ذهب مال الأول !! [الأرشيف] - منتديات شبكة الأسهم القطرية

أم محمد 90

05-01-2015, 02:07 PM

السلام عليكم ،،

بداية أحي جميع القائمين على معرض مال أول - بغض النظر عن البوق والنصب اللي ف الاكشاك اللي صاير هناك - ماقصرتوا احييتو تراثنا ووسعتو صدور امهاتنا وابهاتنا .

أول أمس رحت المعرض ودخلت (السوق) - دايركت ع كشك الذهب (مانتبهت لاسمه وياليت تعطوني اسمه ضروري لاني ماقدر اروح مرة ثانية لبعد المسافة)

عجبتني اسوارة عبارة عن لولو وفيها 4 حبات ذهب . سألته بكم ؟
طبعاً بدون مايوزنها ولا شي واقسم بالله العظيم خذ الكالكيوليتر (الآلة الحاسبة) قال ب 5400 ريال بعد الخصم 1100 خذيها بألف !
حسيته غشاش وقلت خل اروح سوق الذهب اضمن
أمس رحت سوق الذهب ولقيتها هناك ف كللللللل المحلات تقريباً وكل محل دخلته نفسسسسسسسس السعر :

250 ريال !

سألته ليش (قال ماما هذا سوارة مافي ذهب واجد)

والذهب يبقى ذهب ماظن في ذهب اوروبي وذهب امريكي ولا موزمبيقي !

الاسواره هي نفسها ف المعرض ونفسها ف سوق الذهب !

يقول ب 5400 ليش ؟؟؟؟؟ وشلون من 5400 تنزل لين ألف ريال ؟

قسم بالله حرام راعي المحل شلون يرضى ع نفسه ينهب الناس بهالطريقة ؟

المهم انا ابي اقدم شكوى ولكن احتاج اسم الكشك في حد يعرف اسمه ؟

ونقطه حابة اوضحها : ادري في ناس بتجي بتقول يمكن الاسوارة غير او الذهب فيها اكثر واقسم بالله ماكذب عيني ولا اظلم بختي الاساورة نفسها نفس اللون وعدد الذهب .
بدور صورتها وبحطها ولو مالقيت بصور اللي شريتهم وبنزل الصورة .

][ الوحيد ][

05-01-2015, 02:08 PM

من 5400 صارت بـ 1000 و هي بـ250 !!

نصـــب والله !!

sos 12

05-01-2015, 02:48 PM

الموضوع واضح نصب من 5400 لين 1000 يعني خصم حول 81% ... وطبعا هذا الخصم مستحيل حد من المحلات تقبل هذا الا اذا كان نصاب ويبي يقنع الزبون انه سوا خصم مضبوط

حياة

05-01-2015, 03:05 PM

يمكن هذي الخرز الملون اللي يجي مثل اللولو اللي فيها اربع او خمس حبات ذهب
وحرامي ماعليج منه وشكثر في سوق واقف والوان واشكال واحجام
صدقيني مارفع هالسعر الايعرف فيه ناس تشتري وماهمها

غايه الطواش

05-01-2015, 03:10 PM

تقصدين الخصور ؟؟

حمد بن سعد

07-01-2015, 11:48 AM

ياكثرهم اللي مايخافون الله

وغدا بمحكمة القيامة وعدنا

وهناك حق العدل والميزان

Um Sultan

08-01-2015, 08:26 AM

مجوهرات السليمان

لاني شفت عنده مريه قالي ب 27 الف ورحت سوق الذهب لقيتها ب 19 الف

OREO

08-01-2015, 05:51 PM

اشتكي مثل ماتبين و ضيعي وقتج على الفاضي كون حكومتنا راضية عليه و على فعلته المشينه .. مادري ليش تذكرت سوق واقف اللي محد قادر يوقف مدير السوق عند حده .. مع احترامي لقوانين بلادي لكن اللي اشوفه شخصيا بأن القوانين ما تطبق على الكل و لا بالشكل الصحيح و المحسوبيات و الواسطات قاعده تدمر اللي انبنت في السنوات اللي فاتت..

JN000N

09-01-2015, 05:50 PM

تقصدين الخصور ؟؟

اي الخصور

حتى ف السليمان يبيعهم بغالي وفسوق الذهب اسعارهم تتراوح
انا عندي وحده يمكن 14 او 16 حبة ذهب من زماااااااان من كنت صغيره وحتى الخيط غير عن خيوط الحين
وعلى وقتها كانت رخيصه
الحين من هبو فيهم الناس زاد السعر

أم محمد 90

11-01-2015, 12:59 PM

[ الوحيد ][;9913972']من 5400 صارت بـ 1000 و هي بـ250 !!

نصـــب والله !!

ناس ما تخاف الله وربي استغرب شلون صاحب المحل راضي .

الموضوع واضح نصب من 5400 لين 1000 يعني خصم حول 81% ... وطبعا هذا الخصم مستحيل حد من المحلات تقبل هذا الا اذا كان نصاب ويبي يقنع الزبون انه سوا خصم مضبوط

انا استوعبت وانتبهت اغلب بناتنا ينقص عليهم بالسعر وشو ذنب اللي خبرتها قليلة ؟

يمكن هذي الخرز الملون اللي يجي مثل اللولو اللي فيها اربع او خمس حبات ذهب
وحرامي ماعليج منه وشكثر في سوق واقف والوان واشكال واحجام
صدقيني مارفع هالسعر الايعرف فيه ناس تشتري وماهمها

في ناس ماهمها وفي ناس همها وفي ناس ماتدري !!
اي بالضبط هاي الاسوارة اللي اقصدها

تقصدين الخصور ؟؟

لا مو الخصور وصلني انه اسمه السليمان

ياكثرهم اللي مايخافون الله

وغدا بمحكمة القيامة وعدنا

وهناك حق العدل والميزان

الله يعينهم ، الحرامي مرده ينصاد

مجوهرات السليمان

لاني شفت عنده مريه قالي ب 27 الف ورحت سوق الذهب لقيتها ب 19 الف

اي الاسم عدل . ليش رفع الاسعار هذا !
وشو الكذبة اليديدة عنده !
انا ذهبي مصبوب ف قوالب مو باليد ؟!!

اشتكي مثل ماتبين و ضيعي وقتج على الفاضي كون حكومتنا راضية عليه و على فعلته المشينه .. مادري ليش تذكرت سوق واقف اللي محد قادر يوقف مدير السوق عند حده .. مع احترامي لقوانين بلادي لكن اللي اشوفه شخصيا بأن القوانين ما تطبق على الكل و لا بالشكل الصحيح و المحسوبيات و الواسطات قاعده تدمر اللي انبنت في السنوات اللي فاتت..

يعني رايك اني ماشتكي ؟؟؟ والبنت اللي قدامي خذت ثنتين ب 3 الا وشو وانا ماخذه مثلها ثنتين ب 500 ؟؟

اي الخصور

حتى ف السليمان يبيعهم بغالي وفسوق الذهب اسعارهم تتراوح
انا عندي وحده يمكن 14 او 16 حبة ذهب من زماااااااان من كنت صغيره وحتى الخيط غير عن خيوط الحين
وعلى وقتها كانت رخيصه
الحين من هبو فيهم الناس زاد السعر

وصلني ان الكشك مال السليمان مو مال الخصور عموما انا ابي ارجع مرة ثانية هالاسبوع وارجع اسأله عن سعرها .

المحاميه

11-01-2015, 01:20 PM

هلا ..

قصدج شكل اللي ف هالموضوع؟

http://www.qatarshares.com/vb/showthread.php?581329-اســـاور-ذهـب-عيــار-(-21-)-للمـواليد-و-للأطفال-وللكبــار

اصلاً اشكره .. هم يفكرونا مانفهم .. ولا نفكر .. شدعوه من 5 الى ألف ؟؟؟ فكر انا مافي معلوم

:anger1:

ايه اشتكي عليهم وبهدليهم :telephone: مالهم رادع ذيله

اكسرت خاطري اللي خذتهم ب 3

حسبي الله ونعم الوكيل

دااانة قطر

11-01-2015, 01:42 PM

في كشك لقيت عنده طقم سعره مبالغ عن اللي شفته في سوق الذهب تركته ومشيت بس والله ناسيه السعر

Rosy

11-01-2015, 09:21 PM

هو الاسم من بره ( الصايغ ) لكنه بالحقيقه مجوهرات السليمان , بس غريبه عطاج اياهم ب 5 الاف انا اختي اول يوم بالمعرض سالته قالها ب 1000 ريال لان عدد حبات الذهب اكثر

CH Engineer

13-01-2015, 06:49 PM

5400 و هي ب 250 تشوفين الغلط من التاجر او حماية المستهلك او المستهلك نفسه!
يعني معقوله اخذ هالحبات الذهب الصغيره بهالسعر 5400؟ تاخذين سواره وخاتم بهالسعر وتتعشين بالشيراتون

خزامئ

14-01-2015, 10:13 PM

يمكن الولو طبيعي؟؟
الي بسوق كله لولو صناعي.

أم محمد 90

15-01-2015, 11:30 AM

أم محمد 90

15-01-2015, 11:31 AM

هو الاسم من بره ( الصايغ ) لكنه بالحقيقه مجوهرات السليمان , بس غريبه عطاج اياهم ب 5 الاف انا اختي اول يوم بالمعرض سالته قالها ب 1000 ريال لان عدد حبات الذهب اكثر

حبيبتي قال لي 5 وشوي ونزل لي السعر لين الف ريال عشان جي شكيت فيه

أم محمد 90

15-01-2015, 11:32 AM

5400 و هي ب 250 تشوفين الغلط من التاجر او حماية المستهلك او المستهلك نفسه!
يعني معقوله اخذ هالحبات الذهب الصغيره بهالسعر 5400؟ تاخذين سواره وخاتم بهالسعر وتتعشين بالشيراتون

اختي ياليت تقرين الموضوع ، انا ماشريتهم :)

أم محمد 90

15-01-2015, 11:32 AM

يمكن الولو طبيعي؟؟
الي بسوق كله لولو صناعي.

نفس الاسوارة واللون والحجم والوزن وعدد حباب الذهب ,

السحابة

15-01-2015, 01:20 PM

من وين اشتريتهم اللي ب250

حياة

16-01-2015, 02:41 PM

سوق واقف فيه اشكال والوان

النهار

16-01-2015, 03:51 PM

لبس مثل هذي الاسوره لاتجوز
لانها تمثل معتقدي ديانة الكابالا مذهب يهودي متصوف متشدد وهو مذهب اعتنقه الكثير
وعند الهندوس يعتبر يوم مقدمس بلبس مثل هذي الاسوره تسمى عندهم اسورة الاخوه

ادخلو على هذالربط

http://bafree.net/alhisn/showthread.php?t=114964

بنت المدينا

20-01-2015, 08:36 PM

استغفر الله واتوب اليه

qrt_trading

27-01-2015, 11:25 AM

أختي في واحد في المنتدى يبيعهم على 500 ريال للكبار و 375 ريال للصغار وهي عباره عن 10 حبات من الذهب وانا تعاملت معاه وكان ممتاز شوفي هذا الرابط

http://www.qatarshares.com/vb/member.php?32764-Special-man

دايموند

27-01-2015, 10:10 PM

اصلا سوق مال اول بكبرهم حراميه اسعارهم غاليه جدا تنافس الماركات اشدعوه دله ب500 و 300!!

ام امااني

26-02-2015, 08:35 AM

انا دائما اكون حذرة لما اروح المعارض لان معظم التجار انتهازيين

ابن مشيقح

26-02-2015, 01:02 PM

بااالتوفيق

نوار قطر

02-04-2015, 12:52 PM

بيقول لج اللولو طبيعي والغيص نزل قاع البحر عشان يلقط لج كمن لولوه حق هالاسواره :discuss: