ممكن جدول حق فرنسا

[bohilal191]

يمسيكم بالخير اولا مالنا بد من خبراتكم في السفر وثانيا ابغي اسافر مع الاهل فرنسا وعيالي واحد عمره 9 سنين والثانية 4 سنين ممكن جدول مرتب وشكرا

[للصبر اخر]

مرحبا الشييخ
انت تامر
اولا عساها سفرة ممتعة ان شاء الله
وثانيا عطني مدة الرحلة وابشر بالخير

[للصبر اخر]

دام معاك اطفال فانا افضل السكن في والت ديزني
عندك خيارين للفنادق
فندق والت ديزني نفسه وصعب تلاقي حجز
وفندق نيويورك وعن تجربه فانا افضل فندق نيويورك
بالنسبه لباريس
عندك متحف مدام توسو اللي هو متحف الشمع
وعندك برج ايفل
والرحلة البحرية كانت ممتعة جداا
وخذنا لنا لفة بالتوكتوك حول باريس ايضا استمتعنا وايد
هضبة الرسامين

[حفيد الأنصار]

بعد اذنك أخوي الدوحه

أختي للصبر آخر بسألك .. هل باريس زينة الجلسة فيها 3 أو 4 أيام
لأنه كثير يقولون حقها يومين بالكثير :( .. احنا طالعين شباب شخصين او ثلاثة بالكثير
لأني بخليها أخر شي بالرحلة واخاف اروح لها 4 الأيام الأخيرة واتورط ونطفش
يعطيك العافية

[للصبر اخر]

اخوي الحربي تقدر تروح لها وتطلع للمدن المجاورة لو ماعجبتك
باريس الكل يقول انها مملة بس بالعكس هي حلوة
لكن حق شباب مافيها شي
هي شوبنغ وماركات

[حمد 2002]

كم تكلف باريس لمده اسبوع

[للصبر اخر]

التكلفه تعتمد على حسب اماكن السكن وهل راح تتنقل ام بس باريس فقط وكم ميزانيتك بالظبط

[bohilal191]

مشكورة اختي ومدة الرحلة 12 يوم شلون أوزعها

[للصبر اخر]

اخوي 12 يوم بس باريس ؟؟

لي رد كان فيه ملف عن فرنسا
بدوره لك وبرجع احطه في الموضوع

[للصبر اخر]

90830

اتمنى يفتح الملف



هذا الملف
وفي مواضيع واييد بتفيدك
بحاول انزلها وحاول قد ماتقدر تختصرها وتلخصها وترتب لك الجدول وان ماحصل ابشر اساعدك

[للصبر اخر]

باريس1 (http://www.qatarshares.com/vb/showthread.php?598810-مسافر-باريس-بعد-بكرة-ومحتاج-معلومات)

باريس 2 (http://www.qatarshares.com/vb/showthread.php?597281-أستفسار-بخصوص-برشلونة-وباريس-وجنيف-ضروري-لأهل-الخبره)

[المحاميه]

اعتقد ان 12 يوم وايد

في اعتقادي 3 ايام كافيه وزود بعد

[غير البشر]

مرحبا يا الغالي
ماقصرو الاخوان والاخوات

وراجع لك ان شاء الله :nice:

[للصبر اخر]

طيب
جدول موقت لغاية مايرجع غير البشر بترتيبه
نبتدي باسم الله
اول خمس ايام تخليها والت ديزني
يوم الوصول حسب الفندق ورشحت لك فندق نيويورك
تكتشف المنطقه المحيطه بالفندق وتشوف الفيلج وتدخل ديزني والستديو حاول تاخذ الخرايط عشان تسوي جدول وتعرف العروض
ثاني يوم الصبح تطلع على اليونيفيرسال ستديو من الصبح لين الساعه 3 تدخل العروض وحاول تعرف متى يسوون استعراض الشخصيات في اليونيفيرسال ستديو عشان تلحق عليه
الساعد 4 ادخل ديزني وخذ لك مكان ع الشارع لان الساعه 5 ونص الاوبريد اللي فيه الشخصيات يمشون بالشارع ولاتتحرك ويفضل تجلس من وقت عشان ماحد يزاحمك
وبعد ماتخلص ارجع الفندق ريح
ثاني يوم خلك من الصبح بوالت ديزني لين 3 العصر ارجع الفندق وعلى الساعه 6 ارجع والت ديزني عشان الالعاب الناريه والاستعراض
ثالث يوم لو ماصادف يوم الاحد خذ المدام شوبنج على الفالد دي يوروب ( ذا فلج) الماركات والمول اللي عند الماركات وتغدوا بمطعم نورة
اليوم الرابع خله شوبنج في الفلج وفي مطعم وعرض للحصن العرض ممتع جدا اكثر من مرة دخلنا كان رائع
بس اطلب الاكل اللي مافيه خنزير يوفرونه لكم
وحاول تاخذ الفاست باس من الفندق نفسه اسالهم ممكن يوفرونه لك عشان ماتوقف في الزحمه وايد
هاي اللي اذكره بالنسبه لوالت ديزني
وبرجع لك بجدول لباريس

[غير البشر]

مرحبا اخوي الدوحه
ماقصرت اختي للصبر ابدعت

بس 12 يوم باريس وايد

اشرايك توزعها على الاماكن التاليه

باريس + دزني لاند + بروكسل
كلهم مسافات قريبه بينهم

علي اساس اذا حددنا تقسيم الايام
بقسم لك الايام وبحدد لك الاماكن القريبه من بعض في كل منطقه
مع محطات المترو المطلوبه عشان توصل للمكان الي تبغيه من الفندق

انا من فتره سويت جدول اربع ايام حق ناس ووزعت لهم الاماكن القريبه مع بعض بيوم واحد مع محطات المترو حسب الاماكن الي كانو طالبينها مني

انا ممكن اقسم لك باريس على خمس مناطق كل يوم تزور منطقه
ويوم واحد اذا بغيت تروح قصر فرساي + فرنسا المصغره على نفس الخط

يعني تقدري تروح باريس 6 ايام
دزني لاند 3 ايام
( يومين لملاهي دزني - يوم واحد اوتلت لافيلج + مجمع فال دي يوروب )
وبروكسل 3 ايام
تتوزع على ساحه الغراند + مجمع ستي تو والمنطقه الى حولها

شوف التقسيم الي يناسبك على اساس نرشح لك الفنادق والاماكن الي تستحق الزياره

[للصبر اخر]

بروكسل ممكن تروح لها بالقطار بنفس اليوم وترجع لو حاب تغير
المشكله معاه اطفال

[bohilal191]

تسلمين اختي للصبر وتسلم ياخوي بس معاي يهال وماقدر اتنقل وايد بالقطار وقررت تكون رحلتي مابين ديزني ونيس ومب رايح باريس وماعليكم امر جدول حق ديزني وحق نيس والرحلة دوحة باريس نيس دوحة

[غير البشر]

العفو اخوي الدوحه

بس الرحله اشوي طويله من نيس الى دزني لاند

اذا بالقطار في عشر رحلات يوميا من الى دزني
بس وحده منهم دايركت الساعه 9 الصبح
والمسافه بالقطار 6 ساعات و 43 دقيقه
اشوفها وايد اذا بالقطار

وطياره مافي مطار بمنطقه دزني لاند
يعني اقرب مطارات بتكون في باريس اما شارل ديغول او مطار اورلي

ومافي رحلات دايركت من الدوحه الى نيس او المناطق القريبه مثل مارسيليا وموناكو وكان

فقط طيران الامارات تطلع من دبي الى نيس دايركت

شوف وفكر وقرر الي يناسبك
على اساس لما نستقر على خط الرحله
نقدر ننصحك اكثر بالفنادق والاماكن الي تستحق الزياره

بس حبيت اوضح لك ها الامور كلها عشان تكون عارفها قبل لانبدأ بأي شي

[bohilal191]

كفيت ووفيت يالغالي والحين شلون اقدم على التأشيرة علما بأن موعد السفر تاريخ
20/7/2015

ودخلت موقع السفارة وحصلت ان لازم احجز موعد عن طريق موقع اسمه capago

[للصبر اخر]

حلووو
يعني في وقت للتخطيط واماكنية التغير بعد
اخوي انت مقتنع بنييس ؟
انا مازرتها فماقدر احكم

[v_h3]

ما شاء الله الربع كفوو ووفو بيض الله وجيهكم وإذا بغيت اي شي اخوي كلمني أنا موجود فباريس

[Abdullah_89]

اخوي توني مطلع الفيزا حق شنغن من السفارة الفرنسية قدمت الفيزا يوم الاحد واجهزت يوم الثلاثاء ماخذيت الVIP خذت الnormal وخل معاك تأمين على السفر من اي مكتب سفريات انا اخذته من مكتب المتحده اللي بالغرافه بالمجمع جنب دسمان وبالتوفيق


حجزت فندق dream castle paris قريب من ديزني لاند جدا

[للصبر اخر]

الاخ عبدالله
الفندق الذي سكنت فيه لا استطيع الحكم عليه لاني لم اجربه ولكن اغلب التقارير تشير عدم امكانية الوصول الى ديزني لاند عن طريق المشي منه
لنه يعتبر خارج المنطقة
بالنسبة لي افضل وخاصه مع وجود اطفال السكن في 3 فنادق التي تقع في محيط البحيرة
فندق ديزني لاند
نيويورك
نيوبورت


وتعذرني الادراه بالرابط الموجود ادنااه

هنا (http://www.travelzad.com/vb/t5171.html)

[sweet qatar]

اخوي الدوحة الله يوفقك بمخطط الرحلة ولاتنسي تشيك علي الجو وتحسب حسابك

أنصحك تسكن ماريوت فيلج عند ديزني لاند .. المنتجع بنفسه يرد الروح
ومنه تروح لديزني وفال دي يوروب و في حديقة حيوان وألعاب قريبة

اذا سكنت في الفيلج أحسن لك تأجر سيارة عشان تاخذ راحتك وماتتكلف بالتكاسي


باريس جوها ثقافي وحلاتها الصبح .. وطبعاً أسواقها و مطاعمها روعة


الي بيقول ان باريس تكفيها يومين .. أتوقع أنهم ربع الشانز :o

[للصبر اخر]

ههههههههههههه
ايه ربع الشانز
باري من 3 الى 6 بالكثيير
بدون ديزني
ديزني بس يبيلها اسبوعين

[sweet qatar]

ههههههههههههه
ايه ربع الشانز
باري من 3 الى 6 بالكثيير
بدون ديزني
ديزني بس يبيلها اسبوعين

ههههههه

لاتقولين بالكثير .. أنا اقعد شهر وما أمل منها :shy: