ترشيحة جهاز امن الدولة ؟

[m alshafi]

السلام عليكم و رحمة الله وبركاته
اخواني اخواتي
انا طالب ب ثالث ثانوي -دعواتكم- و حنا على وشك نخلص الفصل الاول
و باقي كم شهر و نخلص , الايام تمر بسرعه
و لانه قرب وقت التقديم و التسجيل حاب اعرف كل الجهات شنو يقدمون من بعث و شنو طبيعة العمل و و و الخ
كل شي تقريبا واضح عندي : الجيش . الداخلية . الخارجية . البترول الخ
الا جهاز امن الدولة ماعرف شنو نظام ترشيحتهم ؟ هل هي نفس الجيش ؟ او تختلف ؟
الدوام عسكري او مدني ؟ هل انا اختار ؟ هل يبعثون ؟ متى اعلق نجمه (ضابط) ؟

اتمنى من اللي عندهم خبره يفيدوننا ولو ب المسموح
لان والله ناوي اروح لهم
اذا تكرمتو اللي بيرد يرد على قد الاسئلة اللي فوق بس

جزاكم الله خير

**تخصصي علمي و ايلس 6 للتوضيح فقط

[مابدل العادات]

لازم نسبه فوق ال90

وواسطه تترشح علىطول

بدون واسطه لازم تشتغل من سنه إلا سنتين وبعدين يودونك

عن نفسي انصحك بالجيش أو الداخليه ابرك حتى من ناحيه الشغل

والله يوفقك ان شاء الله

[حسن]

اذا تخصصك علمي شوفلك تخصص زين وحاول تطلع بعثه
ولا انصحك بالعسكريه

هناك مجالات كثيره مفيده للبلد ولك

وبالتوفيق

[m alshafi]

لازم نسبه فوق ال90

وواسطه تترشح علىطول

بدون واسطه لازم تشتغل من سنه إلا سنتين وبعدين يودونك

عن نفسي انصحك بالجيش أو الداخليه ابرك حتى من ناحيه الشغل

والله يوفقك ان شاء الله

وياك ي طويل العمر
بس متاكد انها 90 ؟ ماتحس واجد ؟ انا سمعت اكبر نسبه مطلوبه عند البترول و 80 مب 90
طيب و البعثات ؟ بحصل عندهم ؟
بخصوص الواسطه موجوده بس انا ودي ادش من روحي مابي احد يتوسط لي الا اذا اضطريت
و ترشيحتهم ش نظامها ؟ مثل الجيش ؟ راح تكون في الدوحه ولا برا ؟
واحد من الربع يقول يودونك كليه عسكريه في لندن سنه بس و ترجع تعلق ضابط ؟ صحيح ولا ؟

لاهنت ي الغالي

[مابدل العادات]

لا اخوي الترشيحه على حسب التخصص ودام انه علمي يودونك امريكا ولا بريطانيا وسمعت فاتحين الحين المانيا وفرنسا

بخصوص الكليه العسكريه الي اعرفه انها حق الي يدرسون اطفاء وتابعين للداخليه وليس للجهاز او الجيش

اما بخصوص النسبه فمادري إذا نزلونها او لا بس المعلومات جبتها من الربع المرشيحن واذكر اني قدمت عليهم قبل كمن سنة وكانت هي الشروط نفسها

[m alshafi]

اذا تخصصك علمي شوفلك تخصص زين وحاول تطلع بعثه
ولا انصحك بالعسكريه

هناك مجالات كثيره مفيده للبلد ولك

وبالتوفيق

وياك ي الغالي
انا اعرف رجال ثقه في جهاز الامن يقول لي يبغون مهندسين و انا اساسا ناوي ادرس هندسه بس ابي اتاكد اذا بيبعثوني او لا ؟ انا مب متخصص علمي عبث
مشكلة الترشيحه انه الادبي و العلمي كلهم سوا كلن بياخذ بعثه و بيحرك و اللي في الادبي يقدر يدرس هندسه . احس فيه ظلم من هالناحيه اني اكرف ف الثانوي و اللي ف الادبي متكي و مرتاح و اخر شي بيدخل ترشيحه تبيني اترشح معاه ؟ اكيد لا

[m alshafi]

لا اخوي الترشيحه على حسب التخصص ودام انه علمي يودونك امريكا ولا بريطانيا وسمعت فاتحين الحين المانيا وفرنسا

بخصوص الكليه العسكريه الي اعرفه انها حق الي يدرسون اطفاء وتابعين للداخليه وليس للجهاز او الجيش

اما بخصوص النسبه فمادري إذا نزلونها او لا بس المعلومات جبتها من الربع المرشيحن واذكر اني قدمت عليهم قبل كمن سنة وكانت هي الشروط نفسها

وافي و ماقصرت
ادري كثرت اسئلة اسمحلنا ههههه
بس بخصوص الدوام ؟ عسكري او مدني ؟ بالعربي بثوب او دريس ؟

[المحاميه]

والله ياخوي من ردودك واهتمامك يبين عليك ماشاء الله شخص شاد حيله

شوف وين ف خاطرك وروح قدم

لاتعتمد على كلام حد

وكلن ونصيبه

[مابدل العادات]

مسموح اخوي بالعكس دام عندي علم ولو بسيط بشيئ لازم افيد الي يسأل ولا اكتم العلم

والدوام سلمك الله بالثوب مدني ولاكن لك رتبتك العسكريه طبعا

بس نصيحه اخوك الي اشوفه اذا بغيت العسكريه روح الداخليه او الجيش افضل من ناحيه الدوام وطبيعه العمل والحياه الإجتماعيه

والله يوفقك ان شاء الله

[قطري سهم]

مادري شنو سالفة شباب هالايام هابين هبة بالعسكرية نص جيل 1990 ضباط ههههههه قلت الوظايف بالبلاد

[m alshafi]

والله ياخوي من ردودك واهتمامك يبين عليك ماشاء الله شخص شاد حيله

شوف وين ف خاطرك وروح قدم

لاتعتمد على كلام حد

وكلن ونصيبه

الله كريم
جزاس الله خير

[m alshafi]

مسموح اخوي بالعكس دام عندي علم ولو بسيط بشيئ لازم افيد الي يسأل ولا اكتم العلم

والدوام سلمك الله بالثوب مدني ولاكن لك رتبتك العسكريه طبعا

بس نصيحه اخوك الي اشوفه اذا بغيت العسكريه روح الداخليه او الجيش افضل من ناحيه الدوام وطبيعه العمل والحياه الإجتماعيه

والله يوفقك ان شاء الله

جزاك الله خير و كلامك حاطه بعين الاعتبار

[m alshafi]

مادري شنو سالفة شباب هالايام هابين هبة بالعسكرية نص جيل 1990 ضباط ههههههه قلت الوظايف بالبلاد

والله شكلها بعثه لا ترشيحه ولا هم يحزنون بالعكس اريح لي و شهاده اقوى و بحصل لغه و بستفيد لكن معك حق اغلب الربع عسكريه الله يهديهم م يدرون انه البلاد ناقصها مهندسين و دكاتره شبعنا ضباط :)

[معماري قطري]

الله يوفقك وما شاء الله الإِنجليزي عندك وايد زين

نصيحتي لك ولكل واحد مقبل على الدراسة الجامعية يشد حيله ويصبر وما يفكر متى يخلص قد ما يفكر شقد يستفيد .. شفت ناس ما شاء الله عندهم نهم للعلم وللحياة يتأَقلمون مع المجتمع ويكونون علاقات وصداقات ويكونون صورة مشرقة وطيبة للقطري .. ويخلصون حتى لو بعد 7 سنين بكذا تخصص ماجستير ويرجعون خبرة لو اشتغلوا في أَي مكان.

في قطر العلم متوفر وفي كثير من الكليات عسكرية ومدنية والحمد لله .. برا الحياة غير خصوصاً في أَمريكا وتحصل خليجيين في كل مكان والناس هناك متقاربين ومتعاونين ودوم التوفيق بيد رب العالمين.

[ابن فطيس]

أسمع .. ترشيحة الداخلية غيروا نظامهم , أول يودونك كلية أحمد , الحين في كلية شرطة .. ترشيحة جهاز أمن الدولة و الجيش واللخويا كلها نفس الشيء , يودونك كلية أحمد و إذا تبي بعثة برا الدولة يقدرون يبعثونك , و الله يوفقك

[وليف الشوق]

عفوا اخوي ولا تفهمني غلط انت ليش ماتروح للجهه اللي تبي فيها وتقدم وتسال منهم ؟ افضل من انك تحصل اراء قد تختلف في توقعات او امور لاصحه لها وبالتالي يمكن تفقد رغبتك بالعمل معاهم في وجهة نظر من اي شخص يعطيك سبب او عدة اسباب !! فالافضل لك جاهد شوي وروح قدم ربما الحظ يحالفك في امور احسن من اللي تتوقعها وانا من عندي اقول لك الله يوفقك وماابي اعطيك شي مااعرف عنه او يمكن احطمك في امور ماايعلم فيها الا الله وصدقني الدنيا حظوظ

[رجل الجزيرة]

اذا تخصصك علمي شوفلك تخصص زين وحاول تطلع بعثه
ولا انصحك بالعسكريه

هناك مجالات كثيره مفيده للبلد ولك

وبالتوفيق

إلا أنصحك بالعسكرية وخصوصا البحرية ولا أنصحك بالشرطة.