هل يوجد هذا في دولة مثل قطر.....؟!

[Hassenfatima]

السلام عليكم ورحمه الله وبركته
فقط اسأل لماذا لا يوجد في الدوحة ان لم اقل قطر ككل جسور خاصة للراجلين بما يسمى (Pedestrian Crossing Bridge) حتى الدول المتطورة تجد مثل هذه المنشأت وبطريقة معاصرة فمثلا لو أردت العبور من شارع الى اخر تضطر ان تمشي كل الطريق حتى تصل للإشارة (يعنى ستصبح قوانين السواق منطبقة عليك ) خاصة في طريق سلوى او او الطرق السريعة او غيرها
خاصة كل يوم ارى ناس تقطع الطريق وتعرض نفسها لأخطار كبيرة كأن كل من في قطر لديه السيارة
والسؤال المطروح هل ترى من الضروري وجود مثل هذه الجسور ام غير ضروري
واضع بعض الصور لتوضيح اكثر

91430

91431

91432

91433

91434

[Aaziz]

بالنسبه لوجوده في الدوحه فهو كان موجود سبق شفته اذا للحين موجوده ،، و انت ماخذ اشارات بوعبود متجه للتيوتا فيه جسر مشاه من فوق الشارع .

امس على خط الوكره امشي و فيه سياج حديدي ارتفاع اتقريبا 1.5 متر بين الشارعين ،، حسيت بطرف عيني كانه شي تحرك جمبي ،، يمكن متر بيني و بينه ،، طالعت في المنظره ولا هندي شاقح السور الحديدي يبي يعبر للجهه الثانيه من الشارع .

[qtr qtr]

مشكلة عابرين وقاطعي الطريق من المشاه اخر اهتمامهم او بمعنى اصح مهمش من قبل اشغال وادارة المرور .. والضحيه السواق اللي ماله ذنم

[Dana’1]

حتى بوسط الأخياء السكنيه الماشين والي بالسياكل يندعمون:(

قبل امس شافيه أسيوي مدعوم بالحي توفى الله يرحمه :(
المفروض فيه ارصفه وطرق للسياكل والمشاة بكل حي وشارع وبشكل ضروري

[QATAR 77]

كانت انفاق و جسور موجودة و لكن المشاة لا يستخدمونها

[وحيد-الشوق]

هذا الموضوع الي محيرني من سنين استغرب شنو الي قاصرنا الحمدلله دولتنا من اغنى دول العالم !!!

اشغال تسوي مشاريع فاشلة وبدون جسور للمشاة والمرور شادين حيلهم في المخالفات فقط والي يزيد الاستغراب اكثر السياج الحديدي الاخضر في بعض الشوارع كمثال في الوكرة مثل ماذكر اخونا عزيز شلون المساكين العمال وغيرهم يعبرون للطرف الاخر اذا مافي جسر وحاطين حاجز طولة اكثر من متر !! ينقزون مثلا !!!

[معماري قطري]

كانت انفاق و جسور موجودة و لكن المشاة لا يستخدمونها

صحيح والسبب سهولة قطع الطريق ولا يوجد عقاب ولو انصدم الغلط على السائق

المفروض يتم تعديل القانون وممرات العبور تكون محددة ومن يتجاوز ينمسك ويتحاسب ويتخالف .. المخالفة تكون على اللي يمشي ويقطع الطريق ولو مات يعتبر منتحر ومتعدي على غيره اللي المفروض يحصل تعويض وتصليح لسيارته حتى لو من سفارة المتوفي لو هله محد.

الشيء الثاني المفروض تكون ممرات العبور مريحة وسهلة الركوب .. مثال اللي نشوفه في دبي .. درج كهربائي وممر مكيف

[معماري قطري]

هذا الموضوع الي محيرني من سنين استغرب شنو الي قاصرنا الحمدلله دولتنا من اغنى دول العالم !!!

اشغال تسوي مشاريع فاشلة وبدون جسور للمشاة والمرور شادين حيلهم في المخالفات فقط والي يزيد الاستغراب اكثر السياج الحديدي الاخضر في بعض الشوارع كمثال في الوكرة مثل ماذكر اخونا عزيز شلون المساكين العمال وغيرهم يعبرون للطرف الاخر اذا مافي جسر وحاطين حاجز طولة اكثر من متر !! ينقزون مثلا !!!



وفي بعض الطرق اخوي وحيد مثل طريق سلوى مآسي كثيرة وهذا طريق حديث وعلى جانبيه محلات

المشكلة الثانية إِني سمعت عن الكثيرين ينتحرون طمعاً في الدية لأَهاليهم بسبب هذه الثغرة القانونية وخصوصاً النيباليين

ومثل ما ذكر إِخونا عزيز فيه شباك وحواجز كثيرة تم فتحها بسهولة وهذي جريمة والمرور منها يفترض جريمة

[وحيد-الشوق]

وفي بعض الطرق اخوي وحيد مثل طريق سلوى مآسي كثيرة وهذا طريق حديث وعلى جانبيه محلات

المشكلة الثانية إِني سمعت عن الكثيرين ينتحرون طمعاً في الدية لأَهاليهم بسبب هذه الثغرة القانونية وخصوصاً النيباليين

ومثل ما ذكر إِخونا عزيز فيه شباك وحواجز كثيرة تم فتحها بسهولة وهذي جريمة والمرور منها يفترض جريمة



طريق سلوى مصيبته اعظم :(

من قده النيبالي (وبكل اسف هذا تفكير البعض من غير المسلمين ) يقول اهلي ياخذون 200 الف اذا مت بيصيرون شيوخ هناك حتى لو ما مات بيعطونه تعويض نسبة العجز بعد التحديد وكل 1% عليها مبلغ وقدره

[بوNasser]

كانت انفاق و جسور موجودة و لكن المشاة لا يستخدمونها

الجسرين للمشاة اللي عند جسر راس بو عبود اذكرهم واحد عند المدرسة وواحد اعتقد قبلها.

بس تدري كم درجة تحتاج تصعدها وتنزلها لين تستخدم الجسر.

تقريبا فوق الخمسين درجة صاعد وعقبها تعبر الجسر وبعدها تقريبا خمسين عتبة نازل.

بينما تعبرالشارع "سبرنت" واحد، اما وصلت الجانب الثاني، و الا وصلت بوهامور.

لو كان فيه سلم كهربائي، وكان الجسر معزول عن الشمس كان استخدامه افضل بكثير.

تحياتي للجميع

[Aaziz]

الجسرين للمشاة اللي عند جسر راس بو عبود اذكرهم واحد عند المدرسة وواحد اعتقد قبلها.

بس تدري كم درجة تحتاج تصعدها وتنزلها لين تستخدم الجسر.

تقريبا فوق الخمسين درجة صاعد وعقبها تعبر الجسر وبعدها تقريبا خمسين عتبة نازل.

بينما تعبرالشارع "سبرنت" واحد، اما وصلت الجانب الثاني، و الا وصلت بوهامور.

لو كان فيه سلم كهربائي، وكان الجسر معزول عن الشمس كان استخدامه افضل بكثير.

تحياتي للجميع

عدد الدرجات متناسب مع الارتفاع القانوني للشوارع الرئيسيه ،، اضن 5 متر لازم مايكون فيه شي فوق الشارع عشان الشاحنات و السطحات اذا محمله حموله معينه يلتزمون بالارتفاع القانوني و اعتقد انه ستاندر عالمي هذا الارتفاع
بمعنى اخر اي جسر مشاه ماراح يكون نازل مستواه من الشارع .
و معبر المشاه الكهربائي ما اذكر اني شفته في اي دوله بصراحه ،،، شفت تصاميم عبر مشاه ممتازه ،، تكون سلوب على شكل شبه رباعي ،، او سلوب طوووويل و تعتبر مثل ديكور .. فيه جسور المشاه الحديثه (عمليه ) الي كانها خرطوم ولا انبوب احيانا يكون سقفه شفاف .. هذي اتوقع ماتحتاج تجهيز و بونيه تحتيه ،، شغل سريع مثل جسور الحديد الي سووها من قريب للسيارات

[المحاميه]

لان ف قطر محد يمشي
الجو مايساعد
اغلب الاعتماد على وسائل المواصلات

[الغيور]

إلا على طاري جسور عبور المشاة الجسر اللى مسوينة عند البريد شنو ؟؟ صاير لهم فترة شغالين

[LiL iNVe$ToR]

على خط الوكره العام ..على مدى السنيين اللي عشت فيها شاهدت بعيني حوادث دهس كثيره.

وطبعا اغلبهم من العماله الوافده.

عشان الحكومه تسوي جسور مثل الصور اللي فوق لازم يكون له علاقه بـ 2022. ولا انسو :)

[يوسف0]

على خط الوكره العام ..على مدى السنيين اللي عشت فيها شاهدت بعيني حوادث دهس كثيره.

وطبعا اغلبهم من العماله الوافده.

عشان الحكومه تسوي جسور مثل الصور اللي فوق لازم يكون له علاقه بـ 2022. ولا انسو :)

او مسؤوول يندعم وهو يتمشى عاد انطر يالحبيب لين ايجيك الربيع

او اشقر يندعم :tease: