استفسار عن المطابخ والخزائن

[][ Q6r ][]

السلام عليكم ورحمه الله وبركاته

ممكن اسماء محلات لعمل مطبخ داخلي ( المنيوم ) والخزائن للملابس واسعارهم معقوله :)

http://www.almeerakitchens.com/thumbnail/483x324/kitchens_dubai_6165400065.jpg

http://www.almeerakitchens.com/thumbnail/483x324/IMG_67402.jpg

وشاكر لكم .......

[معماري قطري]

المفروض دوم نركز على عدة محلات تجهيز ونفاضل بينها كجودة وسعر وتصميم مناسب للمساحة المتوفرة ولإِحتياجنا.

ما شاء الله الشركات كثرت وعجبني من بينهم نظام المتحدة للمطابخ .. وكذلك تدمر ورافكو .. وعندك أَلحين القادم الجديد ايكيا.

اللي يسأَل عن السعر صعب يحصل جواب دقيق هنيه لأَن الأَسعار تتغير وكل شيء له سعره.

شوف مساحة المطبخ عندك وكيف طريقته وفتحاته وتقريباً مكان الكهربه ومر موضوع الجديد في المطابخ وتكرم الحمامات في هذي الصفحة وخذ أَفكار وحاول حتى لو تكتبها كتابة حتى تتذكرها .. وشوف أَي مطبخ فيه عرض حول 4 متر وفوق ينفع تكون فيه جزيرة وسطية وتستغل المساحة للتخزين ولسطح عمل أَكبر .. وفي نفس الوقت ترتب المطبخ بحيث الخطوات تكون بسيطة بين الفرن وفرن الشوي والمغسلة والثلاجة .. وعندنا إِحنا نحتاج لمغسلة خارجية للمطبخ الخارجي للذباح ولغسيل الصحون والجدور الكبار .. يعني تكون مفتوحة وأَرضية.

المغسلة اللي للمطبخ الخارجي غير واللي للداخلي غير واللي لبوفيه شاي فوق لازم تكون صغيرة ومنظرها حلو لو على صالة مفتوحة .. وطبيعي استوى أَفضل مكان للمغسلة قرب النافذة .. لكن في مطبخ كبير وفيه جزيرة ممكن تكون مغسلة في الجزيرة ومغسلة في الحايط قرب الدريشة.

بعض المطابخ يجي فيها شوية طول .. وبعضها يجي الحايط بزاوية مايلة مب 90 درجة بسبب إِنه خارجي والأَرض جايه كذا ولمعالجة هذي الجزئية نقدر نخلي هذي الواجهة كاملة مخزن صغير أَو نسوي واجهة خزانة حائط بكامل ارتفاع الحائط لتخزين أَدوات المطبخ.

فتحات الشفط ضرورية لكل مطبخ والتكييف كذلك.

[][ Q6r ][]

رايكم في مطابخ الامريكيه ؟
وجزاك الله خير اخوي معماري قطري على الاضافات ومنك نستفيد :)

[اللوز]

عندك اخوي محل الحسن للالمنيوم - عندهم المنيوم على شكل خشب والوان متنوعة
وشغلهم مضمون ونظيف جدا 1000 %

[][ Q6r ][]

اخوي اللوز وين مكان المحل