ظاهره حمل الدريوليه والخادمات لحقائب الطلاب المدرسيه !!

[حمد 2002]

السلام عليكم ورحمه الله وبركاته

ظاهره حمل الدريوليه والخادمات لحقائب الطلاب المدرسيه !! مابين موافق ومعارض ؟!! (( محور جدل ))


الناس منقسمين في هذا الامر مابين معارض وموافق ، الطرف الاول يقول بان هذا الامر يعود الاولاد على الدلع ومايخليهم يعتمدون على نفسهم بحمل ابسط شيء وهو الحقائب!! ، والطرف الثاني يقول بأن هذا الامر مافيه شيء وهو امر عادي ، والطرف الثالث يقول بان هذا الامر مستحب ولكن لو كان من يحمل تلك الحقائب الاباء مم الام او الاب لكان افضل .


اما انت عزيزي القارىء مارأيك بهذا الموضوع بشكل عام ..


:: ملاحظه :- يرجى عدم استغلال الموضوع لتوجيه اللوم على الرجال او النساء ، وقد اعذر من انذر !! ::

[شبح الصمت]

وعليكم السلام ورحمة الله وبركاته ،،

حي الله بوشهاب


تبي الصج انا مؤيد انه الدريول يساعد الطفل لين ما يوصل الاعدادية لين يشتد عوده

ياخي شنو ذي ياهل يشل وزن اكثر من وزنه مساكين ظهور عيالنا تنحدبت من كبر هالاشناط ..

مهب شنطه شايل له اثقال حديد ..

لو مب هالتواير الي على الشناط والا مسكين اهلكووا


الحمد لله الي اخترع فكر وحط لهم قواري والا ياخي ياهل يضرب عنده الدسك ..


المواد كلها يوديها عسى ما شر ..

[حمد 2002]

بسى على ايامنا كنا انشيل نفس هالامور يالذيب ، ولا انت من الطبقه المخمليه خخخخ لا لا امزح معاك لاتهاوشني ابروحي مسكين وقلبي ضعيييف :weeping: ،،

مممممممممم نرجع للموضوع

اشكرك على أبداء رأيك بهذا الموضوع ولك ولرأيك كل الاحترام والتقدير والله (( ورده فرش من الثلاجه ))


بالتوفيق ،،

[شبح الصمت]

بسى على ايامنا كنا انشيل نفس هالامور يالذيب ، ولا انت من الطبقه المخمليه خخخخ لا لا امزح معاك لاتهاوشني ابروحي مسكين وقلبي ضعيييف :weeping: ،،

مممممممممم نرجع للموضوع

اشكرك على أبداء رأيك بهذا الموضوع ولك ولرأيك كل الاحترام والتقدير والله (( ورده فرش من الثلاجه ))


بالتوفيق ،،


لا ياخوي لاني من الطبقة المخملية والا الفوشيه

هههههههاي



على ايامنا الله يسلمك كان عندي مب شنطه سير وكتبي بيدي اشلهم وكانوا كمن مادة الحين اختلفت الامور ..

[عضوو]

برأيي ان هذا التصرف لايصنع رجال ولا أمهات والطفل يعلم في حالات كثيره حقيقة تصرفات والديه

حتى التي تكون منها بدافع المباهاة وهذا سبب رئيسي في وصول بعض أبنائنا لسن البلوغ وهم غير

قادرين على تحمل اي نوع من انواع المسئوليه كحل الواجب المدرسي على سبيل المثال


بالمناسبه : احد الأصدقاء ابلغني ان تكلفه المدرسين الخصوصيين لابنه يبلغ شهريا عشرون الف ريال

[للصبر اخر]

والله اخوي حمد
انا اشوف اختي مسكينه 3 شنط وماتكفي كتبهاا
ومن يومين وصلتها المدرسة شنطه للكتب وشنطه للملفات وشنطه اكلها وخريطه ملابس الرياضة
شدعووة
ليش هاي كله
قلت لها ماعندج جدول تقول الابلات ياخذونه حصص واذا مايبنا الكتب يهاووشون
انا اايد الفكرة
مافيها شي لين ساعدووهم
ولما كانت بالابتدائي كانو مانعين الشنط اللي فيها تواير فكانت الخدامه تساعدها

[MirusS]

غلط وبيعودهم عالكسل .. لازم يتعود اليهال من وهو صغير شلون يدبر أموره ويعتمد على نفسه
أنا فالمستقبل ل صار عندي ولد بقطه في أقرب غابه فيها حيونات مفترسه وبرجعله بعد شهر خل يستوي طرزان :victory:

شكرا حمد

[R 7 A L]

المفروض نستغل التطور
اكثر الطلاب الاطفال الحين اذا ماكانوا كلهم يعرفون للكمبيوتر والأجهزة الذكيــة
المفروض لهم اجهزة في المدارس مع خزانات بيحطون اغراضهم فيها
المفروض بس دفتر كبير ياخذونه معهم بلا كتب بلا شنط

[ضوى]

معارضة اذا في امكانية لحمل الشنط الترولي ، مؤيدة اذا شنطة ظهر هذي بتجيب لهم الدسك من ثقلها

[للصبر اخر]

المفروض نستغل التطور
اكثر الطلاب الاطفال الحين اذا ماكانوا كلهم يعرفون للكمبيوتر والأجهزة الذكيــة
المفروض لهم اجهزة في المدارس مع خزانات بيحطون اغراضهم فيها
المفروض بس دفتر كبير ياخذونه معهم بلا كتب بلا شنط

اخوي رحال
المدرسة سلمت اختي جهاز تابلت
ولكن مع اجبارهم على احظار جميع الكتب والدفاتر والاوراق اللي بالملفات

[ضوى]

اخوي رحال
المدرسة سلمت اختي جهاز تابلت
ولكن مع اجبارهم على احظار جميع الكتب والدفاتر والاوراق اللي بالملفات

هذي قمة الجهل والتخلف

دام عندي تابلت ليش اشيل كتب اصلا

ولدي عنده تابلت ومايودي الا كم كتاب بس

[R 7 A L]

اخوي رحال
المدرسة سلمت اختي جهاز تابلت
ولكن مع اجبارهم على احظار جميع الكتب والدفاتر والاوراق اللي بالملفات

المفروض خلاص ينتهي وقت هالكتب الي تروح وترجع كل يوم بس وزن على الفاضي

[للصبر اخر]

هذي قمة الجهل والتخلف

دام عندي تابلت ليش اشيل كتب اصلا

ولدي عنده تابلت ومايودي الا كم كتاب بس

والله يا ضوى حاولت اتصل استفسر منهم لكن لاحياة لمن تنادي
والتابلت ان صار فيه شي تدفعين غرامه
ووالله انه محذوف ولا درت عنه اصلا

[للصبر اخر]

المفروض خلاص ينتهي وقت هالكتب الي تروح وترجع كل يوم بس وزن على الفاضي

المفروض شي والواقع شي ثاني

[عاشق العديد]

والله ان عن نفسي ايام الدراسه ماكنت اودي الكتب ..

دفتر واحد 200 صفحه ومقسم كل عشرين صفحه حق كتاب .. نسخ وروح البيت ..

فاضي انا اشل خمسين الف كتاب ..

[شبح الصمت]

والله ان عن نفسي ايام الدراسه ماكنت اودي الكتب ..

دفتر واحد 200 صفحه ومقسم كل عشرين صفحه حق كتاب .. نسخ وروح البيت ..

فاضي انا اشل خمسين الف كتاب ..





او تخلي الكتب في الدرج حق ثاني يوم اذا مواد اليوم الثاني اكثر


هههههههههاي

تعب شديد يا زوول

[بوحارب]

والله شناط اليهال عذاااااااب

شنطة بنتي اتوقع اكثر من 7 كيلو
وهي توها صف ثاني

وماتقدر تشلها عالجرج ولازم مساعدة الخادمة

الناس تطورت واحنا للحين كتب ودفاتر

هازا مازين

[مرتبش]

الشنط ثقيلة جدا على الصغار.. والمدارس تمنع استخدام المصعد الا على ذوي الاحتياجات الخاصة عشان شوء الاستخدام المتوقع من الاطفال.
توجد خطورة عالية اثناء صعود الدرج لو واحد شنطته فرطت من يده ممكن يسبب مأساة بكل معنى الكلمة.

بعض المدارس الى الان ماعندهم جدول الحصص..ومطلوب كل يوم احضار كل الكتب والدفاتر وشنطة الاكل والجاكيت لان المكيفات سالفتها سالفة..كل هالاغراض في الشنطة والاخ مستكثر ان حد يساعدهم في حملها يخاف يطلعون دلوعين .

[ودي أكون]

مالها خص الشنط بالرجوله

احنا ذقنا العذاب وعرفنا شلون الشنط تكسر الظهر .. ليش انخليهم يعانون!.. والمشكله ان ايامنا ارحم من ايامهم ..
شنطهم احين ماشاءالله حدث ولا حرج ..
ولا مدرسة بنت اخوي .. مدرستهم خاصه وممنوع الشنط بو تواير .. وحمل الشنط عالظهر .. وشنطتها لو برفعها انا بيد وحده لدقيقتين مابقدر !!!!


اللي يبي يعلم ولده الرجوله .. يقوله قم ركب ليتات البيت ساعدني .. قوم ارفع الثقيل فالبيت ساعد تحرك ود وجيب وهات .. اما الرجوله على شنطه!!

ترا اخونا كانوا يروحون المدارس مرات مشي .. خلوهم بعد يروحون مشيء ليش لا دام تبون الرجوله !

واللي يبي الولد يشل الشنطه عشان الرجوله .. يتحمل يخلي البنت اتشل نفس الشنط عيل عشان لا تقل انوثتها !!!!

منطق عجيب


عموماً .. اغلب اليهال ما يخلون حد يشل عنهم شنطهم وهذا الغالب،، ويفضلون ان هم يشلون شنطهم بروحهم مادري عبالهم وناسه والا شنو :rolleyes2:
ف سالفة اني ضد او مع .. ما حب اعلق فيها .. لكن حبيت اعلق على نقطة ان شل الشنط اتعلم الرجوله !!

ع قولة بنت اخوي بو 3 سنوات .. شدخخخخخخل

[دااانة قطر]

انا مع مافيها شي


والله اخوي حمد
انا اشوف اختي مسكينه 3 شنط وماتكفي كتبهاا
ومن يومين وصلتها المدرسة شنطه للكتب وشنطه للملفات وشنطه اكلها وخريطه ملابس الرياضة
شدعووة
ليش هاي كله
قلت لها ماعندج جدول تقول الابلات ياخذونه حصص واذا مايبنا الكتب يهاووشون
انا اايد الفكرة
مافيها شي لين ساعدووهم
ولما كانت بالابتدائي كانو مانعين الشنط اللي فيها تواير فكانت الخدامه تساعدها


اي ويتصلون علينا بنتكم ماتجيب كتبها ودوم كتبها ناقصة مع اني شخصيا كنت ارتب الشنطة حسب الجدول لين سمعت هالجمل من بناتي
وبصراحة شناطهم تهد الحيل صارت بنتي ماتنزل الشنطة من السياره بس تاخذ المواد اللي عليها واجب او مراجعه واحيانا انا اشيل عنها واتعب
مع ان فترة كانوا موفرين لهم لوكرات بس شافوا ان البعض يتعمد يحط الكتب فيهم ومايحلون الواجبات امنعوهم
والمرحلة هذي بدون لوكرات
الله المستعان


ايامنا شناطنا ماكانت طابوقة مع اني اذكر دفتر الرياضيات بو 300 ورقة غير كتب العربي والشريعه بس مدري ايش اللي تغير
تهقون نقص فيتامين د والكالسيوم له دور؟؟

[MirusS]

الرجووله كللللش مالها دخل فالموضوع القصد هو الاعتماد على النفس سواء بنت ولا ولد

[دااانة قطر]

معارضة اذا في امكانية لحمل الشنط الترولي ، مؤيدة اذا شنطة ظهر هذي بتجيب لهم الدسك من ثقلها


اختي ضوى ترى الترولي اللي تقولين عنه اثقل عند الرفع والنزول من السلم خاصة للمرحلة الابتدائية والكبار مايحبون هالنوعية من الشناط

[عاشق العديد]

او تخلي الكتب في الدرج حق ثاني يوم اذا مواد اليوم الثاني اكثر


هههههههههاي

تعب شديد يا زوول

تخيل .. من كثر ما كنت ما ادري وين الكتب ..
اخر السنه كنت اصور كل الكتب من الشباب ..
اصلن تبي الصج والكلام الصحيح .؟
انا كنت احضر الحصه الاولى وخاصتن يوم الاربعاء لانها رياضه شورت وسروال .. والعب ..

[العلياا]

اذكر على ايامي وحدة من ربعي كانت الخدامة تنزل تشيل لها الشنطة لين الصف والبنت تفصخ عباتها والخدامة تاخذها وتردها البيت عشان تكويها مرة ثانية ونهاية الدوام اترجعها لها
حتى اذكر حصص الشرعية يوم يقولون لنا البسوا شيلكم هي تقول ماعندي طبعا محد يقدر يعترض هم جذي

بالنسبة لي اشوف مالها. داعي الا اذا كان في ضرورة لهالشي

[راجي الْعفو]

اذكر على ايامي وحدة من ربعي كانت الخدامة تنزل تشيل لها الشنطة لين الصف والبنت تفصخ عباتها والخدامة تاخذها وتردها البيت عشان تكويها مرة ثانية ونهاية الدوام اترجعها لها
حتى اذكر حصص الشرعية يوم يقولون لنا البسوا شيلكم هي تقول ماعندي طبعا محد يقدر يعترض هم جذي

بالنسبة لي اشوف مالها. داعي الا اذا كان في ضرورة لهالشي

ضحكتني قصة البنت

اهم شي انها اطرش عبايتها للكواية !


وعليكم السلام و رحمة الله و بركاته بو شهب ،

عطنا وضعك ومن كان يشيل لك الجنطة = الشنطة = الحقيبة = حاملة الكتب ؟

[شبح الصمت]

اذكر على ايامي وحدة من ربعي كانت الخدامة تنزل تشيل لها الشنطة لين الصف والبنت تفصخ عباتها والخدامة تاخذها وتردها البيت عشان تكويها مرة ثانية ونهاية الدوام اترجعها لها
حتى اذكر حصص الشرعية يوم يقولون لنا البسوا شيلكم هي تقول ماعندي طبعا محد يقدر يعترض هم جذي

بالنسبة لي اشوف مالها. داعي الا اذا كان في ضرورة لهالشي




العليا انا يوم اجي اشل شنطة ولدي احس كاني شايل دمبل حديد يعني لو كل يوم اتمرن في شنظة ولدي فالبيت ما يحتاج اسجل في صالة احس الباي عندي بينبط

هههههههههههههههههههههاي

مساكين اي تنجر اوكي مهب مشكلة بس البلى لي انكسرت رجوله او يبي يشلها ويركبها الباص او يحطها على ظهره اهنيه تخليه يحندب وتوه صغير ويمكن تجيه اصابة في الظهر في الكتف بعد الشر ..


يعني انا اشوف لين يشتد عوده يساعدونه وعقبها يعتمد على نفسه وهذه شيء عادي

الحين بنات اشكبرهم كبار خريطة الميرة وداخلها كافي وماي ما تقدر تشيلها تخلي الخدامه جات على هالبزر فديته انا والا البنوته الصغيرونه يالبى قلبها وهي مسويه عناقيص ورايحه وهي تبوسم وشايله هالثقل ..



قلب مكسور يا مجرمين

[العلياا]

راجي هي من الطبقة المخملية كنت كله اعترض بس تقول هذا الروتين ماقدر اقول لهم لا
وخصوصا ان بنات عمها معاها ف مايصير هي تشيلها


شبح
اذا في هالحالة مافيها مشكلة تساعدونها انا اعترض على منهم في الاعدادي والثانوي
اما البيبيهاات عادي تشيلونهم وتساعدونهم مافيها شي
والله يخليهم لك يارب

[Super Cool]

يوم انه صغير تخلون الدريول يشيل شنطة ولدكم....واخر شي يوم يكبر ربعة يدلعونه فطوم...الحين عرفت ليش

[حسن]

السلام عليكم ورحمه الله وبركاته

ظاهره حمل الدريوليه والخادمات لحقائب الطلاب المدرسيه !! مابين موافق ومعارض ؟!! (( محور جدل ))


الناس منقسمين في هذا الامر مابين معارض وموافق ، الطرف الاول يقول بان هذا الامر يعود الاولاد على الدلع ومايخليهم يعتمدون على نفسهم بحمل ابسط شيء وهو الحقائب!! ، والطرف الثاني يقول بأن هذا الامر مافيه شيء وهو امر عادي ، والطرف الثالث يقول بان هذا الامر مستحب ولكن لو كان من يحمل تلك الحقائب الاباء مم الام او الاب لكان افضل .


اما انت عزيزي القارىء مارأيك بهذا الموضوع بشكل عام ..


:: ملاحظه :- يرجى عدم استغلال الموضوع لتوجيه اللوم على الرجال او النساء ، وقد اعذر من انذر !! ::

اسمع

:discuss:

بحكم اني قريت ردك فقط وتوني داخل موضوعك ولا اعرف باقي الردود
فانا

:cool:

اتكلم عن اسلوب تربيتي الحازمه والصارمه وتحمل المسؤليه وزرع الثقه
والاعتماد على النفس
شغل سواق وخدامه

ماميش على قوله المحاميه

الكل يتابع من بعيد وقريب واللي يعرف يبلغ اللي مايعرف
ويقرا ردي وقت ذهابي لاجيب عيالي من المدرسه
من تسجيلي في المنتدي الى هذه اللحظه
لا ني امعه ولا مع الخيل ياصفرا
الحمدلله انزلهم واخليهم يبطلون الباب ويشلون شناطهم بنفسهم دخول وخروج وحتى نزولهم المنزل
شغل المسخره والدلع اللي اشوفه يوميا مافي

:court:

كم مره لما اصف يجيك الحارس وانهره مايجي مره ثانيه ولمته وقلت له خلهم يشلون
خلهم يعتمدون على نفسهم

شغل دلع ومصاخه مرفوضه

الصراحه ناواي اصور فيديو دخول الخادمات المدارس يوميا

شي مؤسف جدا ووضع سئ

هذه رؤيتي

:)

[Super Cool]

اسمع

:discuss:

بحكم اني قريت ردك فقط وتوني داخل موضوعك ولا اعرف باقي الردود
فانا

:cool:

اتكلم عن اسلوب تربيتي الحازمه والصارمه وتحمل المسؤليه وزرع الثقه
والاعتماد على النفس
شغل سواق وخدامه

ماميش على قوله المحاميه

الكل يتابع من بعيد وقريب واللي يعرف يبلغ اللي مايعرف
ويقرا ردي وقت ذهابي لاجيب عيالي من المدرسه
من تسجيلي في المنتدي الى هذه اللحظه
لا ني امعه ولا مع الخيل ياصفرا
الحمدلله انزلهم واخليهم يبطلون الباب ويشلون شناطهم بنفسهم دخول وخروج وحتى نزولهم المنزل
شغل المسخره والدلع اللي اشوفه يوميا مافي

:court:

كم مره لما اصف يجيك الحارس وانهره مايجي مره ثانيه ولمته وقلت له خلهم يشلون
خلهم يعتمدون على نفسهم

شغل دلع ومصاخه مرفوضه

الصراحه ناواي اصور فيديو دخول الخادمات المدارس يوميا

شي مؤسف جدا ووضع سئ

هذه رؤيتي

:)

هذا الصح....علشان العيال يكبرون و يصير الواحد يعتمد عليهم
بدال ما يكون عمره 30 و للحين ابوه يختار له شنو ياكل و شنو
يشرب و شنو يلبس

[مرتبش]

اسمع

:discuss:

بحكم اني قريت ردك فقط وتوني داخل موضوعك ولا اعرف باقي الردود
فانا

:cool:

اتكلم عن اسلوب تربيتي الحازمه والصارمه وتحمل المسؤليه وزرع الثقه
والاعتماد على النفس
شغل سواق وخدامه

ماميش على قوله المحاميه

الكل يتابع من بعيد وقريب واللي يعرف يبلغ اللي مايعرف
ويقرا ردي وقت ذهابي لاجيب عيالي من المدرسه
من تسجيلي في المنتدي الى هذه اللحظه
لا ني امعه ولا مع الخيل ياصفرا
الحمدلله انزلهم واخليهم يبطلون الباب ويشلون شناطهم بنفسهم دخول وخروج وحتى نزولهم المنزل
شغل المسخره والدلع اللي اشوفه يوميا مافي

:court:

كم مره لما اصف يجيك الحارس وانهره مايجي مره ثانيه ولمته وقلت له خلهم يشلون
خلهم يعتمدون على نفسهم

شغل دلع ومصاخه مرفوضه

الصراحه ناواي اصور فيديو دخول الخادمات المدارس يوميا

شي مؤسف جدا ووضع سئ

هذه رؤيتي

:)

حلو
لكن خلنا نقول..طالب في صف اول او ثاني.. يقدر ينزل شنطته من السيارة بروحه؟ وبعدنا ماتكلمنا عن البنات.... ياخي حتى السيارة مايطالها عشان يفتحها وينزل شنطته! شلون بينزل بروحه الشنطة اللي فيها كل الكتب والدفاتر.

كلامك بيمشي مع الطلاب الاكبر شوي

[حسن]

حلو
لكن خلنا نقول..طالب في صف اول او ثاني.. يقدر ينزل شنطته من السيارة بروحه؟ وبعدنا ماتكلمنا عن البنات.... ياخي حتى السيارة مايطالها عشان يفتحها وينزل شنطته! شلون بينزل بروحه الشنطة اللي فيها كل الكتب والدفاتر.

كلامك بيمشي مع الطلاب الاكبر شوي

والله يامرتبش اشوفها عادي بسبب
قبل كنا بدون خدم
وثانيا عندي ولدي في الصف الاول هو ينزل ويبطل الباب
وشيل شنطته
واساس كتبهم خفيفه كلش
والحين المدارس فيها خزاين
بالسبه لي ماشفت انها ثقيله كلش وواقف دائما بعيد والله اخلي يسحبها
العيال فيهم طاقه لا تحاتي ماشافو شي

[مهره]

ضد الشي تماما بحكم ولدي اغلبيه كتبه عبارة عن أوراق والكتب تكون في مكتبه الصف

[رجل مثالي]

السلام عليكم ورحمه الله وبركاته

ظاهره حمل الدريوليه والخادمات لحقائب الطلاب المدرسيه !! مابين موافق ومعارض ؟!! (( محور جدل ))


الناس منقسمين في هذا الامر مابين معارض وموافق ، الطرف الاول يقول بان هذا الامر يعود الاولاد على الدلع ومايخليهم يعتمدون على نفسهم بحمل ابسط شيء وهو الحقائب!! ، والطرف الثاني يقول بأن هذا الامر مافيه شيء وهو امر عادي ، والطرف الثالث يقول بان هذا الامر مستحب ولكن لو كان من يحمل تلك الحقائب الاباء مم الام او الاب لكان افضل .


اما انت عزيزي القارىء مارأيك بهذا الموضوع بشكل عام ..


:: ملاحظه :- يرجى عدم استغلال الموضوع لتوجيه اللوم على الرجال او النساء ، وقد اعذر من انذر !! ::


الله يسلمك أذا كان يوجد تعب صحي
أو شئ يكون من المعوقات لحمل
مستلزمات الطالب فلا مانع
للضرورة للبعض

[Al-Kuwari]

العلم في الصغر كالنقش في الحجر

يالربع لازم نعود عيالنا يتحملون مسؤولية انفسهم من وهم صغار

الشنطة ثقيلة نعم لكن شلون تبون ينمو جسمه ويشد عوده واحنا مدلعينه من وهو صغير وكل سنة بنقول توه صغير معليه لين ما يكبر وهو مايقدر يتصرف ولا يعرف يعتمد على نفسه

الاشياء هذي انتوا تشوفونها بسيطة لكنها مجتمعه تصقل شخصية الطفل لما يكبر اشياء بسيطه مثل انه

يرتب شنطته بروحه
يشل شنطته بروحه
لا مريت السوبرماركت خله ينزل بروحه يشتري الاشياء البسيطه مثل الحليب والروب والخبز وانت طالعه من السيارة عشان تتطمن عليه
لا رحت محل خله هو يتكلم ويحاسب الكاشير

اشياء بسيطه جداً لكنها تصقل شخصية الطفل

طبعاً اهني اتكلم عن الشباب

البنات ممكن الأم تعلمها بطرق مختلفه

مثلا كلت تقوم تشل صحنها وتوديه المطبخ بدال ما تخليه لين ما الخدامه تجي تشيله
ترتب غرفتها شوي

اشياء جداً بسيطه لكن بعمرهم تعتبر صعبه شوي وتقوم الشخصية وتبنيها

انا ضد ان الخدامة والدريول يسوون كل شي والابناء والبنات قاعدين مسبهين مايدرون شالسالفة

[رجل مثالي]

الله يسلمك أنا عندي رابط عن وجوب
أخذ الحذر من الخادمات طالما
الموضوع عن السائقين والخادمات
للحذر واجب

شوفوا الشغاله عندها تلفون كاميرا مصوره البيت كله وشوفوا عطت التلفون حق منو !!!!؟
سمعوا حسبي الله عليهم 👇
شاهد "شغالة تدمر عائلة بالف ريال مع ابو ناصر على YouTube - شغالة تدمر عائلة بالف ريال
http://youtu.be/sAuBCBKJMP8

[ضوى]

فديت العليا والله الا انزل معاها وادخلها والناطور يشيل شنطتها فديتها اذا بنت ما ادلعها ادلع من عيل

[ودي أكون]

الله يسلمك أنا عندي رابط عن وجوب
أخذ الحذر من الخادمات طالما
الموضوع عن السائقين والخادمات
للحذر واجب

شوفوا الشغاله عندها تلفون كاميرا مصوره البيت كله وشوفوا عطت التلفون حق منو !!!!؟
سمعوا حسبي الله عليهم ��
شاهد "شغالة تدمر عائلة بالف ريال مع ابو ناصر على YouTube - شغالة تدمر عائلة بالف ريال
http://youtu.be/sAuBCBKJMP8

يا الله ..

الله المستعان وحسبنا الله ونعم الوكيل