
.
وطبعا غرفة الاستراحة اللي قلت لكم عليها فيها بار بعد ماتطير الطيارة يحطون الله يكرمكم الخمور وهاتك ياضحك وسوالف من اللي يشربون واقفين على طاولة البار وناس قاعدين
.
.
.

من صجك تريد تصلي في بار ؟؟

[.. الكاش ..]

اليد الي ماتقاويها صافحها صار معي نفس الشي وصليت على الكرسي اسال احدى شيوخنا الكرام وشوف وشبيقولك انا ماسالت لكن قلت لازم اصلي وعقب بسال يجوز وله لا

[كلاسيك قطر]

الأسلام دين يسر وليس عسر صل عالكرسي


صحيح انا الوالده الله يطول بعمره يوم رجعنى من الصين مع الوالد

كانت امي اتصلي في الطياره وحتى الطياراه اتروح يمين ويسار امي اتصلي وهي قاعده في الكرسي

[Super Cool]

هو فعلاً ممنوع لعدة دواعي أذكر لك منها أهمها:

- وجودك في هالمكان ولو لدقيقة يعني ان اي مطب هوائي او تغيير مفاجىء فالحركة
والا يا انك متعور و منبط راسك او انك بتتقبض فالباب و عادي تفتحه و تسبب خلل
فالضغط...يعني عادي بتطيّح الطيارة باللي فيها فآنا اللي مب مظيف بعد بمنعك ياخوي!!!

- وايد ناس يجيها هبوط فالضغط فالطيارة بالتالي اللي يمشي فالممرات ما يكون متمكن
و وجود اي شي في طريقهم ممكن يعرضهم لخلل فالتوازن و يصير اللي فوق بس مع
شخص ثاني

- منطقة الاستراحة فيها أجهزة و معدات و مب معقول ان اسمح لكل شخص يجي و يتم
عندها و بدون حراسة

سؤال...لما الشرع يحلل لك انك تصلي جالس في كرسيك ليش الا تصلي فالممر غصب؟

[حسن]

من صجك تريد تصلي في بار ؟؟

ههههههههه

ضحكني ردك ياشيخ الديره

تصلي في بار

والله اني اشوفها اصلي على الكرسي ابرك الطياره ضيقه ومساعاتها كلش
مافي مكان الى عن البار على قوله شيخ الديره

انا ساعات اصلي في الطراد ووانا قاعد شنسوي على حسب الظروف

اما سالفه الخمر هذه شتسوي عاد

في الواجهه

[حمد 2002]

اتوقع المسافر يقدر يجمع بصلاته !! وبذلك مب شرط ايصلي لا بالطياره ولا بالسياره ، انا ماقدر افتي من مخي لانه ماعندي خبره وياليت الي عنده خبره ايفيدنا بهالامور !! .

[R 7 A L]

أعتقد ما يسون له شيء لأن ما فيه قانون إذا صلى الواحد ويش يسون معه.



اهاه


عموما

انا سفراتي البعيدة أصليها وانا في الكرسي

[كلاسيك قطر]

ياخي حرام والله السكر والخمور عادي والصلاه مب عادي

[سهيمان]

دايم اسافر ع الاماراتيه ولاعمرهم امنعوني من الصلاة

ليش منع الصلاة بحجة اجراءات الامن والسلامة ما نسمع عنها الا على القطرية ؟؟؟

مايكفيهم مبالغتهم باسعار التذاكر على القطريين ، بعد يمنعون الصلاة

[شيخ القبيلة]

من صجك تريد تصلي في بار ؟؟


ومن قال اني قلت الصلاه في البار انا قلت في اخر الممر او في غرفة الاستراحة وماكنو حطو شي للحين يوم كنت باصلي

[شيخ القبيلة]

ههههههههه

ضحكني ردك ياشيخ الديره

تصلي في بار

والله اني اشوفها اصلي على الكرسي ابرك الطياره ضيقه ومساعاتها كلش
مافي مكان الى عن البار على قوله شيخ الديره

انا ساعات اصلي في الطراد ووانا قاعد شنسوي على حسب الظروف

اما سالفه الخمر هذه شتسوي عاد

في الواجهه

شدراك ان الطيارة مساحتها ضيقة !!!!! شكلك ماسافرت من زمان

[حمد بن سعد]

قاطعوهم شوفو بديل غير القطرية

[شيخ القبيلة]

هو فعلاً ممنوع لعدة دواعي أذكر لك منها أهمها:

- وجودك في هالمكان ولو لدقيقة يعني ان اي مطب هوائي او تغيير مفاجىء فالحركة
والا يا انك متعور و منبط راسك او انك بتتقبض فالباب و عادي تفتحه و تسبب خلل
فالضغط...يعني عادي بتطيّح الطيارة باللي فيها فآنا اللي مب مظيف بعد بمنعك ياخوي!!!

- وايد ناس يجيها هبوط فالضغط فالطيارة بالتالي اللي يمشي فالممرات ما يكون متمكن
و وجود اي شي في طريقهم ممكن يعرضهم لخلل فالتوازن و يصير اللي فوق بس مع
شخص ثاني

- منطقة الاستراحة فيها أجهزة و معدات و مب معقول ان اسمح لكل شخص يجي و يتم
عندها و بدون حراسة

سؤال...لما الشرع يحلل لك انك تصلي جالس في كرسيك ليش الا تصلي فالممر غصب؟

ماشاء الله والله رد شافي
يوم انه غرفة الاستراحة فيها معدات ومادري شو ليش عيل يسمحون للشرب والسكر !!! وهذا مايؤدي الى فقدان التوازن يسبب مشاكل يالطيب !!!!

[شيخ القبيلة]

زين لو ما أستأذنت منهم وصليت وش بيسون ؟

اشكرك اخوي رحال فعلا كلامك صحيح كان المفروض اسفهم واصلي

[شيخ القبيلة]

أعتقد ما يسون له شيء لأن ما فيه قانون إذا صلى الواحد ويش يسون معه.

اشكرك

[شيخ القبيلة]

قاطعوهم شوفو بديل غير القطرية

الظاهر هذا اللي بيسير ومع الشكر الجزيل يابوسعد

[شيخ القبيلة]

اتوقع المسافر يقدر يجمع بصلاته !! وبذلك مب شرط ايصلي لا بالطياره ولا بالسياره ، انا ماقدر افتي من مخي لانه ماعندي خبره وياليت الي عنده خبره ايفيدنا بهالامور !! .

مرحبا حمد الرحلة كانت 7 ساعات وكانت بداية صلاة الظهر يعني الظهر والعصر والمغرب والعشاء يعني لازم تلحق الظهر والعصر قبل لايخرج الوقت

[شيخ القبيلة]

دايم اسافر ع الاماراتيه ولاعمرهم امنعوني من الصلاة

ليش منع الصلاة بحجة اجراءات الامن والسلامة ما نسمع عنها الا على القطرية ؟؟؟

مايكفيهم مبالغتهم باسعار التذاكر على القطريين ، بعد يمنعون الصلاة

تسلم على الرد فعلا كلامك صحيح اخوي

[رجل الجزيرة]

دايم اسافر ع الاماراتيه ولاعمرهم امنعوني من الصلاة

ليش منع الصلاة بحجة اجراءات الامن والسلامة ما نسمع عنها الا على القطرية ؟؟؟

مايكفيهم مبالغتهم باسعار التذاكر على القطريين ، بعد يمنعون الصلاة

عمري ما ركبت في القطرية والحمد لله أذكر سافرت اللندن على السعودية وصليت صلاة الفجرفي الممر وتحت سقف الطيارة موجود بوصلة القبلة وجزاهم الله خير، أقسم لكم بالله راحة نفسية عجيبة أتخل وأنا أصلي في السماء، يالله شعور غريب.

[technical]

بسم الله الرحمن الرحيم ، الطيران السعودي فيه مصلى داخل الطيارة وإذا الواحد ما راح صوبه قبل الاذان لازم ينتظر لحد ما تسلم كذا جماعة! وهذا صار له سنين ! ولا سمعنا من السعودية قصة سلامة ولا قصص ثانية.

لكن أقول لكم سالفة مع الطيران المتلحف باسم القطرية ، كنت اصلي على الكرسي على كلامهم حسبي الله فيهم ويمر علي نصراني او وثني وسخ ويخزني بذيك العين المليانه كراهيه.

[شيخ القبيلة]

:nice::victory:
بسم الله الرحمن الرحيم ، الطيران السعودي فيه مصلى داخل الطيارة وإذا الواحد ما راح صوبه قبل الاذان لازم ينتظر لحد ما تسلم كذا جماعة! وهذا صار له سنين ! ولا سمعنا من السعودية قصة سلامة ولا قصص ثانية.

لكن أقول لكم سالفة مع الطيران المتلحف باسم القطرية ، كنت اصلي على الكرسي على كلامهم حسبي الله فيهم ويمر علي نصراني او وثني وسخ ويخزني بذيك العين المليانه كراهيه.

[شيخ الديرة]

ومن قال اني قلت الصلاه في البار انا قلت في اخر الممر او في غرفة الاستراحة وماكنو حطو شي للحين يوم كنت باصلي

يعني بار, لكن بعد ما حطو شي. هل أنت مقتنع أن المكان طاهر للصلاة لأن بعد ما حطو بيه شي؟؟ يا أخي قبل ساعة من بداية رحلتك كان المكان مليان خمر وسكارى من الرحلة السابقة.

[شيخ القبيلة]

يعني بار, لكن بعد ما حطو شي. هل أنت مقتنع أن المكان طاهر للصلاة لأن بعد ما حطو بيه شي؟؟ يا أخي قبل ساعة من بداية رحلتك كان المكان مليان خمر وسكارى من الرحلة السابقة.

اشكرك على الرد المقنع!!!!!
ويمكن الكرسي اللي انا قاعد عليه بعد كان عليه واحد شارب خمر ويمكن منكت على الكرسي خمر ويمكن الممر اللي باصلي فيه بعد نجس ويمكن اللي قاعدين على الكراسي بعضهم يشربون ويمكن اللي قدامي واللي وراي بعد يشربون اذا ابي اصلي على الكرسي ويمكن اللحاف اللي معطيني اياه نظيف ومسكر بقرطاسه لوحطيته وصليت عليه بعد نجس !!!!!!!!!!

[Super Cool]

ماشاء الله والله رد شافي
يوم انه غرفة الاستراحة فيها معدات ومادري شو ليش عيل يسمحون للشرب والسكر !!! وهذا مايؤدي الى فقدان التوازن يسبب مشاكل يالطيب !!!!

هي مب غرفة استراحة بل غرفة معدات هاي اللي ابي اوصله...هي مب قعدة أو مجلس
لو تلاحظ الخطوط الجوية السعودية مسوية "مساحة منفصلة" بعيد عن المعدات لأن فعلاً
هالشي مب آمن

الشسخص اللي يشرب مسموح له يشرب في كرسيه فقط ولو وصل لمرحلة السكر أولا
ممنوع يقوم من كرسيه بدون مرافق و ثانياً لو حاول يقوم أو يسبب مشاكل...يربط للكرسي
و يكمم فمه بشريط لاصق!!! و يسلم للشرطة في بلد الوصول

أساسا الكميات الي تقدم للركاب تكون دون مستوى "السكر" لكن المشكلة فاللي يشتري
من المطار أو يركب الطيارة وهو شوي شارب ما يبين عليه و بعدين يكمل فالطيارة لذلك
حالياً اللي يشتري خمر من المطار حالياً يحطونه في كيس و عليه شريط لاصق لو انشق
الكيس أو اللاصق يسحبون منه المشروب في بلد الوصول

[سهيمان]

قاطعوهم شوفو بديل غير القطرية

هذا هو الحل والخطوط المنافسة ياكثرها ولله الحمد

[احب قطر]

إشمعنى الشركات الثانية الغير إسلامية توفر لك مكان للصلاة في الممر ويسكرون عليك بعد ، هذا ما حصل لي ولزوجتي عالكاثي باسيفيك ، فرشوا لنا لحاف وسكروا الستارة وقالو مكانكم جاهز للصلاة ، بينما الخطوط التابعة لدول إسلامية تقول ان it is safety reasons

[monatee]

ناس تحب تختلق مشاكل من العدم ، شكلك قبل لاتركب الطياره وانت ناوي على سالفه وياهم
الدين يسر
ليش ماجمعت في المطار ؟؟! وليش تحط نفسك بهالموقف ؟؟!
فطيارة على قولتك احتمال الكرسي نجس والممر نجس

وفرضاً خلوك تصلي ،، وصار شي لاسمح الله وتعورت لانك ماكنت على كرسيك ولا رابط الحزام
و مايمديك ترد كرسيك ،، ذك الساعه ماراح تطالبهم بتعويض ؟
في كل الحالات راح تذمونها ، اللي مب عاجبته القطريه لايسافر عليها
سافروا على الطيران اللي يسمحلكم بالصلاه وفكوا روحكم

[QATAR 77]

لانه تذكرتك سياحية لو بزنس او فرست محد كلمك

صليت جميع الصلوات على رحلة دوحة نيويورك و لا حد كلمني لانه التذكرة بزنس

[Super Cool]

إشمعنى الشركات الثانية الغير إسلامية توفر لك مكان للصلاة في الممر ويسكرون عليك بعد ، هذا ما حصل لي ولزوجتي عالكاثي باسيفيك ، فرشوا لنا لحاف وسكروا الستارة وقالو مكانكم جاهز للصلاة ، بينما الخطوط التابعة لدول إسلامية تقول ان it is safety reasons

ممكن وجهة الرحلة لو سمحت لأن انا الكاثي باسيفك منعوا الوالد سابقاً

[ضوى]

افففف الموضوع طلعت منه ريحة مقززة

عفوا اخوي ماقصدك شخصيا بس تكرار كلمة ... تجيب المرض اعوذ بالله

[دااانة قطر]

بسم الله الرحمن الرحيم ، الطيران السعودي فيه مصلى داخل الطيارة وإذا الواحد ما راح صوبه قبل الاذان لازم ينتظر لحد ما تسلم كذا جماعة! وهذا صار له سنين ! ولا سمعنا من السعودية قصة سلامة ولا قصص ثانية.

لكن أقول لكم سالفة مع الطيران المتلحف باسم القطرية ، كنت اصلي على الكرسي على كلامهم حسبي الله فيهم ويمر علي نصراني او وثني وسخ ويخزني بذيك العين المليانه كراهيه.



القطرية تسمح للسكر لكن لا تسمح للصلاة أمرهم عجيب

السفرة الأخيره لفينا كنا جاالسين في اخر الطيارة قبل السيت الاخير لفت انتباهي وانا قايمه ابي اعدل راس بنتي وهي نايمه الا مضيفة جالسة بحضن واحد كان مسافر هو وعياله صغار بدون زوجته اول مانتبهت لي قايمه من مكاني انحرجت وقامت والمضيفات اللي معاها يضحكون وبصراحة ماعرفت شقول ولا شسوي غير اني قلت قمنا نشوف العجب العجاب في كل مكان واستغفرت وقعدت كان ودي اشتكي عليهم وكانت بتنعرف وهو بعد بنعرف لأن اخر كرسي كان له ولعياله واحنا قبل الاخير

دائما التصرفات الوقحه تمر سهالات

[Super Cool]

القطرية تسمح للسكر لكن لا تسمح للصلاة أمرهم عجيب

السفرة الأخيره لفينا كنا جاالسين في اخر الطيارة قبل السيت الاخير لفت انتباهي وانا قايمه ابي اعدل راس بنتي وهي نايمه الا مضيفة جالسة بحضن واحد كان مسافر هو وعياله صغار بدون زوجته اول مانتبهت لي قايمه من مكاني انحرجت وقامت والمضيفات اللي معاها يضحكون وبصراحة ماعرفت شقول ولا شسوي غير اني قلت قمنا نشوف العجب العجاب في كل مكان واستغفرت وقعدت كان ودي اشتكي عليهم وكانت بتنعرف وهو بعد بنعرف لأن اخر كرسي كان له ولعياله واحنا قبل الاخير

دائما التصرفات الوقحه تمر سهالات

ما بلغتي اذا انتي غلطانه....للعلم قانون الشركة حتى لو قاعدة على كرسي فاضي "جنب" شخص...فنش مباشرة

مبااااااااشرة بدون أي انذار و خلال 24 ساعة...و أعرف حالات شخصية من حريم زملاء لي بالشغل

[دااانة قطر]

ما بلغتي اذا انتي غلطانه....للعلم قانون الشركة حتى لو قاعدة على كرسي فاضي "جنب" شخص...فنش مباشرة

مبااااااااشرة بدون أي انذار و خلال 24 ساعة...و أعرف حالات شخصية من حريم زملاء لي بالشغل



بصراحة الموقف كان محرج وانا قد على تويتر القطرية استفسرت اذا عندي شكوى اتواصل مع من محد رد علي
لان كل ما اتصل عالبداله واقول عندي شكوى يحولوني على خط ومحد يرد علي فايش اسوي وحزتها من الاحراج ماقدرت اتكلم تقدر تقول انصعقت

[Super Cool]

بصراحة الموقف كان محرج وانا قد على تويتر القطرية استفسرت اذا عندي شكوى اتواصل مع من محد رد علي
لان كل ما اتصل عالبداله واقول عندي شكوى يحولوني على خط ومحد يرد علي فايش اسوي وحزتها من الاحراج ماقدرت اتكلم تقدر تقول انصعقت

المرة الجاية اكتبي الموضوع دايركت في تويتر
و سوي لهم منشن...بس لازم يكون عندك دليل
أو على الأقل شهود

[أم محمد 90]

هو فعلاً ممنوع لعدة دواعي أذكر لك منها أهمها:

- وجودك في هالمكان ولو لدقيقة يعني ان اي مطب هوائي او تغيير مفاجىء فالحركة
والا يا انك متعور و منبط راسك او انك بتتقبض فالباب و عادي تفتحه و تسبب خلل
فالضغط...يعني عادي بتطيّح الطيارة باللي فيها فآنا اللي مب مظيف بعد بمنعك ياخوي!!!

- وايد ناس يجيها هبوط فالضغط فالطيارة بالتالي اللي يمشي فالممرات ما يكون متمكن
و وجود اي شي في طريقهم ممكن يعرضهم لخلل فالتوازن و يصير اللي فوق بس مع
شخص ثاني

- منطقة الاستراحة فيها أجهزة و معدات و مب معقول ان اسمح لكل شخص يجي و يتم
عندها و بدون حراسة

سؤال...لما الشرع يحلل لك انك تصلي جالس في كرسيك ليش الا تصلي فالممر غصب؟

ناس تحب تكبر المواضيع ...

صل ف الكرسي وانت ساكت يعني طيارة فيها 300 شخص اللي يصلون فيهم بيصلون وهم مكانهم وانت تبي تعارض !!
ولا مب فاهم ف اجراءات السلامة .؟

[دااانة قطر]

المرة الجاية اكتبي الموضوع دايركت في تويتر
و سوي لهم منشن...بس لازم يكون عندك دليل
أو على الأقل شهود


الشاهد وحده من بناتي بس نفس ماقلت ان شاء الله المرة الجاية اي تصرف او موقف يتم التبليغ نفس الوقت

[bos3eed]

للاسف, لاحظت ان في ناس تدافع بقوه عن حق الخطوط القطرية في منع الصلاة من غير الجلوس على الكرسي

على العموم, اذا كانت الطياره الريدي في الهوا ووجهة الطيارة للدوحة صل وماعليك منهم, حدهم بينادون لك امن المطار بعد ماتوصل الطياره.

[شيخ القبيلة]

ناس تحب تختلق مشاكل من العدم ، شكلك قبل لاتركب الطياره وانت ناوي على سالفه وياهم
الدين يسر
ليش ماجمعت في المطار ؟؟! وليش تحط نفسك بهالموقف ؟؟!
فطيارة على قولتك احتمال الكرسي نجس والممر نجس

وفرضاً خلوك تصلي ،، وصار شي لاسمح الله وتعورت لانك ماكنت على كرسيك ولا رابط الحزام
و مايمديك ترد كرسيك ،، ذك الساعه ماراح تطالبهم بتعويض ؟
في كل الحالات راح تذمونها ، اللي مب عاجبته القطريه لايسافر عليها
سافروا على الطيران اللي يسمحلكم بالصلاه وفكوا روحكم
كلامج صحيح كان المفروض اجمع قبل لااسافر
بس موضوع ناس تحب تختلق مشاكل وناوي على سالفةوياهم !!!
اختي انا لو ابي اختلق مشاكل ماكنت استأذنت من البداية وكنت سويت بلبلة وسالفة
بس ياكثر مانكتب ومانحاسب على كلامنا لا ونحط في ذمتنا بعد
الله كريم

[شيخ القبيلة]

لانه تذكرتك سياحية لو بزنس او فرست محد كلمك

صليت جميع الصلوات على رحلة دوحة نيويورك و لا حد كلمني لانه التذكرة بزنس

لا يبه تذكرتي بزنس

[شيخ القبيلة]

للاسف, لاحظت ان في ناس تدافع بقوه عن حق الخطوط القطرية في منع الصلاة من غير الجلوس على الكرسي

على العموم, اذا كانت الطياره الريدي في الهوا ووجهة الطيارة للدوحة صل وماعليك منهم, حدهم بينادون لك امن المطار بعد ماتوصل الطياره.

:nice:

[شيخ القبيلة]

إشمعنى الشركات الثانية الغير إسلامية توفر لك مكان للصلاة في الممر ويسكرون عليك بعد ، هذا ما حصل لي ولزوجتي عالكاثي باسيفيك ، فرشوا لنا لحاف وسكروا الستارة وقالو مكانكم جاهز للصلاة ، بينما الخطوط التابعة لدول إسلامية تقول ان it is safety reasons

:nice:

[شيخ القبيلة]

ناس تحب تكبر المواضيع ...

صل ف الكرسي وانت ساكت يعني طيارة فيها 300 شخص اللي يصلون فيهم بيصلون وهم مكانهم وانت تبي تعارض !!
ولا مب فاهم ف اجراءات السلامة .؟

لا منحب نكبر المواضيع وباصلي بس بدون كلمة وانت ساكت ولا فاهم اجراءات السلامة لاني فاهم اجراءات السلامة

[شيخ القبيلة]

ارجو من ادارة المنتدى حذف المداخلات التي فيها اساءة او تطاول او استهزاء
او اذا بغت ادارة المنتدى غلق الموضوع يكون احسن

[بوحارب]

انا اصلي على الكرسي والأمور طيبة :)

[Abdulraman]

انا سافرت على القطريه وصليت في مكان واسع مكان البزنز ولا حد كلمني

[Super Cool]

لا منحب نكبر المواضيع وباصلي بس بدون كلمة وانت ساكت ولا فاهم اجراءات السلامة لاني فاهم اجراءات السلامة

اخوي فعلاً واضح انك مب فاهم الاجراءات و العواقب والا ما تكلمت!!!

اللي يقول لك كبر بسرعة و ما عليك منهم هذي فيها "منع مأبد" من مطار الدوحة!!!

اعرف واحد صار له سنين يسافر بالسيارة لين البحرين بالبر و بعدين يكمل بالطيارة

[captin]

صل لين وصلت البيت توضا براحتك واقضي الصلوات الفائتة

[Right]

يعني الحين الخمر واللتح وسواد الوجه مسموح ، والصلاة ممنوعة !!



يكملونها مرة وحدة ويحطون قسم دعارة بالطيارة وغرفة خاصة بالإيجار بالساعة !!

بإعتباره جزء لا يتجزأ من نظام ترفيه المسافرين