منقهرة ماعرفت انام

[مبتدئه]

السلام عليكم ورحمة الله وبركاته
بأختصار ماعليكم امر اتمنى تفيدوني اي اجراء واي باب اقدر اطرقة اشتكي فيه من ضرب احدى المدرسات لولدي غير المدرسه نفسها لاني رحت المدرسه وما طلعت بنتيجة ع العكس تماما

جزاكم الله خير اللي بيساعدني في استشارة عسا ربي يكتب له الجنه ويبعد عنه القهر والظلم

[راجي الْعفو]

وعليكم السلام و رحمة الله و بركاته
اللي اعرفه ان الضرب ممنوع ع حسب القانون
روحي للمجلس الأعلى يمكن تلقين مطلوبج

والله يصلح الحال

[Aaziz]

لا حول ولا قوه ال بالله

حصل سابقا ان واحد من عيالنا ضربته المدرسه (شدت شعره لين طلع في يدها) و تمت الشكوى في مركز الشرطه باثبات الاضرار الي صارت في الجسم و المدرسه خذت ماتستحق

[مبتدئه]

وعليكم السلام و رحمة الله و بركاته
اللي اعرفه ان الضرب ممنوع ع حسب القانون
روحي للمجلس الأعلى يمكن تلقين مطلوبج

والله يصلح الحال


جزاك الله خير وامين يارب ،انا اعرف انة ممنوع لكن هل لو تقدمت بشكوة يتخدون اجراءت للتأكد ومعاقبة الابلة اللي تطاولت بالضرب والمعلمات اللي قاموا بشهادة زور انها ماضربته مع العلم انهم ماكانوا موجودات لكن مجرد كل ابلة تغطي ع الثانية فعلتها لانهم قروب مادة وحده

[مبتدئه]

لا حول ولا قوه ال بالله

حصل سابقا ان واحد من عيالنا ضربته المدرسه (شدت شعره لين طلع في يدها) و تمت الشكوى في مركز الشرطه باثبات الاضرار الي صارت في الجسم و المدرسه خذت ماتستحق

الاضرار النفسية اكبر اخوي ،زمان اول كانوا مدرسين يضربون لكن تربية هي كالام او كالاب تماما نثق في حرصهم على تأديبهم ، لكن الحين العكس المعلمة تتكلم بطريقة غير تربوية مع ولدي وامام عيني وكأنة عدو امامها

اكثر خوفي علية الحين انها حاطته في راسها مادري اشلون اتطمن وااتمنه عندهم في المدرسة
يعطيك العافيه ع الرد

[MirusS]

قدمي شكوى للمجلس الاعلى للتعليم

[بصمة قطرية]

الضرب ممنوع
مثل ما قالوا قدمي شكوى في المجلس الأعلى للتعليم ..

[مبتدئه]

يعطيكم العافية vipeR,بصمة قطرية ع المشورة ،الله المستعان صادف الجمعه والسبت بأذن الله لو عطاني عمر بلجأ للمجلس الاعلى لعل فيهم خير وينصغوني

[MirusS]

^
على فكره أخت مبتدئة
بداية السنه أشتكيت على مدير مدرسه أعداديه للمجلس الاعلى وقالولي بكره بنطرش مشرف من عندنا للمدرسه ولا زم انا اكون متواجد عشان نشوف المشكله
بس صكرت الموضوع لن شكلهم كانوا يبون يحلونها ودي عالعموم أنتي قدمي شكوتج وجوفي شيقولون

[القبطان اكس]

الشرطة لانه فيها نيابة وتجرجر

او حقوق الإنسان لان هالأيام قايم سوقهم

[ابوجلمبو]

سامحيها والمسامح كريم

[طبيب قطري]

بس ماقلتيلنا السبب؟ وباي مرحله ولدج؟

[وليف الشوق]

عفوا اختي الفاضله ادخلي خاص وراح اخبرج بالطريقة المناسبه اللي ترضيج وابشري

[المحاميه]

شلون اضربته؟
والسبب؟

[العقل المدمر]

معلمات ويشهدون زور ؟!
هاي كلهم يبي لهم شكوى عليهم اذا الموضوع صج
خوش تعليم الصراحه طالعوا من اللي يعلمون :)

[مبتدئه]

شكرآ ع المرور سالفة سبب الضرب والله سالفة بسيطة ومايستاهل تعاقبة مابالكم تمد ايدها ومهما كان السبب مايحق لها تضرب في عقاب وفي استدعاء ولي الامر لو تطلب ذلك

[Q ابو تركي Q]

تبي تاخذي حقج اشتكى عليها بالشرطة بتلعن ابو اليوم اللي توظفت فية مدرسة

بياخذون حقج يوم الاحد الصبح اتروحين الشرطة لا تقولين المجلس الاعلي وخرابيط

وشي ثاني تاكدي المدرسة فيها كاميرات بالصفوف او لا اذا فية كامير حلو هذا دليل

لهم شي الولد متاكد من الفعل يتفقون ما يتفقون مايهم

[سلامي للكل]

الســلام عليكم ورحمــة الله وبركاته اختي/ مبتدئه

الحل الوحيــد والســريع والفعــال (بإذن الله) تقدميــن شكــوى في مركز الشرطة

وباســرع وقت لا تتباطئيــن

هذا الحــل بياخذ حق ولدج ان شاء الله

وبيعروفون ان في قانون في الدولة وكلن ياخذ حقه

بالاضافة الى شكــوى الى المجلس الأعلــى

اتمنــى اني اشوف رد وتقولين فيه انج قدمتي الشكوى في الشرطــة

لا حد يدخل عرض ويقول انت تحرضها على الشر و و الخ

لا يا بابا هذا حق من الحقوق

وبالتوفيــق للكل

[جبر ال جبر]

ماعليج من كل الخرابيط روحي لها واسطريها كف قدامهم وفشي خلئلك

[wesam82]

الطفل هو أمانة بيد المدرسة والابلة. تعرض الطفل للضرب هذا يعتبر خيانة للامانة ولازم يتم الشكوى بسرعة
وللعلم عدم الشكوى يعني أن الابلة راح تتجرأ وتضرب أطفال أخرين وهالأطفال تحت ذمتك لأنك ما أشتكيتي قبل لاتتوقف إيدها عن الضرب

وما يفل الحديد الا الحديد

[فرفوش]

اختي اذا الولد تضرر طلعي تقرير يثبت هالشي بعدها اشتكي بالمجلس الاعلى

واذا مافادوج عندج مركز الشرطه

والتاأخير مب بصالحج

[دايموند]

كوني صريحه شنو سبب ضرب ولدج؟يمكن هو غلط بعد

دام هو غلط عاتبيها وهدديها لكن بس ماله داعي تشتكين عليها والي يقول جرجريها بالمخافر اشدعوه عيل لو ولدج تضرر جسديا شنو بتسوين فيها؟

[دنيا الاسهم]

لا تجرجر ولا شي تفاهمي معاها مهما كان هذة مدرسة وانا اعرف هالشي ترى بعض الطلاب الله يهديهم يطلعون المدرسة من طورها
والعافين عن الناس والله يحب المحسنين ، والعفو عند المقدرة

[طبيب قطري]

كوني صريحه شنو سبب ضرب ولدج؟يمكن هو غلط بعد

دام هو غلط عاتبيها وهدديها لكن بس ماله داعي تشتكين عليها والي يقول جرجريها بالمخافر اشدعوه عيل لو ولدج تضرر جسديا شنو بتسوين فيها؟

هههه نفس السؤال! اختي لين الحين مب عارفين وش سبب ضرب ولدج وكم عمره؟

[القبطان اكس]

كوني صريحه شنو سبب ضرب ولدج؟يمكن هو غلط بعد

دام هو غلط عاتبيها وهدديها لكن بس ماله داعي تشتكين عليها والي يقول جرجريها بالمخافر اشدعوه عيل لو ولدج تضرر جسديا شنو بتسوين فيها؟

لا تصيرون ملائكة وطيبين
لو اعيالكم انضربوا ايش سويتوا

اجنبية في بلادها ما تحلم اتنظف حمامات تضرب اعيالنا

ان شاء الله اتحسون فيها يوم من الأيام عشان انشوف ردة فعلكم

[MirusS]

بغض النظر عن السبب القانون يمنع الضرب منعا باتاا لأي سبب كان .. معلمة وتاخذ حقها بيدها !!! هذا لو كان لها حق بعد

[نمر بن عدوان]

لا تصيرون ملائكة وطيبين
لو اعيالكم انضربوا ايش سويتوا

اجنبية في بلادها ما تحلم اتنظف حمامات تضرب اعيالنا

ان شاء الله اتحسون فيها يوم من الأيام عشان انشوف ردة فعلكم

ياخوي الاجانب هم الي علمونا وهم الي بنوا اجيال هالبلد ومحد ينكر جزاهم الله خير من اكبر راس الى اصغر راس تعلموا على يد المدرس الفلسطيني والمصري . وياما انظربنا وتكفخنا ولو اشتكينا عند ابهاتنا زادونا ضرب فوق الضرب والحمدلله طلعنا رجاجيل نتحمل المسؤليه .

اختي اذا ولدج غلط وكان يستاهل الضرب وكان الضرب عادي يعني على يده بالمسطره وماتعرضة المدرسه لوجهه او راسه فالامر بسيط روحي للمدرسه وفهميها انها غلطت وفي نفس الوقت لاتحسسين الولد انه صح عشان يتعلم ان مب كل مره بتوقفين وياه .

[مبتدئه]

طبيب قطري اتمنيت ان يكون لك نصيب من اسمك ،اظنتي الضحك او الاستهزاء مايطلع من طبيب ممكن تتسائل من غير استهزاء او ضحك

الولد في الابتدائي والسبب بسيط جدآ مثل ماذكرت ونفسيتي ماتسمح اكتب كل السالفة اختصرتها بأن الضرب كان من غير سبب يستدعي حتى استدعائي ، شنو تتوقع من طفل ابتدائي ممكن يسويية يستدعي ضربة وشدة

اشكر كل من مر وتعاطف معاي عسا ربي يفرج همكم ويبعد عنكم كل مكروة وظلم

[khaldoon]

اختي ما عرفنا حجم المشكله ولا اسبابها ...بس مش مشكله....اتمنى ما تروحي للشرطه لانه هذا اخر كرت تستخدمينه.... اول شي كلمي المديره ما استفدتي روحي المجلس الاعلى للتعليم... ما طلعتي بشي روحي الشرطه بالاخير.... بس هل الموضوع يستدعي كل هذا بعد ما تروحين للمديره و المجلس الاعلى للتعليم؟... هل محاولاتهم لتهدئتك و تطييب خاطرك او توضيح ما حدث غير كافي لكي و بالاخير بتروحين للشرطه.... انت وحدك تقرري

بس المهم هو ايش راح يترتب على وضع ابنك و علاماته و نجاحه بعد كل هذا.... يعني لا تقرري تبهدلي شخص فتكون خسارتك اكبر......بلغة اهل الشام اعملي اللي بدك اياه بس لا توسخي حالك

[Fahad Alqahtani]

روحي للمدرسة وقابلي الأخصائية والمديرة واستفسري عن سبب الضرب وعن
أسباب سماح المعلمة للضرب.
وتشوفون اذا المدرسة بتعطي المعلمة لفت نظر او جزاء تحسين انه عادل .
ولا روحي للمجلس الأعلى للتعليم. الدور الخامس نائب مدير مكتب الوزير ومدير المكتب فيهم خير وما يقصرون وقدمي كتاب شكوى .
اما سالفة الشرطة فاشوفه تضخيم للموضوع والسالفة بتكبر
نفس المشكلة صارت لبنت اخوي وراحت أمها للمدرسة ورد المعلمة كان متعنت ومهب معترفه بالخطأ فقدمنا شكوى للوزارة ومن كلام الأخصائية ان الشكوى تضر المدرسة والمعلمه والوزارة بترسل مسج اول ما يرفع الكتاب برقم الشكوى ورقم تلفون للتواصل.

[طبيب قطري]

اختى ميتدئه الله يهديج محد استهزاء ولاشي! كذا عضو يسألج وش سبب الضرب وانتي لين اليوم تقولين السبب بسيط ! اعتقد لو شرحتي اكثر ممكن نفيدج وننصحك

[القبطان اكس]

لو الموضوع جد تستأهل التسفير


في عمان اي اجنبي يتعدى على عماني تسفير one way

[القبطان اكس]

صاحبة الموضوع اعرف ناس في النيابة اذا تبين ارسلي على الخاص وباحطك مع محامي وبدون مقابل من المحامي اهم شي هالغير متربين في بلادهم يتادبون

[معماري قطري]

الشرطة أَول بأَول المجلس الأَعلى للتعليم يغطون السالفة بأَي طريقة وتعهد والسلام

بس بعدين لو المدرسة عندها ظروف ويمكن عصب بها الولد ولو نقول أَول مره نحاول نعذرها والعفو عند المقدرة فضيلة .. والله لا يراوي مسلم قهر وظلم

[معماري قطري]

بس ماقلتيلنا السبب؟ وباي مرحله ولدج؟

طبيب قطري لك كل التقدير والتحية .. قعدت ادور ردك يوم قالت كاتبة الموضوع فيه استهزاء شفت إِنه كلام طيب ولا فيه شيء والظاهر صاحبة المشكلة هي بحد ذاتها ....

[دايموند]

لا تصيرون ملائكة وطيبين
لو اعيالكم انضربوا ايش سويتوا

اجنبية في بلادها ما تحلم اتنظف حمامات تضرب اعيالنا

ان شاء الله اتحسون فيها يوم من الأيام عشان انشوف ردة فعلكم
والله ياما انضربنا واحنا اصغار من معلمينا ومدرسينا
واللحين تخرجنا وكبرنا والي مسك منصب

وواذا ولدي غير مهذب وقليل ادب وغلط ع المدرس او المدرسه وضربوه بالمسطره ضرب غير عنيف فقط لتأديب ماعندي مانع حطوا خط تحت ماعندي مانع ضرب غير مبرح لتأديب

ياخي هالايام اشوف اطفال وقحين وغير مأدبين ويغلطون ع الكبار وع مدرسينهم وفوق هاي تبونهم يسكتون عن عيالكم !!
ياخي ربووهم بالاول وعقب طالبوا بحقوقكم

الله يعين المدرسين والمدرسات

[حسن]

ماندري عن الموضوع والطرف الاخر والقصه الكامله

نصيحتي هني مهب الحل

راجعي المدرسه وقدمي شكوى واجراء تحقيق

واذ عندك تقرير طبي ارفقيه

ولا قدمي شكوى في الوزاره

[المحاميه]

صحيح مانعرف التفاصيل ولا السبب
وشنو الدليل ان اضربته

[مبتدئه]

طبيب قطري لك كل التقدير والتحية .. قعدت ادور ردك يوم قالت كاتبة الموضوع فيه استهزاء شفت إِنه كلام طيب ولا فيه شيء والظاهر صاحبة المشكلة هي بحد ذاتها ....


جواب على ردك وجزاك الله خير


هههه نفس السؤال! اختي لين الحين مب عارفين وش سبب ضرب ولدج وكم عمره؟

[moonبنتnight]

أول شي أثبات حالة تعدي ..
روحي المركز الصحي ودخلي على الدكتور أكثرهم ما يقصرون بعطيج تقرير والاخصائية الاجتماعية لي في المركز ..
وبعدين روحي مركز الشرطة وبلغي وهم بتصرفون معاهم ..

[ولد شرق]

لا تصيرون ملائكة وطيبين


ان شاء الله اتحسون فيها يوم من الأيام عشان انشوف ردة فعلكم

آمين يارب خصوصا للي يدَعي المثالية

[كازانوفا]

الله رحمها انها ما طاحت بايدي كان ليومك هذا قاعدين يفكوها من ايدي :)

[معماري قطري]

جواب على ردك وجزاك الله خير

العذر والسموحة شفت السؤال الأَول وهذي المشاركة معاج حق في ردج عليها

والله يحفظكم جميع ويحفظ ولدكم وعيالنا

[بو خليفه 123]

قبل كنا ننضرب بزاوية المسطره و نتشلخ من المدرسين ولا نقول (بررم) لأنه نكون شاغبنا او اخطئنا بحق المدرس و يجي ولي أمرنا و يعطي التخويل الكامل للمدرس و تقليده لقب (الوالد الثاني) خلال ساعات الدراسه .. و الحمدالله وصلنا ماوصلنا عليه الآن

مايشوف شر ولدك ان شاء الله

[معماري قطري]

قبل كنا ننضرب بزاوية المسطره و نتشلخ من المدرسين ولا نقول (بررم) لأنه نكون شاغبنا او اخطئنا بحق المدرس و يجي ولي أمرنا و يعطي التخويل الكامل للمدرس و تقليده لقب (الوالد الثاني) خلال ساعات الدراسه .. و الحمدالله وصلنا ماوصلنا عليه الآن

مايشوف شر ولدك ان شاء الله

بو خليفة انا آخر عيالي خليفة الله يحفظه ويحفظ عيالك .. ما يشتكي عندي لأَنه عارف اسلوبي أَحاسبه كأَنه هو المخطيء أَما أُمه التربوية المختصة في المجلس الأَعلى فتقيم الدنيا وتقعدها وتكون وياه على طول مخطيء أَو غير ذلك .. فتتحول الشكاوي تلقائياً لأُمه منه الا ما هو ضروري لي لزيارة المدرسة فأُحاسبه وآمره بالاعتذار لمدرسيه وذلك لمعرفتي أَن المدرس لا يكن عداوة شخصية لطالب .. ذهبت مرة لمقابلة المشرف وأَدخلني للصفوف وشاهدت هوائل الدلع النسائي لأَبنائنا .. صراخ وازعاج وبيئة غير علمية بالكامل .. ملاحقة الطلاب لبعض واللعب في الممرات والكتابة بالحبر والأَلوان على الحوائط النظيفة .. ومما شاهدته تراشق البعض بالحبر وتلويث الثياب .. هذا والكاميرات تصور والعقاب ممنوع والمشرفين مقيدين بأَوامر أُنثوية مائعة تقلب الموازين وتجعل الطالب على حق دوماً.

[بو خليفه 123]

بو خليفة انا آخر عيالي خليفة الله يحفظه ويحفظ عيالك .. ما يشتكي عندي لأَنه عارف اسلوبي أَحاسبه كأَنه هو المخطيء أَما أُمه التربوية المختصة في المجلس الأَعلى فتقيم الدنيا وتقعدها وتكون وياه على طول مخطيء أَو غير ذلك .. فتتحول الشكاوي تلقائياً لأُمه منه الا ما هو ضروري لي لزيارة المدرسة فأُحاسبه وآمره بالاعتذار لمدرسيه وذلك لمعرفتي أَن المدرس لا يكن عداوة شخصية لطالب .. ذهبت مرة لمقابلة المشرف وأَدخلني للصفوف وشاهدت هوائل الدلع النسائي لأَبنائنا .. صراخ وازعاج وبيئة غير علمية بالكامل .. ملاحقة الطلاب لبعض واللعب في الممرات والكتابة بالحبر والأَلوان على الحوائط النظيفة .. ومما شاهدته تراشق البعض بالحبر وتلويث الثياب .. هذا والكاميرات تصور والعقاب ممنوع والمشرفين مقيدين بأَوامر أُنثوية مائعة تقلب الموازين وتجعل الطالب على حق دوماً.

احييك على طريقة تعاملك مع ابنك و منكم نستفيد ان شاء الله .

ما ذكرته اعلاه هو سبب سحب كلمة تربيه من وزارة التربيه و اصبح (مجلس) تعليم

[توشيبا]

السلام عليكم

اي شنو الضرب تاديبي ولا تعذيبي

اذا كان تاديبي انتم راعين مشاكل

اذا كان تعذيبي اشتكي في اقرب مركز شرطه ولو اشوفج انتي بنفسج طاقه ولدج بقوه عادي اصور واشتكي عليج في حقوق الطفل

ماحب تحد يطق اليهال بقوه

[دايموند]

لا ادعي المثاليه وانما ادعي الواقعيه

وحلو الواحد يوصل للمثاليه والا المثاليه صارت سبه هالايام وانا مادري؟

[حسن]

بو خليفة انا آخر عيالي خليفة الله يحفظه ويحفظ عيالك .. ما يشتكي عندي لأَنه عارف اسلوبي أَحاسبه كأَنه هو المخطيء أَما أُمه التربوية المختصة في المجلس الأَعلى فتقيم الدنيا وتقعدها وتكون وياه على طول مخطيء أَو غير ذلك .. فتتحول الشكاوي تلقائياً لأُمه منه الا ما هو ضروري لي لزيارة المدرسة فأُحاسبه وآمره بالاعتذار لمدرسيه وذلك لمعرفتي أَن المدرس لا يكن عداوة شخصية لطالب .. ذهبت مرة لمقابلة المشرف وأَدخلني للصفوف وشاهدت هوائل الدلع النسائي لأَبنائنا .. صراخ وازعاج وبيئة غير علمية بالكامل .. ملاحقة الطلاب لبعض واللعب في الممرات والكتابة بالحبر والأَلوان على الحوائط النظيفة .. ومما شاهدته تراشق البعض بالحبر وتلويث الثياب .. هذا والكاميرات تصور والعقاب ممنوع والمشرفين مقيدين بأَوامر أُنثوية مائعة تقلب الموازين وتجعل الطالب على حق دوماً.

صدقت يامعماري قطر

ولا حظ في اي مكان محد يقوم الدنيا الى النسوان وكنت اسمع بعض الشكاوي في وطني الحبيب
زين انت ياطرطور وينك!!!
الى هذه الدرجه يسرحونكم ويضونكم

سحقا لكم يااشباره الرجل

يضربونا ضرب مهب كفو نشتكي لا عند اب ولا ام لان الكل بيقول لنا تستاهلون خل ياادبونكم
اما الحين اسكت ماتعرف من فيهم رجل انقلبت الادوار
يارجل كتفو المجلس والوزراه هل النسووان واخر شي يلومونهم
اضربو من حديد والغو المجلس ودوره الفاشل ورجعو التربيه والوزاره
مجلس اعلى وزراه

انا نوخذه والمثل يقول اذا اكثرو النواخذه طبع المركب
مثل ماهوب الحين
مابقى الى الخزميه

:)