الليزك أقدر اسوي عين واخلي الثانية ؟

[Qa10]

السلام عليكم



ودي اسوي ليزك عند الدكتور خالد الشريف
بس متخوف منها

قلت اسوي عين وبعد كم شهر اسوي الثانية

حد سوى الحركة ذي ولا شرايكم ؟

[Aaziz]

مستحيل يقبل .. بيصير عندك خلل في الرؤيه ،، بتصير عين اقوى من عين و هالشي يمكن ينتج منه خلل دائم
صل استخاره و توكل على الله
ماتم حد من الي اعرفهم يلبس نظاره طبيه الحين ،، الكل مسوي ليزر

[مــاي ورد]

ماله داعي العملية كلها 7 دقايق مافيها الم ولاشي اخف من علاج حشوة الاسنان حتى

[ya3coub]

ما اعرف عن الدكتور

بس عين و عين لا طبعا

انا كنت ابي نفس الشي و عاندت و عيني الثانية كانت كلها دم و وقف العملية. و قالي تعال بكرة علشان عينك اليمنى "الأولى" و مع عنادي كانت عيني اليسرى ايضا لم تحتاج إلى المزيد.

فقط فحص بعد 6 شهور.

مشكلة عين اقوى من عين بتسببلك خلل غير انك تلبس نظارة بعدسه و الثانية بدون و محتاج نظارة شمسية.

توكل على الله أخوي و سوهم مع بعض ما ياخذ من وقتك 15 دقيقة

[حسن]

تقدر

والدكتور هو بيحدد للك وبيقولك

واحد من الربع مسويها علشان القراءه

والعين تبرمج نفسها مع الثانيه

سبحان الله

وتبي نصيحه برشلونا مستشفى باركير

كلها يومين وراجع

وماتشوف شر

:)

[بصمة قطرية]

الدكتور خالد الشريف ممتاز
غني عن التعريف ..
إستخير و توكل على الله ..

[fahed]

الصراحة أنا شفت ناس متخوفين من العملية

بس نفسك

ما مر علي . طبعا" لام الله من لامك . لاكن لازم تتوكل على الله و تكون عندك شوية شجاعه اذا انك بتقط النظارة الطبية.

[باراكودا]

أنا مسوي في البحرين عين وحدة فقط قبل خمس سنين
والنظر ممتاز بعد العملية ولا أشتكي من اى شىء .

[مشـــــاعر]

الدكتور خالد الشريف ممتاز
غني عن التعريف ..
إستخير و توكل على الله ..

خالاتي 3 مسوينها عندهـ صارلهم 3 سنين تقريباً وحمدلله مافيهم إلا العافية . .
بسسسيطة وسهالآإت ومآإبتحسسس فيهآإ والله . .

[كازانوفا]

اوووووووووووووف بصير عندك ارهاق مش طبيعي على العين القويه

[مـراحـب]

انا اكثر وحدة كنت اخاف من الليزك

والحمدلله سويتها اخر شهر مارس في الإردن

عيادة الدكتور / خالد الشريف

ما توقعت العملية جذي دقايق الا وانت مخلص

والحمدلله النظر الحين في احسن حال ( لا اله الا لله ، ، محمد رسول الله ) بعد ما كان النظر عندي 20 %

والدكتور يحدد اذا تحتاج ولا لا ، ، عين ولا الثنتين

والله يسهل عليك

[Qa10]

السلام عليكم

مشكورين على الردود*والتشجيع*

والله يقوينا ويكتب اللي فيه خير الموضوع يبيله استخاره

[وحيد-الشوق]

وعليكم السلام

سؤال اذا ممكن كم قالك تكلفة العملية ؟

[حياة]

انا عندي قصر نظر وطول نظر مع بعض
سويت عين حق البعيد عند الدكتور خالد الشريف من 2009 وخليت عين للقراءه من قريب
الين معد قدرت اشوف زين سويت الثانيه في دبي عند الدكتور صفوان
والامور تمام
يعني عين للبعيد وعين للقريب والحمد لله

[حياة]

السعر 9500 ريال قيمه العمليه عند خالد الشريف لليزر
الا اذا زاد