المساعد الشخصي الرقمي

مشاهدة النسخة كاملة : اليوم اتجاه السوق نزول



قطري
18-01-2005, 08:22 AM
السلام عليكم
من بدأت صناعات قطر في الطلوع وهي تقود السوق امس بعد مانزلت نزل السوق بأكمله واليوم بتفتح نزول Limit Down
على سعر 92.60 وشكل السوق نزول اليوم.
معضم الشركات اليوم بتفتح على اقل سعر الناس يبيعون ليكتتبوا في شركة ناقلات.

إنتعاش
18-01-2005, 09:19 AM
عليكم السلام والرحمه

هلا فيك اخوي قطري

شي متوقع اخوي الصراحه

لأسباب متنوعه

مثل ما ذكرت انت

التسييل للإكتتاب

وخوف الناس ان الاسعار الحين ما ترجع بعد اجازة العيد

فقالوا نبيع الحين ونحتفظ بفلوسنا

وبعدين يصير خير

وانصح الاخوان بالحذر عند شراء اسهم طالعه بسعرها

لأن السهم يا اخوان ينشرى من تحت وتبيعه فووووووق

وليس العكس

فلذلك على الاخوان التروي

تفاديا ً لأية خسائر ماليه لا سمح الله

roadrunner
19-01-2005, 12:13 AM
السلام عليكم.
اسباب انتعاش السوق والي خلاه يشب نار من وجهة نظري هو تظارب الأراء بالجرائد عن دخول الأجانب والشائعات الي انتشرت بدخول كباريه السوق برؤس اموال ضخمة .
والي يخلاه يقلب ويرد ريوس ويقلب المؤشر أحمر هو اكتشاف الناس ان هذا الكلام هو مجرد كلام .. ولا اجانب دشوا السوق ولا شي .
بس الي صار اكبر دليل ان مجرد ما يدخلون الأجانب والناس تنسى او لا تحلم بأنها تشوف السوق بهالأسعار اللي هي عليها بالوقت الحاضر.

ولكم سلامي.

XP.Qatar
19-01-2005, 02:01 AM
والله ألي أشوفه ...

من يوم مانزل السهم ريال أو ريالين كلن ركض يبيع سهمه .. هذي مشكلة مستثميرنا .. مافيهم ثقة بالسوق ...

تحياتي

محمد بن حمد
19-01-2005, 09:52 AM
المشلكه من وجهة نظري ان لا حد سوى شي الكل سوا مثله ... مثل شلتنا في البورصه لا حد اشترى كلنا اشترينا حول عشر اشخاص ولا اكثر ولا حد باع الكل باع وعلى ها الموال فعلى ما اعتقد الكل نفس حالتنا والله اعلم اذا يضر ها الشي بالسوق ولا لا

قطري
19-01-2005, 10:18 AM
المشلكه من وجهة نظري ان لا حد سوى شي الكل سوا مثله ... مثل شلتنا في البورصه لا حد اشترى كلنا اشترينا حول عشر اشخاص ولا اكثر ولا حد باع الكل باع وعلى ها الموال فعلى ما اعتقد الكل نفس حالتنا والله اعلم اذا يضر ها الشي بالسوق ولا لا
فعلاً هذا هو الي حاصل
لين شفت السهم عليه تجميع يعني في ناس يلمون في السهم شوي شوي دز عمرك معاهم لان اكيد عندهم خبر تم تسريبه ويوم ثاني تلقى السهم طاير بس لازم تكون موجود في السوق يومياً :)

m_taha123
19-01-2005, 11:34 PM
والله ولا شي صادونا بكم سهم بالعالي ماادري اشلون نطلع منهم الله كريم ....
على قولة المثل الي ضرب ضرب والي هرب هرب .
.......
مع تحيات نص مضارب بسوق الدوحة

فرحة الكواري
20-01-2005, 05:00 AM
من راي اختكم الصغيره

السوق لما تقط فلوسك فيها انساها لان مرد السهم بيرتفع

حتى لو الربح نص ريال بتطلع قيمة حلوة اذا كان في كمية بالأسهم

ومثل ماقالو اخواني قبل

اكبر عيب واكبر مشكله وفعلا انا اشوفها بعيني

لما حد يشتري راحوا كل اللي معاه وشروا والعكس صحيح

وهذا اكبر غلط يعني هذا الرجال بيكون عالم الغيب

ولا على راسه ريشة ويروحون العالم ويقلدونه << للأسف هذا اللي حاصل

انا بتكلم عني شخصيا

اللحين عندكم الصناعات والوقود وشركه ماتتسماش يقولون عنها الفحص الفني :D

لين يومكم من الاكتتاب وانا مابعتهم ولا ومابي ابيعهم يمكن الفحص

بس الوقود والصناعات ماظن :cool:

بس ها ا ا لحد يقلدني بعد :p


وكل عام وانتوا بخير
عيدكم مبارك