وين اقدر اسوي فحوصات في قطر

[فيصل الفيصل]

السلام عليكم
الحمدلله ما اشتكي من شي بس حاب اسوي فحوصات
منها اتطمن او اذا في شي احاسب على عمري وانتبه
سؤالي وين يسوون هذه الفحوصات افضل الامكان وكم اسعارهم

[العلياا]

السلام عليكم

تقدر في اي مستشفى خاص والتكلفة تكون مجانية اذا كان يشملك تأمين الدولة ..
وايضا المركز الصحي اللي انت تابع له يسوون لك

موفق

[Rider]

ياخوي مادام مافيك شي لا تروح حق هذي المسشفيات تشخيص تعبان يطلعون فيك شي هو مب فيك واذا انت صاحي تطلع مريض قول الحمدالله على نعمة الصحة

[باراكودا]

الاحتياط واجب محد جاوب على سوال الاخ وين أفضل مكان الواحد يسوي فحص شامل بكل سهولة
ويكون جيد المستوى .

[النهار]

عيادة الدوحه

[توشيبا]

عيادة الدوحه

صدقني لو يروح هالعياده بكره تشوف له موضوع ادعولي بالشفاء

والله ياخوي اذا تحس ان شي يتعبك روح سو فحص

اما اذا مافيك الا العافيه لاتتعب عمرك ولا تفكر في هالاشياء

وترا الوسواس يمرض الواحد

[Aaziz]

انت تقول لله الحمد صحتك زينه ،، اذا تحتاج تشييك ،، و التشييك راح يكون عن طريق فحوصات الدم و يورن

انصحك للتوجه لمختبر محترف ،، ارشح لك مختبر البرج الا اذا فيه افضل منه (انا تقييمي قديم للمختبرات) و تكون صايم لايقل عن 10 ساعات
و تقول لهم في المختبر ابي اسوي فحوصات الدم الشامله مع وظايف الكبد و الكلى بالاضافه الى الفيتامينات في الجسم و الاشياء الاساسيه الي تقاس في الدم .

و انا اقول لك نصيحتي سوفحوص حتى لو ماتشتكي من شي،، فعلا درهم وقايه خير من قنطار علاج

[فيصل الفيصل]

الله لايهينكم جميع ماقصرتوا
حصلت على رقم مختبر البرج
وراح انتظر اذا تقترحون اماكن ثانيه او اتوكل واروح لهم

[كود نمبر]

اخوي فيه عباده تابعه لمستشفى حمد وهي خاصه للقطريين
فقط وللأسف اغلب المواطنين مايعرفون عنها شي وفحصهم نفس تايلند وافظل للأمانة

اسمها عيادة قطر بيو بنك للفحص الطبي الشامل

تلفونهم 44398899

موقعهم المدخل يمين قبل

المجلس الاعلى للصحة

الفحص شامل كل شي ومجانآ ولا يفوتكم جميعآ

للقطريين فقط

[الجـــوديّ]

عليكم السلام والرحمة ..


أنصحك أخوي تسوي في اقرب مركز صحي لأن التحاليل والنتيجة تطلع من مختبرات مستشفى حمد ..
مختبرات الدولة وعليها رقابة ومسؤولية
هذا غير إن ضبط الأجهزة والستاندرد الطبيعي يختلف من جهاز لجهاز!

فمثلاً .. اذا سويت التحليل في مختبرات حمد بيعطونك النتيجة هي نفسها المتبعة في المراكز الصحية
وكل مستشفيات مؤسسة حمد الطبية
ولو صار ما صار من غير شر كل فحوصاتك محفوظة في ملفك الالكتروني في حمد والمراكز لصحية
تقريباً الحين اربطوهم كلهم في شبكة فيسهل متابعة فحوصاتك القديمة والحديثة في المراكز الصحية مع المستشفى.

أما العيادات والمستشفيات الخاصة بيعطونك رقم غير حسب عيارية أجهزتهم ..
ويختلفون عن ستاندرد مستشفى حمد .. ولا بيكون سهل على مستشفى حمد استرجاع هالمعلومات
فبتختلف عندك الحسبة مستقبلاً لو صار أي أمر طاريء أو حتى خلال متابعتك لصحتك.


البيوبنك .. هو بنك المعلومات الحيوية ... شي طيب انك تسوي التحليل عندهم وبيحتفظون بكل النتائج في قواعد بيانات
لأنهم يدرسون الأمراض المنتشرة في القطريين واذا كان لها علاقة بالجينات الوراثية وبيحتفظون بتاريخ عائلي للأمراض
خاصة أمراض لسكر والقلب السمنة .. وأنا أشوفه شي طيب على المدى البعيد.
ولهالامراض تحديداً بالإضافة الى الكولسترول الوقاية خير من قنطار علاج .. وخاصة مع تقدم السن.



ومن ناحية مالية .. شخصياً لما اطلعت على اسعار الفحوصات في مستشفى خاص اللي على التأمين
أرقام فلكية ... الفحص الشامل يكلف من 3000-5000 ريال
كل فحص سعره بروحه .. مثلاً فحص فيتامين د .. في حدود 350 ريال وفي أشياء أكثر وفي أقل
أشوفها أسعار مبالغة حتى لو على الدولة ... وشخصياً ما أثق كل الثقة في الخاص


غير 850 ريال سعر الدخول على الدكتور علشان يكتب لي هالفحوصات .. يعني استنزاف ملياارات على الفاضي ... !!!

مافي أحسن من الحكومي .. وهالمبدأ اتخذته شخصياً

[بصمة قطرية]

اخوي فيه عباده تابعه لمستشفى حمد وهي خاصه للقطريين
فقط وللأسف اغلب المواطنين مايعرفون عنها شي وفحصهم نفس تايلند وافظل للأمانة

اسمها عيادة قطر بيو بنك للفحص الطبي الشامل

تلفونهم 44398899

موقعهم المدخل يمين قبل

المجلس الاعلى للصحة

الفحص شامل كل شي ومجانآ ولا يفوتكم جميعآ

للقطريين فقط

أول مرة أسمع عنها ..
يعطيك العافية ..


الجودي ..
الحين تأمين صحة الله يعز الحكومة
القطري ما يدفع و لا ريال
ان شاءالله التحاليل والفحوصات تكلف 10 آلاف
و أكثر ..

[Al Basha]

اخوي عندك كذا حل،
اول شي تروح المختبرات، ومن ضمنهم البرج، طبعاً بالبرج ما راح تقوله افخص لي الكلى والكبد و و و .. لا .. بيطلع عليك رقم فلكي، انت تقولهم فحص شامل وهم بيقولون لك راح نسوي لك كذا وكذا وكذا .. وبسعر معقول، انصحك تتصل او تروح تستفسر بالبداية، لو تروح فرع النصر زين، لان عندهم دكتور عربي.

عندك حل ثاني المستشفيات، وما انصح بمستشفى الدوحة، تحاليلهم زينه بس فيها عيبين:
غالية وما عندهم نظام الباكج او الحزمة، مجموعة فحوصات ويسوونها.
سمعت كذا مرة عن فحص الاهلي بس مره اتصلت لهم واعطوني موعد بعيد.

عندك حل بعد المركز الصحي، تروح للدكتور وتطلب منه تحاليل ويعطيك ، وبلاش، عيش يالفيصل.

انا شخصياً قمت اعرف وش فيني وانسق فحوصاتي بنفسي ولو دكتوري اللي بالمركز الصحي مش موجود اروح البرج افحص الشي اللي ابيه، واتوكل، هذه تجي بعد معاناة الفحوصات.
وشي طيب واشجعك على فكرة الفحص الدوري، في بعض الدول ممنوع عندهم.

[بو خليفه 123]

الوقايه خير من العلاج

انصحك تزور المركز الصحي الي انت تابع له

مجرد ياخذون منك عينة دم

[ضوى]

اخوي فيه عباده تابعه لمستشفى حمد وهي خاصه للقطريين
فقط وللأسف اغلب المواطنين مايعرفون عنها شي وفحصهم نفس تايلند وافظل للأمانة

اسمها عيادة قطر بيو بنك للفحص الطبي الشامل

تلفونهم 44398899

موقعهم المدخل يمين قبل

المجلس الاعلى للصحة

الفحص شامل كل شي ومجانآ ولا يفوتكم جميعآ

للقطريين فقط

النتيجة تاخذ ثلاث لين اربع شهور لين تظهر

ماحبيت تأخيرهم الصراحة ، بس عطوني تقرير مفصل وقعد معاي طبيب وشرح لي الفحوصات وشونو اللي احتاجه

[المحاميه]

أول مرة أسمع عنها ..
يعطيك العافية ..


الجودي ..
الحين تأمين صحة الله يعز الحكومة
القطري ما يدفع و لا ريال
ان شاءالله التحاليل والفحوصات تكلف 10 آلاف
و أكثر ..


صحيح يابصمه القطري مايدفع ولا ريال لان الحكومه ماقصرت الله يعطيهم العافيه
ولكن
الحكومه تدفع عني وعنج وعنه
الواحد أحسن يحاسب ومايبعثر فلوس الدوله عبث
اذا هم أكرمونا فأحنا لازم نرد احسانهم باحسان


احييك أخوي على فكرة التشييك الدوري
عن نفسي ماتوجه للعياده الا اذا شكيت فيني شي مب طبيعي غير جذي اخاف اروح اشييك ويطلع فيني شي فالاحسن اكون على عماي :nice:

الله يكتبلنا الصحه والعافيه

[العلياا]

عليكم السلام والرحمة ..


أنصحك أخوي تسوي في اقرب مركز صحي لأن التحاليل والنتيجة تطلع من مختبرات مستشفى حمد ..
مختبرات الدولة وعليها رقابة ومسؤولية
هذا غير إن ضبط الأجهزة والستاندرد الطبيعي يختلف من جهاز لجهاز!

فمثلاً .. اذا سويت التحليل في مختبرات حمد بيعطونك النتيجة هي نفسها المتبعة في المراكز الصحية
وكل مستشفيات مؤسسة حمد الطبية
ولو صار ما صار من غير شر كل فحوصاتك محفوظة في ملفك الالكتروني في حمد والمراكز لصحية
تقريباً الحين اربطوهم كلهم في شبكة فيسهل متابعة فحوصاتك القديمة والحديثة في المراكز الصحية مع المستشفى.

أما العيادات والمستشفيات الخاصة بيعطونك رقم غير حسب عيارية أجهزتهم ..
ويختلفون عن ستاندرد مستشفى حمد .. ولا بيكون سهل على مستشفى حمد استرجاع هالمعلومات
فبتختلف عندك الحسبة مستقبلاً لو صار أي أمر طاريء أو حتى خلال متابعتك لصحتك.


البيوبنك .. هو بنك المعلومات الحيوية ... شي طيب انك تسوي التحليل عندهم وبيحتفظون بكل النتائج في قواعد بيانات
لأنهم يدرسون الأمراض المنتشرة في القطريين واذا كان لها علاقة بالجينات الوراثية وبيحتفظون بتاريخ عائلي للأمراض
خاصة أمراض لسكر والقلب السمنة .. وأنا أشوفه شي طيب على المدى البعيد.
ولهالامراض تحديداً بالإضافة الى الكولسترول الوقاية خير من قنطار علاج .. وخاصة مع تقدم السن.



ومن ناحية مالية .. شخصياً لما اطلعت على اسعار الفحوصات في مستشفى خاص اللي على التأمين
أرقام فلكية ... الفحص الشامل يكلف من 3000-5000 ريال
كل فحص سعره بروحه .. مثلاً فحص فيتامين د .. في حدود 350 ريال وفي أشياء أكثر وفي أقل
أشوفها أسعار مبالغة حتى لو على الدولة ... وشخصياً ما أثق كل الثقة في الخاص


غير 850 ريال سعر الدخول على الدكتور علشان يكتب لي هالفحوصات .. يعني استنزاف ملياارات على الفاضي ... !!!

مافي أحسن من الحكومي .. وهالمبدأ اتخذته شخصياً


اعجبني جدا ردج ..
واتفق معاج في كل حرف كتبتيه :victory:

[abu m7md]

اخوي صاحب الموضوع
الاخوات بصمة قطرية - الجودي - المحامية ولا هو بقصور باقي الاخوان والاخوات الاعضاء
اتحفتوني بالردود والنقاش

عن نفسي بروح للي مستشفى الي تكلمت فيه الاخت بصمه
واشكر اخوي على التذكير
لانه كل مااقول بروح اسوي تحاليا وفحصوات شامله انسى او يشغلني شي ينسيني اياه او اتكيسل

والفحص المبكر افضل من الاكتشاف عن السقم


تقبل مروري
اخوك
ابومحمد