وداعا للزحمة ... اختراع نظام سير يغني عن الدوارات والإشارات

[saeed2005]

النظام بسيط وعملي وملخصه على هذا الفيديو

http://www.youtube.com/watch?v=8UFKIWxl1v8

[Aaziz]

هالنظام مايحتاج لمهندس ،، الزحمه و المواقف الي تصيدنا في الشارع علمتنا وين الخلل و كيف الحل و احنا مش مهندسين ،، في هذا الفيديو فيه خلل او امر يحتاج تعديل و راح ينتج عنه طول المسافه شوي .

السيارات الي متجهه لليمين من اسفل الشاشه و تبي ترجع يسار ،، المسافه من بعد ماتاخذ يمين لين ترجع يسار (تكوع) قصيره و راح تتسبب في ارباك للسيارات الي جايه من اليسار ،
المسافه يحتاج تطول للمسافه الي تخلي السياره الي ماخذه يمين توصل لسرعه معادله لسرعه السيارات الي جايه من يسار ،، عشان تدخل بينهم بسلاسه بدون بريكات و بعدين تاخذ يسار استعدادا للانعطاف .
و ايضا بعد الانعطاف يحتاج يمتد المسار الفرعي (الي طالع من اللفه) الى مسافه كافيه ان السياره تاخذ سرعه مساويه لسرعه السارات الي جايتها من الخلف
عشان ماتصير ربكه و بريكات

[R 7 A L]

مازلت اعيد واكرر
مدارس السواقة عندنا هي السبب والخلل منها


الحين الدولة مستخسرة ملايين على مشروع دوار الصناعية وحاطة جسرين فوق بعض ودوار ونفق ومازالوا الغشم مايستخدمون الا الدوار !!

الحين الي جاي من الدوحه يبي يروح للصناعية فية جسر ( معلق فوق ) مايستخدمونه تخيلوا يروحون للدوار وياخذون لفة ويتجهون ليسار للصناعية
والي جاي من اتجاه طريق بوسمره ويبي يروح للدوحة المفروض يركب الجسر ويطلع سيدة هذولا لا يدخلون الدوار بعدين يطلعون سيدة !!

وكذلك الاتجاهاه الاخرى الي طالعة وداخلة الصناعيه
!!!!!!!!!!!!!!!!

[مرتبش]

ياريت الشوارع تنفع لمثل هالتصميم المبسط..ولانه مبسط ماينفع لكل التقاطعات.. بيحتاج مسافات اطول تكفي السيارات بعد الالتفاف لتصل لسرعة السيارات الاخرى في الشارع و تتخذ مسارها الجديد لليمين او اليسار والا سيتوقف الشارع مثل اللي يحصل يوميا في شوارعنا.

[الدوحه1]

الفكره حلوه وممكن جدا تحل مشكلة الزحمه..

ولكن لتنفيذها اعتقد ان اقل مسافه مطلوبه للحاره اللي بين الشارعين 10 امتار.

عطني اي شارع في قطر ينطبق عليه هالشرط؟؟

[بومحمد911]

فكرة جميلة ولكن هل ينفع لشوارعنا وينفع لبعض السواقين الي يرفعون الضغط

[<اضرب واشرد>]

هي عبارة عن "دوار" لكن مضاف له U turn

بالإضافة إلى المساحة الكبيرة هناك تداخلات خطيرة في المسارات (تسبب حوادث واختناقات مرورية) ، والشكل الدائري للدوار التقليدي يقلل منها.

بإختصار الفكرة ماتصلح

[tareq_qa]

راح تقلل من الحوادث المميتة ولا يحتاج لرادار ..

المشكلة بتكون في السائق الي راح يسبب زحمة بسبب سرعته البطيئة .

اعجبتني الفكرة لو يتم تطبيقها خاصة على نهاية الطرق السريعة كتجربة

[توشيبا]

هذا مب نظام مبتكر الرياض فيه هالنظام

وقلت في اكثر من مشاركه لي شيلو الاشارات من الجسور ويتطبق نفس هالنظام

بلاش اشارات ودوارت فوق الجسور

[بوNasser]

بما انهم مصممين يخلون اشارات في الدوار، ودي يجربون يحطون الإشارات قبل دخول الدوار بخمسين متر:

منها نضمن عدم حصول اختناقات داخل الدوار.

ومنها نقلل من الاشارات الكثيرة اللي تسبب لخبطة للسائق داخل الدوار

ومنها نقدر نحط رادار او كيمرا نضمن ان محد يتجاوز ويقطع الاشارة الحمرا كما يحصل في أغلب الدواوير حاليا.

ومنها نعطى اشغال فرصة تجرب ، دام انها تستخدم الشوارع للتجارب.

تحياتي للجميع

[qtr qtr]

فكره زينه بس يكون على مدى اوسع .

[معماري قطري]

شفت الفيديو وضحكت

شكله مخزن هالمهندس بترول بدال القات .. يا اخوي هذا دوار مستطيل ويتسبب في كثرة الحوادث وفي اختناقات مرورية قاتلة .. ومتعب نفسه المسكين مسوي فيديو ما ادري ليش

[معماري قطري]

هي عبارة عن "دوار" لكن مضاف له U turn

بالإضافة إلى المساحة الكبيرة هناك تداخلات خطيرة في المسارات (تسبب حوادث واختناقات مرورية) ، والشكل الدائري للدوار التقليدي يقلل منها.

بإختصار الفكرة ماتصلح

مؤكد ما تصلح وقديمة ومعمولة في بعض الدول .. أَصلاً الفكرة ما هي بفكرة نهائياً

[saeed2005]

شفت الفيديو وضحكت

شكله مخزن هالمهندس بترول بدال القات .. يا اخوي هذا دوار مستطيل ويتسبب في كثرة الحوادث وفي اختناقات مرورية قاتلة .. ومتعب نفسه المسكين مسوي فيديو ما ادري ليش

شكرا لكل من مر وأثرى الفكرة واقول لك يا معماري ردك نموذج لشخصنة الفكرة يا أخي ما دخل الرجل صاحب الفكرة إن كان مخزن أو ستور ناقش الفكرة بشكل موضوعي بما يخدم قضية النقاش وهي الزحمة وقدم حلا عمليا بدل ما توزع الاتهامات وكأن قولك هو القول الفصل الذي ليس بالهزل رحم الله امرئ عرف قدر نفسه .

[موظف ((حكومي]

شوااارع تصاميمها غلط


بامس كنت بادعم هندي يمشي بخط سريع بطئ وفجئا ضغط بريك وقف بدون سبب

[Dana’1]

مافيه أمل إن الدوحه تخف زحمتها إلا في حاله وحده طلعوا الأجانب منها !

[][ الوحيد ][]

شوارع قطر ممتازه جدا ..
لكن التنفيذ عندنا بطيء ..

الخلل في عدد الوافدين في قطر ..
لو يتم تصفيه 30% فقط من العمال اللي مانحتاجهم بتحسون بالفرق الكبير ..
الخلل كله في العماله الفائضه ..
على عدد القطريين الشوارع ممكان تكون من احسن شوارع العالم !
لكن الكثافه السكانيه مخربه كل الموضوع

[همر]

نفس الفكره كانت تحويلة اشارات نادي الخريطيات

قبل مايسوون الاشارات .. صراحه كانت تحويله عجيبه

وعمليه ومن انجح التحويلات اللي سووها في حياتهم

واتوقع انها جات معاهم بالصدفه لانهم لو راقبوا حركة

السير على التحويله ذيك الايام كان ماسووا اشارات اصلا !



بس الفكره على مقياس اكبر فاشله ..

بتسبب تكدس واختناقات نظراً لعبقرية السائقين

القريقع ..

[معماري قطري]

شكرا لكل من مر وأثرى الفكرة واقول لك يا معماري ردك نموذج لشخصنة الفكرة يا أخي ما دخل الرجل صاحب الفكرة إن كان مخزن أو ستور ناقش الفكرة بشكل موضوعي بما يخدم قضية النقاش وهي الزحمة وقدم حلا عمليا بدل ما توزع الاتهامات وكأن قولك هو القول الفصل الذي ليس بالهزل رحم الله امرئ عرف قدر نفسه .

وهذا نقاش موضوعي ما غلطت .. تصميم الطرق يا اخوي تخصص قوي مب بهالسهولة كل واحد يحط حل ويصور صورة ويسوي أَشكال متحركة يكون حله واقعي وصحيح .. قبل كانت لفات اليو تيرن البدائية في قطر مفتوحة وكان السائق يلف وياخذ الطريق كامل بحيث يقطع المجال للي جاي في طريق مستقيم وتصير حوادث شنيعة فيها وفيات وعلى سرعات بطيئة.

بعدين انت متبني الفكرة وتدافع عنها بكل ما اوتيت من قوة نفذها طرق قطر كلها حقل للتجارب انا ما فرضت رأَيي .. قلت بالحرف الواحد هذا دوار مستطيل وبيتسبب في مشاكل أَكثر من الدوار العادي .. لا تنسى جربوا فينا الدوار المجنون وجربوا تقاطعات غير مدروسة ودوارات عليها اشارات .. وجربوا دوارات كبار تقول مضامير سباق واحنا كمستخدمي طرق ما استفدنا شيء .. بكل بساطة التقاطعات يبي لها جسور توصل لكل اتجاه ولو كان تقاطع ثانوي إِشارة وتقاطع مربع وسيع بدون دوران حوله.

[معماري قطري]

[ الوحيد ][;9913083']شوارع قطر ممتازه جدا ..
لكن التنفيذ عندنا بطيء ..

الخلل في عدد الوافدين في قطر ..
لو يتم تصفيه 30% فقط من العمال اللي مانحتاجهم بتحسون بالفرق الكبير ..
الخلل كله في العماله الفائضه ..
على عدد القطريين الشوارع ممكان تكون من احسن شوارع العالم !
لكن الكثافه السكانيه مخربه كل الموضوع

وعدد القطريين يبقى ثابت طول العمر؟ الشارع استثمار حضري لمدة طويلة وتخطيطياً له ارتدادات حوله تستملك أَول بأَول وتبقى فاضية لتمرير خدمات أَو لتوسعة مستقبلية .. شوف طريق فبراير ما صدقوا خلص حطوا العمارات حوله وقريب منه جداً لدرجة ممكن سيارة بالغلط تدخل في بناية في يوم من الأَيام .. شوف دواعيس أُم غويلينة الجديدة .. قصدي الأَبراج تلف حولها بسيارتك الصغيرة تقترب من زاوية البرج .. فما بالك بسيارة اطفاء كبيرة مسرعة أَو شاحنة داخلة حتى في آخر الليل.

[][ الوحيد ][]

وعدد القطريين يبقى ثابت طول العمر؟ الشارع استثمار حضري لمدة طويلة وتخطيطياً له ارتدادات حوله تستملك أَول بأَول وتبقى فاضية لتمرير خدمات أَو لتوسعة مستقبلية .. شوف طريق فبراير ما صدقوا خلص حطوا العمارات حوله وقريب منه جداً لدرجة ممكن سيارة بالغلط تدخل في بناية في يوم من الأَيام .. شوف دواعيس أُم غويلينة الجديدة .. قصدي الأَبراج تلف حولها بسيارتك الصغيرة تقترب من زاوية البرج .. فما بالك بسيارة اطفاء كبيرة مسرعة أَو شاحنة داخلة حتى في آخر الليل.

كم بيزيد ؟؟
القطريين للحين تحت المليوون بالراااحه ..
و الشوارع تستوعبهم بدون زحمه ..

[مهره]

بصراحه اعرف ناس من دوله شقيقه يروحون ويرجعون لقطر وينصدمون من الزحمة والجسور الي تأخذ لها سنين في الإنشاء يقولون مبين عندكم مافي تخطيط يقولون في دول فقيره يبنون الجسر في اقل فتره زمنيه وأنتو تبنون وتحفرون توه الشارع خالص رجعتو حفرتوه مره ثانيه دليل علي غياب التخطيط والنصب عيني عينك

[Dana’1]

شوفواهذا بالدرائري الثالث...نفس الشارع إلي فيها الأولى للتمويل ..ووزارة العمل والشؤن الإجتماعيه

للأمانه ما أعرف عمقها كم ممكن ما تكون عميقه أظنها حقت لمبه ..بس بعد خطره لو أخد تعثر فيها غير إن منظرها مو زين وهي مفتوحه المفروض يحطون حولها سياج ويغطونها بأي شي

http://im87.gulfup.com/RrqFH6.jpg (http://www.gulfup.com/?GbLc5o)

[الجنوبي]

الحل رفع سعر البترول 500% ومنح الموظف القطري علاوة محروقات

[معماري قطري]

[ الوحيد ][;9913873']كم بيزيد ؟؟
القطريين للحين تحت المليوون بالراااحه ..
و الشوارع تستوعبهم بدون زحمه ..

إِحسبها يا اخوي على فترة 50 سنة اللي حسب معرفتي المتواضعة تخطيط المدن يكون على أَساسها

بعطيك مثال مدينة مثل ميامي عن تجربة ودراسة فيها لمدة 4 سنوات .. ما تغيرت شوارعها الرئيسية لكن زاد عدد السكان والزوار ورجعت لها بعد 21 سنة وكنت أَمرها على فترات خلال هالمدة بس آخر مرة صيف 2014 وكانت الزحمة معقولة الا وقت حدث أَو احتفال

[معماري قطري]

شوفواهذا بالدرائري الثالث...نفس الشارع إلي فيها الأولى للتمويل ..ووزارة العمل والشؤن الإجتماعيه

للأمانه ما أعرف عمقها كم ممكن ما تكون عميقه أظنها حقت لمبه ..بس بعد خطره لو أخد تعثر فيها غير إن منظرها مو زين وهي مفتوحه المفروض يحطون حولها سياج ويغطونها بأي شي

http://im87.gulfup.com/RrqFH6.jpg (http://www.gulfup.com/?GbLc5o)

إِخت ديور هالصورة عجبتني ومعبرة للغاية .. مهب بس الحفرة اللي ما نعرف كم عمقها واللي محد اهتم بها من المشرفين على الشغل .. لو تلاحظين الرصيف بارز وحوله ما انرصف والمفروض أَما يتم اغلاق المنطقة لحين نهاية الشغل أَو يسد الهبوط الترابي ما بين الرصيفين بخشب مرتفع قليلاً حتى يسهل المشي عليه ولا يتطاير الغبار .. ومؤكد حسب معرفتي أَن شروط ومواصفات العمل تتطلب ذلك لكن من يشرف على العمل يكون شديد الليونة مع المقاول اللي ما يعرف شلون حصل هالمناقصة.

منظر ما انساه هو منظر البايبات الكبار اللي انحطت جدام محلات طريق سلوى وسدت واجهاتها شهور طويلة علشان راحة المقاول وحصوله على مخزن مجاني

عاد اسمحي لي باسرق هالصورة بحطها في موضوع مساويء الطرق في منتدى البناء والديكور بعد إِذنج.

[معماري قطري]

بصراحه اعرف ناس من دوله شقيقه يروحون ويرجعون لقطر وينصدمون من الزحمة والجسور الي تأخذ لها سنين في الإنشاء يقولون مبين عندكم مافي تخطيط يقولون في دول فقيره يبنون الجسر في اقل فتره زمنيه وأنتو تبنون وتحفرون توه الشارع خالص رجعتو حفرتوه مره ثانيه دليل علي غياب التخطيط والنصب عيني عينك

ما قالوا الا الحق .. من منكم ساكن العزيزية وعانى خلال الحفريات من سنتين تقريباً وتجديد الطريق وذكروا إِنه نهائي .. هذا هو الاعصار جاء وبسرعة محد يتوقعها حفريات ثانية هنا وهناك .. أَحد عيالي يقول يبه يمكن نسوا يكرم القاريء .. حذاء عامل مدفون.

[Dana’1]

إِخت ديور هالصورة عجبتني ومعبرة للغاية .. مهب بس الحفرة اللي ما نعرف كم عمقها واللي محد اهتم بها من المشرفين على الشغل .. لو تلاحظين الرصيف بارز وحوله ما انرصف والمفروض أَما يتم اغلاق المنطقة لحين نهاية الشغل أَو يسد الهبوط الترابي ما بين الرصيفين بخشب مرتفع قليلاً حتى يسهل المشي عليه ولا يتطاير الغبار .. ومؤكد حسب معرفتي أَن شروط ومواصفات العمل تتطلب ذلك لكن من يشرف على العمل يكون شديد الليونة مع المقاول اللي ما يعرف شلون حصل هالمناقصة.

منظر ما انساه هو منظر البايبات الكبار اللي انحطت جدام محلات طريق سلوى وسدت واجهاتها شهور طويلة علشان راحة المقاول وحصوله على مخزن مجاني

عاد اسمحي لي باسرق هالصورة بحطها في موضوع مساويء الطرق في منتدى البناء والديكور بعد إِذنج.




اي صادق االرصيف بارز ... وهالشي على أمتداد طويل من الشارع التراب مبعثر بعض الشجر موجوده وبعضها لا يعني واضح للحين يشتغلون فيها بس مو مسكر مع العلم إن وقت تصويرها ماكا ن في عمال يشتغلون!أما سالفة البيبات هذي فعلا حتى يوم بيشبكومن المجاري وانتوا بكرامه للحي حطوا البيبات قدام بيوتنا@@ ووقت رصف الشارع بعد صفو سياراتهم الكبييره الخاصه بالرصف قدام البيت بنفس البراحه! فيمكن عادي أريح وأسهل لهم صح وإلا؟
تو أنتبه من ردك على هالشيي:)

وبالنسبه للصوره طبعا عادي تقدر تستخدمها كأنك إنت الي مصورها:)

[صمت 1]

انا معاك ماتصلح بتاتاً

[معماري قطري]

اي صادق االرصيف بارز ... وهالشي على أمتداد طويل من الشارع التراب مبعثر بعض الشجر موجوده وبعضها لا يعني واضح للحين يشتغلون فيها بس مو مسكر مع العلم إن وقت تصويرها ماكا ن في عمال يشتغلون!أما سالفة البيبات هذي فعلا حتى يوم بيشبكومن المجاري وانتوا بكرامه للحي حطوا البيبات قدام بيوتنا@@ ووقت رصف الشارع بعد صفو سياراتهم الكبييره الخاصه بالرصف قدام البيت بنفس البراحه! فيمكن عادي أريح وأسهل لهم صح وإلا؟
تو أنتبه من ردك على هالشيي:)

وبالنسبه للصوره طبعا عادي تقدر تستخدمها كأنك إنت الي مصورها:)


مشكورة ما قصرتي بردج الطيب .. الصورة اقتبستها من البارحة ونورت الصفحة 16 من موضوعي الطويل عن مساويء الطرق في قطر .. http://www.qatarshares.com/vb/showthread.php?511242-نقاش-حول-مساويء-تخطيط-وتنفيذ-طرق-قطر/page16


أَكيد صح أَسهل للمقاول إِنه يستخدم كل الموقع ويخزن فيه ويوقف آلياته على راحته لكن صعب على المواطن اللي يعاني .. أَسهل المقاول ما يسد حفرة سد مؤقت وتطيح فيها سيارة ويموت صاحبها .. وصارت هذي مرات في قطر .. ولا حتى يتم تعويض هله بالدية .. الحواجز ظرورية ولها مواصفات وطريقة تركيب خاصة ويعرفونها عدل المقاولين والمشرفين عليهم بس هذا جزء من التعاون على التسهيل للمقاول وهو ماخذ حقه مضاعف .. في الأَخير منظر الشغل مقزز ومضر بسمعة قطر والمواقع مفتوحة بطريقة شغل بدائية والكل يشوف .. يتعلمون بس شوي من دبي لو يحبون من هم في أَشغال وهم كثيري التعاون مع الجهات المختصة هناك .. لكن الظاهر يروحون مغمضين ولا يستفيدون شيء.