موقع رادار غريب جدا

[جبر ال جبر]

في البدايه اصبح على الجميع بالخير,,,
مثل ماتعرفون السرعه في الكورنيش 80 لين النفق الي قبل راس بوعبود وتدخل يسار باتجاه مطار حمد الدولي تصير السرعه مسافة تقريبا 8 كم 100 لين تركب عقبهاع الجسر وتروح يسار صوب المطار المصيبه هنيه الشارع طوله 5 كم بعد تقريبا لين توصل المطار هنيه في رادر بعد وخبركم شوي تبي تسرع (بالسرعه القانونيه) عشان توصل المطار وماتكون متاخر لانه اوردي الشوراع تكون اخرتك من الزحمه بس المشكله وين ؟؟؟
المشكله سرعه هالشارع 60 كم الرجاء من الجميع الانتباه وماعرف شهالخبث الي يخلي السرعه في هالشارع الحيوي 60 لو باقي على المطار نص كيلو او كيلو لاحول ولا قوه بس مسافه كبيره وحاط لي اكثر من رادر وصاد عالم ليش؟
نسخه الي السيد الخرجي المحترم يشوف لنا حل مع هالرادار وماعرف اذا فيه لوحه او لا يليت حد يفيدنا

[عاشق العديد]

وانا اقول الي كبس علي ذاك اليوم وشو ..
طلع رادار ..

زين انك نبهتني عشان المره الثانيه ما اجيب العيد ..

وفعلن ليش 60 ..
ليه مب 80 يعني

[MirusS]

يمكن ردارات جديده وماغيروا سرعت الشارع ليحن .. نفس ماصار فالؤلؤه قبل

بس فيه حد صااده هالرادار وانكتبتله مخالفه ؟

[عاشق العديد]

يمكن ردارات جديده وماغيروا سرعت الشارع ليحن .. نفس ماصار فالؤلؤه قبل

بس فيه حد صااده هالرادار وانكتبتله مخالفه ؟

نعم جاتني مخالفه 800 ريال ..

[جبر ال جبر]

والله المفروض اقل شي80 واحد من الربع صاده هلرادر وهو يمشي 80 بضبط يقول غريب انا ماشي 80 ليش الردارد صادني انصدم يوم عرف المكان وين قال هذا اقل شي 100 حتى 80 ماتناسب وبعدين خبرك عند المطار تبي تدعس شوي تلحق عاد وراك شيل شناط وبوردنغ وعفسه والحين مب مثل قبل اغلب التذاكر not refund يعني اذا طارت الطياره راحت عليك تذكره يديده المخلاص موقع الرارد بهالسرعه انسان مريض نفسي وحاقد على هل قطر لانهم يسافرون :)

[Aaziz]

هذي الضريبه
لازم كل سنه تدفعها مع الاستماره

[شيخ الديرة]

أنا صديقي صاده نفس الرادار, لكن السبب منه لأن لو طالع قبل ربع ساعة من البيت ما يحتاج يسرع خوف التأخير

تطلعون عالمزاج وتريدون الخرجي يزيد السرعة على الشوارع ويتجاهل الحادث المروع اللي صار قبل شهر شهرين

[qatarman8008]

يمكن ردارات جديده وماغيروا سرعت الشارع ليحن .. نفس ماصار فالؤلؤه قبل

بس فيه حد صااده هالرادار وانكتبتله مخالفه ؟

سؤال في محله.. وكانه صار لك اللي صار لي..
انا صادني هالرادار من شهر ونص تقريبا ولكن لي اليوم ماجاتني مخالفة..

[Aaziz]

أنا صديقي صاده نفس الرادار, لكن السبب منه لأن لو طالع قبل ربع ساعة من البيت ما يحتاج يسرع خوف التأخير

تطلعون عالمزاج وتريدون الخرجي يزيد السرعة على الشوارع ويتجاهل الحادث المروع اللي صار قبل شهر شهرين

اخوي ،، معليش بس اسئلك بالله تشوف الشباب في الدوحه يسرعون ،، اتركك من المراهقين الي منزل سيارته من قدام و يكبس ،، هذيلا بيسرعون لو على سطح المريخ .
لكن احنا كشباب عاديين تشوفنا اهل سرعه ؟
اساسا من يقدر يسرع في الدوحه مع هالزحمه ،، من بيحتاج يربط حزام الامان وهو نص الوقت الي يقضيه في مشواره للشغل دايس على بريك السياره واقف في الزحمه .
قبل فتره كان معاي نسيبي و انا اسوق سيارتي و كنا في الشارع الي يكون خلف معسكر الدحيل جهه الخويا ،، و شفت رادار ثابت ،، قلت له كم السرعه ،، قال 100 اساسا خلاص رادارات الدوحه مافيها اقل من 100
وفعلا عديت الرادار و ماصادني ،، بدون مبالغه 200 متر بعد الرادار ولا صايدني رادار ثاني وكان متحرك ،، وجاتني المخالفه و سرعتي 91
في ذمتك يعقل هذا الكلام ؟ رادار ثابت سرعته 100 حتى لو الشارع مكتوب عليه 80 اصبح الكل يعرف هالمعلومه ،، تجي تحط لي رادار متحرك سرعته 80
ليش هالتعامل هذا ،، ماتحسون ان القصد هو دفع تاكس او جزيه من رواتبنا اخر السنه ؟؟
وايضا الحال ينطبق على خط الشمال ،، السرعه في الرادارات تحت 140 مايصيدك و اصبح هذا عرف عند الجميع ،، يجونك في ليل اظلم و يحطون رادار متحرك و السرعه 120
اكيد راح تصيدون ثلاث ارباع الي يمشون في الشارع

[شيخ الديرة]

اخوي ،، معليش بس اسئلك بالله تشوف الشباب في الدوحه يسرعون ،، اتركك من المراهقين الي منزل سيارته من قدام و يكبس ،، هذيلا بيسرعون لو على سطح المريخ .
لكن احنا كشباب عاديين تشوفنا اهل سرعه ؟
اساسا من يقدر يسرع في الدوحه مع هالزحمه ،، من بيحتاج يربط حزام الامان وهو نص الوقت الي يقضيه في مشواره للشغل دايس على بريك السياره واقف في الزحمه .
قبل فتره كان معاي نسيبي و انا اسوق سيارتي و كنا في الشارع الي يكون خلف معسكر الدحيل جهه الخويا ،، و شفت رادار ثابت ،، قلت له كم السرعه ،، قال 100 اساسا خلاص رادارات الدوحه مافيها اقل من 100
وفعلا عديت الرادار و ماصادني ،، بدون مبالغه 200 متر بعد الرادار ولا صايدني رادار ثاني وكان متحرك ،، وجاتني المخالفه و سرعتي 91
في ذمتك يعقل هذا الكلام ؟ رادار ثابت سرعته 100 حتى لو الشارع مكتوب عليه 80 اصبح الكل يعرف هالمعلومه ،، تجي تحط لي رادار متحرك سرعته 80
ليش هالتعامل هذا ،، ماتحسون ان القصد هو دفع تاكس او جزيه من رواتبنا اخر السنه ؟؟
وايضا الحال ينطبق على خط الشمال ،، السرعه في الرادارات تحت 140 مايصيدك و اصبح هذا عرف عند الجميع ،، يجونك في ليل اظلم و يحطون رادار متحرك و السرعه 120
اكيد راح تصيدون ثلاث ارباع الي يمشون في الشارع

الزحمة تنرفز, وتعطي لنفسك العذر للسرعة وتعويض الوقت. والصح أنه الواحد يطلع أبكر من المعتاد حتى يوصل بدون سرعة زايدة. لا تتوقع أنا أتكلم من مثاليات, أنا هم تجيني غرامات سرعة ولكن ألوم نفسي ولا ألوم الخرجي

[بـارود]

هالرادار صايد 3 سيارات بس في بيتنا
1500 بلاش في جيب المرور ناس همتها البيزة أكثر من السلامة

[Aaziz]

الزحمة تنرفز, وتعطي لنفسك العذر للسرعة وتعويض الوقت. والصح أنه الواحد يطلع أبكر من المعتاد حتى يوصل بدون سرعة زايدة. لا تتوقع أنا أتكلم من مثاليات, أنا هم تجيني غرامات سرعة ولكن ألوم نفسي ولا ألوم الخرجي

عزيزي تضاعف وقت دوامنا بسبب خروجنا بدري للدوام و وصولنا لبيوتنا متاخرين بسبب الزحمه .. طلع الخرجي برى الموضوع لانه مالع هلاقه لو تمعنت
المواقف الي ذكرتها و المواقع بعيده عن الزحمه ،، انا اتكلم عن تعمد وضع الرادار في مواضع القصد منها مخالفه الشخص

[الســـهم]

من يومين واصلتني مخالفه 700 ريال بسبب هالرادار ..

والله حرام عليهم وفذمتهم , شارع طويل وخطين سرعته 60 ..

[مشاكل]

شدعوه 60 مسيرة ؟!

[بـارود]

من خلال ردود الأعضاء يتضح لي ان هالرادار مدخل ذهب للمرور
قطّع رادار اللؤلؤة اللي ما سلم منه أحد

[توشيبا]

انا ضد هالطرق شارع اميه وتدش شارع ستين

بس مدام في لوحه تحدد سرعه الشارع محد له حق عليهم

[بومحمد911]

بصراحة السرعة مش مناسبة للشارع على العموم نتمنى من المرور يناقشون موضوع السرعة في هذا الشارع مرة ثانية.

[شيخ الديرة]

انا ضد هالطرق شارع اميه وتدش شارع ستين

بس مدام في لوحه تحدد سرعه الشارع محد له حق عليهم

فعلا, يجب أن تكون هناك تنبيهات متكررة قبل تغيير السرعة في الشوارع, بحيث تقول أن كذا قبل كيلومتر وكذلك قبل 200 , ويجب أن هذا التحذير من ضمن ترتيبات الرادارت المتحركة, يعني قبل ان يشغلون الرادار المتحرك, يجب وضع أشارات السرعة

[عاشق العديد]

فعلا, يجب أن تكون هناك تنبيهات متكررة قبل تغيير السرعة في الشوارع, بحيث تقول أن كذا قبل كيلومتر وكذلك قبل 200 , ويجب أن هذا التحذير من ضمن ترتيبات الرادارت المتحركة, يعني قبل ان يشغلون الرادار المتحرك, يجب وضع أشارات السرعة

دوار المكافحه وانت متجه لمحطة العطيه ..
يحطون احينا رادار متحرك ..

انا هالشارع ماعرف كم سرعته هل هي 80 او 100 ./.

نتمنى وضع لوحه .. لانه واحد من ربع يقول صايده ع 80 .؟؟؟؟؟

[R 7 A L]

ليش تسرعون ؟


خلكم نفس اخوانا ........................... :secret:
20 او 40 اذا في امه خير الرادار خله يصيدكم
:shy:

[qtr qtr]

أنا صديقي صاده نفس الرادار, لكن السبب منه لأن لو طالع قبل ربع ساعة من البيت ما يحتاج يسرع خوف التأخير

تطلعون عالمزاج وتريدون الخرجي يزيد السرعة على الشوارع ويتجاهل الحادث المروع اللي صار قبل شهر شهرين

اخوي محد طلب ازيدون السرعه اكثر من 100 وماتعتبر سرعه عاليه عالاقل 80 مب 60 اذا الكورنيش السرعه 80 اللي كله زحمة سيارات واللي محدد السرعه فالشوارع مع احترامي له ماعنده نظره بقياس تحديد السرعه المستحقه للشارع.. والحادث اللي صار هذا اكيد كان يمشي اكثر من 120 .

[مابدل العادات]

المشكله من اسواقه اخوانا العرب الله يهديهم يطلعون الواحد من طوره

والمشكله كله على بالهم هم صح ؟؟!!!!! ليه مادري ؟!!!!!!!!!!

يمشي 80 والشارع 100 يزعل إذا كبست له ويعتبرها إهانه إذا جات من قطري ليه مادري تحس انك سابه

وإذا لف عليك وهرنت له بعد نفس القضيه ؟!!!

مادري ليه يعني مايدرون انه هاي الأمور عاديه وتحصل مع الكل سواء قطري أو غيره والموضوع مافيه إهانه او قصد تكبر او اي شيء من الأفكار الجاهليه

الله يهديهم بس

[شيخ الديرة]

اخوي محد طلب ازيدون السرعه اكثر من 100 وماتعتبر سرعه عاليه عالاقل 80 مب 60 اذا الكورنيش السرعه 80 اللي كله زحمة سيارات واللي محدد السرعه فالشوارع مع احترامي له ماعنده نظره بقياس تحديد السرعه المستحقه للشارع.. والحادث اللي صار هذا اكيد كان يمشي اكثر من 120 .

يجب أولا أن نتفق على أن السياقة يغلب عليها صفة التعود, يعني اللي متعود يسوق سريع يسوق سريع حتى لو يدري ما وراه موعد مهم, ثقافة السرعة, ليس لها علاقة بالشارع او الزحمة او الرادار, يسوق = سريع.

والدليل هو طلبك تغيير السرعة من 60 الى 80 في مسافة كم كيلو, يعني اذا تحسب الفرق بالوقت المطلوب لقطع ذلك الطريق تجدها دقيقة دقيقتين.

[دايموند]

مارفت وين تقصدون؟!!
تقصدون شارع سلاح الجو؟اخبر السرعه 100

[بونووف]

صج الرادار ماله داعي بس السرعه حاطينها لانه في كذا حنيه قويه في الشارع ..

[airbus]

كنت بفتح نفس موضوعك لاني دوم امر على الشارع وصلت مخالفاتي 6000 ريال

الحبيب عارف وقت الزحمة ويروح يحطلك رادار متحرك كل مرة بمكان طيب ليش السرعة 60 انا سيارتي ادا شلت رجلي من على دوسة البنزين توصلت 60 صراحة السرعة والكاميرة عيني عينك قاصدينها يبوا فلوس

[باراكودا]

عيب والله عيب السرعة 60 وين أحنا عايشين في مرتفعات جبال الانديز .

[توشيبا]

دوار المكافحه وانت متجه لمحطة العطيه ..
يحطون احينا رادار متحرك ..

انا هالشارع ماعرف كم سرعته هل هي 80 او 100 ./.

نتمنى وضع لوحه .. لانه واحد من ربع يقول صايده ع 80 .؟؟؟؟؟

هالشارع سرعته 80 وصادني الردار مره وحده فيه وانا امشي 100 علي بالي هاذي سرعه الشارع المسموح فيها

مع اني مريت واعرف انه ردار وكلي ثقه بس جاني مسج نسف الجبهه

بعدين مريت اول ماطلعت من دوار المكافحه شفت اللوحه السرعه 80

[alwahesh]

كان الشارع بدون رادار

وجزاهم الله خير الاخوان لانهم حطوا الرادار او اكثر

والسرعه مقبوله


والسبب الحادث الي صار على نفس الشارع والنتيجه 5 وفيات الله اعلم ايش كان سبب الحادث.......

[R 7 A L]

اعتقد وضع الرادارات بدون دراسة وافيه لاغلب الشوارع

[بونووف]

كان الشارع بدون رادار

وجزاهم الله خير الاخوان لانهم حطوا الرادار او اكثر

والسرعه مقبوله


والسبب الحادث الي صار على نفس الشارع والنتيجه 5 وفيات الله اعلم ايش كان سبب الحادث.......


صار حادث بسبة واحد متجاوز من خط السيرفس عاليمين وكانت في عايله فلبينيه صافين عاليمين ونازلين من الموتر مادري اذا في حادث غيره ولا لا

[مخطط قطري]

يعني تبون تفهمونا انه الرداردات خففت الحوادث!!!!
اعتقد الي بيراجع الاحصائيات وانسان عنده ثقافه بسيطه في المقارنات راح يلاحظ انها سببت ارتفاع الحوادث الفايده الوحيده من الرادار انه دخل سنوي لوزاره الداخليه بملايين بس لحد يصير مغفل ويصدق انه الرادار خلا الناس تقيد بالقوانين والانظمه كلنا نكون مسرعين وقبل الرادر ب10 متر نخفف وعقب نشخطه من يديد خلو عنكم مقارنته بالحوادث لانه ماله شغل فيها يعني واحد دعم 5 فلبنين في شارع الخدمات يجي واحد يقول وين الرادر !!! حتى لو موجود الرادار شبيسوي مثلا بيطلع يد الكترونيه وبيشل الفلبينين من الشارع وبيرفعهم للسما وعقب ماتمر السياره بيرجعهم الارض؟؟؟
ياجماعه الخير ركزو شوي الله يخليكم وقبل الواحد يدلي بدلوه ويعلق يليت يقارن ويشوف وعقب يتكلم عن معرفه وقناعه
هذا فيما يتعلق بموضوع الحوادث والرادار
اما موقع الرادار فانه اشوفه صح واخالف صاحب الموضوع بالعكس ابركها من ساعه ينحط في هالمكان ماتشوف العالم طايره في هالشارع خل المرور يستفيد شوي

[مضارب دوسري]

5 كيلو متر مسافة الشارع

والسرعه المسموحة 60 كيلو متر في الساعه

يعني عباره عن 5 دقايق فقط للوصول الى المواقف

لو كانت السرعه 80 كيلو متر في الساعه
بيكون الزمن المطلوب للانتهاء من ال 5كيلو
4 دقايق


يعني الدقيقه هذي صارت مهمه جدا جدا جدا

[HotBlood]

يعني المرور مايدرون ان عندنا ناس اذا شافت السرعه 60 بتمشي 40 من الخوف !!!

فاذا كانت 80 بيمشي 60 وهو الحل الافضل

لا ومن شارع سرعته 100 الى 60 مره وحده ؟!!

اصلا مايمديك تسرع طول الشارع بتم دايس بريك هههه

[airbus]

امس رحت المطار مشيت 50 سكرت الشارع من سرعة ولا بعد في لوحة تانية 30 كم/س هههههههه

[جبر ال جبر]

اتمنى من وزير الداخلية التدخل شخصيا في حل هالموضوع كونه يمس شريحه هامه من المواطنين مستخدمي الطريق